فارسة ما تهاب خيول الغدر

[شمه]

منطوق _قلبي

هالكاتبــه.. الصراحــه من اول قصــه قريتها لها من 4 سنين و خلتني احب القصص..

والقصـه انا قريتها كامله في يومين ورهيبـــه اتجنن,,,

[الشوق]

الجزء الاخير ..


~*¤®§(*§ ( كل شي له بهالدنيا نهايه .. تجري الايام فالدنيا سراع .. انتهت ياسادتي هذي الحكايه .. و الجزء الاخير اختمه بالوداع .. بس ظنكم ينتهي مصير غايه .. بالفراق المر و الا الاجتماع ) ~*¤®§(*§

صخت غايه و هي منصدمه برمست منصور .. ربيعي ..!!!!...
و بحركه قويه سحب غايه ايدها من ايد منصور .. و راحت صوب التيلفون .. و اتصلت بمطر .. بس مطر ما شله اول مره .. رجعت و اتصلت .. و منصور واقف و يشوفها ..

منصور : شووو تسوين ...؟؟؟؟..
بس غايه ما ردت عليه ..
منصور : بمنو تتصلين ..؟؟..

فهاللحظه شله مطر ..

غايه : مطر .. تعال اللحين .
مطر : شو فيج ..؟؟؟..
غايه و هي تصيح و بصووت عالي : تعااااااااال الللحين .. ارييييييييدك ..
سكر مطر عنها و خذله كندوره و ظهر يربع صوب السياره .. و من عقب ذكر انه ما شل السويج .. و رد يربع صوب الفله و شل السويج و راح صوب غايه ..
و فهالوقت ... تخطت غايه منصور و راحت صوب الكبة وشلتلها شيله و عباه ..
منصور و هو معصب : انتي وين بتروحين ...؟؟؟..
بس غايه ما عطته ويه و هي اتحس عمرها بتموت خلاص .. كل شي انتهى .. طلعت غايه من الحجره .. و ان حامد متساند عالمكتب و منزل راسه .. و من انفتح الباب رفع راسه .. و شاف غايه و هي ظاهره اتصيح .. و غايه تخطته و هي ميته .. و طلعت غايه .. و منصور واقف عند باب الحجره .. و من طلعت غايه .. رفع راسه صوب حامد .. ثواني .. و من عقب افتر عنه و رد الحجره .. و غايه طلعت من الفله .. و تمت واقفه فالحوش و هي منهاره .. فاللحظه الي دخل مطر بسيارته الفله .. طلع حامد .. و شافه ..
حامد و هو يكلم غايه : .. غايه .. دخيييلج ..
بس غايه ما كانت تسمعه ..
حامد : .. انتي والله مالج خص .. انا السبب .. غيضه بسببيه انا .. دخيييييلج لا تخلينه ..

فهاللحظه وقف مطر السياره و نزل يربع لغايه الي من شافته مشت صوبه .. و لوت عليه و هي منهاره ..
مطر : شو فيج ..؟؟؟..
غايه و هي تصييح : دخييييييييلك ظهرني من هالبيت ..
مطر : غايوه شو فيج ..؟؟؟..
و رفع عينه لحامد .. جنه يسأله هالسؤال .. بس حامد ماعرف بشو بيرد عليه ..
غايه : ماباااااااااااااااه .. اكـــــــــــــــــرررررر رهه .. دخييييييييييلك ظهرني من هالبيت ..

لوى عليها مطر و قادها لسياره .. و فتحلها الباب و من ركبت سكر الباب و راكب و راحو .. و حامد واقف و يشوفهم .. و هو خانقتنه العبره ع غايه ..
ماعرف مطر شو يسوي و هو يشوف غايه جدامه و هي اتصيح و هو حتى مب عارف السبب .. تم يحوط بالسياره شوي .. بس من صياحها ماقدر انه يمنع نفسه و ما يتصل بمنصور .. بس منصور ما رد عليه ..

فهاللحظه ..

منصور .. مب عارف .. مب حاس بالكون كله .. يحس عمره عايش فدوامه .. مب قادر انه يحس بجسمه .. يحس عمره ميت .. الشي الوحيد الي يحسبه .. هو قلبه .. قلبي !! ..

ماعرف مطر شو يسوي ... يردبها صوب فلتهم و الا ايتم يمشي بالسياره فالشوارع يلين تهدى و يفهم منها السالفه ..
بس فجأه و بدون مقدمات ..
غايه و هي اتمش ادموعها : ردني سويحان ..
مطر و هو يفتر صوبها : شووووووووو ..؟؟؟؟..
غايه : دخيييييييييلك مطر ..
مطر : كيف اردج سويحان ش الي استوى من بينكم ..؟؟؟؟..
غايه : باغضتنه .. ماباه .. ( جان تفتر صوب مطر ) دخيلك ردني سويحان ..
ماعرف مطر شيسوي .. ان ردها سويحان السالفه بتكبر زود .. و هو مب عارف .. يمكن الموظوع من بينهم تافهه و غايه مكبره السالفه ..
مطر : اول انتي قوليلي شو مستوي ..؟؟؟..
غايه : دخيلك مطر .. انا كارهه حياتي .. و ماودي الا اظهر من بوظبي كلها ..
سكت مطر .. و هو يحس بالحرقه ع حال خته .. و ع رغبتها .. ردو سويحان .. و طول الطريج و غايه اتصيح .. و هو مب عارف شو يسوي .. و قبل لا يوصلون سويحان بحول 20 كيلو .. اتصل بالعنود .. الي امبونها راقده .. تم يتصلبها يلين نشت ..
العنود : الو ..
مطر : عنود نايمه .؟؟..
العنود و هي اتشوف الساعه و كانت 2:43 : خاف ربك الساعه 3 اللحين ..
مطر : نشي .. انا و غايه نسير صوبكم ..
وقف قلب العنود وفزت من عالشبريه : ليش شو مستوي ..؟؟؟..
مطر : من نوصل بتعرفين ..
و سكر عنها .. و العنود من سكرت عنه ربعت بلا حاسيه صوب بيت عمها ترقبهم .. و سيده راحت صوب حجرة سلامه و دقت عليها الباب .. بس سلامه ما فتحت .. جان تتصلبها شوي و ردت عليها ..
العنود : سلامي انا فحجرة غايه .. تعاليني ..
سلامه و هي تنش : ليش شو مستوي ..؟؟؟.
العنود : مادري بس انتي تعالي ..
و نشت سلامه صوبها ..
سلامه : بسم الله العنود .. شو مستوي ..؟؟؟..
العنود و هي متوتره و بتصيح : مادري .. اتصلبي مطر .. قال انه و غايه يسيرون صوبنا ..
صخت سلامه : شو ؟؟!!..
العنود : قلبي يعورني .. احس ان شي متسوي ..
سلامه بخوف : الله يستر ..
10 دقايق و انهم واصلين ... و من وصلو ظهرن سلامه و العنود فالحوش .. و مطر من نزل فتح لغايه الباب .. و غايه بعدها اتصيح .. و من دخلت الحوش راحلها .. و هي من رفعت راسها و شافتهن زاد صياحها .. و هي اتصيح بحسره ماكله قلبها اكل .. و من شافنها تصيح .. و من قبل لا يعرفن شالسالفه .. صاحت العنود و ربعت صوبها تلوي عليها .. و تمن لاويات ع بعض و يصيحن .. و مطر الا يتلفت مب عارف شو يسوي ..
سلامه : عنود .. بس
من رفعت غايه عينها صوب سلامه .. شافتها سلامه .. و يمكن النظره الي شافتها غايه فسلامه .. جنها اتقولها .. قوي نفسج .. شوي و دخلن كلهن حجرة غايه .. و مطر ظارتنه ظيجه .. انا السبب .. انا غصبتها ع منصور .. راح و ركب سيارته .. و راح صوب طريج العزب .. و تم يحوط بالسياره ..

و غايه من حدرت الحجره و يلسن .. قالتلهن السالفه ..
العنود : ربعبه يني عسى ..
غايه : ايييييييه .. لا تدعين عليه ..
العنود : شو لتدعين عليه .. هو منو يتحسب عمره ..؟؟؟..
سلامه : انا عاذرتنه ..
افترن صوبها ..
سلامه : يزاج هذا وزووود ..
العنود و هي مستغربه : انتي تتشمتين فيها ..؟؟؟!!!..
سلامه : اتشمت !!!.. لا .. بس انا قلتها لها من قبل .. ما ريال بتحق نفسه لوحده من بعد الكلام الي قالته غايه لمنصور ..
غايه : بس انا احبه .. و الله اني احبه ..
سلامه : عيل ليش اتصيحين اللحين ..؟؟؟..
غايه : اصيح من حسرتيه ع حالي ..
سلامه : لا عيل بتصيحين وااايد ..
طالعتها غايه بنظره .. جنها تريد تعرف .. قصد سلامه دون ما ترمس ..
سلامه و هي اتشوف غايه : .. انتي جنيتي ع نفسج .. و منصور حاله من حال غيره .. اذا خوج شك فيج .. ما تبينه هو ايشك ؟؟؟..
العنود : لا سلامه .. وضع مطر غير عن منصور ..
سلامه : صح .. يمكن وضع مطر وضع خو خايفه ع خته و ع سمعة العايله .. بس منصور .. وضع يختلف نهائيا عن وضع مطر .. ( و بحرقه ) .. و الله صحبه انك تنطعن من غالي .. فما بالج ينطعن من حرمته و فليلة عرسه .. و الله شي يحرق القلب ..

