شـاركـونـ ـ ـ ـ ـــا بـمخططـاتــ ـ ـ ـ ــــكم..

[دموع قلم]

السـلام عليـكم ورحمـة الله وبركـاته


نسهـر الليـالـي لحفظ المصطلحـات والقـوانين المشتقـة لقـوانيـن جـديـدة,
نتـوتـر ونشـوه أظافـرنـا الناعمـة بأسناننـا من أجـل فهـم المعـادلات والمسائـل المعقـدة.. !!
مع ذلك كلـه.. نقضـي لحظـات جميـلة في تبـادل الأحاديـث والضحكـات الرقيقـة..
هـي أيـام رائعـة تـارة, ومتعبـة تـارة أخـرى.. !!



وهـا الآن قد رحلـت تـلك الأيـام واللحظـات الممتعـة, ونستقبـل للحظـات أمتـع وأروع, وهي لحظـات
إجـازة الصيـف, التـي نـأمل أن تكـون لحظـاتهـا ممتعـة, نقضيهــا فـي زيــارة الأهــل والجلوس معــا,
وزيـارة الأمـاكن الترفيهـيةة, والبحـــــر أو أي مكـان.. فـ ليـس المهم هـو المكــان وإنمــا الأشخـاص
الـذين يجلسـون ويمـرحـون معنـــا.. ولا ننسـى أن الإجــازة ليـست للرفـاهيـة فقــط, بـل الاستفـــــادة
والتعـرف إلى أمور جـديـدة نجنيهـا من الأوقــات التـــي نستـــدرجهـــا دائمــا تـحت شعـــار "مــــلل",
فـ لنتــذكـر دائمـا هـذه العبـارة الجميلـة..
وانتهــز الفرصـــة إن الفرصـة... تصيــر إن لــم تنتـهزهـا غصـــة.. !!

أحببـت من خـلال هـذا الموضـوع أن أتعـرف إلى مخططـات أعضـاء الـواحـات..
ومـاهي الأمـور التـي وضعتـوها نصـب أعيينـكم, والثمـار التي أحببـتم أن تجنـونهـا من خلال أوقـاتـكم
الثمينـة التـي تقضونهـا في هـذه الإجازة الممتعـة بـإذن الله.. فـ لنشـارك معــا في مخططـاتنـا لإجــــازة
الصيـف, فربمـا نستفيـد من مخططـات بعضنـا البعـــض


لا تبخلـون علينـا بالمشاركـة..
معـــاً من أجـل إجـازة سعيـدة وممتعـة للأعضــاء !!

:)

[عفاريتووو]

عليكم السلام

بالاول عقب تعب الجامعة ما كنت ناوية اسجل بأي مكان
بس عقب هــ الملل و الضيق اللي شفته بــ هالثلاث اساابيع من الاجازة
قمت ادور على مكان اشترك فيه

بس لين الحين مادري وين اروح محتارة :kkk:

يمكن اروح جمعية النهضة النسائية
عندهم حق الصيف جدول لــ شهر كل يوم شي
عندهم تحفيظ قرآن و دورات فنون واشغال يدوية
و محاضرات في علم النفس
و دورات في عناية البشرة وجي اشياء
و رحلات علمية و ترفيهية
يعني نستفيد شوي

امم و بعد اكييد رياضة شكله فيروس المتن منتشر هالايام :harhar1:
سباحة و مشي

و جي بيكون اول شهر اوكي

وان شالله عقب اسافر

و ان شالله يكون صيف حلو عليج يا دمووع ^_^

[شمعة أمل]

صيفي حليله يبدا بعد اسبوع ونص

هممممممم شو بسوي؟؟
يمكن اول مايبدا صيفي اسافر لندن ويمكن لا على حسب المود .. اذا كل خواتي بيسيرون مابسير
بشتغل لشهر .. وفي هالشهر بكون بزي اسوي الicdl *اوني بسويه الصيف الى طاف اخرته سنه كامله:harhar1: * .. وبعد بسوي عزيمه .. وشي كم من عزايم بسيرلهم
هيه بعد بسير ال gym مالي باخذ كلاسات

بعد هالشهر بسير اليابان والصين

بعدين بنرد دبي

بعدين يوم خواتي يبدون جامعه + مدرسه بسافر لندن ل 10 ايام:kcl: .. عقب ببدا *جامعه*:smartass:

[تحفه]

لا مابسافر .. بتم في البلاد .. بعدين بتوله عليهاااااا (L)

[الثعلب الرمادي]

أجازتي بتبدا بعد شهر و لمدة شهر أكيد ما برجع الإمارات ... أفكر أسير إيطاليا و أزور شركة فيراري و لامبورغيني في مارانيللو بس هذي رحلة تكلف فلوس و ينقصها التخطيط ... على الأغلب بسوي سياحة في شتوتغارت لمدة أسبوع و بعدين برجع للولاية اللي أنا فيها حتى أستعد للكورس القادم.

