آخـــر الــمــواضــيــع

صفحة 1 من 2 12 الأخيرةالأخيرة
النتائج 1 إلى 15 من 19

الموضوع: لا مهم .. لايهم .. شو الأهم؟؟!

  1. #1
    عضو ممتاز الصورة الرمزية صدى جوفي
    تاريخ التسجيل
    May 2005
    المشاركات
    1,172
    قوة التمثيل
    288

    لا مهم .. لايهم .. شو الأهم؟؟!

    السلام عليكم..

    لمجرد التخيل .. بنطاق المدينـة ، يسكنهـا عرب ومسلمـين لكن يحكمـها غريب ، ليس بعربي وقد يكون ليس بمسلم ..هالمدينــة وهــا راعيهــا ،، برايكـم شو النتـايج..؟؟
    .
    .
    .
    لنغـير الى مـوجة أخـرى أو بالأحـرى بيـئة أخـرى

    البيئـة المدرسيــة

    والتي ستحكمـهـا الادارة الأجنبيـة ضمـن مخـططـات الرقـي بالتعـلـيم الحـاليـة
    والتي ستنطـلق بوادرهـا السنـة المقبـلة كتجـربـة على - عينتين- من مدارس العـاصمـة

    اذا كـان هـذا الراعـي فمـا بـالكم بالرعيـة


    توقعــاتـكم >>

    *| عـلى أي أسـاس يتم تقييم صـلاحيـة الادارة الأجـنـبية للمـدرسة الحـكومية ..
    - تفوق الطلبـة دراسيــاً . . [ومـاذا عـن تربويـاً، أخـلاقيـاً ، دينيـاً]

    *| وهـالأجنبـي شـو مـؤهـلاتـه عسـب يكـون اداري .:kkk: .- هويته الأجنبية مثـلاً-؟

    *| ومـدراءنـا .. عـلى وين؟؟! (الظـاهـر بيتجهـون عنـدنا الى نظـام الاعـارة للدول الأجنبية )

    الحـيـنة هـالأجنـبي أحـرص من ولـد الـبـلاد عـلى أجـيال بـلاده...!.

    ما بــين قـــلبي والـحــنايا والانفـــاس

    ما بين جوفي يا صدى اليـوم والأمس

    يسكن هواك بْداخلي ضمن الاحساس

    لا لا هـــواك اتْسيّد احْواسي الـخمس



  2. #2
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: لا مهم .. لايهم .. شو الأهم؟؟!

    عن نفسي مدرستنا الى يديرونها اجانب ... عادي ..

    بس منو قال انه بيحطون اداره اجنبيين على المدارس الثانيه او بالاحرى الحكوميه!!!



    لي عوده

  3. #3
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: لا مهم .. لايهم .. شو الأهم؟؟!

    السلام عليكم ورحمة الله وبركاته

    إختييييييه صدى جوفي ....

    بصراحه اليوم بسميج صدى صوتي ...هالموضوع بالذات قاهرني

    ما ادري العرب بشكل عااام عدهم عقدة الأجنبي .... كل شيء يكون عليه الدبغه الاجنبيه مطلوب

    من لبس ...ماركات ...المهم اجنبي ... والمصيبه الكبرى إنه هالعدوى انتقلت للمدارس والله يستر

    الحين الإدارة الأجنبيه بلبلاد العربية وللمواطنات المتكدسات وينتظرن التعيينات ....مب ضد التوطين!

    عـلى أي أسـاس يتم تقييم صـلاحيـة الادارة الأجـنـبية للمـدرسة الحـكومية ..

    بالتأكيد حتى دراسيا ما بيتفوقون ...لأنه المواد الأساسيه كلها يدرسونها بالعربي ومحتاجه لمتابعه إداريه عربية مواطنه ...

    يعني هالأجنبي كيف بيحثهم على الدين ؟ وعلى أي أساس بيتم الجزاء والعقاب بالمدرسه بالنسبه للطلاب نفسهم ؟

    يعني أحس والله أعلم إنه الإدارة الأجنيه بين الطلاب المواطنين بتكون كالمثل الإماراتي القائل مثل :

    البقره إلي شايفه حريجه

    وهـالأجنبـي شـو مـؤهـلاتـه عسـب يكـون اداري . .- هويته الأجنبية مثـلاً-؟

    وشعره أصفر وعيونه زرق ويرطن انجليزي؟ خير يا طير ... صدقيني مؤهلات الإماراتي أقوى بالتدريس

    | ومـدراءنـا .. عـلى وين؟؟! (الظـاهـر بيتجهـون عنـدنا الى نظـام الاعـارة للدول الأجنبية )

    يا إما تفنينيشن أو طرديديشن أو إحاله إلى المعاشينيشن ... أو بينقلونهم للمدارس الأجنبيه لتبادل

    الخبرات وتعليم أصول الإداره العربيه بالمدارس الإماراتيه

    الحـيـنة هـالأجنـبي أحـرص من ولـد الـبـلاد عـلى أجـيال بـلاده...!.
    هالسؤال يحتاي الكل يسأله نفسه قبل ما نطبقه على الميدان !

