السحر .......................
السلام عليكم
امس كنت داخله البيت جذي علي السعه يمكن 8 ونص المسه راجعه من بيت اختي
وانا علي السلم مال البيت واحنا في البيت عندنا الميلس الي في الطابق الفوقي بالويه
دخلت اشوف البيت سهده ما في صوت بس امي يالسه تطالع التلفزيون باندماج حتي انها ما حست فيني...كل هالطول والعرض وماحست فيني :puppyeyes:
المهم قلت خلني ادخل اشوف ايش هالبرنامج الي هالكثر مندمجه فيه الوالده
ويلست كان البرنامج ديني عن ساحر تائب
والله اني انصدمت من الي اسمعه قصه من قصص الافلام الخيال العلمي
كيف انه يصلي للشيطان في المسجد وكيف يتمثل له علي شكل خنزير او كلب اكرمكم الله
اشياء تخرع
حرمه تبي زوجها يحبها اكثر يقول لها الساحر روحي اعملي الفاحشه وراح يحبج اكثر,,تخيلوا:narr:
بعدين يلست بروحي والله افكر
اقول مثلا في ناس يضيع عليهم شئ ثمين ويروحون للسحره والعارفين عشان يحصلون الشئ الضايع
انا هالنوعية من البشر ممكن اسامحهم لانه مو هدفهم يضرون حدمع انه مو صح تره
بس الناس وخاصة بنات جنسي الحريم الي تروح للساحر عشان تطلب انه يجيب المرض لفلان لانه رفض بينتها :negab:
او وحده تروح للساحر عشان تفرق بين زوج وزوجه لانها تكره الزوجه وما تتمني لها الخير:no0:
هذول الناس فعلا فعلا ما يخافون الله ولهم عذاب اليم,,,,,,,
كيف يقدرون ينامون بالليل؟؟؟؟؟؟
ما يخافون الله يبليهم بعيالهم او ازواجهم او صحتهم او مالهم؟؟؟؟؟؟؟؟؟؟
ما يدورن انه هناك رب عظيم يمهل ولا يهمل
رد مع اقتباس
المشاركة الأصلية كتبت بواسطة منصوري الدوله
مواقع النشر (المفضلة)