سكتت غايه .. و هن يتكلمن .. و هي قلبها و عقلها في بوظبي .. منصور .. آآآآآآه .. و فهالوقت .. منصور اموقف سيارته فمنطقه من عقب نادي السيدات في بوظبي .. و يالس ع طرف ع حصاه عوده و يشوف البحر .. من ظيجته مب عارف بشو يفكر .. يالس و هو يشوف البحر .. دون ما يحس بشي .. خلاص .. كل شي انتهى ..

اذن الفير .. و نشن البنات يصلن .. و مطر صلى فالمسيد .. و كان بوه و حمد و يده توهم ظاهرين و هو توه واصل المسيد .. سلم عليهم و حدر يصلي .. و بو غايه من شافه .. عرف ان شي مستوي .. و ماراحو تمو يرقبونه يلين خلص .. و من خلص ..

بوغايه : رب ما شر يابوغيث ..؟؟؟..
مطر و هو مرتبك : ما من شر ..
حمد : متى ظويت ..؟؟؟..
مطر : حول الساعه 3
حمد : شعندك ..؟؟؟..
مطر : مظوي غايه ..
بو غايه : مظوي غايه ؟؟!!!..
حمد : كيف يعني مظوي غايه ..؟؟؟..
مطر : مادري شو استوى من بينها و بين منصور ..
و مشو كلهم صوب البيت .. و من وصلو راحو صوب غايه الي كانت يالسه و تقرى قرآن في حجرتها .. و سلامه و العنود في حجرة سلامه .. و من دخل بو غايه .. رفعت غايه راسها من المصحف .. و من شافت بوها .. نشت صوبه و هي خانقتنها العبره ..
غايه و هي اتشوف بوها : بويه ..
و راحت صوبه و لوت عليه ..
بو غايه : رب ما من شر بنتي ..؟؟؟..
بس غايه ما تكلمت ..
حمد : شو مظونج من بيت ريلج الفير ..؟؟؟..
رفعت غايه راسها صوب حمد .. و للاسف .. بدل ما تشوف الحنان فعيونه .. شافت البرود .. لو كنت منال و الا منى .. ما كنت بشوف هالبرود فعيون منصور .. منصور !!.. آآآآآه .. و جان اتحط راسها ع صدر بوها و تصيح ..
بو غايه : يا بنتي شو بلاج ..؟؟؟.
غايه : ماباه ..
و ان يدها حادر ..
و من شاف غايه استغرب : الغوي ..!!!.. متى ظويتي ..؟؟؟..
و غايه من شافت يدها راحت صوبه و هي اتصيح ..
يد غايه و هو صاخ من صياحها : شعندج ..؟؟؟..
غايه : يدي ماباه .. قولهم ..
حمد : بتخبرج انتي .. شعندج مستبطره ..؟؟؟؟..
مطر : حمد .. لا تزيدها ..
حمد : شو لا تزيدها .. ما اتشوفها بطرانه .. ظاويه الفير من بيت ريلها و اتقول ماباه ..
غايه : كله بسببك انت .. قلتلكم ماباااااه .. غصبتوني عليه .. و انا باغضتنه ..
حمد بصوت عالي : اوص جب .. بفج براسج تتنقين بين الرياييل عيل ..
يد غايه و هو معصب ع حمد : صه قطعها الرمسه مسود الويه .. يا عنبو ذا اللحيه لك ..
بو غايه : الساع ما حشمت من بوك و يدك ..
حمد : هي الي ما حشمت .. لا حشمتكم و لا حشمت ريلها ..
يد غايه : مسود الويه .. ظهر لا دامك ع حشمه .. لا و الله بهالعيره ع راسك ..
ظهر حمد عنهم و هو ميت غيض منهم .. و مطر واقف ع طرف .. و حاس باللوم من غايه انا الي غصبتها .. انا سبب عذابها هذا .. و العنود و سلامه من سمعن الحشره ظهرن و تمن فالصاله .. و من ظهر حمد .. ان امه ظاهره من حجرتها ..

ام غايه : بوشهاب .. وين شيبتك ..؟؟؟..
حمد و هو معصب : عند بنتج ..
ام غايه و هي مستغربه : شووو ..؟؟؟.. شمن بنته ..؟؟؟..
بس حمد ما رد عليها و ظهر من البيت .. و راحت ام غايه صوب القسم الثاني و شافت مطر و هو واقف عند الباب و من شافته وقف قلبها .. امبونه في دوامه و اليوم الاثنين ما بيرد من الدوام .. و من مشت شافت سلامه و العنود يالسات ع طرف .. و بدى قلبها يدق بالقو ..
ام غايه : شعندكم ..؟؟؟..
افترو صوبها بس محد تكلم ..
و من افتر صوب حجرة غايه و شافت ريلها و يد غايه يالسين عالشبريه و غايه من بينهم .. حدرت صوبهم ..
ام غايه : غايه ..!!!!!!!!!!...
رفعت غايه راسها صوب امها ..
غايه : اماااااااايه ..

و التمو كلهم عند غايه .. يريدون يعرفون السالفه .. بس غايه ما قالتلهم كل شي ..
غايه : امايه ما يجبل صوبي .. و ان رمسني الا يهازب و يتامر .. و كل ما ارمسه ايقولي ياهل ..
بو غايه : شهالرمسه بعد ..؟؟؟..
غايه : و الله اني ما استعوفت فيه .. احاتي عيشته و لبسه .. و الله يا بويه حتى خاواته اراعيهن ..
يد غايه : امبونج ما تخربين الساع يا بنت معضد .. ياغير هو منحوس مسود الويه ..
ام غايه : يا معضد تلاحج بنتك و اتصل بالريال ..
غايه : و الله ما يتصل .. لا هو لا غيره .. هو الغلطان ..
بو غايه : بس يابنتي ..
غايه و هي تقطع رمست بوها : بعتوني مره .. و بعدكم بتبيعوني ..؟؟؟..
و سكتو كلهم ..

فهالوقت .. بخيته اتشوف تيلفونها ... و هي مب عارفه شو تسوي .. فالفتره الي حست انها نست احمد .. رجعلها .. يالله شو اسوي ..؟؟؟.. اكلمه ؟؟.. ماقدرت بخيته انها تمنع نفسها عن احمد .. و مع ان هالرقم مب نفس الرقم الي دوم يتصلبها منه قبل .. بس هي عرفته ..

طرشتله ..

" عمرك ما كنت تستأذن قبل لا تتصل " ..

و احمد .. امبونه ميت .. خلاص .. مب قادر يعيش .. انا ظيعت غايه من ايدي .. انا الي وصلتها و وصلت عمري لهالشي .. آآآآه يا غايه .. و الله اني احبج .. و في حزنه هذا .. وصلته المسج .. و من قراها و هو مب مصدق .. و تم متردد .. غايه !! .. معقوله غايه عدها تحبنيه و العرس ما غير مشاعرها من صوبي ..؟؟؟..
و بسرعه اتصل ..

و من شافت بخيته الرقم .. دق قلبها بالقو .. احمد ..