    ولد لبلاد منا وفينا والإداره العامه بشكل عام تحتاج انسان عربي مسلم إماراتي ... يغرس فيهم قيمهم

    الإسلاميه وإنتمائهم وحبهم للوطن وتاريخهم وعاداتهم وتقاليدهم واهم من كل هذا وذاك ما بينسون

    إنهم عرب :smartass:

    إختيييه ... لا مهم ...لا يهم ...شو المهم ....بس مش مهم ....دام الاجنبي هو الأهم

  4. #4
    مـراقــب
    مـراقــبـة الواحة الـمـفـتــوحـة
    الصورة الرمزية طير الحب
    تاريخ التسجيل
    Dec 2001
    المشاركات
    2,109
    مزاجي
    Buzzed
    قوة التمثيل
    376

    رد: لا مهم .. لايهم .. شو الأهم؟؟!

    بس بضحك...


    نحنا الحين نحاول نتدراك ظاهرة (البويات) ونبا البنات يلتزمون بالحجاب...وين أيامنا ....؟

    شو بتكون المدرسة بإدارة أجنبية بيشددون على التعليم وبينسون التربية...وبتصير وزارة تعليم بلا تربية...

    عيل الأجنبي شو بيعرفه بعاداتنا...؟؟؟
    الحمدلله ربي

  5. #5
    مـراقـبـة واحة التصاميم و الفنون التشكيليه الصورة الرمزية طير الغرام
    تاريخ التسجيل
    Jun 2002
    المشاركات
    7,537
    مزاجي
    Fine
    قوة التمثيل
    643

    رد: لا مهم .. لايهم .. شو الأهم؟؟!



    الصراحه موضوع مهم للنقاش

    .
    .

    وبختصر أسئلتج كلها في هالجمله >>

    نظرة (( معظم )) العرب للغرب بأنهم يفوقوننا قدرات (( عملاً وعلماً ))

    والسموحه منج ^_^











  6. #6
    عضو ممتاز الصورة الرمزية صدى جوفي
    تاريخ التسجيل
    May 2005
    المشاركات
    1,172
    قوة التمثيل
    288

    رد: لا مهم .. لايهم .. شو الأهم؟؟!

    شمعـة أمل .. الخبر منتشر بين الأوساط المدرسيـة .. وحــاولت أدور عالخبر من النت عسب أوثق المعلومـة بس ما حصلت،،
    ودامـج تدرسين بمدرسـة تديرهـا الادارة الأجنبيـة .. أكــيد واجهـتج ايجـابيات وسلبيــات ،، فلـو حــابــة أذكــريهــا لنــا

    حـلم الطـفولة .. مــا عليج زود أختي ،، اللي صـدق يقـهـر - العينـة التجريبيـة - يعني يـا فلان - أقصد يا بيرسون - دير هـالمدرسـة وبنشـوف اذا تفلـح مدير أو لا ،، يعني بالعقل كيــف بيــكون شغـله يعني :nono: ،، اذا مو فوق الممتــاز.. بس خله يستقــر ،، ونشوف العجب والعجــاب بعـدين..!!

    طـير الحب .. شر البلـيـة ما يضـحك ،، يــامى افتخــرنا بشعــار [وزارة التربية والتعــليم] واحنــة نقدم التربيــة ع التعــليم .. لكــن شو من التــربية بنحـصـد اذا الاجنـبي ورا التعـليـم .. اللــه المستعــان

  7. #7
    أحسن عضو الصورة الرمزية أمرين
    تاريخ التسجيل
    Feb 2005
    المشاركات
    1,595
    قوة التمثيل
    312

    رد: لا مهم .. لايهم .. شو الأهم؟؟!

    صــج قــهــر ..

    :

    :

    بــس


    مــا باليـــد حيـــله ...


    تسلمين الغالية عالمووضووع ...
    .
    .

