فاتورتي مب فاهمها

[الحساس]

:

:


:

[العجيبة]

عمـوله يمكن

[شرجاوي]

حرااااميه ... يوهمون الناس بالتخفيضات و من هناك كلامهم خرطي مالت عليهم

[عذبة الروح]

راجعتها وياك
وحسبتك صح ...
على فكره ..
هذي اول مره اعرف انه فـ الوقت العادي الدقيقة بـ 24 فلس
عـ بالي بعدها بـ 30

وما عليك الا انك تراجعهم
والله يعينك صدق
والسموحه

[شمعة أمل]

اتصلات حراميه ويقهروووووون >_<
اخس شي يوم يقطعون التليفون ولا يخبرووون .. ولا بعد الكستمر سرفس مالهم مب شي
تعرف شو
طرشلهم ايميل عن هالسالفه
واذا سولك طاف
حطه في الجريده ^_^ بعدين المشكله بتنحل عند الجميع ويمكن اتصالات تتعدل

[الحساس]

خيبه تخيبهم..

في موقع اتصالات مكتوب الاسعار مثل ماذكرت لكن.. الحين يوم اتصلت فيهم قالوا لا غيرنا الاسعار والاسعار اليديده :
ال\قيقه 30 فلس بالوقت العادي وبالمنخفض 24 فلس

عمرها فكرتي عن اتصالات مابتتغير... حراميه يعني حراميه

[لمّــاح]

ياخويه اتصالات شركة غريبه .. !

انا مثلا بالبطاقة المدفوعه .. من عقب ما غيرو البطايق قوم بو 30 وخلوهن 25 و 40 .. احط نفس المبلغ الجديم ( مثلا 100 درهم ) .. احس ال 100 مب مثل قبل تخلص بسرعة مادري ليش و هالملاحظة مب مني انا من وايد غيري

الفاتوره نفس المشكلة بعد يوم استخدمها.. انا لاحظت انهم ياخذون أكثر لكن يوم اسألهم يقولولي لأ انته حاسب غلط :puppyeyes:

احيد من فتره كان عندي رقم مدفوعه .. و تذكرت اني لازم اجدده لأنه رقم حلو طرشت واحد خليته يدفع 100 في المكينه .. دفع و رد قال لي لازم 125 مب 100 .. قلتله اوكيه بسير اتصالات و بدفع ال 25 ..
سرت اتصالات عقبها بيومين .. قالولي رقمك انسحب !!
ياناس ياعالم .. انا دافع 100 حق التجديد و تمت 25 مادري عنها .. قالولي اذا تبا الرقم راجع المدير .. طبعا نفس الارف كالعاده راجعت المدير و قال لي اوكيه بصرفلك الرقم بشرط تشتريه من أول و يديد و عن ال 100 لازم تقدم طلب عشان نراجع الحسابات و خلال شهر بنردلك اياها
أمري لله .. دفعت 165 و خذت الرقم .. رديت البيت و خليت الضرف بدون ما افتحه .. عقبها بيومين فتحت الضرف قلت بستخدم الرقم .. طلعته جان اشوف البطاقة بدون Sim card
رديتلهم .. ياعااااالم ياناس يا اوادم حلو مشكلتي .. راجعت المدير نفسه قال لي ادفع 50 درهم بدل فاقد ماقدر اصرفلك رقم ثاني ببلاش ..

خلها على الله يالحساس .. !

عنبوه .. برع مثلا في لندن البطاقة يوم تاخذها تكون ب 30 درهم تقريبا و فيها رصيد بنفس جيمة البطاقة يعني كأنك ماخذنها ببلاش .. و كل الخدمات الي تباها متوفره ( مثل ال MMS و انتظار المكالمات ...الخ ) .. هنيه لازم تدفع عشان تحصل الخدمات هاذي .. !

[الحساس]

غمضتني يا لماح!!
عسب بطاقه تدفع تكثر من 200 !!؟؟؟

لازم غصب طيب يسحبون فلوس من هالبشر!!

نصيحه...

الي عنده بطايق مدفوعه ويبغي يحط رصيد يحاول يحصل له شخص يروم يدفع له الرصيد عن طريق النت..

عنا ناس عندهم بطايق واصل.. ادفعلهم عن طريق النت ( عن طريق بنكي الي هو بند دبي التجاري) ويعطون 10 % رصيد مجاني.. يعني اذا حطيت 30 درهم رصيد يحطون بالبطاقه 33 درهم

هالشي الوحيد الي تكرمت وتنزلت اتصالات تسويه لنا يمكن لان هذا تعاقد مع بنك ويعتبر بروموشن!!

[الحساس]

http://www.etisalat.ae/html_arabic/c...telephones.htm


هذا موقع اتصلات يبين ان اسعارهم مثل ماذكرتها بالبداية

[لمّــاح]

يحيك انته دبي التجاري ..