بخيته من بعد ما ردت و تمت ساكته شوي : ... مرحبا ..
و احمد مب مصدق : .. معقوله ..!!!..
سكتت بخيته ..
احمد : مب مصدق انج اتكلميني ..
بخيته : ليش ..؟؟..
احمد : مادري .. كنت اتوقعج خلاص نسيتيني ..
بخيته بصوت واطي : نساك الموت يا بو شهاب ..
سكت احمد فتره .. و هو مب مصدق ان غايه اتكلمه .. فهاللحظه ذكر منصور ..
احمد : .. اسف ان كنت غثيتج بالمسج ..
بخيته : بالعكس .. انت رديتلي الروح بهالمسج ..
احمد : بصوت واطي : و الله ..؟؟..
بخيته : آآآآه .. و الله ..
احمد : شحالج ..؟؟؟؟..
بخيته : بعدني عايشه ..
احمد : عسى ربي يمدج بعمر ٍ مطيل ..
بخيته : و من قال عسى ..
سكت احمد .. و هو كل خاطره يسألها عن منصور .. و هو كل ما يتذكر هالشي يموت .. خلاص غايه ملك منصور .. و بخيته عايشه شي ثاني مب مصدقه الي تسمعه .. احمد .. فدييييييييييييييييت قلبك ..
احمد و هو ينزل راسه و يشوف ايده و هو يحركها ع حد الطاوله : .. ادري انه المفروض ما كان اتصلبج ..
بخيته بصوت واطي : .. ليش ..؟؟؟..
احمد : لانج ع ذمت ريال .. ( يقول هالكلام و قلبه يعوره ) ..
بخيته و هي مستغربه : .. شوووووو ..؟؟؟..
احمد : يالله .. و الله احس عمري بموت كل مااتخيلج فيا ريال غيري ..
بخيته : .. انت اتقول هالكلام .. و انتي الي بعتنيه ..؟؟؟!!!..
احمد : و الله ما بعتج ( و بصوت واطي ) .. و الله اني احبج ..
بخيته و دمعتها تنزل : و انا اموووت فيك ..
احمد : آآآآآآآآآآآآآآآآه .. عيل ليش خذتي منصور ..؟؟؟..
بخيته : شو ؟؟؟!!!!..
احمد : حرام عليج .. انا بغيت اموت يوم عرسج ..
بخيته : شو ؟؟.. انا ما عرست ..
فهاللحظه بس انتبهت بخيته .. غايه ..
احمد و هو مستغرب : شو ..؟؟؟.
بخيته : احمد ممكن اسالك سؤال ..؟؟؟..
احمد : عونج ..
بخيته : انت قبل لا تحبني كنت تحبنيه صح ..؟؟؟..
احمد : صح ..
بخيته : و من عقب ما كلمتنيه حبيتنيه ..؟؟؟؟..
احمد : الا زاد حبج اظعاف ..
بخيته و هي فرحانه : و الله ..؟؟؟..
احمد : و الله .. حبيتج بطريقه ما تتخيلينها ..
بخيته و هي تحاول انها تستجمع قوتها : .. و لو قلتلك اني مب الانسانه الي حبيتها اول شي ..
احمد : كيف يعني ..؟؟؟..
بخيته : .. انا مب غايه ..
احمد : غويه دخيلج ..
بخيته : انت الي دخيلك .. انا مب غايه .. انا بخيته ..
صخ احمد مب فاهم شي ...
بخيته : انا ربيعة غايه فالجامعه ..
احمد و هو منصدم : شو ..؟؟؟..
بخيته : احمد .. و الله اني حبيتك و لو اني ماعرف عنك الا اسمك .. الا اموت فيك و ما اتخيل حياتي دونك
احمد : انتي كيف مب غايه ..؟؟؟..
قالت بخيته لاحمد السالفه كلها .. و احمد يسمعها و هو منصدم .. لهالدرجه انا كنت مغفل ..!!!!.. لهالدرجه ماقدرت اني اميز غايه من غيرها ..
بخيته و هي مرتبكه : و هذي السالفه كلها .. بس ..
احمد و هو يقطع رمستها : الله يلعنج هدمتي حياتي ..
صخت بخيته : احمد ..
احمد : الله ياخذ عسى .. انتي تعرفين شو سويتي فيني ..؟؟؟؟.. انتي ذبحتيني ..
بخيته : احمد انا ..
احمد : انتي وحده حقيره .. انسانه تافهه .. همج تلعبين بمشاعر النااااس ..
بخيته : خاف ربك فيني .. انا و الله احبك ..
احمد : جب .. جب .. هدمتي حيااااااااتي
بخيته و هي تصيح : دخييييييلك ..
احمد : اللحين اتقوليلي انج مب غايه ..؟؟؟.. اللحين ..
بخيته : دخيييييييييلك .. و الله حاولت اقولك بس انت ..
احمد : الله يسامحج ذبحتيني .. ذبحتييييييييني ..
و سكر في ويها و هو ميت من سمع بخيته و الي قالته .. الله ياخذها .. آآآآآآآآآآآآآآآآآآآآه .. غاااااااااااايه .. آآآآآآآآه ياقلبي .. لايتني مت قبل لا اكتشف .. غايه .. غمض اعيونه و هو ميت .. لا لا لا .. غايه راحت .. الله يلعن البنات و لعبتهن ..
في بوظبي .. منال و منى .. ما كانن يعرفن بلي استوى من بين غايه و منصور لانهن كانن في بيت عمتهن .. و الصبح .. استغربن ان غايه ما يت توعيهن لصلاه .. و من نشن ما لقنها كالعاده يالسه فالصاله .. استغربن .. مستحيل اتكون نايمه للحين .. نشت منال .. و راحت قسمهم .. و لقت الابواب مفتوحه .. دخلت الحجره .. و ما لقت حد فيها نهائيا .. معقوله ايكونون طلعو .. مستحيل .. لانهم من عرسو ما طلعو مع بعض .. اتصلت بمنصور .. بس هو ما رد عليها .. و تمت تهويس .. و من عقب ياهن حامد و قالهن بالسالفه ..
منى : شوووووو ..؟؟؟.. لا لا لا .. مااااااباااا ..
منال : لا مستحيل ..
حامد : هذا الي استوى ..
منى و هي خانقتنها العبره : يعني غايووه راحت ..؟؟؟!!!..
منال : لا اكيد بترجع ..
سكت حامد و هو يحس انه سبب هالي يعشنه خاواته .. و الاهم منهن .. غايه ..

و منصور من ظهر من عقب غايه و هو شرات الانسان الي ضيع شي .. يالس و يحوط بالسياره في كل مكان .. جنه يدور ع شي فاقدنه ..

و في سويحان ..

هل غايه ما قالو لحد ان غايه زعلانه من ريلها .. و الكل اعتقد انها ياييتنهم بتيلس عندهم كم يوم و بترد .. و الفرق .. ان غايه .. كانت تظهر عكس ما بقلبها .. بينت لهلها انها انسانه قويه .. و ان منصور و معاملته و موقفه منها مازادها الا قوه .. و هالشي الي حسنه صدق .. بس الي محد حاسبه .. هو عذاب غايه و هي بعيد عن منصور .. و هي عنده ممكن اتهون عليها أي معامله او كلمه ممكن يقولها لها .. لانها تعرف ان منصور يحبها و لو هو ما صرحلها بهالحب بالطريقه الي هي تباها ..

سلامه : اللحين شو بتسوين ..؟؟؟؟..
غايه : و رفجه لا اظوي راسه .. و الله بخليه يشرب من مر كاسه ..
طالعتها سلامه بنظرت اعجاب : انتي قد هالتحدي ..؟؟؟..
غايه : خلاص .. خسرت كل شي فهالدنيا .. حتى منصور خسرته بفعل ايدي .. بس ماهمني حد فهالكون كله الا منصور .. و ربي بيسوقه لي .. و بذكرج ..
العنود : و الله ساعات اتمنى اكون قويه مثلج ..
غايه : قويه !! .. الي يدي يدري .. و الي مايدري يقول كف عدس ..
و طبعا هن فهمن كلامها ..

و في بوظبي ..

منصور حاله منجلب .. و لو ان خاواته بغن يرمسنه فالسالفه .. بس من شافنه ماقدرن انهن يتكلمن .. الا صاحن ع حاله .. عزل عمره عن العالم كله .. يمكن فاليومين مره ممكن ياكل .. ما كان يقدر انه ينام عالشبريه .. كان ييلس عالكرسي طول الليل و هو يتاملها .. و هو يتخيل غايه و هي نايمه و شعرها حولها .. يالله .. انا شو سويت ..؟؟؟.. بلي سويته خير لي و الا شر ..؟؟؟؟.. افتر بويهه .. و شاف التواليت .. نش و راح صوبه .. و هو يشوف عطورت غايه و علب المكياج .. و كريماتها .. فهاللحظه .. طاحت عينه ع مشطها .. آآآآآآآآآآآآه فديييييييييييييتج ..

و منى و منال من عقب ما انجلب البيت لحالهم عمره ما مرو بها .. كانن مصرات انهن يتواصلن بغايه .. خلاص غايه صارت جزء منهن ..

مر اسبوع من استوت هالسالفه .. و غايه ولو انها تحاول تغبي حزنها و حسرتها .. بس ساعات .. يلمحون نظرة الحزن فعيونها .. رجعت لهلها بس ما رجعت غايه الجديمه .. لا .. رجعتلهم جسد بلا روح .. و منصور و من بعد هالايام الي قضاهن و هو حابس عمره فحجرته .. و لا يظهر و لا يرد ع حد و لا يشوف حد من هله .. بدى يفهم وضعه .. و ردتله جزء من حاسيته .. و لو انه يليين اللحين مب قادر يتخيل ان غايه طلعت من حياته .. فهاليوم .. طلع منصور من حجرته .. و منى و منال و فياهن حامد .. يالسين و يتكلمون .. و من شافوه افترو صوبه .. و هو يمشي و لا شافهم .. بتفكيره الشارد .. اللحين العصر .. معقوله اتكون تذكر لمتنى العصى فالصاله ..؟؟؟.. و طلع منصور من الفله و راح ..
حامد و هو يهز راسه : عمري ما كنت اتوقع انه يحبها لهالدرجه ..
منى : اريد غايوووه .. و الله كرهنا البيت دونها ..
حامد و هو يمسك تيلفونه : لحظه ..

و اتصل بمطر ..
مطر : الله حيبه ..
حامد : مرحبا بوغيث ..
مطر : مرحبا الساع بالنسيب ..
حامد : علومك ..؟؟؟..
مطر : الحمدلله ..
حامد : و الله مادري شو اقولك ..
مطر : لا تقول شي .. و هالشي قسمه و نصيب و كله مكتوب عند ربك ..
و تمو يتكلمون ..
منى : قوله يعطيك رقم غايوه ..
و خذ من عنده رقم البيت .. و من سكر عن مطر نشن البنات و اتصلن بغايه .. الي ما صدقت انهن اتصلبها ..
منى : حرااام عليج غايوووه .. و الله منصور يحبج ..
غايه : منى .. لا تلوميني ..
منى : انتي ما شفتي شكله كيف .. و الله انه ما ظهر من الحجره الا اليوم ..
غايه : بخوف ليش شي يعوره ..؟؟؟..
منال و هي تاخذ التيلفون : غايووووه لا تزعلين من منصور .. هو و الله يحبج ..

و في نفس اليوم .. رد عبيد من الدوام .. و كانت الدنيا منجلبه من درى .. لانه تواجع فيا مطر و حمد ..
عبيد : انتو السبب ..
حمد : عبيد .. لا تزيد فالرمسه ..
عبيد : شو لا تزيد فالرمسه ..؟؟؟؟.. عايبنك حال ختك هذا ..؟؟؟..
حمد : واقع الا هي الغلطانه .. و الا لو هو منصور جان من ليلتها ظوانا ..
عبيد : شوف حمد .. غايه ما يخصك بها .. و ازيد ما تعنيت في سالفة عرسها لا تتعنا .. ( و جان يفتر صوب مطر ) .. و هذا حالك .. و فرحو اللحين .. من عقب ما هدمتو مستقبل ختكم ..