    [grade="00BFFF 4169E1 0000FF"]مـا معاكمـ خبر زيـن يا رسـول السلامـه .. بسئلك عن البحرين كيف أهل المنامـه عادهم يذكرونـي ؟؟!! [/grade]

  8. #8
    عضوية الماجستير الصورة الرمزية لمّــاح
    تاريخ التسجيل
    Jan 2003
    المشاركات
    2,688
    قوة التمثيل
    392

    رد: لا مهم .. لايهم .. شو الأهم؟؟!

    مرحبا ..

    الكلام هذا كان من زمان .. !

    و كان عباره عن تهديد للمدراء بحيث انهم طلبو منهم كذا شرط عشان يكملون في سلك التدريس مثل شرط التوفل لمدرا المدارس و شرط شهادة ال ICDL للمدرسين ..
    وقالولهم عندكم مهلة لين التاريخ الفلاني ( اضني عطوهم سنة و شويه ) و عقب هالفترة الي مايستوفي الشروط بنشله و بنحط اجنبي مكانه ..
    ف الحين انتو و شطارتكم، يا تواكبون عصر التطور ولا انكم تيلسون و اييكم امر التفنيش ..

    السبب ؟؟

    مدراء مدارس ماعندهم غير شهادة دبلوم .. مايعرفون انجليزي، و مايعرفون يستخدمون الكمبيوتر بشكل صحيح يعني بس يعرفون الاساسيات .. بصراحه انا اذا كنت مكان المسؤولين لازم بهتم و بدور مصلحة الطلاب وين لانهم هم اساس المستقبل .. !
    محد ينكر ان الاجانب كريهين و يسوون مشاكل لكن هذا كان مجرد تنبيه للمواطنين عشان يخافون على مصلحتهم و اييبون الشهادات المطلوبة ..
    و ما اتوقع اييبون الاجانب الا في حالة وحده اذا كانو المواطنين مستهترين .. ولاتنسون الدكتور حنيف ترا هو خريج المعهد الديني في دبي و انسان ملتزم و انعرفه معرفه شخصية و الكل يشهد على انه كفء ..

    و انا شخصياً شفت بعض المدرسين في المدارس الحكومية يقدمون على امتحانات ال ICDL عشان يستوفون الشروط و كل شي ..

  9. #9
    بروفيسور متميز الصورة الرمزية عفاريتووو
    تاريخ التسجيل
    Jun 2003
    المشاركات
    3,799
    مزاجي
    Fine
    قوة التمثيل
    443

    رد: لا مهم .. لايهم .. شو الأهم؟؟!

    السلام عليكم

    اذا صدق يبغون يرتقون بالعلم يغيرون المنهج مب الادارة
    واكبر دليل ان الادراة الاجنبية ما بتنفع هي الجامعات و اللي يصير فيها
    لكن بعد يبقون الطلاب في هــ المرحلة اكبر و اوعى

    كيف اذا بيطبقونه عــ المدارس !! ما قول الا الله يستر

  10. #10
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: لا مهم .. لايهم .. شو الأهم؟؟!

    تخيلو انتو بس .. الرد الى تحت كاتبتنه انا الساعه 10 الصبح ..ويوم بغيت اطرشه ولا النت يقطع عنا ومايطيع يسوي ري كونكت .. اهم شي سيفت ردي


    المهم

    .
    .
    .

    انتو منو قاص عليكم؟؟ هالخبـــــــــــــر 100% مب صحيح!!
    ليش تتحرون يالسين يثقفون مدرستنا *انا بس برمس عن مدارس حكوميه* .. المهم ليش الحينه يالسين يثقفونهم؟ يجبرونهم يحصلون على شهادة الicdl ... ليش بيطرشون كم من معلم ياخذون كورسات في اللغه الانجليزيه خارج البلاد .. ليش يسون مؤتمرات للمدرسين واجتماعات؟؟.. وشي بيعلنونه قريب بخصوص المواطنات الى يبون يكونون مدرسات بيثبتلكم انه هالخبر*استبدال الاداره بحد اجنبي* غلـــــــــــط < ماعرف عن الامارات كلها بس هذا بخصوص دبي

