طلبات ضرورية جداً ..

[لمّــاح]

مرحبا اختي شمعة امل ..

بخصوص الكتاب .. بشوفه و اذا حلو بشتريه ..

اسمه: the art of looking sideways ؟؟

و بحصله في المجرودي ؟

[مايهزك ريح]

د.ابراهيم الفقي عنده كمن كتاب ومره يابوه دبي يحاضر للحكومه الإلكترونيه ..
وانا حظرت له كمن محاضره .. :daleel:
وهذا الرابط فيه معلومات عن الكتب .. ان شاء الله يفيدك ..
شي بالعربي وبالإنجليزي وبالفرنسي .. :smartass:

http://www.ibrahimelfiky.com/products_arabic.html

[شمعة أمل]

مادري والله اذا بتحصله هناك

بطرشلها مسج وبسألها من وين اشترته

[شمعة أمل]

قالتلي اشترته من فيرجن في مول الامارات..

[لمّــاح]

السلام عليكم ..

شمعة امل .. هذا تسمينه كتاب ؟؟ انا اول ماشفته جيه استوت عيني :puppyeyes:

قلت في خاطري يبأ أبلني اذا قريت كتاب مثل هذا :harhar1:

اتصفحته في المكتبه .. احسبه حلو لكن فيه اشيا غريبه مادري كيف يعني مايخصها في الي انا ابغيه .. و اشيا عن الآرت ...الخ

و عن الكتيبات الصغيره باخذ منهن ولا ايهمج و الكتاب حصلته في المجرودي ..
عموماً مشكوره وايد، تعبتج ويايه :kcl:

مايهزك ريح ..

هيه عرفته و يحطونه مادري في اي قناة و عنده كتب و اشرطه في المجرودي .. بدور عدل في القسم ماله يمكن احصل اشيا اتفيدني :)

مشكور ياخويه تعبتك ويايه :kcl:

[طفلة من هذا الزمان]

لمـــــــاح .. أنا ييـــت .. متأخرة.. بس ييـــت ..:ice:

و أصلا أصلا انته مسافـــر اظني هالفترة يعني ما تفرق ،، :kkk:

البحث العلمي .. أنا فاشلــة فيه عشان جي ما بجاوب ع هالسؤال ،،

الاستشارات اللغويـــة .. ماظني تبا مكــان في راس الخيمــة .. بس لو مصــر .. ممكن اعطيك الأماكن /اسمــاءهن و ارقامهن ........ فالك طيب
بس كتقويــة ذاتيــة .. مافي وصفــة تنفع كثــر لقرايــــة .. مب لازم تكــون تعرف شي في النحــو .. بالقراءة المستمرة بيتكون عندك حس لغوي غامض و بتعرف تختار مفــرداتك بدقــة و سهولــة ..

السؤال رقم 3 .. شايفة وايد من هالكتب لكن مافكرت اشتريها في يوم .. حتى اتيك عناوينها صريحــة .. كيف تكتب ورقة بحث أو ما شابــه ..
عن طريقـتة الرفرنسس .. في أكثر عن ستايل .. وعندي مواد تشرحلك كل ستايل بس صعبه اكتبها اهني .. الفاكس احسن يمكن :kkk:

الكوتس اللي تباهم .. عندي هوايــة ايمعهم .. لو في موضوع معين مـركز عليه خبرني .. ممكن يكون عندي شي يفيــدك .. اذروايز .. هذي كتب فيها كوتس .. بس بالعربي ماعرف اذا بتفيدك و لا .....

- أيقــظ قــواك الخفيــة للكاتب انتوني روبنز :: إذا دورت كتابــه الثاني اعتقد بعد فيه نفس الشي ،،
- عقــل مثل المــــاء للكاتب جيم بالارد
- رؤيتـــــي للشيخ محمد بن راشد
- العادات السبع للقادة الإداريين لستيفن كــوفي ..

أتمنى فدتك بشي ،، و مرة ثانية لا تسأل اسئلــة صعبة

[لمّــاح]

ردينا لهالموضوع ..

الاخت طفلة من هذا الزمان ..

لمـــــــاح .. أنا ييـــت .. متأخرة.. بس ييـــت ..

و أصلا أصلا انته مسافـــر اظني هالفترة يعني ما تفرق ،،

حـــياج الله فـي أي وقت .. :harhar1:

البحث العلمي .. أنا فاشلــة فيه عشان جي ما بجاوب ع هالسؤال ،،

بخصوص هالكتاب انا حصلته و بييبولي اياه ان شاءالله ..

الاستشارات اللغويـــة .. ماظني تبا مكــان في راس الخيمــة .. بس لو مصــر .. ممكن اعطيك الأماكن /اسمــاءهن و ارقامهن ........ فالك طيب
بس كتقويــة ذاتيــة .. مافي وصفــة تنفع كثــر لقرايــــة .. مب لازم تكــون تعرف شي في النحــو .. بالقراءة المستمرة بيتكون عندك حس لغوي غامض و بتعرف تختار مفــرداتك بدقــة و سهولــة ..

انا الي قصدته مراجعة لغوية ... همم بس في مصر هذا يعني اذا في عندي شي لازم اوديلهم اياه لين مصر شخصياً عشان يراجعونه ولا في طريقة ثانيه ؟؟

وبخصوص التقوية الذاتيه .. شكراً على النصيحة و ان شاءالله بنمشي عليها ..

3 .. شايفة وايد من هالكتب لكن مافكرت اشتريها في يوم .. حتى اتيك عناوينها صريحــة .. كيف تكتب ورقة بحث أو ما شابــه ..
عن طريقـتة الرفرنسس .. في أكثر عن ستايل .. وعندي مواد تشرحلك كل ستايل بس صعبه اكتبها اهني .. الفاكس احسن يمكن

هممم، شكلي بحتاجهم ..
ان شاءالله برد عليج خبر

الكوتس اللي تباهم .. عندي هوايــة ايمعهم .. لو في موضوع معين مـركز عليه خبرني .. ممكن يكون عندي شي يفيــدك

ان شاءالله بخبرج .. بس عطيني وقت شويه عشان تترتب الامور و بطرش رسالة فيها كل المعلومات ..

.. هذي كتب فيها كوتس .. بس بالعربي ماعرف اذا بتفيدك و لا .....

عز الطلب .. انا الكتب الي ادورها بالعربي ابغيها و مب محصل شي مفيد يمكن لأني مادورت عدل ..

هالكتب ان شاءالله بدورها في المجرودي ..

أتمنى فدتك بشي ،، و مرة ثانية لا تسأل اسئلــة صعبة

لالا فدتيني اختيه ... و ان شاءالله ما بسأل اسئلة صعبه مره ثانيه brgll: بس شكلي بتعبج واااايد بالطلبات ( الكووتس و عن الرفرنس و هالسوالف ... شكلج بتتعبين ويايه )
ف السموحه منج مقدماً و اتحمليني طشونه .. :kcl:

[طفلة من هذا الزمان]

وهذي عــــودة،،

مصــــــــر = مصمم يعني .. بعطيك أماكن في راك "راس الخيمــة " طويل العمـــر .. مصر شو بيوديك عشان كتب .. مع إنها فكـــــرة حلوة تصدق :kkk: ..

اسويبك مقلب و أوديك مصر و أرجعك بخفي حنين

و هني أجدد دعــوتي ياخوي ..
صدق مووول لا تتردد في أي أسئلـة أو شي اقدر افيدك فيــه ..
بانتظــــارك

طفلــــــة
:ice:

[شمعة أمل]

ااكتشفت انه يبيعون هالكتب الصغار مال كووتس في محطة امارات مال بترول ..