و ظهر عنهم و هو ميت غيض و دخل حجرته و كانت سلامه تقرى في كتاب .. و من شافته رفعت عينها عليه .. و تذكرت صوت البنت الي كانت عنده .. و نزلت راسها .. و عبيد من غيضه حدر و رقع بالباب .. و هالشي الي حسس سلامه انه متواجع فيا خوانه .. اكيييد بسبب سالفة غايه .. كان خاطرها انها اتخفف عليه .. بس عقب تراجعت .. لا لا .. مستحيل اني اطوفله موقفه .. لوما سالفة غايه كان بيكون لي كلام ثاني فياه ..

فهاليوم ..

مطر : عنود دخيلج حسيبي ..
العنود : انت مب مستحي تطلب هالطلب و ختك هذا حالها ..؟؟؟
مطر : انتي ما عليج من ختيه ان شاء الله سالفتها بتخلص ..
العنود : لا مطر .. اصلا عيب عليك ترمس بهالسالفه ..
مطر : اوووووه .. امبونج انتي ما تبيني .. و اللحين الا تتعلثين بسالفة غايه ..
العنود : حرام عليك .. انت ليش اتقول جذيه ..
مطر و هو معصب : شوفي يا بنت الناس عندج يومين .. ومن عقبه اريد ردج ..
العنود : ردي فالشو ..؟؟؟..
مطر : ثنين مالهم ثالث .. يا اما انج موافقه نعرس اللحين .. و الا مب موافقه .. و فهالحاله السموحه منج .. انتي من طريج و انا من طريج ..
العنود و هي منصدمه : شوووو ..؟؟؟؟...
مطر : الله يحفظج ..
و سكر دون ما يعطيها مجال انها ترمس .. و العنود منصدمه لا لا .. مستحيل مطر يقصد هالشي .. لا لا ماصدق .. بس هالمره مطر يرمس صدق و من الخاطر .. جان تظهر العنود و راحت بيت عمها .. و لقتهم كلهم يالسين فالمنصه .. و سلامه و غايه يالسات و يتكلمن .. من عقب ما سلمت عليهم كلهم .. ان مطر ظاهر من حجرته .. و شافها .. تعمد انه يسلم ع هله من بعيد و يخطف صوب سيارته .. و العنود بتموت .. يعني هو قاصد كلامه .. غايه و سلامه كانن يانقشن مخططات يديده دخلت في خطة غايه .. و لا انتبهن للعنود و مطر .. و من اذن المغرب نشن داخل .. و من دخلن خبرتهن العنود ..
سلامه : انتي تتدلعين ..
غايه : العنود خذيها نصيحه من انسانه مجربه .. لا تجرحين مطر بصدج .. لانه ان انجرح منج صدقيني .. مستحيل جرحه يبرى من صوبج طول حياته ..
و من قالن هالكلام للعنود و هي خايفه .. معقوله مطر ممكن انه يودرني .. لا لا هو يحبنيه .. فنفس اليوم فليل .. اتصلتبه العنود .. و هو شاف رقمها و قلبه يدق .. ارد والا لا .. لا لا ما برد اباها تتعلم .. لا ما تهون عليه اخليها .. رد عليها مطر ..
مطر : هلا
العنود : اهليييييييين .. شحالك ..؟؟؟..
مطر و هو يبينها انه يرد مب من خاطره و هو العكس : الحمدلله ..
العنود : ليش اتكلمني جذيه ..؟؟؟؟..
مطر : ليش متصله ..؟؟؟؟..
العنود : يالله اهون عليك ..
عنلاتها تعرف انها العوق .. يالله يعني افدى قلبها ..
سكت مطر لانه ما عرف بالشو يرد عليها ..
العنود و بصوت واطي : ..انا موافقه ..
وقف قلب مطر .. شو يعني !!.. بعرس ..؟؟؟..
مطر : شو ..؟؟؟..
العنود و هي تلعب بالتيلفون و السماعه في ذنها : مواقفه ..
مطر : عالشو ..؟؟؟
العنود و هي مستحيه : ع العرس ..
مطر و بصوت واطي و رقيق : حلفي ..
ياويلي احبه ..
العنود : و الله ..
مطر : آآآآآآآآآآآآآآآآآه يا عذابي فهالدنيا ..

و بالباجر خبر مطر هله انه يريد يعرس و الكل احتشر عليه ..
ام غايه : يالله بالستر ..
مطر و هو يقطع رمستها : هاه العيوز .. الشيمه خلج انتي برى هالسالفه كلها ..
طالعته امه بنقمه ..
مطر و هو يرمس بوه : غايه ما عليها شر .. يومين و بترد لريلها .. و انا جني بعرس ما بعرس قبل شهر ونص شهرين ..
غايه : بويه .. لا تقطع نصيبهم بسببيه ..
و من عقب ما شاورو سعيد و معضد خوان العنود .. تحدد العرس بتاريخ 23-9-2004 و هم اخر شهر 7 ..

و غايه فاليوم ترمس منى و منال زود عن المرتين .. و حامد ما قطع مطر بالتيلفونها .. بس منصور فيوم .. راح لمنال ..
منصور : تعالي ..
و راح حجرته و لحقته منال ..
منصور : لمي قشار غايه و حطيهن في شنط ..
صخت منال : ليش ..؟؟؟..
منصور : بس ..
و راح و يلس عالشبريه و هو يشوف منال و هي تلم قشار غايه .. و من عقب ما حطت الثياب في الشنط .. و لمت القشار .. ما بقى الا قشارها الي عالتواليت .. راحت منال و حطت المكياج في شنطته و العطور .. و توها بنسمك المشط ..
منصور : لا لا .. لا تشلينه .. خليه ..
استغربت منال منه .. و هو عينه عالمشط .. و هو يتذكر غايه و هم في ماليزيا .. غايه .. شو تسوي اللحين ..؟؟؟؟.. و غايه يالسه في حجرتها و هي تحس انها تريد اتصيح من الخاطر .. يالله يا منصور .. ما كنت اتوقع اني بهون عليك و بتخليني كل هالمده دون ما تسأل حتى .. آآآآآه يا قلبي ..

بالباجر ..

كانت الساعه 6 المغرب ..

و تفاجأو بسياره استيشن يديده واقفه جدام بيتهم و فيها دريول و خدامه .. و نزلت الخدامه .. و كانت فيدها كيسه صغيره .. و قالت للخدامات انها تريد غايه .. و كانو كلهم يالسين فالمنصه .. و راحت غايه صوب الخدامه .. و عطتها الخدامه الكيس .. فتحته غايه و لقت فيها تيلفون .. طلعته .. و كان مغلق .. و من فتحته .. وصلتها مسج ..

" اذا نسيت شي ذكريني " ..
صخت غايه من هالمسج .. جان ينش مطر صوبها ..
مطر : شالسالفه ..؟؟؟..
غايه : مادري ..

فالوقت الي فتحت فيه غايه التيلفون و وصلتها المسج .. وصل لمنصور الريبورت .. و جان يتصل .. من شافت غايه الرقم عرفته ..
غايه و هي مرتبكه و ايدها ترتجف : منصور ..
طالعها مطر و من عقب راح عنها ..
مشت غايه عنهم شوي ..
غايه و بصوت مرتبك : .. الو ..
من سمع منصور صوتها احس جنه ارتوى من عقب اسنين من ظماه ..
منصور : الو ..
غايه : مرحبا الساع ..
منصور و قلبه يدق بطريقه مب طبيعيه : شحالج .. ؟؟؟..
يالله يعني افدى صوتك .. تحس بقلبها وقف من سمع صوته ..
غايه : بخير ربي يسلمك .. ( بصوت واطي ) انت شحالك ..؟؟؟
منصور : آآآآآآآآآه .. الحمدلله ..
هالتنهيده مشت في عروق غايه .. يالله فديت قلبك ..
منصور : انا طرشتلج سياره بالدريول و خدامه ..
غايه : شو يعني ..؟؟؟..
منصور : و طرشتلج هالتيلفون .. و قشارج بتلقينه فالسياره ..
غايه : شو يعني ..؟؟؟..
منصور : جني قصرت بشي .. ما يردج الا لسانج ..
غايه : انا اسألك .. شقصدك بهالحركه ..؟؟؟؟..
منصور : ماريد يوصلج القصور من صوبي ..
سكتت غايه و لا علقت .. جنه يقولها .. ماريد أي شي من بيننا .. و ابرى نفسه جدام الله و الناس ..
غايه : مشكور يا فلان .. ماريد منك شي .. لا السياره و لا الي فيها ..
منصور : مب بكيفج ..
غايه و هي تعلي صوتها : بكيف منو عيل ..؟؟؟..
فهاللحظه افترو هلها صوبها ..
منصور : غايه .. جنج نسيتي بذكرج .. تراج حرمتيه .. و الي اريده بسويه ..
غايه : تخسي .. شو تتحسب ما ورايه رياييل ...
منصور : انا الغلطان الي خذت وحده ياااااااااهل .. انتي ما تفهمييييييييييييين ...؟؟؟؟؟؟؟؟؟؟...
غايه و بصوت عالي : و الله محد ظربك ع ايدك و مثل ما خذتني طلقني .. و والله ما اصيحك ..
منصور : شوفي غايه .. ان رديتي ما وصلج مني .. باجر بتوصلج ورقتج ..
غايه : جلعتك ..
و سكرت في ويهه ..
غايه : لا و الله و يهدد بعد .. اوين باجر بتوصلج ورقتج .. عنلالالالالالالالالالالال الالالالالالالالالالاته الشييييييييييييبه .. اكرهه ..
بو غايه : بو غيث اتصلبه ..
مطر : يا بويه ...
بو غايه و هو يقطع رمسته : اقولك اتصلبه ..
مطر : الشيمه .. زهل هالسالفه عنك و انا بقظي الحيـّه ..