    انتو يمكن متلخبطين بالخبر يوم يقولون بيدخلون انجليزي اكثر في دراستكم ... الى يشتكي من هالشي بيكون غبي بمعنى الكلمه .. تدرون ليش؟؟؟ بقولكم ليش
    الحينه الى انتو تدرسونه كله بالعربي ... وعقب ادشون جامعه وكل شي بالانجليزي ... شو فايدة الى درستوه عيل؟؟ وبعدين لازم تخسرون كم من سنه من حياتكم في فاونديشن عشان تتعلمون انجليزي
    هم الى يحاولون يسونه يدخلون انجليزي في حياتكم .. يبون يفهمونكم هاللغه .. مب عشان يظنون انها اقوى من العربي.. لكن لانها اللغه الى تستخدم عالميا وبهالطريقه انتو بترومون تتفاهمون ويا ناس من الغرب.. في الاخير كل هذا لصالحكم ولصالح الوطن ^_^ صح صح وبعد يقولون يبون يوم الوحده تتخرج من مدرسه حكوميه يكون عندها التوفل والicdl < حلوو .. والله كله لمصلحتكم ..وايد بيدلعونكم قولو الحمدالله! .. يمكن يكون صعب لانه مب متعودين .. لكن احسن يعودونكم يوم انتو صغار ولا يصدمونكم يوم انتو في الجامعه

    وهذا راييي




    واذا انا كنت مخرفه واعرف اني مب مخرفه ومابيستبدلون الاداره باجانب .. بخبركم كيف الحياه ويا اداره اجنبيه
    عنا نحن ادارتنا الله يسلمكم كلهم من بريطانيا..
    الشي الى حلو فيهم والشي الى في نفس الوقت اكرهه فيهم .. وايد يبالغون بسالفة البنت ... يعني بقولكم كيف ... لو نبا نسير رحله نتغدا في مطعم *للعلم ماعنا رحلات رفاهيه كلهم educational بس ساعات اذا كنا وايد شطار يطلعونا* المهم .. اذا بغينا نروح مطعم للغدا ... الف وخمسميه وخمس وخمسين سبب ليش هالشي صعب .. لانه نحن بنات وممنوع ريال يخدمنا *يعني ممنوع الwaiter يكون ريال* brgll: ف اذا نبا مطعم ... لازم المطعم يبندون عشانا ولازم الى يخدمونا يكونون حريم:hist:

    ثاني شي
    نحن مدرستنا السياير ادش داخل وتشل البنت ... بس قبله شي نفس باب صغير وين الشرطه يوديكم برع عند الباركينغ .. نحن مايخلونا نطلع برع المدرسه بدون جواز:harhar1: خخخخخخخخ ماقصد جواز جواز .. لالالالا عنا نس بطاقه .. لازم الاهل يكتبون رساله للمدرسه يقولون انا اوافق انه بنتي تطلع برع *يعني اركب السياره برع من عند الباركينغ مب من داخل ترا ياخذ سنه لين ما السياره اتدش لانه كل بنت في المدرسه تسير في السياره ماشي باصات* واذا انتي في 11 وتحت لازم بشكاره اطلعج برع مايستوي تطلعين بروحج .. بس اذا انتي في 12 ولا 13 عادي مب لازم بشكاره .. بس مستحيل يطلعونج برع لو ماعندج هالجواز *جي شي مربع elaminated عليه اسمج وصفج وموقع من المديره وstampped خخخخخخخ*
    بس المصييييييييييييييييييبه يوم تيييبييين بشكاره وخليتيها تشل الشنطه ... ياربيييييييي .. بيسولج سالفه عووووووده وبيكالونج *للعلم اني اشتكيت عن هالشي عند المديره والمديره معايه قالتلي شو يخصهم الابلوات في بشاكيركم .. جان ترمس الابلوات .. وحليلها مديرتنا انقهرت واعترفت بنفسها وقالت" اذا انا في مكانكم بتوقع من بشكارتي تشل شنطتي نفس يوم ارد البيت من السوق اتوقع من بشكارتي تشل الاكياس من الشنطه":kcl: *

    واذا مثلا نسير رحلات .. مايخلون نيب لا تليفونات ولا كيمرات .. مادري ليش؟؟ بس عادي تليفون المدرسه وكيمرة المدرسه .. عبط .. احيد يوم سرنا الجامعه الامريكيه كل البنات من المدارس الثانيه شالين موبايلاتهم وكيمراتهم الا نحن:no0:

    كله ولا امتحاناتناااااااا ... انا بصراحه انقهر يوم حد يقولي نحن دلوعات وامتحاناتنا ولا شي .. وانه ماشي اصعب من الثانويه العامه ... صدق محد يعرف الصعب الا يوم ايي ويدرس عندنا..
    نحن من 1-9 الامتحانات المدرسه تكتبهم بس من 10-13 الامتحانات يبونها من لندن *امتحانات تتوزع عالميا* .. انا بسكت عن اوقات الامتحانات العالميه نفس امتحانات يوم العيد ويوم الجمعه.. لكن امتحانات مدرستنا مال اخر السنه تدرون كيف؟؟؟؟ يمتحنونا كل الامتحانات في 3 ايام بـــــــــــــــس ... صعب؟ طبعا! .. يعطونا 3 امتحانات في يوم واحد .. ومب اي كلام ... ونحن صغار يعني من عمارنا 11 وجي .. تخيلو الصدمه انتو بس .. لكن لا هالشي عادي .. اذا اشتكينا عند الاداره يحتشرون اونه ليش نشتكي البنات الى قبلنا سووها يعني نحن نروم:narr: ف فالاخير علامتنا بصراحه مب لهناك تكون


    الإداره عندنا وايد متشدده بصراحه ووايد واااااااااااااااااااااااا اااااااايد يخافون .. يعني مثلا وحده في مدرستنا ماكانت متحجبه ولا شي .. ربيعتها حطت صورتها في فلكر .. البنت سوت سالفه .. هي كان عادي عندها في البدايه بس يوم سمعت من ربيعاتها اووه انتي صورتج في فلكر ومسوين سالفه هي بعدين سوت سالفه انه اونه مب عادي عندها ... وبعدين المدرسه منعت كيمرات منع ابدييي *يعني صدق مايخصه في المدرسه ليش يمنعون كيمرات* .. من قبل اذا نبا نيب كيمرا بس نقول للمس بنيب كيمره .. بس الحينه .. لازم نطلب اذن من المديره! وهي لازم تعطينا ورقه نعلقها على كيمرتنا:kkk:



    في اشيا وايد سخيفه تستوي ... يعني هم مايفهمونا عدل .. وساعات مثلا الابلوات يقولونا اشيا نحن وايد نحط في خاطرنا ونحس انهم offensive وايد .. بس يوم نشتكي .. المديره تحس انه عادي .. بس نحن هالشي يعتبر عنا مب عادي ... مثلا ... نحن بكل صدق وحقيقه بطرانات .. انا عادي بعترف انا صدق صدق بطراااااااااااانه ودلوعه .. لكن هذي انا .. ونحن جي .. هاي حياتنا .. ليش الابلوات مايفهمون هالشي؟؟؟؟ ... يعني مره قالتلنا المس ندش المطبخ نييب هاللي يفتح القوطي ونرسمه .. وتمت تطنز علينا اكيد ولا وحده فيكم داشه مطبخ بيتها في حياتها .. ماعرف كيف بتعيشون الحياه .. لازم ماتمون جي عايشين في عالم خيالي .. لازم تنشون وتعيشون في الحقيقه ... واحيد مره كنت وايد متضايجه ف امي خذتني لندن ل 3 ايام ... ابلتي سبتني!!!:puppyeyes: اني انا خقاقه وبطرانه وماستاهل شي .. وين تبااااااااااااا .. لازم انا اعيش in the real world < بالله عليكم اي حقيقه اي خرابيط .. هاي حياتنا!!!! وهاي حياتي!! اذا انا ابا اسافر الويك اند كيفي شخصها >_<
    يعني صدق صدق صدق
    اخس شي يوم المدرسات والاداره اجنبيات ... واااااااااااايد يجرحون ويدخلون في اشيا مول مايخصهم!!!!!! ... لكن ككل هم وايد اوكيه ووايد شديدين .. يعني نحن ويا الابلوات العربيات ولا شي بسرعه ينقص عليهم .. من الحينه واقولكم العربي ولا مره حفظت شي يوم قالتلنا احفظو وبس مره طول السنه سويت الواجب .. وعادي ... بس الابلوات الانجليزيات شديدات وايد:smartass:

    لهم ايجابيات ولهم سلبيات نفس اي اداره ثانيه ... لكن ككل وايد اوكيه بصراحه ^_^



    اظني اول مره اتفلسف بهالطريقه .. كنت ناشه ومستانسه لانه راسي ماكان يعورني

  11. #11
    عضو ممتاز الصورة الرمزية صدى جوفي
    تاريخ التسجيل
    May 2005
    المشاركات
    1,172
    قوة التمثيل
    288

    رد: لا مهم .. لايهم .. شو الأهم؟؟!

    طير الـغـرام .. صدقــت ومــا عليج زود

    أمــرين .. اللــه المستـعـان

    لمــاح .. شهــادة التـوفل والـICDL مــجرد كمــاليــات مب أولــويــات لأنهــا مــا تقـيـم مســتوى
    الاداري ،، واذا في أمــر بينــزل من الوزارة أكــيد المدرا بيتقـيدون بــه بدون تهـديد .. واللي عرفته أنــه صــار استفتــاء بين الاداريين عسب هالســالفــة بس الأغلــبية رفضوا تعيين الادارة الأجنبية بالمدارس الحكوميـة.