[صريح]

هالصيف عندي كورسات شهر 6 و 8 يعني ما بسافر ويا الاهل
"البيت بكبره لي انا بس :ice: "

و ما فيه احلى عن لبلاد الصراحه، في شهر 7 بندور لبلاد كلها
من العين لين لفجيره و راس الخيمه و بوظبي كل 3 ايام في مكان
صدق ونااسه هالطلعات


و مثل ما تقول بوظبي ... ما نروم نصبر عن داار بو خليفه "الله يرحمه"


تسلميــن دموع
على
الطرح الطيــب
:)

[دموع قلم]

عفــاريتـــوو::
بتستمتعيـن وايـد إذا شـاركتـي في جميعـة النهضـة, لأنـج بتستفيـد منهـا وايـد, وكـنت
ودي أشـارك فيهـا, لكـن ما قـررت لأن شكـلي بسيـر بوظبي وايـد في الإجازة عنـد الأهـل,
وإن شـاء الله تستمعيـن بأوقـات جميلـة في الإجازة.. وتسلميـن على المشاركـة الحلوة


شمعــة أمـــل::
حلـو يـوم تغيـرين الجـو بالإجـازة وتتعـرفيـن علـى المعـالم الجـديدة في العـالم,
عسى تتـوفقيـن في الجامعـة وتستـانسيـن في إجـازتـج ويـن مـاكنتي.. ومشكـورة على المشاركـة


بـوظبــي::
إن شـاء الله تتـوسيـن في البـلاد بيـن ربعـج وأهلـج..


الثعلـب الـرمـادي::
ربـي يـوفقـك في رحـلاتـك, وإن شـاء الله تستمتـع فيهـا..
أشكـرك على المشـاركـة, وربـي يحفظـك في الغربـة من أصحـاب الفتــن :)


صــريح::
تعيبنـي الرحـلات اللـي ويـا الأهـل بـداخـل البـلاد, يـوم نتيـمـع وسـوالف وونـاسـة.. الله كشخــة !!
ومـا شـاء الله منـو قـدك البيـت بكبـره لك.. عسـى تستمـع ويـا ربعـك بأحلـى الأوقـات, وربـي يحفظـكم من أي مكـروه :)

عسـاكم تستمتعـون في إجـازتـكم وتتـونسـون,
وأهـم شـيء تستفيـدون منهـا ولو بقليــــل,
يـحفظـكم ربــ ـ ـ ـ ــــي
...

[الـيـاه]

سلاااام !!

صيفي تعيس هالسنـه :no0: كنت مستانسه لانهم قالو بنسير ألمانيا + بلجيكا ويا قوم عمي
لكــــــــن غيروا الحبايب


فـ الحينه بنسير لــندن روحنا فـ عشرينات شهر ( 7 )
25 يوم تقريبا ً عسب بعد ارد واتزهب للجامـعـه وجي ..


وبــــــــس >.<
والله ملل .. وايـد قصيره هالإجـازه مابيواحيلي اسوي شي

والمشكله في وحــده فوق من متى قاهرتبي عسب بيسيرون اليابان انا ابا اسيييييير وياكم
:shock: لول هيه انتي شمعة أمل بلاج اتطالعيني .. وديني وياكم
.
.
.

[شمعة أمل]

^
ههههههههههههههههههههههههه ههههههههه

فديتنييييييي ... اصلن انا واختي الصغيره سوينا حرب في البيت عشان يودونا اليابان *كانو يبون يودونا استراليا ونيوزيلند* .. لانه الشيخه اختي العوده ماتبا < لانها ابداااااا مب مثقفه في هالسوالف تتحرا يابان مافيها شوبينغ بس طبيعه!!!! ماشي احلى عن اليابان في الشوبينغ .. توكيووووووو here we come ^_^

بجوفج في لندن ان شاء اللهP: تولهت على سلوون سترييت
قم امي بسيرون اظني بعد اسبوعين .. وانا قبل الجامعه ^_^


بس مب جنه بتملين 25 يوم في لندن ... انا احس 10 ايام perfect اسوي كل شي فيها ومول ماحس بملل .. ان شاء الله تستانسيييين

[أمرين]

الســـفــــــر أحـــــلــــــــى شــــــــــــي
وانا بسافر في شهر 7

.

.

:)



:: دموع قلم ::

تسلمين الغالية على الموضوووع

[الـيـاه]

حرب بس أنا بحرق بيتنا ويودوني اليابان < ياناس جوفوها مابتوديني
انزين والله انا ادخل في الهاند باج هههههه ..

وعن لــندن
هايلا كل يوم شي :kkk: , لكن خلاص تم الحجز وكل شي على 14 - 7 لندن ان شاء الله
وخلاص قالو بنسير بعد ألمانيا وبدايـة أوجست فـ سويسرا عسب الكرنفال ..


يعني شرات العام ياحلوه
لكن هالسنه زياده لنـدن واشوووفج هناك (HUGZZZ)
الله يوفقج فـ امتحاناتج اللي مابنعرفها لين اوجست XD

[شمعة أمل]

هييه صح بعد بنسافر كوريا < مادري من وين يابو هالبلاد لكن يقولون حلوه والعاصمه الشوبينغ فييه شييي


الياه" جيكي موبايلج يالخاينه"

[ولد الحكومة]

وعليكم السلام

معـــاً من أجـل إجـازة سعيـدة ... شعار جميل جداً أطلقتة المبدعة الاخت دموووع القلم ... الصراحه احيييج عالموضوع الرائع ...

... بخصوص إجازة الصيف ، انا مش أكيد بسافر بس حاط احتمال اذا سافرت بروح صوب أوروباااا يعني بلجيكا .. فرنسا ... هولندا... فرنسا

وكل الشكر للاخت دموع القلم

[الـيـاه]

شمعة امل : هاهاهاها ENty el 3anZzz :harhar1: اراويج ورا الواحات
انا شو يخصني والله توني ألا انتبه , ماشاء الله عليج ( لهالدرجـه تحبيني له له هههههه )

بعدين بعدين نتفاهم خربنا موضوع البنت
كله منج brgll:

[راعي الزعـامه]

الاهل بيسافرون استراليا
واهل ربيعي بيسافرون بعد
وانا وهو مب متفيجين حق السفر
الصراحه ملينا كل سنه سفر نبا انتم فبلادنا شوي
فبنيلس انهيت انا وهو في البلاد