راحت غايه الحجره و هي ميته غيض من منصور .. الي من سكرت غايه في ويهه و هو يطبخ عمره في جدر .. عنلاتها هالياهل صدقت عمرها .. عنلالالالالاتها السباله .. دواها عندي .. شوي و انهم حادرين عليها بالشنط و سلامه و العنود ورى الخدامات ..
سلامه : ما كنت اعتقدج بهالتفكير ..؟؟..
غايه : يقهرني .. يذبحني هالشيبه ..
سلامه : شو نسيتي تحديج ..؟؟؟؟..
طالعتها غايه ..
غايه : لا ..
سلامه : عيل شو نسوي ..؟؟؟..
غايه و هي تنش و تمسح دمعتها : بتشوفين شو بسوي ..

بالباجر ..

العصر كان عبيد بيروح دوامه .. و طول هالاسبوع و هو الاسبوع ما يلس فيا سلامه .. الي كانت تتعمد انها تتجاهله طول الوقت و ربشت عمرها بسالفة غايه و عرس العنود .. بس هاليوم .. ماقدر عبيد انه يروح دوامه دوم ما ييلس فيا سلامه .. و من عقب الغدى مسكها عبيد و قفل الحجره ..
عبيد : حبيبي شو فيج ..؟؟؟..
و سلامه كل ما يقولها عبيد حبيبي تموت .. تذكر صوت البنت ..
سلامه و هي تفتر عنه : ماشي ..
عبيد : لا فيج شي ..
سلامه : سلامت قلبك ..
تم يطالعها عبيد .. بس من شكلها ما بترمس .. نش عبيد و وقف و تم يتسفر ..
سلامه : عبيد .. يوم بتكون في اجتماعاتك الخاصه .. اتمنى انك تغلق تيلفونك ..
عبيد و هو عاقد حـيـّاته : اجماعاتي الخاصه ..؟؟؟!!!..
سلامه : انا حرمتك .. سترك و غطاك فهالدنيا .. بس غيري ممكن يتعلث باي شي عشان يفضحك ..
عبيد و هو يفتر صوبها : شو قصدج ..؟؟؟..
سلامه : ماشي .. قلتلك في اجتماعاتك الخاصه اغلق تيلفونك ..
عبيد : أي اجتماعات خاصه ..؟؟؟؟.. انتي عن شو ترمسين ..؟؟؟..
قالتله سلامه السالفه ..
سلامه : انا مالومك .. لاني الفتره الاخيره قصرت في حقك .. و هالشي اعترفبه .. ( فهاللحظه خنقتها العبره ) .. بس ما كنت اتوقع انك انت من بين العرب كلهم ممكن انك اتجازيني جذيه ..
عبيد : حبيبي ..
سلامه و هي تصيح : لا تقول حبيبي ..
عبيد : حبيبي و حياتي و عمري .. انتي نصخ حياتي فهالدنيا كلها .. حرام عليج .. كيف اتشكين اني ممكن اخونج .. ؟؟؟..
سكتت سلامه و نزلت راسها ..
عبيد : فديتتت روووووووحج .. و الله السالفه مب مثل ما انتي فهمتيها .. السالفه ان واحد من ربعي .. كان ع علاقه فيا وحده .. و هو اصلا معرس .. و هي ماسكه عليه صور فياها .. و يا يعطيها فلوس يا انها تعطيهن لبو حرمته ..
صخت سلامه و رفعت راسها صوبه ..
عبيد : و هو سبال ما يعرف ايصرف عمره .. و قالي .. و ارتبشت فياه .. الا و الله ما طرالي ابدي هاللوث عليج .. يعلهن يفدنج من مشرقهن لمغربهن ..
حست سلامه بالصدق في صوت عبيد .. و الحب الي اتشوفه فعيونه يغفرله كل شي ..
عبيد : يالله يا سلامي .. لهالدرجه تغارين عليه ..؟؟؟..
سلامه : حرام عليك يا عبيد .. و الله ما بت الليالي بسبب هالهوياس الي اانيسته بسبب هالسالفه ..
عبيد : فديت قلبج .. انا كنت بقولج .. الا ارتبشنا بسالفة غايه .. و الا انتي ما تهونين عليه .. سلامي انتي حياتي ..

الاسبوع الي عقبه ارتبشو قوم غايه بتجهيزات العرس .. و خص ان غايه و سلامه هن الي كانن فيا غايه و هي تزدهب .. و في نفس الوقت ميثه و ام غايه يسدن باقي الزهاب .. يعني تحولن البيتين لخلية نحل .. و الكل مرتبش .. و منصور .. لانه ما تم شرات قبل .. و خاواته مثل الاضراب .. ما يكلمنه شرات قبل .. و هو من عقب السالفه الي استوت من بينه و بين حامد ما يكلمه و لا ياخذ سلامه حتى .. و حامد حاس باللوم من غايه .. لانه سبب الي تعيشه هذا .. و هالشي الي جمع من بينه و بين مطر .. الي كان يشوف عمره سبب عذاب غايه ..

كان يوم الثلاثاء يوم اكتشفن منى و منال ان منصور ما بات من زود تعبه .. كان وايد تعبان .. و حرارته مرتفعه و هن ما دربه الا الصبح .. و هو طول الليل و هو يهاذي بغايه .. و من درن ربعن لحامد .. الي شله و راحبه صوب مستشفى السلام .. و سوله فحص شامل يحاولون انهم يعرفون سبب عهالمرض .. بس مب عارفين سبب هالحمه .. فقالولهم نزلت برد قويه .. و فالفتره الي كانو فيها في المستشفى اتصلت منى ع تيلفون غايه .. و كانت الساعه 9 الصبح و غايه فالمزرعه فيا يدها ..
و من شافت رقم منى شلته ..
غايه : هلا و غلا ..
منى : غايووووه منصور مريض ..
غايه : شووووووووووو ...؟؟؟. شو فيه ...؟؟؟؟..
منى : مادري راحبه حامد صوب المستشفى ...
غايه : كيف ما تعرفين ..؟؟؟؟..
منى : ما ندري نشينا الصبح .. كنا نريد انقوله اننا انريد نيج و ريناه مريض و يهاذي ..
غايه : فديييييييته .. حامد ما اتصل يقولكم ..؟؟؟..
منى : لا ..
غايه : عطيني رقمه ..
و خذت الرقم من منى و اتصلت بحامد ... الي ما عرف الرقم و ما رد عليه .. بس غايه حشرته من زود ماهي تتصل .. و من شله ..
غايه : منصور شو فيه ..؟؟؟؟..
استغرب حامد ..
غايه : حامد انا غايه منصور شو فيه ..؟؟؟..
حامد : مرحبا غايه ..
غايه : دخيييييييلك قولي شو فيه ..؟؟؟؟..
حامد : مافيه شي .. نزلت برد بس قويه شوي ..
غايه : حامد .. دخيلك لا تغبي عليه رمس ..
حامد : و الله العظيم ان مافيه شي ..
غايه : عيل اللحين انتو شو تسون ..؟؟؟..
حامد : ماشي بيحطوله مغذي ساعه و من عقب بنرد البيت ..
غايه : من تردون اتصلبي دخيييييييلك حامد ..
حامد : ان شاء الله ..

و من سكر عنها و هو متلوم فيها زود .. يالله .. انا سبب الي يعيشونه اللحين ..
هاليومين غايه ما باتت فيهن .. ع كل دقيقه تتصل بمنى و الا منال اتشوف حال منصور .. و تفاجأت فاليوم الثالث يوم قالها ان منصور داوم ..
غايه : شووو هو يريد يذبح عمره السبال ..؟؟؟..
منال : غايوووه تعبت و انا اكلمه بس مافي فايده ..
غايه : بيشوف السبال ..
و سكرت عنها و اتصلتبه .. و منصور تعبان و حاط كيعان اديه عطاولة المكتب و ماسك راسه و مغمض اعيونه ..
و فجأه سمع

" معذور قلبي اذا لجلك يألمني .. طبعا حبيبه و لو عاذلت ما يقبل .. ما يرتضي فيك ما يسمح يكلمني .. يغرق بصمته و مني يزعل اتخيل "
عرفها .. غايه .. و من افتر لتيلفون .. لقى " منطوق قلبي يتصل بك " آآآآآآآآآآآه فديت قلبج ..
منصور : الو ..
و غايه قلبها يدق بالقو : السلام عليكم ..
منصور : و عليكم السلام و الرحمه ..
غايه : تستحج السلامه ..
منصور و هو يرفع واحد من حيــّاته : ربي يسلمج ..
غايه : ممممممم .. بصراحه ..
منصور و هو يتقدم شوي صوب المكتب : ممممممم .. شو ..؟؟؟..
غايه بدلع : ممكن طلب ...؟؟؟؟..
ياويل حالي ..
منصور : عونج ..
غايه : ممكن ترجع البيت ..
سكت منصور .. و هو مستغرب هالطلب ..
غايه بصوت واطي : ارجوك ..
آآآآآآآآآآه ..
غايه برقه : منصور ..
منصور : لبيه ..
غايه : لباك قلبي .. طلبتك .. و لا تردني ..
منصور : ماعاش من يردج ..

