تعبت..........

[سيدة الحب]

تعبت من الالم اللي يعتصر قلبي

تعبت وتعب وانهد حيلي معاي

تعبت والدنيا ضدي من كل ناحيه

لا راحه في البيت ولا في ايرلندا ولا حتى مع المحبوب

تعبت وانا انتظر الفرج طال الالم وطال الصبر والزمن

عيا يخف الالم ولا يرحم.

حبيب هاجر ويمكن خاين الله العالم

علم صعب ومعلم جائر والامتحان الله يعين عليه

تعبت وانا اداري الناس ولا احد يداريني

اوفي ولا الاقي غير الخيانه واصبر واسامح

تعبت يا عالم محتايه الراحه تعبت ولا حاس فيني اقرب الناس

الالم مصدره هو العذاب هو يا ويلي من اللي فيني

يا من يشيل الحمل عني يا ربي تعبت الصبر

وين اللي يرحم حالي ابغي ارتاح

تعبت اضحي ولا الاقي لو رد بسيط بالمثل

حسبي الله عليج يا دنيا عشت اقول الدنيا حلوه

ليش ما تحلوين يكفي ابيض شعر راسي وتوي

اقول يا شباب شاب العمر وانا اسامح المحبوب

حسبي الله علي كل اللي ظلمني

عشت قويه وللحين يقولون ما يغلبج غالب

الا ليتهم يعرفون باللي في قلبي اتمنى موتي

قبل حياتي وتوي فالعمر صغيره

وصرت العت الحب بعد ما كنت اسوده حسبي الله عليك يا قلب

حسبي الله عليج يا دنيا وحسبي ربي على اللي ظلمني





لا عتب لا هانكم الله فضفضه قلب

[نور الإيمان]

الله يسهل عليج يا اختي ...

الله يسهل .. و استغفري الله ألا بذكر الله تطمئن القلوب ..

سبحانك ..

لا إله إلا انت سبحانك اني كنت من الظالمين ..

الله سبحانه و تعالى ما يظلم عباده ولا ينسى اجرهم .. و اجرج عند العزيز القدير و خلي الجنة و دار الآخرة مناج .. ولا تهمج الدنيا ..

فضفضي و ريحي عقلج و بالج .. و قوية ^_^ انا جي اقول و بتظلين قوية على الشيطان و اعوانه .. بس اذكري الله و قولي استغفرك اللهم و اتوب اليك .. سبحانك ...

الله يسهل عليج يا رب و ينور لج قلبج و عقلج .. آمين يا رب العالمين

[وعد]

هلا حبيبتي سيدة حب
بكلمج كاخت واتمني انج ما تزعلين مني
شوفي عزيزتي معظم الاحيانا احنا الي نجيب الكدر والتعاسة لروحنا لانه ابتعدنا عن رب العالمين
الحياة ما فيها رصاصي فيها ابيض فيها اسود فيها الوان بس الرصاصي احنا اخترعناه عشان نقنع انفسنا باشياء وافكار احنا بداخلنا مو مقتنعين فيها وما تربينا عليها

يمكن افكاري قديمه بس انا مقتنعه الوحده حبيبتي ما تحب الا زوجها ,,,,,,,,,,
لكن احنا بالنهاية احنا بشر ومشاعرنا مو بيدنا..........

عزيزتي صلي لج ركعتين وذكري الله كثير يذكرج ,,,,,ومن ما يبغيك لا تصيح تبغيه
وصدقني لو تشوفين حولج راح تشوفين وايد ناس ما عندهم الاشياء والنعم الي عندج
ودامج حبيبتي حيه وتنفسين ,,,الله يعيطيج طولة العمر,,,,كل شئ يتعوض وانا اختج

[سيدة الحب]

نور الايمان،وعد

خواتي مشكورات والله على الكلام الطيب

وانا الحمدلله مو مصبرني الا ربي وقراني وصلاتي والحمدلله

وموكله امري كله له واعرف انه الامر بيده سبحانه حسبي الله ونعم الوكيل

لحظه ضعف ولقيت نفسي انهرت في ثانيه طال الصبر وبستمر انشالله

فالصبر عسى ربي يهون الامر انشالله

الله يصبر بس انا بشر وتعبت اكتم اللي بقلبي محتايه ارتاح

استغفرك ربي بس تعبت والله اسفه مو قادره انا صدق بحالة انهيار

تام والله وامتحاني عقب يومين ما اقدر والله

[حلم الطفوله]

توكلي على الله ....

فكري بنفسج وهدفج إلي تغربتي علشانه وكل شيء ثاني انسيه وعقيه من بالج...

امتحاناتج بتحدد مستقبلج ....لا تخسرين هذا كله عشان لحظة يأس يمكن تهد كل إلي بنيتيه

استغفري ربج ...وتذكري إنه الله مع الصابرين

[خيال الحب]

لالالالا شو هالكلام اختــــــــــــــــــــي..


خلي ايمانج بالله قوي.. وشدي حيـــلج.. انتي رايحه ترفعيـــــــــــن راس اهــــــــلج فوووووووق وراس بلادج.. وراس اخوانج الي في المنتدى.. فلا تخيــبين ظناااا..

من كـــل قلبــــناا ندعيـــلج بالتوفيـــــــــق والنجـــاح.. وترجـــعين للبــــــــــلاد بحفظ الله ورعــــايـــتــه..

[دموع قلم]

غـاليتــي..
سيـدة الحــب..

اعلمـي أن الأمـور اللـي تصيـر لـج كلهـا اختبـار من الله سبحـانه, فـأنتي اصبـري واصبـري واصبـري
على الابتـلاءات والمصائـب اللـي تـواجهينهـا, وإن شـاء الله ربنـا الرحمــن بيعـوضـج على كـل بــلاء,
وتـذكـر أن لكـل هـم أو غـم أو مصيبـة تحـدث لج وصبـرتي عليهـا, بتكــون كفـارة لـذنوبـج وزيــادة فـي
أجـرج, وحكمـة لحيـاتج..

تـذكري قول الله سبحانه وتعالى: { وعسـى أن تحبـوا شيئـا وهو شـر لكم, وعسـى أن تكـرهوا شيئـا وهو خيـر لكم }..

اتعبـي شـوي الحيـن واصبـري.. تـرتـاحين طـول حيـاتج !!

:)


والسموحـة على المداخلـة..