دبي الاسلامي واللعنتين بعد .. 3 مرات دفعنا و كل مره يخصمون من الحساب و ماينزلون الرصيد في التيلفون .. عاد يالله سير و راجع دبي الاسلامي .. اعطيك الي تباه اذا رمت تحل مشكلتك في دبي الاسلامي .. بنك مقعد ياخي :puppyeyes:

وساعات يوم تكون محتاي رصيد ضروري يقولك لازم تصبر 24 ساعه او بالكثير 48 ساعة عشان ينحط الرصيد في تيلفونك

شو كالفني اصبر يومين عشان 3 دراهم زياده !

على فكرة .. انا حظي نحس دايما ويا اتصالات و دبي الاسلامي .. من يومين واصلتني فاتورة الفيزا .. يطالبوني ب 299 .. مادري منو حطالي بيزات 150 كاتبيلي حتى مشكور على الدفع المبلغ دخل في حسابك .. المفروض ال debit ينقص .. يوم اشوف ويلاهم زايدين ال 150 درهم المدفوعه على المبلغ الي يطالبوني اياه و الحين لازم ادفع 449 اونه :kkk: هذا بدال ماينقصون ال 150 من ال 299 .. !

[الحساس]

ههههههههههههههههه

والله حالتك حاله!!

اخوي اظن حسابه في بنك دبي الاسلامي بس ما جد اشتكى منهم!! وينزل الرصيد شراتي من حسابه من النت..

فاتوره الفيزا ولانك ساحب منها مثلا.. بآخر الشهر يسحبون من حسابك العادي عسب يغطي حساب الفيزا.. وشي طبيعي يسحبون 299 من حسابك العادي عسب يغطي حساب الفيزا.. بس شو السبب ان 150 درهم هاي لازم تدفعها فشي غريب.. يمكن هذا الكاميشن مالهم بس وايد اذا كان صدق كاميشن!!!!

راجع حسابك عن طريق النت وحساب الفيزا .. ( اذا كانت متوفره عندكم هالخدمه) وحاول تقارن... مرات يحصل لبس من صوب الكاستمر..

[لمّــاح]

لالا .. ال 299 هاذي اضني لأني كنت شاري شي بالدولار و مادفعت المبلغ كامل .. دفعت بالدرهم ..

و ال 150 درهم هاي حد دفعها حطاها في حسابي .. منو ؟؟ لا تسألني لأني مب انا الي دافع !!

بس الغباء انهم بدال ما يخصمون 150 درهم من ال 299 .. زادو ال 150 عال 299 و يطالبوني الحين ب 449 بدال 149.. ! فهمت عليه ؟؟

و غريب اخوك مايتشكى من دبي الاسلامي .. احيد مره كنت بسافر و السفره عقب 8 ايام .. و بطاقة الفيزا انكسرت على حظي ف قلت بقدم طلب بدل تالف ..
قدمنا .. قالولي بالكثير 3 ايام والبطاقة بتكون جاهزه .. اوكي .. صبرنا !!
راجعتهم بعد 3 ايام .. قالو بعد يوم .. سرنالهم بعد يوم قالو بعد اصبر يوم .. احتشرت عليهم و قلت بصبر بعد يوم .. طبعا سرت و ماااااااشي فايده ويا دبي الاسلامي .. سافرت و رديت و نسيت سالفة البطاقة ..

تخيل يالحساس عقب 3 شهور وصلتني رسالة بالبريد فيها بطاقة الفيزا مالتي

و قبل ما اكمل ال 18 انا الحساب فاتحنه في دبي الاسلامي .. يوم كملت ال 18 سرت ابغي اشل توقيع ابويه من الحساب لأني تلعوزت كل ما ابغي اسوي شي لازم ابويه يوقع .. قالولي ييب اثبات مصدق من المحكمه انك مكمل ال 18 .. عجيب ؟؟ !! اوكي براويكم الليسن .. جوازي الاصلي .. ليش بعد ورقة من المحكمه اني مكمل ال 18 ؟؟ :puppyeyes:

الله كريم .. في دبي الاسلامي لو ماتعرف حد مابتخلص شغلك ..

[كـلـكـلـووش]

صــدقك يا لمــاح ..
داومــت عــنـدهم في دبــي الاســلامــي ..

والله اذا ما تعــرف حــد ما بتــروم تــمشي شــغــلــك ..
تعــرف حــد انت شـــيخ .. ما تعــرف حــد صــف فــ الطــابور يــا حمــار !

خــدمة العــملا عــندهم واايـد تعبــانـه .. ربي يعينك بما ابــتـلاااك وخخ

هيه صـح .. الله يعينك يا الحسـاس .. مشكلتك عويــصـه

[نجمة دبي]

اعرف وحده معرسه توصل فاتورتها كل شهر 200 او 300 لا اكثر
وهالشهر واصل 1000
يقولون ان هي مطرشه 5000 مسج ..

بالعقل يعني .. انا لو ايلس من طول الشهر اطرش مسجات ما بتوصل 5000

وهاي الحرمه طمه في التفونات .. زين انها تعرف تتصل واتطرش مسج ..

يعني ؟ كيف استوى 1000 ؟؟؟

الله يعينك اخويه لماح .. والله يعينك اخويه الحساس ..



نجــــــــــــ دبي ــــــــــــمة

[شرجاوي]

خخخخخخخخخخ .. الله يعينكم ... الحمدلله ما عندي فواتير خخخخخخخخخخخ