و نش منصور و رد البيت .. و غايه ميته من الفرحه .. هذي اول خطوه عشان اترجع منصور .. كان خاطر غايه انها تتصل بمنصور كل يوم .. بس ما حقت لنفسها هالشي .. هي صح غلطت في حق منصور .. بس هو غلط بعد .. و مثل ماهي تسعاله لازم هو يسعالها ..

مرت الايام .. و منصور يكابر فحبه لغايه .. و غايه مب حاقه لمنصور .. و سلامه اكتشفت انها حامل .. و عبيد ما كان عندها فسويحان يوم عرفت ..
عبيد : حلفي ...؟؟؟؟..
سلامه و هي مستحيه : و الله ..
عبيد : لا لا مب مصدق ..
سلامه : هههههههههههههههههههههههه ..
عبيد : سلامي ما اتخيل عمري بو
سلامه : ههههههههههههههههههههههههه هههههههههه .. و لا انا اتخيلك بو بس شو نسوي حكم ربك ..

و قرب عرس العنود و مطر .. الي يالس و يعد الايام و الساعات و الدقايق .. الله يغربل العرس تره ربشه و انا مادري ..
بالثلاثا فليل .. يت الحنايه و حنت العنود .. و غايه ماسكه كيمرة الفيدو و هي اتصورها .. و من عقب ما خلصن الحنايات راحن صوب غايه و سلامه و حننهن ..

و بالاربعا .. انترس بيت قوم العنود .. لانهم مسوين المقصاب بالاربعا الصبح و غدو الحرمات .. و غايه من نشت الصبح و هي في بيت عمها اتعدل الزهاب و اترتب الشنط .. و كانت شاله البيت .. و ما شاء الله يراتهن ما قصرن من الصبح عندهم .. و من عقب ما تغدن الحرمات .. روحن .. ووايد الي يوهم من هلهم في بوظبي و العين .. و توزعو من بين بيت قوم غايه و بيت قوم العنود عشان العرس باجر ..

و مطر ظاربنه حفوز مب طبيعي .. كل شوي يروح و يحوط بسيارته .. و الغصه صدق ان العنود من اسبوع مغلقه تيلفونها .. عنلالالالالالالالاتها السباله ..
بالخميس الصبح .. غايه عند العنود الي من زود حفوزها ما كلت شي من يوم الاربعا الصبح .. و البيت ربشه .. كان الجو وااااااااايد حلو .. و هالشي الي خلى غايه تتحسر ع ليلتها يوم عرسها .. اللحين بس اكتشفت اني كنت غلطانه بلي استوى ..

و بما ان بيت العروس عدال بيت المعرس .. يعني ماشي زهاب و مسيره .. بس الشباب التمو في بيت قوم غايه من الساعه 10 الصبح .. و طبعا حامد من يوم الاربعا عندهم .. و منصور في بوظبي و هو مب عارف شو يسوي بس ظاربتنه غصه .. انه ما يكون من بينهم في هاليوم .. بس هو مب قادر انه يوصلهم من عقب الي استوى من بينه و بين غايه خص انه ما كلم حد من هلها من استوت السالفه ..

عالساعه 10:30 .. تلايمو شباب سويحان و الشباب كلهم من ربع مطر و رفاجتهم و هلهم .. و سووو مسيره عووووده و تمو يحوطون في سويحان كامله .. و هم شالين الدنيا بصوت الاغاني .. و نص الشباب وقفو في باركنات مدرسة البنات .. و طولو عالمسجل و تمو ايووولون من ربشتهم .. كان الجو من الصبح و هو حلو من الخاطر .. و من العصر و العرب يستاقون صوبهم و فرقة المقابيل شاله سويحان شل من صوت الحوربيه ... و عند البنات .. غايه و سلامه عند العنود و هي تتعدل .. و هن تعدلهن وحده ثانيه ..
و غايه و سلامه خلصن قبلها .. و غايه تعوض عن يوم عرسها .. و تعدلت من الخاطر .. و كانت ملكة جمال .. و هي لابسه وردي بذيل طويييييييييل .. و فاتحه شعرها الي تخطى ركبتها .. و حاطه مكياج وردي رهييييييييييييب .. و لابسه البرقع و شيله ساري .. و هي فالبيت ما لبست عباه ..

و بما ان حامد من يومين في سويحان .. ماكان الا منصور الي لازم ايودي خاواته للعرس .. و هن توهن واصلات سويحان .. اتصلن بغايه .. و قالتلهن غايه اينها في بيت عمها .. و وقف منصور .. بس ماقدر انه ينزلهن من الباب الرئيسي لان وااااايد ناس و رياييل ..
منال : غايووه .. وايد رياييل مانقدر ننزل ..
غايه : لا تعالو من باب السكه الورانيه ..
و دخلبهن منصور فالسكه .. و وقف عند الباب الوراني .. و غايه قلبها وقف .. اللحين بشوف منصور .. و منى و منال ما طاعن يدخلن دونه بحجة انهن يخافن يكون حد من الرياييل جدامهن .. نش منصور و نزل فياهن و دخل الحوش .. و كانت غايه واقفه مجابلتنهم .. و من دخل باب الحوش الوراني وقف .. و هو يشوفها جدامه .. و غايه من شافته .. و قلبها عورها .. التعب هد حيله .. و منصور من شافها و هو يحس بالدم يمشي في عروقه .. معقوله ..؟؟؟.. غايه .. آآآآآآآه فديت قلبج ..
مشن البنات و منصور ما مشى .. و خافت غايه لا يفتر و يروووح ..
غايه و هي عانيتنه هو : تعالن هنيه ماقدر امشي صوبكن ذيل الفستان بيخيس ..
ابتسم منصور و هو حاس بقصدها .. و مشى .. و هو يمشي و غايه في كل خطوه يخطيها منصور تحس باحساس ما ينوصف و الابتسامه ما فارقت شفاتها .. و هو كل ما يتقرب .. يحس عمره في عالم غير عن هالعالم كله .. سلمت غايه ع منى و منال و من عقب افترت صوب منصور ..
غايه برقه : هلا و الله ..
و منصور عينه عليها : هلابج زود ..
و غايه تتنفس بسرعه و قلبها يدق يدق يدق ..
غايه و هي ترفع غصله من شعرها عن عينها : كان بودي اقولك قرب .. الا المكان كله بنات ..
ابتسم منصور و عينه عليها .. ظعفت .. فديييييييييييتها ..
غمض اعيونه شوي و من عقب هز راسه و هو مبتسم : لا عادي ..
و منى و منال دخلن و خلوهم بروحهم .. و تمو يشوفون بعض .. تم منصور يتاملها ..
منصور : دخلي .. انا بروح عند الرياييل ..
غايه : ان شاء الله ..
و افترت عنه .. و من افترت لا اراديا لمس طرف شعرها من تحت كندورة منصور .. و منصور تيبس .. و دخلت عنه و هو ثواني واقف و من عقب ثواني و هو مب قادر يمشي من عقب هاللمسه ..

عند الرياييل الجو ربشه بالقو يوله و شلات و اغاني .. و الشيوووخ مرتبشين فيا الشباب خص الشاره الي حطوها .. و حطو شاره للشباب و شاره لليهال ..

و من انحط العشى .. و من عقب ما تعشو الحرمات و الرياييل .. حدرو العروس .. و كانن البنات من قبل فالقاعه .. و دخلت العنود من عقب ما بندو الليتات ..

و دخلت من ورى الكوشه .. و جدامها راشد و سالم و هم ايولون و هي تمشي بروحها وراهم .. و هم يمشون و ايولون و الحرمات ميتات عهالحركه .. و العنود تمشي و هي صالبه عمرها .. و تظحك للكل .. و تتلفت يمين و يسار .. ربي زااااااااادها جمال رباني .. كانت تختلف نهائيا عن العنود الي يعرفونها .. سبحانك ربي ..
و من عقب ما يلست عالكوشه نشت غايه و سلامه صوبها .. و الحرمات ميتات عليهن خص غايه .. كانت رهييييييبه من الخاطر ..

(( لتنزيل فيديو كليبات اليوله .. الذهاب الى هاللنك .. http://alamuae.org/upload/alam9/m6aar.zip ))

شوي و حدرو الرياييل .. سعيد و معضد و فياهم مطر و بو غايه و يد غايه .. و مطر من ركب الممر و يمشي صوب العنود .. ارتبش و تم ايووول يلييين وصل للعنود الي من شافتهم قامت .. و من وصلت للعنود .. تم ايبس جدامها و هي ميته منه .. و من سوالها التحيه العسكريه و من عقب خر عليها و وايها .. و الحرماااااات ميتاااااااات عليه من الخاطر .. و من عقب ما سلمو عليهم كلهم و تمو يتصورون ..
اشر مطر لغايه .. و من عقب ما راحتله راحت صوب المغنيه ..

المغنيه : هداء خاص من المعرس لام المعرس ..

و اهدى امه غنية البرتقاله لانها كانت لابسه ثوب برتقالي .. و الحرمات عايبتنهن ربشت مطر ..

و فهالوقت عند الرياييل .. منصور من عقب ما شاف غايه .. اتخذ قرار نهائي انه بيرجعها خلاص .. ماقدر اعيش دونها .. و هم يالسين و يشوفون ربشت الشباب نش واحد من الشباب ..

و كانت فرقة بو صلاح ماخذتلها بريك بيرتاحون ..
احمد : السموحه منكم الشيوخ .. الا بغيت اهدي عرب هالشله و عساهم يفهمون قصدي ..

باسم الدموع النازفه والمناديـل
والـورد لاحمـر والأمـل واضمحالـه

والضيق والتفكيـر والهـم والويـل
اكتـب بـدم القلـب آخـر رسالـه

حروفهـا مـا تحتـمـل اي تـأويـل
تبكـي معانيهـا بعـيـن الجـزالـه

وداعـة الله قلتـهـا دون تأجـيـل
صبـري وصبـري قـد تعـدى احتمالـه

قلبي الذي يا (و سكت ) يغليك بالحيل
لك السعد به يا غلا والشقـا لـه

صهيـل احزانـي بقلـبـي تراتـيـل
عانق ربوع الشـرق وابكـى شمالـه

عشتـك بمـا يكفـي معـزه وتبجيـل
عشتـك جـواب ٍ حايـر ٍ فـي سؤالـه

عشتك روايه غارقه بعتمة الليـل
مضمونهـا حـلـم ٍ تـعـذر منـالـه

فيها الاسى والصد والجـور والميـل
فيها البطل يرثـي ويرثـى لحالـه

فصولـهـا متـأزمـه بالتفـاصـيـل
عنوانها في الحب (( آخر رساله ))


الشباب : الله لا شلك يا بو شهاب ..
و منصور من سمع هالقصيده عرف قصد احمد .. و هالشي الي ذبحه .. بعده يحبها .. آآآآآآآآآه .. و اتصل بخاواته و خطف عليهن عند باب القاعه و شلهن و ردو .. و هو ميت .. ليتني ما حظرت العرس .. ليتني مت .. ليتني ما اعيش زود عن ما عشت فهالدنيا ..

و من عقب ما ردو البيت المعاريس و تصورو .. سرو صوب دبي .. و غايه هالليله ما باتت .. و قلبها يدق بالقو .. لا اراديا عالساعه 3 ما قدرت تمنع نفسها و ما تتصل بمنصور ..

و منصور امبونه عالبحر .. و من شاف " منطوق قلبي تتصل بك " تم متردد .

[الشوق]

تابع الحلقه الاخيره .. من
.
.
.
فارسه ما تهاب خيول الغدر

[الشوق]

تم متردد .. ايرد و الا لا .. بس ماقدر انه يمنع قلبه و لا يرد ..

غايه برقه : الو ..
و منصور ايغمض اعيونه .. مب عارف شو يسوي .. خلاص كرهتها ..
منصور : هلا ..
غايه : هلا و غلا ملايييييييييييين و لا يسدن ..
سكت منصور ..
غايه : شو فيك ...؟؟؟؟..
منصور : شو تبين ..؟؟؟..
غايه : اباك انت ..
صخ منصور من كلامها ..
غايه : بكل صراحه .. بصوت وااااطي رقيق ) .. احبك ..
وقف قلب منصور و هو يسمعها اتقول هالكلام .. تحبنيه ..!!!..
منصور : ... اها ..
انصدمت غايه من ردت فعله ..
غايه : قلت شي غلط ..؟؟؟..
منصور : وليش اللحين اتقوليلي انج اتحبيني ..؟؟؟..
غايه : لانك اتحبنيه ..
منصور : غايه .. مب كل من قالج .. احبج .. يحبج .. كل الرياييل يحبون .. بس لازم تفرقين من بين الي يحبج صدق ..و من يقول هالكلمه و هو يتسلابج ..
غايه : منصور حرام عليك ..
منصور : ارجوج ..
غايه : انت الي ارجوك .. منصور حرام عليك .. و الله حرام ..
سكت منصور فتره .. و غايه ادموعها على خدها .. و ايدها ترتجف ...
غايه بصوت مبحوح : .. منصور ..
منصور : حبيتج .. و الله اني حبيتج .. ( هز منصور راسه ) .. حرام عليج ..
غايه و هي تصيح و ما تشوف من دموعها : و انا احبك ..
منصور : بعد شوو ...؟؟..
غايه : دخيلك عطني فرصه ثانيه ..
منصور : من بعد ما ذبحتيني ؟؟؟!!!..
غايه : منصوووووور ..
منصور يرتجف من هالمشاعر و الاحاسيس الي يحسبهن : خافي ربج فيني يا بنت الناس .. و الله الطعن فالميت حرام ..
غايه : يعل يومي قبل يومك ..
فهاللحظه نزلت دمعة منصور : يالله يالقدر .. ييتج .. و انا حاطلج قلبي بكفه و حبي بكفه .. ( غمض اعيونه ) .. ييتج و انا محتاينج .. و الله كنت محتاي احط راسي ع صدرج .. اشكيلج من تعب هالسنين .. كنت محتاي اسمع صوتج .. همسج .. أي شي منج .. أي شي يعيشني باقي حياتي ..
غايه و هي منهاره و تصيح : دخييييييييييييلك ارحمني ..
منصور : و انتي ليش ما رحمتيني ..؟؟؟؟!!!.. ليش ما رحمتي حبي ... ليييييييييييييش ..؟؟؟؟..
غايه : بسوي أي شي انت تباه بس دخيييييييييييييييلك .. لا تخليني ..
منصور من بعد ما تنفس بصوت عالي : آآآآآآآآآآآآآآآآه يا غايه .. تعرفين شو الي يفصل بين الحب و الكره ؟؟.. شعره .. اتشوفين شعره من شعرج .. ( فهاللحظه شاف غايه جدامه .. نايمه .. و شعرها متناثر حولها .. هز راسه .. يريد هالصوره تتلاشى من خياله .. ) .. شفتيها .. شفتي مرفعها ؟؟؟..هذي الي تفصل بين حبي و كرهي لج .. كنت احبج حب ما ينوصف .. لو ما خوفي من ربي .. كنت عبدتج .. تعرفين شو يعني عبدتج ..؟؟؟.. ( غايه تسمعه و تمسح ادموعها .. بس ما ظنتي سيل الدمع تمنعه بلمست اديها ) .. و الله حبيتج ..
غايه و هي تصيح : منصور ..
منصور : ذبحتيني .. ذبحتي حبي قبل لا ينولد ..
غايه : بيدنا نحييه ..
منصور : من يموت انسان يندفن فالتراب .. فما بالج ان ماتت المشاعر .. ؟؟ .. انا انسان خالي من المشاعر ..
غايه : منصور عطني فرصه ..
منصور : فرصه لشو ..؟؟؟.. غايه صدقيني .. و الله اني كرهتج ..
غايه : لا لا .. مستحيل حبك لي يروح بهالسهوله ..
منصور : من يقول انه راح ..؟؟.. حبي موجود .. بس مب لج ..
غايه : لا تكابر .. ادري انك تحبنيه ..
منصور : كنت .. بس اللحين اكرهج ..
غايه : مستحيييييييييييل .. مستحيييييييييييييييل .. ما اصدقك ..
منصور : خلاص .. ما عاد لج بالقلب حب باقي ..
غايه : انت ليش اتذلني ..؟؟..
منصور : انا ما اذلج .. قلتلج .. مالج مكان لا بقلبي و لا بحياتي ..
غايه : بهالسهوله ..؟؟؟!!!!؟؟..
منصور : ههههههههه .. ليش انتي ما تشوفين الوضع سهل ..؟؟؟!!!!!؟؟؟..
غايه : .. لا ..
منصور : بس يوم صرحتيلي بحبج القديم كان الوضع سهل .. ؟؟!!
غايه : لا بس ..
منصور و هو يعلي نبرة صوته و يقطع رمستها : يوم تنعتيني باسم .. ( حس جنه ينطعن ) .. باسمه .. كان الوضع سهل .. ؟؟!!
غايه : انت ليش ما تريد تفهمني ..
منصور : كل الي اقدر افهمه انج غدرتي بقلبي .. غدرتي بحبي ..
غايه و هي تصارخ : ماااااااا غـــــــــــــــدرت ..و لا فكرت اغدربك .. انت حياتي .. انت عمري .. كيف اغدربك ..؟؟؟؟... حرام علللللييييييييييك ...
تمو ساكتين .. تمر الثواني عليهم كنها اسنين ..
منصور من بعد ما هدى : عيشي حياتج دوني ..
غايه : مالي حياه من دونك ..
منصور : ربي يوفقج في حياتج و ..
غايه و هي تقطع رمسته : دخييييييييييييييييييييييي ل قلبك ..
منصور : مع السلامه ..
و ما عطاها منصور مجال انها تتكلم .. سكر التيلفون و من عقب اغلقه .. آآآآآه ..
ماتت غايه .. لا لا هذا شي فيه .. مستحيل ايكون انسان طبيعي .. ساعه يحبنيه و ساعه يبغظني ..

