محتاجة الى ....

[لبن مثلج]

ابا افضفض ..

احس اني مكتئبة وفيني صداع..

يمكن لاني محتاجة للتغيير .. ابغي اغير شي في حياتي .. مادري شو بالضبط؟؟ يمكن كل شي

ينتابكم هالشعور؟؟؟ :sad4:

:madd:

[ناصر الخالدي]

عزيزتي لبن مثلج @@ لا طعم للحياة إذا لم نشعر بالملل ثم نجدد الأمل ونبدأ الرحلة من جديد والحياة حافلة بكل ما هو مثير إلا أنها ايضا حافلة بالأحزان والهموم ولكن الأقوياء يعرفون كيف يستمرون ..........

نعم يراودني نفس الشعور ولكن ربما نختلف بطريقة التعبير فأنا اعبر عن الملل بالرسم أو الكتابة أو النقاش مع من اثق بهم ..........

ولكن يبقى الملل مالم نحاول التخلص منه .......

أعتقد الحل هو زيارة دولة الكويت والتجول في اسواقها وبحارها والإنغماس في حرارتها

ملاحظة @@

شو هالرمس لا ترمسين بالملل :kkk: يا سلام اعرف اتكلم اماراتي

[لبن مثلج]

الخالدي .. يسعدني تواجدك الممتع :mar7aba:

صحيح ان الحياه فصول .. ولكني حاليا امر بفصل الشتاء القارس الممل والجامد ..(لاني ماحب الجو البارد) :ice:

لكني فعلا محتاجة للتغيير ،، حتى لوكان بسيط ..

الفرق بيني وبينك اني ماعرف اعبر عن شعوري مثلك .. حتى الخواطر ماعدت اكتبها (قلمي عقيم) حتى صديقاتي (بعد الزواج)

يمكن مشكلتي اني امل بسرعه واحب التغيير باستمرار :kkk:

ملاحظة منعشة:: عرضوا عليه من فتره زيارة الكويت لان عندنا معارف وصداقات كثيره هناك .. لكني للاسف مارحت والاهل راحو .. والمثير في الموضوع ان الوالدة حبت المكان واااااااااااايد

يقولون (رمسه) ومب (رمس) وعقبال الباقي

[مايهزك ريح]

لبن مثلج .. بلاج .. وصلت للحاله اللي انا دايما ولله الحمد اوصل لها :sad4:
بس عادي الشي اللي اسويه .. وهو عادة في نهاية الأسبوع اني ادور فيلم حلو ..وشل عيال اختي واختي الصغيره واسحبهم السينما ويايه :ice:
وعادي اكون داخل وياهم فيلم رسوم .. brgll:
او اقص عليهم واقبضهم خط العين .. :bow:
اخذبهم لفه على الجيمي مول ( نوقف انصلي فيه ونشتري من ستار بكس أو كوفي بيين على حسب المزاج )
وعقب انكمل حواطه لين حديقة مبزره .. وجبل حفيت ..
جيه ارجع الدوام يوم السبت فريش .. :smartass:
نصيحتي لج ..:daleel:
حاولي اتغيرين المكان اللي انتي فيه بطلعه أو بأي شي عشان يخوز الملل

[المزوحي]

أما مع مايهزك ريح .. مع إنه الموضوع مش مع أو ضد ..
لكن .. ينتابني هالشعور .. وأحيانا دون تخطيط .. يوم نطلع شرات ماقال الأخ إنه يسير خط العين
فمره سرنا صوب البداير ... وشفت العالم كيييف .. مواتر عالم نااااس .. زحمة فضيعة وكأنه في نص البلاد من الزحمة .. نص ساعة ورديت لكن وناسة ..

الروتين - الشغل - ودوام المدرسة والكلية - ضجة المدينة تسبب اكتئاب وعصبية ...
سيري بعيد ... انبسطي

[لبن مثلج]

اتعرفون شو الفرق الي بيني وبينكم

انتوا اولاد وقت ماتبون تتطلعون ،، المكان الي اتحبونه ممكن توصلونه ،، يعني اذا بغيت اسير مكان هادي ماقدر ... مكان بعيد ماقدر,, :no0:

مقيده ..:puppyeyes:


مايهزك ريح يامركب هوانا:: فكرت اغير ديكور حجرتي (اقل شي) عشان احس بالتجديد brgll: لان الاشيا الثانيه ماروم عليها

المزوحي:: ياريت اروم اسير بعيد ،، لازم حد يكون وياي ،، والمشكله انه محد فاضي الكل مرتبط :kkk:

اشكركم على مواساتكم لي :ttmasha:

[صدى جوفي]

لبوووون .. ما عنــدكم يهــال فالبيت ..

عليج بهم لاعبيهم ولعوزيهم .. برائتهم تخــبل

أو دقي ع ربيعاتج - اللي ما كلمتيهن من فترة أو المقربات - بيتغير شعورج شوي

دشي المطبخ وبدّعي بالأكل .. دوري لج شغلة تنسيج اكتئابج وغيري الروتين ..)

هاللي دوم ألجأ له اذا كنت متضايجة ....

ان شاء الله الضيج .. سحابة صيف وتعدي

مع محبتي .. صدى جوفي

[لبن مثلج]

صدى :: عندنا يهال في البيت (عيال الديج) ربي يخليهم ان شاء الله

كلهم مرضى (حمى)

اما صديقاتي عرسن ،، الي على وشك ولادة ومب طايقة عمرها والي بتعرس نهايه الشهر ومب فاضيه والي .... ويالسه غصب اشحت صديقات من اهني وهناك :terms:

ابغي اسافر ... هذا هو التغيير الي ادوره .. بس محد فاضي ؟؟؟؟؟؟؟؟؟؟؟

بتيين وياي :ice:

[وعد]

يا كثر ما يصيبني هالشعور يا لبن مثلج
ملل في ملل في روتين ,,,,,,,بس الحمدالله علي كل حل

اذا لقيتي حل للمشكلة علميني

[لبن مثلج]

وعد ،، انتي بحرينيه ؟؟

اذا هي من وين في البحرين؟؟؟ يمكن ازوركم شهر 7

اذا حصلت حل بخبرج ؟؟؟ حالج من حالي

[دموع قلم]

مسـ ـ ـ ـ ـــاء الخيـ ـ ـ ـ ــــر..

أختـي لبـن مثلــج..
الحمـدلله أن أخـواني مو مقصريـن ويطلعـوني ودايمـا يـدورون على راحتـي وسعـادتـي,
ولكـن أحيـانـا أكـون مضايجـة وأبغـي أروح للبحـر مثـلا بروحـي, لكـن طبعـا هالشــــي
مستحيـل, فـ أشغـل نفسـي بـأشيـاء أحبهـا وتفيـدنــي..

شـوفـي شو هـوايـاتج.. شو تحبيـن.. تميليـن لشـو..؟!!
حـاولـي تجـدديـن روتيـن حيـاتج, تغييـريـن الجـو شـوي, تسـوين شـي يـديـد تحبينـه.. !!
حـاولـي تكتبيـن الأشيـاء اللي تبيـن تسـوينها من هوايـاتــج, ترتيـب البيــت أو الحجـرة,
أشيـاء تبيـن تتعلميـنها, فـ اكتبيهـم كلهـم, بتلقيـن وايـد أشيــاء تقـــدرين تـسوينــها بـس
مـا فكـرتـي فيهــا..

:)


ربــي يحفظــج أختــي.. !!

[ناصر الخالدي]

ويبقى الضجر سيد الجميع