X5 الجديدة في دبي

[ذنـيـنـي]

لا والله يا اخويه,,,
اترياهم يسلموني الكدلك, و اعتقد انه هالشي بيطول شوي
بس ما اظن اني باخذ موتر يديد قبل ما اتخرج من الكلية

[ولد الشحوح]

انا احب البي ام بس من كثر ما تذمه الناس من أعطاله عفته ...

[تحفه]

اشوف الجديمه احلى بوايد من اليديده

[شرجاوي]

احلى موتر الماني شفته ... الفئه السابعه

[ذنـيـنـي]

احلى موتر الماني في فئة الصالون الفخمه هي أودي S8 الجديده

يا ربيييييييييي كيف يخبلبي هالموتر

و في فئة الكوبية تعيبني الفئة السادسة من BMW

و في الفئة المكشوفه SL هو الملك بلا منازع

و في الفوروويل الفئة G من مرسيدس

[شرجاوي]

يا ريال شو G ... كرتون مسافي يتمشى ... و الفئه السادسه مب لذاك الزود ( ال cl افخم ) ... و الكشف اسمحلي اقول لك انت غلطان و اكبر غلطان ... وين وديت ال645 كشف .. الصراحه موووتر مسكت

[ذنـيـنـي]

في فئة الكشف الـ SL لا يعلى عليه

لا الفئة سادسة ولا الفئة سابعة "هذا اذا كشفوها" خخخخخ brgll:

ياخي اعشق هالموتر

وبالنسبة للفئة السادسة,, انا بصراحة ما كنت احبها و كنت افضل الـ CL عليها
الـ CL الحين استوت جديمه و بيتغير شكلها و الى هذه اللحظة الفئة السادسة متقدمه عليها

بس انا متيقن و متأكد من اني بغير رايي يوم بتنزل الـCL اليديده


الـ G-Class صح انه شكله شرات الصندوق
بس بعده يعيبني و أحس انه له هيبته في الشارع

ياخي انا لاحظت انه السيارات "الصندوقية" هي الي لها هيبه
مثل الرنج و G كلاس

و السيارات "الخنفسانية" شرات البورش كايين و الرنج سبورت و ML احس انها تطلع لفترة معينة و عقب تختفي

هذا طبعا بالنسبة للألماني
و خل في بالك انه ولا سيارة منهن بترضيني اذا دخلنا باقي الشركات العالمية في المقارنه brgll:
يمكن الـ S8 هي السيارة الامانية الوحيدة الي بخليها من اللسته

[عيون الليل]

تعبك تشكر عليــه .،.، ما قصرت
بـــس

القبلية أحلى بوايد .،.، مادري انا هذا رأيي

تســلم

[إسهر معي ليله]

مشكوور عالصور اخوي

بصراحه فالصوره اللي شالين البرقع عنها طالعه مب شي

بس ننتظر اطلاقها رسمياً.. لأنه الصوره هذيج بالكمبيوتر مسوايه

[الاسطوري]

السلام عليكم ..

ياخوي الصور اللي تحت X3 وشكلها واضح واللي فوق بعد مب X5
لأن للحين مافي شكل ثابت نزل للأكس فايف حتى برع
وباقيلها سنه تقريبا لين يتغير الشكل والمكينه
بعد محد يعرف كم بتكــــون ناس
يقولون بيقوونها وناس
يقولون لأ


الاســـطـــوري
أخوكم

[ذنـيـنـي]

يا خوي هذه سيارة اختبارية, سيارة تجارب, سيارة مموهة

لازم ما يعرفون كيف شكلها الحقيقي و لهذا بتحصلها بـ اكثر من شكل كـ لزوم لتمويه الشكل عن المنافسين

بتلقاها مره بـ اسطابات X3 و مره بعلى شكل X5 القديمه و هكذا

الصور هذه يبتها من موقع عالمي
و هذه هي الـ X5 الاختبارية و هذا الشي ما فيه شك

و من ناحية تقوية المحرك تراها اكيد بتكون اقوى

الـ 8 سلندر بيكون نفس المحرك المستخدم في الـ 750
هذا الشي متأكد منه

[شرجاوي]

محرك ال750 مب 4.4 و 330 حصان ؟؟؟