هممممممم
انا مع وضد في نفس الوقت

على حسب العمر .. يعني احس من فوق ال15 المفروض يخلون الشخص يكون عنده نت في حجرته عشان بروجكتس وجي .. يعني من قبل يوم ماكان عندي نت في حجرتي عادي .. بس الحينه ضروري لانه ساعات يوم عندي بروجكتس اسهر عليهم ولا انش 4 الفجر اشتغل عليهم وبصراحه زياااغ امشي في البيت يوم ظلام عشان اسير حجرة كبيوتر وايلس فيه بروحي =s

لكن يوم يهال 15 وتحت احسن لو ماشي نت في حجرتهم عشان مايدمنون ويستمتعون بطفووولتهم


وعن الرقابه ... احس من واجب الام والابو يجيكون شو عيالهم يسون على الانترنت .. مثلا مره من كم سنه طرشو واحد بيتنا يجيك انه كمبيوتري بخييير بعد ماعدل كل شي عطى امي لستة مواقع انا ازورها ويوم انا اونلاين شو اسوي والساعات الى اكون فيها على النت في اليوم ولا بعد والاشيا ا لى اسويها على الكمبيوتر يوم انا مب عالنت نفس اي برامج استخدمها O_o حسيت انه تدخل في خصوصياتي بس في نفس الوقت عادي واريح لانه اعرف انه اهلي مطمنين يوم يجوفوني على الكمبيوتر ^_^


في الاخير انا مع وجود الكمبيوتر في الغرفه اذا هالشي مهم وضروري لكن ضد اذا العكس او الى يبا النت يكون صغير في السن


والسموحه