الاحتـ ـ ـ ـ ــرام.. !!

[وحي القلم]

أي تقصـدين أن نعـامل بـالمثـل وبـالقـوة مع مـن يعـاملـون بـالسـوء وقلـة الاحتـرام.. ؟!!

لا.. مب جيه قصدي

المفروض ايكون لي مبدأ أساسي في التعامل ما أتنازل عنه لأي سبب كان

مثلا.. إذا كنت مقتنعه بأني لازم أحترم الكل

فلازم ما أغير قناعتي بهالشي لاني تعاملت ويا وحده ما احترمتني !!

بس بعد هذا مب معناته أني أكون (حيطه واطيه) للوقحين في التعامل

إذا غلطوا عليّه أحاول أحسسهم بأنه هالشي مب عايبني بدون ما أنزل عمري لمستواهم

و مب شرط ايكون كلامي ابصوره مباشره

يعني.. هالشي يعتمد عليج انتي كيف تتعاملين وياهم

و إذا ما نفع هالاسلوب خليهم على الله

و كوني متأكده.. دام أنه هذا أسلوبهم فأكيد وايدين متأذين منهم غيرج

و بيي اليوم الى بيتندمون فيه على غلطتهم

..

و نحنى عندنا قدوة ثابته المفروض إذا صادفتنا أي مشكله انرد

و نشوف كيف كان أسلوب قدوتنا من هالناحية

..:: و هالشخص هو الرسول صلى الله عليه و سلم ::..

كيف قدر يكسب الناس ؟
ما كان أسلوبه يعتمد على احترامهم ؟
شقايل كان يتعامل ويا الناس الى ما لهم أسلوب و كسبهم في الأخير ؟
كانت شخصيته قويه و في نفس الوقت ما كان يغلط على حد.. شقايل استوا جذيه ؟

أحيد كنت قاريه قصته ويا الأعرابي الى يا من وراه و سحبه من بردته عشان ايكلمه

فابتسم له الرسول صلى الله عليه و سلم

لانه عارف بانه أصلا هذا هو أسلوب الريّال ويا الناس و ما كان يقصد أنه ايهينه فما رد له الغلط بغلط ثاني

..

و بس .. انتي قولي بكون أنا الأحسن و غلط غيري مب عذر عشان أغير اسلوبي و اغلط عليهم

..

و السموحه