الســـلام عليـــكم...


والله شدني العنـــوان.. كون انه ربيعتي.. حوووووووووت.. و طبعاً عقب عشـــرة سنوات الدراسه كللللللها.. بكون خبره في تحليل شخصيتها..

بس بصراحه.. الحوت.. انســـان متعــــــــــــــب !! أو يمكن يكون متعب للدلو بس :ice:

..


و بسم الله .. نبدأ


طيب تعالوا نحلل شخصية الناس الي ينتمون لهذا البرج
اصحاب هالبرج ناس حساسين وايد وايد ورقيقين وايد,,,,,,بشكل يمكن كلمه احنا نشوفها عاديه لكنها تاثر فيهم تاثير كبير فوق ما نتخيله,,,,انزين فمع هالبرج حاسبوا علي الكلام الي ينقال............



حساه .. هي .. و رقيـــقه.. بعد أكبر هي... ، ربيعتي دايما أزقرها بالرقيقه.. بس تنزل عليهم مرات هفه دفاشه بشكل غيييييييييير طبيعي..!!

ممم.. صح يتحسسون وايد.. بس بعد هم ما يحاسبون ع كلامهم وايد !


شخصيتهم صعب الواحد يفهمها لانهم يغيرون من نفسهم علي حسب الموقف يعني مثلا ساعات نشوفهم شجعان مثل عيال برج الحمل او مفتخرين بنفسهم مثل عيال برج الاسد واحيانا منطقين مثل عيال برج الجوزاء,,,,,وهالصفات مو صفاتهم لكنهم قادرين علي انهم يظهرون الويه الي يبونه علي حسب الموقف فيحتار الواحد فيهم



هم مزاجيين.. مزاجيين.. هذا لا خلاف عليه brgll:


عيال برج الحوت ناس مسالمين وهادئين ما يحبون المشاكل وعوار الراس ,,وطبعهم انهم يكيفون نفسهم مع الواقع الي يعيشونه و ما يسعون لحل المشاكل او انهم يغيرون واقعهم لا لا,,يترك ولد الحوت الزمن يحل مشكلته



ممم.. يمكن.. مرات يسلمون للواقع.. يعني تستغرب منهم.. في مواقف تحتاج اعاده ترتيب.. اتشوفهم ينسحبون بهدوء !


يمكن عيبهم الكبير هو قلة ثقتهم بنفسهم ,,مع انهم لو ركزوا شوي راح يشوفون انهم عندهم المقومات الي تساعدهم انهم يكونون واثقين من نفسهم....وانا اشوف بعد انه عيبهم الثاني هو خوفهم الدايم من رفض الناس لهم,,,,,يعني مثلا نشوف البنت ترفض انها تقابل الشخص الي متقدم لها متحججه بححج واهيه وكل هذا لانها خايفه انه يرفضها,,,مع انها تكون جميله وما عليها زود



بالعكس.. ربيعتي من الناس اللي واثقين في نفسهم.. وبدرجه كبيره اتخليهم يترفعون عن الباجي ..!


الصراحه ناس ما فيهم حقد ابد بس مشكلتهم اذا عصبو ممكن يكون لسانهم طويل ويجرح الي جدامهم جرح كبير فالحوت اذا عصب ممكن بكلماته يجعل الي جدامه يبكي من قوة كلماته,,,,بس تري هم بعدين يندمون علي الي سوه بحق الي جدامهم



عاد هنيــه يبتيها صح..!!
يعقـــون كلام يعور من الخاطر.. :no0:

عيال برج الحوت اكره ما عليهم الجذب واللف والدوران,,,,ناس ما يعتقدون بوجود الحظ ولا يحبون المغامره .....ويمكن هالشئ وايد يفيدهم بحياتهم


صح... يعتبرون الشخص المغامر.. شخص غير عقلاني.. و ينتقصون هالشي فيه..

نقطه تنحسب لهم ...الصبر....اصحاب هالبرج جدا صبورين جدا جدا ومو عجولين بالمره علي عكس الحمل

صح.. فيهم صبر.. وبعد كتـــوميـــــــــــــــــ ــــــن لأبعد الحدود.. لحد الارهااااق !!

.
.
.


وعـــــــــــد.. والله انا جداً مستمتعه بمواضيـــعج..

و اعذريني.. جان خذت راحتي وايد.. بس صدق مستانسه..

و أتريا الجــــــــــــوزاااااااا اااااااااااااااء