  12. #12
    عضو ممتاز الصورة الرمزية صدى جوفي
    تاريخ التسجيل
    May 2005
    المشاركات
    1,172
    قوة التمثيل
    288

    رد: لا مهم .. لايهم .. شو الأهم؟؟!

    الخــبر:اتفاقية شراكة بين مؤسسات التعليم الخاص والنوعي بمنطقة ابوظبي التعليمية

    مجلس ابوظبي التعليم يعد لمشروع شراكة بين مؤسسات التعليم الخاص والحكومي وقد اختير أربع مؤسسات تعليمية عالمية ليكونوا شركاء للمدارس الحكومية في هذا المشروع بعد أن وقع عليها الاختيار من بين سبع مؤسسات تقدمت بعروضها للمجلس لإدارة 30 مدرسة حكومية في مناطق ابوظبي والعين والغربية

    وأضاف معاليه أن الاستعدادات اللازمة لتنفيذ المشروع والذي سينطلق في شهر سبتمبر أيلول المقبل قد بات بالفعل في المدارس الثلاثين المختارة في كل من ابوظبي والعين والمنطقة الغربية والتي تمثل مراحل رياض الأطفال والابتدائي من الصف الأول وحتى الخامس, وان تلك المؤسسات ستقوم بتزويد المدارس المعنية ببعض الكوادر المتخصصة مثل منسق للمناهج واختصاصين في التدريب وسيكون هناك جهاز رقابي من قبل المجلس للتقييم والمتابعة والتأكد من تطبيق جميع المعايير المطلوبة ورفع تقارير دورية للمجلس.

    وحول المناهج التي سيتم تدريسها في مدارس الشراكة قال: سيدرس الطلبة مواد اللغة الانجليزية والعلوم والرياضيات باللغة الانجليزية بصورة تدريجية حيث تم اختيار مؤسسة عالمية متخصصة لإعداد تلك المناهج بما يكسب الطلبة مهارات وخبرات تعليمية محددة فضلا عن مواد اللغة العربية والتربية الإسلامية والتربية الوطنية حسب مناهج الوزارة.

    خبرآخر فرش بتاريخ 10-6-2006: التربية تتجه لكسر قاعدة توطين إدارات المدارس الحكومية


    *| اتجــاهــات لتطوير التعــليم ليواكب المعــايير الــعالميــة لــكن هــل سيــحــافظ على الهــويــة الوطنــية العــربيــة،،

    *| لــيش الاعتــمــاد على المؤسســات الأجــنبــية بــدلاً من تــطــوير الـكــوادر الوطنيــة ؟؟؟

    *| ليش اطغــاء اللغــة الانجــليزية عــلى اللغــة الــعربيــة فالمــواد المدرسية ،، لو في امكانية أن مـــادتي اللغة العربيــة والتربيــة الاســلاميــة تــدرس بالانــجليزي .. كــانوا ما تــرددوا أنهم يوحــدون اللغــة الدخــيلــة على منــاهجنـــــا..
    التعديل الأخير تم بواسطة صدى جوفي ; 11-06-06 || الساعة 01:41 AM

  13. #13
    عضوية الماجستير الصورة الرمزية لمّــاح
    تاريخ التسجيل
    Jan 2003
    المشاركات
    2,688
    قوة التمثيل
    392

    رد: لا مهم .. لايهم .. شو الأهم؟؟!

    السلام عليكم ..

    انا قريت المقالة الثانيه و الي هي عن كسر قاعدة التوطين ..
    اذا قريتي المقالة كاملة و قريتي الردود الي تحت المقاله بتفهمين السالفه عدل ..

    هم حطو شروط للإداريين .. و الي يستوفي الشروط بيكون إداري و الي مابيستوفي الشروط مابيخلونه ..
    و طبعا هناك إداريين يمكن مايطورون من مهاراتهم بالاضافة الى الاستقالات و المتقاعدين و الحالات المرضية (( يعني نفس كل سنه )) .. ف هالاعداد الي بتطلع كلها بتسبب نقص و عجز في عدد افراد الإدارة ..
    الحين امامهم حلين ..
    الحل الاول انهم يستثنون بعض الاشخاص الي ماعندهم خبرة و مؤهلات قوية عشان يديرون هالمدارس ..
    أو انهم يكسرون قاعدة التوطين و يوضفون ناس ذوي خبره و مؤهلات إدارية .. ؟؟

    العقل يقول الحل الثاني هو الصحيح .. انا مب مستعد ادخل ولدي المدرسة الفلانيه لأن المدير فيها مواطن و بالمقابل مايحصل خدمة تعليمية صحيحه 100% ..

