هل اكلم خطيبتي ^_^ ؟؟

[طير الحب]

الثعلب الرمادي...

بالعكس المسألة ما هي تقليل من شأن المرأة...بس ممكن ان المراة تكون بارعة في شغل البيت وبعد لها خبرة في سوالف الموضوعه والمكياج يعني هذا شيء بسيط...والمرأة التي تهز المهد بيمينها تهز العالم بيسارها ما اعرف اذا المثل حرفيا هكذا.

[الثعلب الرمادي]

معاج كل الحق أختي طير الحب ... و شكرا لأنج فهمتي المقصود من كلامي ... مشكلة بعض أعضاء المنتدى أنهم يحاولون يمشون ردود و آراء الأعضاء على حياتهم هم نفسهم و إذا ما مشت يردون بشكل عنيف و هذا طبعا غلط ... الإنسان لازم يقول رأيه بصراحة و رغم كل شي لازم يحكم المنطق.

[وعد]

معاج كل الحق أختي طير الحب ... و شكرا لأنج فهمتي المقصود من كلامي ... مشكلة بعض أعضاء المنتدى أنهم يحاولون يمشون ردود و آراء الأعضاء على حياتهم هم نفسهم و إذا ما مشت يردون بشكل عنيف و هذا طبعا غلط ... الإنسان لازم يقول رأيه بصراحة و رغم كل شي لازم يحكم المنطق.

هلا اخوي الثعلب الرمادي
بالعكس محد اعتراض من واجب الحرمه انه تقوم ببيتها و زوجها وعيالها
بالنسبة لي انا اعترضت يوم قلت لا مستوي فكري ولاشئ وبعد بالنهاية هذا رايك
بس انت خرجت عن الموضوع وقلت انه الواحد يتسلي ويكلمها لين تعدل مزاجه
انا اعتراضي كان علي هالجمله,,,,احسها غلط هو داخل يخطب ويبي يكلمها عشان يعرف شخصيتها وتعرف شخصيته والا عشان يتسلي وتعدل مزاجه:nono:

مجرد راي

[دموع قلم]

مرحبـــــااا بــــكم..

الصـراحة تعبـت وأنا أنـاقـش ويا الملهـم عن هالموضـوع, حتـى ما خليـت حد في البيـت
ما خـذيت رأيـه عن الموضـوع, وكل واحـد منـّـا رأيـه مختلـف عن الثـاني.. !!


المهـم.. بـس حبيـت أشكـر الأعضـاء على أراءهم المتميـزة والمختلفـة, الصراحـة تعلمـت منكم الكثـير,
وأنا أقول.. شـيء مهــم أنـي أتعـــرف إلى صفـات وشخصيــة الشخــص اللي بيكــون شريك حيـاتـي في
المستقبـل, ولكـن إذا فكـرنا أننـا نكلـم بعـض في التلفـون بغـرض التعـرف إلى شخصيـة الطرف الآخــر,
مـاظن أن كـلامنـا وعلاقتنـا ما بتطـور, وأصلا الفطـرة تقـول أن البنـت تميـــل للولــد والعكــس صحيــح,
بـالإضافـة أننا عرب وطبيعتنـا تحكم علينـا أننـا مانختلط بالأولاد وكل شي عيب, عشان جيه نميـل للجنس
الآخر أسرع من الأجانب اللي حتى ما فكـروا أنهم ياخذون عيال عمهم مثلا.. لأنهم متعودين على الحرية
وكأنهم أخوان.. ومو قصدي من كلامي أن الغرب أحسن عنـّـا.. لا لا أبـدا, بـس قصدي سـبب ميـولنـا
للجنـس الآخر أكثر من الغرب هو طبيعـة حيـاتنـا وعـاداتنـا اللي تحكمنــا

أشكرك أخوي الغـالي الملهـم على الموضوع,
ويـا عسـى ربـي يرزقـك ببـنت الحلال الصالحة اللـي تتمنـاهـا دايمـا .. وربـي يحفظك وين ماكنـت!!


مجـرد رأي بسيـط,
ومنــــــــــكم نتعلـــــــــــــــم..
السمـوحـة.. !!

:)

[الملهم]

الثعلب الرمادي ..

انا مش قصدي شيء في ردك ..
بس اولا انا ما تكلمت عن اشغال البنت .. ولا عن تربية الاطفال ..
موضوعي انا عن تحدث الشاب مع خطيبته .. وبعدين ان مش لازم ان البنت اتعرف الاعمال المنزلية .. اولا ممكن تتعلم بعد الزواج .. انا اقصد ميول البنت غير عن ميول الشاب .. البنت اتحب مثلا اتشوف الاقلام والريال ما يحب .. البنت اتحب اتشوف رسوم بس الريال ما يحب .. هذا انا قصدي ..

