عــطــونــي ويــه وإلا بــزعــل

[الجديدة]

و عليكم السلام و رحمه الله و بركاته

عزيزتي أمرين أسئلة كثيرة و كل منها يحتاج لجواب به الكثير من التساؤلات
بس بجاوب لج على هذا السؤال لانه دايم في بالي
وش يـكـون مـصـيـر الإنـسـان إذا صــار كــل شــي مــن حــوله مـالــه طعــم ولــون ؟
يكون حاله تعبان و ما له أي احساس بالدنيا
يكره الحياة و اللي حواليه لانه كله بدون طعم أو لون
يصير يشوف كل شي بشكل و لون واحد ما يميز بين الزين و الشين

هذه أجابتي و اللي احس به
و تسلمين على هذا الطرح للأسئلة

[العجيبة]

وعليكم السلام ورحمة الله وبركاته

أول شي وقبل كل شي .. الحمــدلله على نعمة السمع والبصـر والفـؤاد ( قولوها دايمـا )

أكيـد إن الانسـان اللي يتفاجأ بالعتمـة بين يوم وليلة يكون حاله مؤلم ومتعـب سواء له أو للي حوله
وأكيد محـد بيتعـب كثر ما هو بيتعـب ، لكـن هذا هو قـدره في الحيـاة ولازم يصبـر عليه ..

وعليه ألا ينسى قول الرسـول صلى الله عليه وسلم :
( يقول الله من أذهبت حبيبتيه فصبر واحتسب لم أرض له ثوابا دون الجنة )

اممم بس أنا أشوف وصـف الأخـت الجديدة وايـد مبالغ فيه ..
يعني صحيح يتعبـون ويعانـون ، لكـن مب لدرجة اليأس من الحيـاة ..
بالعكـس دايمـا نشوف المكفوفين ذوي طمـوح عـالي وما يحبـون ييلسـون بدون فائدة
يحبـون يكـون لهم دورهم في المجتمـع ، وأبـدا ما يعتبـرون إن الحياة توقفت بمجرد فقدانهم نعمة البصـر ..

وباختصــار .. فقـدان البصـر مب نهـاية العـالم ..
في هاللحـظـة يظهـر المؤمن الحقيقي ..

شكـرا أختي ع الموضوع
هذا ويهي :ice:

[شمعة أمل]

هممممم
تدرين
في هالايام .. تخسرين بصرج تقدر تكون نعمه .. خصوصا اذا كنتي ريال .. يعني تخيلي الريال كم اثم يحصل يوم يجوف شعر الحريم .. تراه موجود كل مكان .. في التلفزيون .. في المولات .. كل مكان .. على قل بهالطريقه مايحصل اثم

يدي الله يرحمه خسر بصره .. استوى اعمى .. مادري كيف بالضبط بس من زمان .. لكن الحمدالله ابدا ماشتكى .. صح ماشتغل وجي .. بس كان بعده يكتب شعر *حد يكتبله بس يعني شاعر* .. يسير البحر .. يسير البر .. صح ماقدر يقرا القران .. بس كان حافظنه كامل *ماشاءالله*.. احيد يوم كنا يهال .. كان يدي الله يرحمه يزقرنا ويخلينا نقرا القرءان .. وكان ساعات يعصب لانه نحن مانعرف التجويد..
احس يوم شي جي يستولكم .. تقدرون الاشيا الثانيه الى عندكم وماتتحسرون.. وبعد عنا تمكين .. وين يشغلون الناس الى مايجوفون.. يعني ماحس يحسون انه ناقصنهم شي في حياتهم .. من الى جفته .. يعني ماشاءالله عنا ناس اعميا يصممون مواقع .. احس اشيا يسونها روعه .. واحس يوم يخسرون بصرهم.. شخصيتهم تتغير .. يستون عظماء .. لانه يفكرون ويجفون الاشيا بطريقه ثانيه.. احس يكونون وايد ambitious عشان يثبتون نفسهم في مجتمعنا .. الله يحفظهم