    اختيه .. نحن التعليم عندنا في الامارات تعبان جداً !!
    و مانقدر نحكم على القرار من الحين .. خلينا نشوف نتايج هالقرار و عقب ..

    و الشي الي مريحني هو ان الدكتور حنيف انسان ملتزم دينياً و خلوق جدا و يخاف على مصلحة بلاده و اولاده الطلبه و صدقيني مابيخيب الظن :)

  14. #14
    عضو ممتاز الصورة الرمزية صدى جوفي
    تاريخ التسجيل
    May 2005
    المشاركات
    1,172
    قوة التمثيل
    288

    رد: لا مهم .. لايهم .. شو الأهم؟؟!

    وعليكــم الـسلام

    عــفــاريتــوو.. الــتطــوير يتم عــن طريق تعــديل المنــاهــج وتــطويرهــا من نــاحيــة النــظريات العلميــة الحــديثــة ..

    شـمعـة أمل .. معــاج حق بالتـنـاقض بين 12 سنـة منهـاج عــربي وتلــيهــا الجــامعــة انــجليزي × انجليزي،، هــذي بروحهــا مشــكلــة لكــن مــا تنحــل باستــبدال العربي بالانجليزي لأنــه في حلول أفــضل وأحــسن تـحــافظ على هــويتنــا العــربية وتقــوي مستــوى اللــغة الانجــليزية عند طلابنا..


    بأقــولج عــن تـجــربتي بــمدرســة نــظــامهــا بريطــاني واللي تــدربت فيهــا لمــدة شهــرين،، مــديرة المــدرســة الــصراحة ما قــصرت بنــا - قــالت عنـّـا witches عند مستنــا-استرالية- عسب العبــي اللي لابسينــهــا؟؟ :kkk: مب جنهــا تــكد من ورا الـســاحرات وفبــلادهن..

    شفنــا سعــوديــات - مراهقــات- الوقــايــة ع الجتف والفتــحـة لين وين والــمدرسة مكــس ،، - طبعــاً هذي حــرية شخصيــة عند الغــرب بس عــندنا حــرام- .. أحــيد مرة بعد كــان عــندهم فــعاليــات خــيريــة جي وعــطو اليهــال يــانصيب يبــيعــونــه:no0: ..

    وفالصف الــرابع كــانوا اليــهــال متعــلمين غنيــة جي يغــايضون فــلان وفــلانــة وبوجود المعلمــة .. مــا يحضــرني النــص بس اتذكر جي يــكون under the tree k i s s i n g ××× & ××× ،،

    هـــــا من واقــع تــجربتي الشخــصيــة كـمدرســة فمــدرسة أجــنبيــة - مــا أقولج لا.. كــان عــندهم اثــراء للغــة والأدب الانجــليزية، التــعليم والنشــاطات راقــيــة ،، لــكن الــتربيــة مستــواهــا جــداً ضــعيف .. ولــو ع تطــوير التعــليم،، مثل ما قالت عفــاريتوو بامكــان التــربيــة تغــير من المنــاهج وتــثري من ثقــافــة الطــالب ويستــخدمون الطــرق الحــديثــة تعليميــاً وتقنــيــاً بدال لا يستــبدلون الكــادر المــواطــن بالغــربي اللي يمــكن تــطور من نـــاحية لــكن يفــتــح ثغــرات من نــــاحيــة ثــانية؟؟

  15. #15
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: لا مهم .. لايهم .. شو الأهم؟؟!

    الى اعرفه والى قالولي اياه

    انه بيدربون الابلوات يشرحون بلغتين .. بالعربي وبالانجليزي .. عشان في المستقبل المدارس الحكوميه تكون من احسن المدارس ...
    مثلا
    اذا انتي ابلة احيا .. تشرحين الدرس بالعربي .. لكن.. تسألين الطالب يشرح الى انتي قلتيه بالانجليزي .. بهالطريقه بيقوي مب بس اللغه الانجليزيه لكن العربيه بعد .. عشان يالس يترجم من لغه للغه ..


