السلام عليكم
الدوري هالموسم غير,, ونقاط الفرق تشهد على هالشي
الاهلي
بـ صراحة في الدور الاول محد كان متوقع فوز الاهلي
كان بينه وبين الوحدة 11 نقطة !
بس ما يأس رغم الظروف اللي حاولت تعرقله
اثبت لجماهيره انه اكبر من انه يهزه ريح
و قدر يشارك الوحدة في الصدارة مرتين
لين ما انتزعه منه بكل جدارة !
الوحدة
كان بطل الدور الاول بلا منازع
بس ارادة وطمووح الفرق الثانية كانت اكبر و عرقلته في الدور الثاني
الا انه بعد قدر يحافظ على الصدارة لين ما قبل الفاصلة
الجزيرة
لين اخر لحظة ينافس
قدر يثبت نفسه وجدارته في هالموسم
العين
نزل مستواه في نص الدوري !
و ها اللي اثر عليه
بس حمدالله لحق على عمره و رد العين اللي تعودنا عليه
النصر
صح انه قدم ااداء حلو بس ما كان بالمستوى اللي تعدونا عليه
يمكنة تأثر بالتخبطات الفنية اللي صارت !
بس اداءه بدا يتحسن على نهاية الدوري
من رايي النصر الموسم اللي فات كان افضل :kkk:
الشباب
زاد حلاوة الدوري يوم كان من المنافسين
لعب بشكل حلوو في الدور الثاني
بس ما تم وايد على ادائه
الشارقة
صدق انه ملك ! يوم يبي يلعب مافي احلى عن لعبه
كان ممكن ينافس عــ الدوري لولا انه تعرقل في اخر المباريات
الوصل
في نص الدوري تقريبا ظهر الوصل باداء حلو ,, و غلب النصر
و بدت جماهير الوصل تفرح لانه اداءه يبشر بالخير
اتوقع الوصل يكون له كلمة في الدوري الياي ^_^
الشعب
في الدور الثاني ,, الشعب كان غير !!
الشعب اشعل ناره :narr: و عرقل الشارجة و العين اللي كانوا ينافسون عــ البطولة
اللي يجوف اداء هــ الفريق بستغرب من مكانه في الدوري ! ,, حيرتنا يالشعب
الامارات
اكثر شي شد انتباهي دفاعهم ,, عنده دفاع اوكي هالفريق
بني ياس
كان حلمه البقاء في دوري الاضواء بعد هالغياب
كان يلعب بس بعد الخبرة تلعب دور
دبا الحصن
بدا بداية قوية ,, قدر يتغلب عــ الشعب و يعرقل الشباب
كان مصدر خوف للفرق كبيرة ,, لكن ! بسرعة تغير الحال
و صار يعتبر حصالة الفرق الثانية
وين راحت ارادة اللاعبين القوية !! ,,ولا غرق دبا بين طموح الكبارية
...
ها رايي بس انتو شو رايكم يا جماهير
شو رايكم باداء فريقكم هالموسم ؟
و شو تعليقكم عن اداء الفرق الثانية ؟
وشو رايكم بهالدوري بشكل عام ؟
رد مع اقتباس
مواقع النشر (المفضلة)