وبعدين ليش البنت تسمع كلام الزوج حرفيا .. من متى البنت صارت عبده عند الزوج ؟؟
وانا ما قلت بان الشاب يرمس ويا وحده او ثنتين .. ليش الريال يخطب بنتين او ثلاث ؟؟
يرمس ويا خطيبته وبس .. وبعدين بإشراف الاهل ..

اشكرك اخي على الرد .. اسعدتي بذلك ^__^

[صدى جوفي]

كلمهـا .. بس بوجــود محرم ^_^

وقبل لا تخطبهــا لازم تعرف عنهــا معلومات كافيــة :cop: شخصيتهــا .. أخلاقهــا .. ميولهــا ..الخ ان شاء الله دموع قلم ما بتقصر بتييب عنهــا تقرير مفصل :daleel: ،، بيسهــل عليك تعرف انهــا تنــاسبك أو لا .. واتوقع بفترة الخطوبة كل طرف يحب يبرز محــاسنه ويخفي عيوبــه .. والمجــاملات تزيد عن المستوى الطبيعي حبتين - تخمين شخصي- .. يمكــن ما بتفيد بمعرفــة جوهرة الشخص brgll:

متــابعــة للنهــاية..)
صدى جوفي

[تحفه]

قمت احب فكرة انهم مايعرفون بعض .. جي السالفه بيصير فيها اكشن لول

[أمواج]

قمت احب فكرة انهم مايعرفون بعض .. جي السالفه بيصير فيها اكشن لول

.
.
ذكرتيني بــ ربيعتي . .
مع إنها مالجــه بس مب طايــعه ترمس ريــلها أونه أكشـن على قــولتها شرات ماتقولين إنتي
.
.
waVes

[خيال الروح]

هـل أكلم خطيبتي ؟

طبــعا لاا ,, أنـا ضــد هالفـكره ,,
احـنا متعـودين انه الواحد ما يرمس خطيبته الا بعـد المـلجه ,, وفـي بعـضهم ما يرمسون بعض الا بعد
العرس ,, بس انه يكلم خطيبتي وهـم ما ملجـو ,, ما احبـذ هالـفكره ,,

مــثلا :-

واحد بغى يخطب وطلب من اهل الخطيبه انه يرمس بتنهم وعقب بيملجون ..
في هالحـأل الاهـل ما بحطون في بالهم انه هو يمكن ما يملج على بنتهم ,
رمسـها وما حب اسلوبها او طريقه رمستها او تفكيرها .. الخ

في هالحـال كيف بيقول حق اهل البنت والله انا ما ابى بنتكم ؟؟ :nono:
أكيــد الاهـل بيفكرون انه رمسها وشبع منها والحيـن ما يباها , لانه حاطين في بالهم انهم بيملجون
وما بيترك بنتهم ..

و رايي يملجـون وعقب يرمسون بعـض لين ما يشبعون ..

وتسلم الملهم على الموضوع

: )
:

[الـيـاه]

:kkk:
يعني اكلمه قبل ما املج ؟

لااااااااااا , مب عن شي بس خيبه شو ( ميوّعـه ) قالو خطبوج اقولهم برمسه لول خل اثجل شويه ..
وما اعتقد إني باخذ واحـد لهالدرجـه غريب عنـا عسب ما اكون عارفـه شي عنــــه موووليـّه !!



.
.
.

[عيون الليل]

موضوع حلــو .،.، تسلم اخويه الملهم .،.،

أنا قريت بعض الردود وما أدري إذا في حد بيشاركني الرأي ولا لا .،.،

يا اخواني واخواتي .،.، لو اتفكرون شويه وتسألون كيف أبويه خذ امايه ؟
كل واحد فيكم يسأل نفسه هالسؤال.،.، ما اعتقد انه كانت بينهم سوالف اليوم الي نسمع عنها.،.، كان الريال يوم يبا ايعرس يدورون له بنت الحلال ذات السمعه الطيبه وايعرسون وحليلهم حتى ما كانوا يعرفون اشكال بعض الا ف يوم العرس ! ومع ذلك ما كانت فيه حالات طلاق مثل هالايام .،.، هالايام الي كل شي اصبح عادي .،.، بيرمسها الشاب قبل الخطبه وبعدها وبيظهر وياها قبل الخطبه وبعدها .،.، يعني صار كل شي حلال ف حلال !! وعقب ايقول والله هالبنت فيها وفيها وما اتناسبني ... هي مش ما اتناسبه بس مل منها وكل شي اتحصلها بسهوله بتتركه بسهوله

أنا اقول من الناحية الدينيه .،.، من يوم يومي كنت اسمعه انه ما يجوز الا بعد عقد القران الي هي الملجه .،.، ومن ناحية العادات والتقاليد .،.، ف فيه شي اسمه عيب انه البنت اترمس خطيبها الا بعد الملجه