    انتو تتحرون هم مايهتمون في اللغه العربيه ... لكن العكس صحيح .. هم وايد يهتمون في العربي .. لكن في مواد ماله داعي تكون بالعربي .. لانه في المستقبل يوم الطالب بيتخرج كل الى درسه مابيفيده لو مايقدر يترجمه بالانجليزي..


    ومحد قاااااال انه بيستبدلون المواطن بواحد اجنبي .. هم يبون مواطنين يدرسون الطلاب ويشجعون هالشي .. بس يبون مواطنين مثقفين يبون يتعلمون ويجتهدون .. ولا كيف المعلم يبا يكون قدوه للطالب لو هو من نفسه ماعنده ambition


    ادخلو هالموقع .. وبتعرفون انا شو يالسه اقول .. لكن هالموقع بخصوص دبي فقط

    http://www.dec.gov.ae/arabic/default.htm


    كنت بحط الموقع في قسم الجامعات اول ما ابويه راواني اياه ..

    هالموقع مسوينه لكم .. انتو الناس .. عشان تشتكون وتعطون ارائكم لهم .. عشان يعرفون انتو شو رايكم وشو تحسون .. وشو الى لازم يتغير


    "ابتعث مجلس دبي للتعليم وفداً يضم ستة من مدراء ومديرات لمدارس في دبي للمشاركة في دورة القيادات التعليمية التي انعقدت في الممكلة المتحدة من 7 إلى 12 مايو والتي شاركت بها قيادات تربوية على مستوى العالم. فعملية تطوير القيادات لا ينظر إلأيها على مستوى محلي فحسب بل يجب تعدي ذلك للاستفادة من التجارب والخبرات العالمية العريقة التي قطعت شوط طويل في هذا المجال. ويأتي ذلك بعد إعلان مجلس دبي للتعليم عن إطلاق سلسلة من الدورات التدريبية المخصصة لمديري المدارس، وذلك في إطار إستراتيجيته الرامية إلى تطوير قطاع التعليم بجميع مستوياته في إمارة دبي وبالتالي تطوير كامل المنظومة التعليمية في دبي لتطابق أرقى المعايير العالمية. "






    " في إطار استراتيجيتها الرامية إلى استحداث وتفعيل أفضل المعايير العالمية في مجال التعليم المدرسي في دبي، أعلنت مبادرة "“مدارس دبي”" إحدى المبادرات التابعة لمجلس دبي للتعليم، عن توقيع اتفاقية شراكة جديدة مع مؤسسة مدارس وجامعات New England الأمريكية NEASC وذلك بعيد توقيعها شراكة مع المجلس العالمي للمدارس (CIS) البريطانية.
    .........................................
    وبهذا الشأن صرح السيد أحمد بن بيات، رئيس مجلس دبي للتعليم " تمثل الاتفاقية خطوة هامة لتعزيز مستوى أداء كافة المؤسسات التعليمية التابعة لمبادرة “مدارس دبي”، حيث تشمل الاتفاقية تفعيل التعاون بين الطرفين من خلال إدراج المدارس التابعة للمبادرة ضمن برنامج المراجعة السنوية للمجلس العالمي."
    وأضاف " يعمل المجلس على تنمية مسيرة التعليم والإهتمام بمخرجاته من خلال عمليات الاعتماد، بالإضافة لتقديمه سلسلة واسعة من الخدمات التعليمية المتكاملة لتأكيد التزام تلك المدارس بأفضل المعايير الدولية من حيث المستوى العلمي وأساليب التعليم وتطوير الامتحانات بالإضافة إلى جميع التسهيلات والخدمات التعليمية المختلفة المقدمة من خلالها".






    وايد مهتمين في المدارس الحكوميه .. ياليت هالمدارس تقدر هالاهتمام .. احيد يوم كنت ارمس وحده عن هالسالفه كانت تشتغل وياي في الصيف تمت تحتشر لانه صعب الانجليزي .. انقهرت .. اذا هذا بيكون سبب كلحد شو الفايده لو اصلن الطلاب بنفسهم مايبون يجتهدون؟؟
    احس صدق الى يالسين يسونه الحينه شيييييييييي .. صدق روعه .. ويبين انه المدارس الحكوميه بتكون فنانه في المستقبل .. بس لازم انتو الى تدرسون ولا تشتغلون في هالمدارس توقفون ويا الحكومه شوي ولاتكونون ضدهم ولا تعاندونهم .. الى يسونه بس لمصلحتكم انتو .. يالسين يخسرون ملايين عشانكم..

    والسموحه
    ^_^



    والغنيه الى انتي قلتيه ... مب من الابلوات .. اليهال تعلموه من التلفزيون

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •