.. دعـــوة لشبــاب الواحـــات ..

[شوق القلوب]

الســـلام عليـــكم..

من قــلــب مـُــحب .. لكم..

هذي دعــوة منـــي.. للتمعـــن ..

و تــذكـــر أغـلى من يعيش في قلوبكــم..

.. من هنـــاااا ..

.
.

[تنينه]

تــسلمين أختي شوق القلوب ع الفيـديـو ,,

صــدقج أرواحنا هـي أغلى ما تـعيش فـي قلوبنا ,,

وبــسبـة هالتهور نخـسر أرواحنا ونذبح ناس بريئين معانا ,, ونـرسم الحـزن والدمعه على وجـه كل قـريب منـا ,, والسبب عـدم المبالاه والطـيش :no0: ,, كــم من أم بكت ونـاحت على فراق ابنها وكـم من زوجه وأطفال خسروا رب البيت سبة الحوادث ,, ذكريات أليمه دائما ما تخـلف علـى قلوبنا هذه الحواادث,, وأنا شخصيا عـشت مع أهلي وصـديقاتي آثار هذه السـرعه التي اصابت أقرب النـاس لهم :no0:

ربي يحفظ الجمـيع من كل شـر :sad4:

تنينه

[الاسطوري]

وعليكم السلام ..

مشكوره اختي على الفيديو المؤثــر والله
يحفظ الجميع من شر الحوادث
إن شاء الله

الاســـطـــوري
أخوكم

[دموع قلم]

وعليـكم السـلام ورحمـة الله وبركــاته


شـــوق قلبـــــي..

يــزاج الله خيــر الغـاليـة على هـالدعــوة الرائعــة المـؤثــرة للقلـــب,
وصـدقج مرات نسـرع ومـا نتـوقع يستـوي شـيء فينـا أو في غيرنـا,
لكـن سبحـان الله.. تستـوي حـوادث مـا نتـوقعنـا والضحـايـا تـزيــد.. !!

ربـي يحفـظ شبـابنـا وبنـاتنـا من هالفتـن وهالبـلاوي
ونتمنـى أنـهم يـاخـذون العظـة والعبـرة من المواقـف..




أشكـرج على الدعـوة غاليتـي.. وعسى ما ننحـرم من هالمشاركـات :)

[راعي الزعـامه]

الله يحفظ الجميع ان شاء الله
ويهدي ان شاء الشباب والشابات المتهورين ...
الواحد يوم يحط ريله عالريس ينسى عمره
شو بنقول اكثر
الكل عارف الصح من الغلط
تسلم اختي عالدعوة الكريمة
تحياتي ،،

[لمّــاح]

الســلام عليكم ..

فعلا فيديو مؤثر جدا .. خصوصا للي فعلا عاش هالمواقف ..

سنان المري، علي المر، المنصوري، وغيرهم واااااايد ...

عشنا وياهم .. كلنا مع بعض، طلعنا مع بعض و ضحكنا مع بعض ..

وفي لحظة كل هالأشيا تتحول لذكريات من الماضي ..

الله يرحمكم ان شاءالله و يرحم اموات المسلمين و المؤمنين جميعا ..

اختي شوق القلوب .. شكراً :)

[بهجة الروح]

شوق القلوب

يـــزاج الله خيــــــــر

[صريح]

شوق القلوب

تسلميــن على الفيديو
اللي صدق مؤثر و يخلي الواحد يفكر
و يسرح مع نفسه و يذكر المواقف
و الناس اللي خسرهم بسبب الحوادث

رد اخويه لماح ذكرني بوايد اشياء و احزان مع كل اسم اقراه اتذكر الشخص
و اتذكر شو كان سبب الوفاه، الله يرحمهم و يرحم موتى المسلميـن كلهم

بس اللي احزني اكثر انه مع كل الربع اللي خسرناهم هل ابتعدنا عن السرعه ؟ هل حسينا بالجرح
اللي انوجد فينا بعد ما خسرنا ربعنا ؟ ... لـلاسف اقدر أأكد لج انه ما بتعدنا عن السرعه

انصلي على ربعنا و نسير ندفنهم و كل واحد فينا يحس اب حزن و وده يصيح بس ماسك نفسه جدام الخلق،
بعد ما نطلع من المعشره كل واحد يحط شريط قران و يسووق بهداوه ..
يوم ولا يوميـن على هاي الحاله بس بعد هاليومين كل واحد "بما فيهم أنا لـلاسف" يرد على اللي كان يسويه قبل سرعه و طيش و تهور ..
صحيح كلنا نخاف من الموت بس نحاول نتناسى الموت يوم نسرع
و ابد ما نفكر فيه وقت الطيش و التهور .

