افيدوني.. ماهي اضرار اللاب توب(الحاسب الالي المحمول)؟؟

[مجموعة إنسان]

<<< واللي تيــلس12 ساعــه كــل يوم عــلى اللاب شو نصيحتكم لها !!



الله يعـين ... اممم .. قمت أحــس بعـوار في راسي ودوخــه من أقوم من عــلى اللاب !!

ادخلي مصحة ضد الأدمااان احسن لج
انا اذا قعدت 3 ساعات.. وبعد مو متوااصله ..

خففي من اللابتوب

[ولد الحكومة]

وعليكم السلام
.. والله انا سمعت انه مب زين الواحد ايحط اللاب توووب على ريولة ؟؟؟ بس مش متأكد .. من المعلووومة .. ياريت أخونا الحساس ايفيدنا عن الموضوع
.
.
.
والسمووووحة اختي

[شمعة أمل]

آخذه في الاي تييييييي


شي واحد مهم الكتاب يقوله

لو انتي حامل ابتعدي عن الكمبيوتر لانه بيقدر يطح اليهال الى في بطنج =s

[أمواج]

.
.
مرحبــا
انا سمعــت إنه الاب توب لما ينوضع على الريــل يسبب
للحريــم ~~~~> العقــم
للشبــاب ~~~~> يأثر على الحيوانات المنويــه . .
اوني انا احط شي تحت الاب تووب مثلا كتــاب .
.
.
waves

[لبن مثلج]

امممم

مصايب في مصايب .. وانا على طول حاطة اللاب توب على ريولي من دون كتاب ولاغيره..

الله يستر.

قرموشه:: هذا يسمونه الوسواس الخناس ... قمتي اتوسوسين من عقب ماقريتي الموضوع..

[الـيـاه]

امييي اول مره اعرف !!!

انا من اليوم اللي خذته للحين ماعرف احطه على ريلي ولا أحب , دومه يا ع المكتب
أول حذالي ع الشبريه والا انسدح ع الارض لول ..





.
.
.

[عاشقة الريم]

اممممممممممممم

حبيت اضيف شي على الموضوع

بحكم انا ادرس في الكلية فاقعد من الصبح الساعة 7:30 لين 4:15 العصر جدام اللاب توب

فلاحظت أن ريلي تعورني لأني مرات احط اللاب توب على ريلي .. واحسها حارة

الله يستر بعدين شو بصير

[دمعة شوق]

دووميه قـمــاري عليـه
:nono:

الله يعينا بس ويحمي كل مدمن وكل اللي يحطه على ركبه
ويهديهم وانا وياكم طبعا ً

[أمرين]

أنا دوم أحطة على ريلي ...
وربيعتي دووم تهربني .. صرت أزيغ منها
يوم أجوفها دشت الكلاس على طوول أنزله

بس
يعني فالسيارة اشقايل بستخدمة اذا ما حطيته على ريلي ...؟؟!!


تسلمووون عالمعلوومه

[قرموشة]

ادخلي مصحة ضد الأدمااان احسن لج
انا اذا قعدت 3 ساعات.. وبعد مو متوااصله ..

خففي من اللابتوب

مــا أرووووم .. أدكــشن خلاص .. واليوم انا يالسه جــدام اللاب من الساعه 1:30 الظــهــر لين ألحــينه !!! يعني تقريبــا 14 ساعه !! :nono:

قرموشه:: هذا يسمونه الوسواس الخناس ... قمتي اتوسوسين من عقب ماقريتي الموضوع..

كنــت أحــس بعــوار الراس والدوخــة قبل لا أدخــل الموضــوع .. :no0:

[لمّــاح]

السلام عليكم ..

بخصوص اللابتوب .. صح سمعت ان هناك مضار و الحمدلله انا نادر ما احطه ع ريلي .. لأنه اريحلي يوم يكون عالطاولة !!

بخصوص الادمان شي عادي بحكم ان معظم اشغالنا عالكمبيوتر ..

كنــت أحــس بعــوار الراس والدوخــة قبل لا أدخــل الموضــوع ..

هالشي عادي .. نحن الشباب مثلا عقب مانيلس فترة طويله عاللابتوب خصوصا اذا كنا نكتب .. مانقدر نركز عدل في السواقه لأن عينج تستهلك طاقة كبيره في التركيز ..

و وايد منا جاسه شي يسمونه بالانجليزي استيقماتيزم .. هو شي يتبع ضعف النضر على ما اضن انحراف .. والله ماعرف شو بالضبط
لكن سببه هو التركيز الزايد .. ف الواحد يحاول انه يشتت انتباهه كل نص ساعه عن الكمبيوتر و لازم الاضائه اتكون جيده عشان مايستهلك الكثير من طاقة عيونه ..
انا متى اعرف ان هالشي يأثر سلبا على عيوني؟؟ يوم تدمع عيني من العدسات او تحمر اعرف ان الي اسويه غلط، مثلا وايد اركز او الحجره ضلام .. ف تعلمت :harhar1:

[العيناويه]

أن الموجات والإشعاعات التي تخرج من هذه الكمبيوتر المحمول تهدد الجسم مباشرة, ويظهر تأثيرها السلبي على المرأة,,,
وخاصة في قدرتها الإنجابية,,, بسبب اختلال الهرمونات ,,,
فضلا عن الشعور الدائم بالصداع والدوار والإحساس بالإجهاد والإرهاق وآلام في العضلات حتى عند قيامها بأقل مجهود ,,,,

وبالاضافة الى المعلومات الي وضعوها الاخوه والاخوات ,,,,
هالموضوع يحتوي على حصيلة لاباس بها من المعلومات المتعلقة باضرار الاب توب ,,,
والي لازم يعرفها كل مستخدم لهذه الاجهزة ,,,

السمووووووووووحه
عيناويوووو طويلة العمر