شو هالكمبيوتر الأرف !

[ألم ترى]

بسم الله الرحمن الرحيم
بغيت اسآل الحل اذا حد منكم يعرف الجواب !
وانا اتصفح الواحات كل شوي تطلع لي صفحه مكتوب عليها
الموقع محظور !
:puppyeyes:
مع العلم اني ادش مواقع ممنوعه مثل مواقع الأعدامات
فما ادري شو اسوي لجل احل هالمشكله !
ممكن حد يمد لي يد العون مد الله عماركم ف كل خير

[تنينه]

حــتـى أنا ساعات تـظهر لي هالصفحه ,, مـع أني بـس أكون داخله المسن والمنتدى ومرات موقع ال msn ,,

:$

[حزينة الشحوح]

حتــــــــــــــــــى انا يوم أدش الــــــواحـــــــــــات تظــهر لي هاي الصــفــحـــــة ..



الـــ,,,ــمـــوحـــة منكم ..

[خيال الحب]

التول بار فووق عند المتصفح شو من المواقع فيه..

google..yahoo..

ولا ماشــي؟؟

[تنينه]

هييييييه أنا عندي الجوجل

[ألم ترى]

بسم الله الرحمن الرحيم ..

انا ماشيء ! ..

جي شو السالفه خيالكو ؟ ..

[بن دبي]

السلام

اخوي وقف خاصية استقبال البوب آب وندوز

[ألم ترى]

بسم الله الرحمن الرحيم ..

بن دبي ..

الجهاز طلب مني انزل شيء لـ المسن ويوم نزلته قام الجهاز يشكل ويطلعلي هالصفحه كل شويء ! ..

يزاك اله خير ع كل الأحوال ..

[ألم ترى]

صح نسيت اقولكم بأن المفضله عندي اعتفست فوق تحت وبعد حصلت فايلات غير يعني ما ادري من وين يايين !
:puppyeyes:
حد منكم يعرف كيف احذفهم لئني حاولت احذفهم بس ماشيء فايده ؟

[شوق القلوب]

السلام عليكم...

انا بخبـــرك شو السالفه يا بو عبد الرحمن...

السالفه و ما فيها انك سويت update للمسنجر plus

و هالشي يخلي مواقع لا اخلاقيه تطلع عندك.. من جيه كل شوي تطلعلك صفحه انه الموقع محجوب..

..

الحــــل

انك تحذف المسنجر plus من كمبيوترك..
وبترجع الاحوال عندك طبيـــــعيه .. :ice:

[حبوبه دبي]

اهــاااا ،،

جيـه الســالفه ^_^

[ألم ترى]

بسم الله الرحمن الرحيم ..

ايوووو جي السالفه ! ..

يلا بسير بحذف وإن شاء الله كل شيء يرد شرات قبل ..

بحفظ الرحمن ..