ومن الناحيـة العقليه فأعتقد انه الزواج الناجح ما ايخصه بالافكار والاسلوب وغيره .،.، ولا الشاب يقول بشوفها اتحبني ولا ما اتحبني .،.، الحـــــب بعد الزواج .،.، مافي شي اسمه حب قبل الزواج .،.، والحب الي قبل الزواج هذا مجرد إعجاب وبعد الزواج بفتره يتحول هذا الاعجاب لكره والزوجه تعجب بواحد ثاني والزوج يعجب بوحده ثانيه .،.، وتنتهي الي هي قصة حبهم الطويلة بالطلاق

ماشي احسن من انه الشاب يسأل ويعتمد على أهله في أختيار البنت والاهل ما يرضون لولدهم الا بالبنت الزينه والبنت كذلك تسأل عن الشاب واخلاقه .،.، وصلاة الاستخــــــاره يا ناس ما ننساها .،.، شو رايكم صلاة الاستخاره أحسن ولا الكلام على التيلفون في فترة الخطبه ؟" فترة التمثيل" اعتبرهاهذا رأيي .،.،

والسموحه طولت عليـكم

ولا تنسون نحن مسلمين وعرب سوالف الغرب هاي ما اتيوزلنا ولا نتبعها ترانا بنضيع

[الجديدة]

موضوع جدا حساس لنا نحن
بصراحه أنا لا أفضل أن البنت تكلم خطيبها عن طريق الهاتف
إنما عن طريق حضوره لبيت أهلها و جلوسه معها مع محرم عشان تتكلم معاه في أي موضوع
بالنسبة لي لأنني زوجت اثنين من إخواني
و كنت دايما الوسيطه بينهم و بين زوجاتهم
كنت اخبر الاثنين عن كل شي ء
و إذا العروس عندها استفسار عن ا شي اخبرها الصدق و الصراحه
من دون مجاملة لانها هذه حياة و عشرة عمر
و اللي ما أرضاه لنفسي ما أرضاه لغيري من البنات

الشي الثاني أن الأهل معنا يطلبوا من المعرس يجي بروحه
و يكلم خطيبته بوجود أمها أو أحد من أهلها في اي موضوع من دون حساسية
و إذا تسهلت بينهم راح يكملوا الطريق و يملجوا و يتزوجوا أو ينفصلوا
بس هذه العادة تكون سرية بين المعرس و اهل العروس من دون ما حد يدري عشان كلام الناس
و الشي الآخر أنه بعد الملجه الرجل له حق يكلم زوجته من دون اي حساسية من الاهل

هذا رأيي و السموحه

[جنون امرأة]

الملهم ... تسلم ع الموضوع ..

أنا متابعة ...


بوظبي .. جي وين يالسين ؟ أكشن ؟
فيلم رعب ؟! خخخخخخخ

[تحفه]

الملهم ... تسلم ع الموضوع ..

أنا متابعة ...


بوظبي .. جي وين يالسين ؟ أكشن ؟
فيلم رعب ؟! خخخخخخخ

مادري .. بس لو تفكرين فيها من نظرتي الخاصه

هالانسان الي الوحده بتاخذه " يروم يتزوج عليها " .. بس اذا ملّـت منه وين تظرب إبراسها ؟!
الحياه طويله .. اتخيل الوضع كيف بيكون ممل .. واذا خلاص تعرفو على بعض .. بعد عشر ولا عشرين سنه بيزهقووووون

هي صح ..

انا اعتقد ان الي يبون يتزوجون لازم يتزوجون وهم صغار .. علشان يقدرون يلعبون وي عيالهم بعد 15 ولا 20 سنه في القريه العالميه :harhar1:

[شوق القلوب]

هلا...

صح كلامج بوظبي..

كل ماكان الزوجين صغار لكما سنحت لهم الفرصه بالتفاعل و يا عيالهم.. الصغاريه يستاااااااااااااااااااااا انسون يوم يشوفون والدينهم يشاركونهم بالاشياء اللي يحبونها.. ألعاب .. لبــس... و هالسوالف..

وفي غلطه الازواج وايد يرتكبونه.. في الاسره نفسها يعطون نفسهم دور الكبار اللي مستحيل ينزلون لمستوى عيالهم و مشاركتهم اللعب و الضحك.. كأنه الواحد لو استوى كبير عيب انه يلعب و يضحك و يطلع طلعات و ناسه ويا عياله..

في حد مره من الصغاريه يخبرني.. يقولي انه الاولاد يقولوله يا حظك ابوك واااايد كوووول .. يلعب وياكم و عاااادي عنده.. عكس ابوه اللي مول ماله خص ..!!