وايد مواقف كان بينا و بين الموت شعره !! ... و الله كثيره
و في كل مره الله يسلمنا من هالمواقف

و العيـوز في البيت و اكيد كل ام في كل صلاه تدعي لولدها انه الله يهديه و يرده البيت سالم و معفى
و الواحد ما يعرف يمكن من كثر دعواتهن الله يسلمنا من الحوادث ..

الله يحفظ عيوزي و يطول ابعمرهـا و يعطيها الصحة دوم
و الله يحفظ كل ام لعيالها
و الله يهديني و يهدي كل شبابنا و يصلح حالنا

اسمحيلي اذا هذربت وايد
كلام كان في خاطري و حبيت اطلعه


شكرا من القلب
اختي
:)

[شوق القلوب]

. . تنيـــنه . .

أكثـــر ما يؤلــم هي دمعة أم مفجــوعه..
وصدمـــة زوجـــــه مذهـــوله ..

والسبب.. طيش بلحظه يتحول الى دم.. و سكــون.. و مــوت !

..

ربي يحفظكم ان شـــاء الله ..

[تحفه]

ما يالس يصييييييييررررررررر

[شوق القلوب]

.. الاسطــوري ..

لما أدخل الموضوع ارجع اشوف الكليب.. وكل مره عيوني ادمع من اللي أشــوفه..
شـــي يعور القلب.. باستهتار.. نخسر أشخاص غالين علينا..
و ينرسم كل الحزن على من يعرفه..

الله يهدينا أجمعيـــن


..

[الحساس]

سلمتي يا شوق والقراء من هالمصايب..

كل يوم والله كل يوم بالمستشفى اتيلنا مالايقل عن 20 اصابه بسبب حوادث الشوارع... ، تشوف الويلات .. نشوف الحزن والدمعه على خد اهل المصاب.. ايي ابن المصاب يبوس راس الدكتور وظهره بس عسب ينقذ ابوه .. لكن وين يا بني ادم وين.. كل شي بيد الرحمن.. احيانا مايكون بيدينا اي شي نسويه لان الضربه اقوى من اي علاج.. ويموت المصاب والحيره تعم الوجوه!!

السرعه هب بس هي السبب.. السبب هو الشارع.. في ناس ابرياء يمشون بحالهم بس الغير يعتدى على ارواحهم .. الشارع صار مستنقع لحصد الارواح....

[شوق القلوب]

.. دمـــوع قلــم ..

تواجد يثلج له الصــدر.. و آآآآآآميــــن.. ربي يسمع منج ان شــاء الله
تراهم غاليـــن عليــنا.. و ما انطيق يمسهم اي سوء..


..

[شوق القلوب]

.. عاشق القلـم ..

صـــح انه الواحد ينســى عمـــره..
بس بطلب منك.. و من كل الشبــاب اللي مروا على الموضوع طلب صغيــروني..

وانت يالــس بين أهـــلك.. أيلس في زاويــــه.. و أتأمل الوالـــــده..
شـــوف بسمتهــا.. و ضحكتهــا.. و حلاوة سوالفها.. وحتى زعلها..
أتأمـــل ويهـــها..

و أتخيــــــل

مصـــابها.. و دمعتهـــا.. لو لا سمح الله صارلك شي..

و اتخيـــــل

حرقـــة قلبـــها.. و ألمـــها..

و اتـــذكر.. هالموقف.. وانت اتـــزيد من سرعتك.. وقارن

بين متعــــة لحـــظه.. و دمــــع غالي

ساعتها.. يمكن تقدر اتقرر !

.
.

[المزوحي]

مب شطارة اللي يسوووق 1000 وكلنا نسووق ولو يتبعون النظام مابيصير هالشي ...