من عقب هالليله .. خلاص فقدت غايه الامل فمنصور .. الي ظربته ظيجه من الدنيا كلها .. و راح و حجزله تذكره عشان يسافر لندن .. و تفاجؤبه و بدون مقدمات ظاهر من البيت بشنطته ..
منال : انتي وين بتروح ..؟؟؟.
منصور : لندن ..
منى : منصوووور ..
افتر صوبها بس ما تكلم ..
حامد : بصراحه .. طحت من عيني ..
وقف منصور و هو مصدوم من كلام حامد ..
حامد : عمري ما توقعتك جذيه ..
منصور : شو قصدك ..؟؟؟..
حامد : عمري ما توقعتك بهالظعف ..
طالعه منصور بنظره ..
حامد : تعرف .. اكتشفت انك ما تستاهل غايه .. و الله هالانسانه تستاهل واحد احسن عنك ..
افترن خاواته صوبه ..
حامد : غايه مالها ذنب بالسالفه الي استوت من بينا ..
منصور : حامد ..
حامد : كوني اريد اخذ طليجت ولد عمك هالشي غايه مالها ذنب فيه ..
منال : شوووووو ..؟؟؟..
حامد : عصب لاني قلتله احب شيخه طليجة علي ولد عمي ..
صخت منال و يلست من الصدمه ..
منصور : يوم بتكون نذل لدرجة ان حرمة ولد عمك تتطلق متعمده من ريلها عشانك ما تستاهل اني اكلمك ..
حامد : انا احب شيخه من زماااان و مب ذنبي ان علي خذها و انتو غصبتوها عليه ..
منى : انت تحب شويخ ..؟؟؟!!!!...
حامد : و باخذها ..
طالعه منصور بنظره ..
حامد : مب غلطت غايه انها دافعت عني و هي ما تدري بشي ..
منصور : طاعو منو يتكلم .. مب انت الي ييتني و قلتلي عن غايه و احمد ..
حامد : بس هي ما خانتك ..
سكت منصور و ظهر عنهم .. و سافر لندن .. و غايه فحالة انهيار عصبي .. خلاص فقدت الامل انها ممكن ترجع منصور .. فهالفتره مطر و العنود سافرو لبنان شهر العسل .. و العنود متغصصه لانها وقفت هالكورس من الجامعه .. بس ماقدرو انهم يتاخرون وايد بسبب شهر رمضان الي بيهل في نص شهر 10 .. و ردو قبل رمضان 3 ايام .. و منصور بعده في لندن .. مايريد انه يرجع البلاد .. و حامد التزم بالشركه و الشغل من عقب ما راح منصور ..

و غايه و لو انها خلاص .. فاقده الامل بمنصور .. ماقدرت انها تبغض خاواته الي كانن شرات خاواتها .. و و من ردت العنود و مطر .. عزمتهم غايه كلهم فالعزبه .. و عزمت منى و منال و حامد ..

و فالبر ارتبشو العرب بالقو من الصبح و هم فالبر .. و الشباب ياييبين دراجات فياهم .. و البنات يالسات ورى العرقوب و اوونهن يلعبن .. و هن من قبل لا يركبن الدراجه يصارخن .. فهاللمه شاف حمد منى .. و ما بغى يشل عينه من عليها .. و تمو فالعزب يلين المغرب و من عقبو ردو الشعبيه و قوم حامد ردو بوظبي و هم متحسرين ما يبون يودرونهم .. خص غايه .. بس ما بيدهم حيله ..

قبل رمضان بيوم ..

رجع منصور من لندن .. و كان انسان ثاني .. صدق انسان منهار .. بقايا انسان .. و حامد كل ما يشوفه ظارتنه غصه .. لانه سبب الي يعيشونه ..

هل عليهم شهر رمضان .. و الكل مرتبش .. و اللمه كانت وااايد حلوه .. و لو ان غايه كانت تتغصص كل ما تشوف خوانها كيف يعاملون حرماتهم .. خص مطر و العنود .. كانو مثال للحب .. مطر من يدخل البيت لازم العنود توقفله و توايهه .. صارت عاده عندهم هالحركه لدرجة الكل تعود عليها .. و سلامه و لو انها كانت تعبانه بسبب الحمل .. بس تعبها يهون و هي اتحس ببذرة حبها و عبيد فهالتعب ..

من عقب النص من رمضان .. مسك حامد منصور و كلمه ..
منصور : حامد .. لا تحاول ..
حامد : ممكن تسمعني ..؟؟؟؟..
منصور : خلاص .. انا من عقب العيد بطلق غايه ..
صخ حامد ..
حامد : ليش ..؟؟..
منصور : ماقدر اجبل صوبها ..
حامد : انا سويت شي ..
منصور و هو يفتر صوبه ..
حامد : انت ما استغربت ان طول هالفتره هل غايه ما كلموك ..
منصور : هيه ..
حامد : تعرف ليش ..؟؟؟.. لاني رحت و كلمتهم .. و قلتلهم يصبرون عليك .. لاني اعرف انك اتحبها ..
سكت منصور ..
منصور : لو احبها .. ماقدر .. ماقدر اجبل صوبها .. اتخيلها فيا احمد ( هز راسه ) ماقدر ماقدر ..
حامد : انا كلمت احمد ..
افتر منصور بسرعه صوبه : شوووووو ...؟؟؟؟...
حامد : هالشي الي كانت المفروض انت تسويه ... انا كلمته .. و هو حلف انه ماقد كلم غايه و لا يعرف عنها شي .. و فالسعوديه .. قالي انها صدته ..
منصور : بس هي اعترفتلي ..
حامد : بس قالتلك انه وهم ..
منصور : بس كانت تهويسبه فليل ..
حامد : ما بتعرف حقيقة هالشي الا ان سألتها و كلمتها ..

يومين و منصور مب مصدق الي يسمعه .. انا ظلمتها .. معقوله ... آآآآآآآآه يا غايه .. ياربي شو اسوي ..؟؟؟... يومين و منصور عايش بحيره .. مب عارف كيف ممكن انه يكلم غايه .. كيف ايقولها انه و بكل بساطه جرحها .. آآآآآآآآآآآآه يا قلبي ..

°¨¨¤¦ آاه من عين تدمع فرقات غالي .. بوخليفه ما مات .. بوخليفه في قلوبنا اللين الممات .. يالله عساه في جنة ربي خالد ¦¤¨¨°

يوم الثلاثاء 2- نوفمبر- 2004 الموافق 19 من رمضان من سنة 1425 هـ

كانو توهم العرب فاطرين .. و غايه فالمطبخ تعابل الفواله الي بتنحط من عقب صلاة التراويح .. و فياها العنود ..
و امبونه عبيد فياها .. و جان يرن تيلفونه ..
عبيد : مرحبا الساع ..
عبيد و هو مصدووووم : شوووووووووووووووو ...؟؟؟؟..
و نش عبيد و هو يربع من البيت صوب سيارته ..
و ام غايه مب عارفه شو بلاه .. خافت لا حد من خوانه استواله شي .. و اتصلت بعبيد ..

و فجأه سمعو ام غايه و هي تزقرهن .. ظهرن من المطبخ و هن يترابعن و الخدامات وراهن ..
غايه : امايه شو فيج ...؟؟؟؟..
و ان ام غايه منزله راسها و شيلتها ع ويها و اتصيح بحرقه ..
العنود : عموووه شو بلاج ..؟؟؟..
غايه و تصييييح بحرقه : يا حزني يا غايه .. بو خليفه غاب ..
صخت غايه و العنود ..
ام غايه : يا نفاااااد الدار من عقب يا زاااااااااايد ..
غايه : امايه انتي شو تقولين ...؟؟؟؟..
ام غايه : يااااااااااويل حالنا من عقبك .. آآآآآآآآآآآآآآآآآآآآآآآآآ آآآآآآآآآآه ..
فهاللحظه حست غايه ان السالفه فيها شي ..

غايه : لا لا مستحيل .. زاااايد مااااات .. لا لا اكيد جذب .. ما اصدق .. منو قال ..؟؟؟.. لا زاااااااااايد حي .. لا دخييييييييييلكم لا تقولون زايد مات .. زااااايد عايش من بيننا ...
ام غايه : يابنتي .. دخيييييييييلج لا تزيديني ..
غايه و هي تصيح و تصااارخ : لالالالالالالالالالالالال الالا ... لالالالالالالا .. زاااااااااااااايد حي .. لا دخييييييييييلكم .. لا تقول زايد مات .. لا لا ماصدق ..
العنود و هي منهاره و تصيييح : غايووووه دخييييييلج ...
غايه و هي تمسك العنود بكتفها : عنود زايد مات ..؟؟؟.. يجذبوووووووون ..
العنود و هي تصيييح : لا ما مات اكيد يجذبون .. صح عموه ..
ام غايه و هي اتحط اديها ع راسها : اااااااه يا قلبي .. دخيييييييييييلكن سكتن عني .. شو حياتنا من عقب زاااااااااايد ..
غايه : لا ما مات .. انتي منو قالج ..؟؟؟..
ام غايه : ..خوانج ..
غايه و هي تهز راسها : لا لا لا .. لا يجذبون ..

و اتصلت بالتلفزيون ... بس محد شله .. حاست على الإمارات .. و تافاجأت بالقرااان يقرى فالقناااااااه ..

غايه بحرقه : لالالالالالالالالالالا .. زايد ما مات .. آآآآآآآآآآآه .. زاااااااااااايد ..

و ربعت غايه لحجرتها .. و هي منهاره من الصيااااااح .. لا مستحيل مستحيل زايد مات .. ماصدق .. لالالالالالالالالالا ... ياربي ... زااااااااااااايد ..

انجلب حال الإمارات من شاع هالخبر .. الكل منصدم .. زاااايد مااااااااااات ... يعني ما بنشوف زايد عد هاليوم و هو يرمس و هو يحوط فالبلاد .. و هو يوقف عند الناس و يسلم عليهم و يكلمهم .. خلاص راح زاااااااايد .. كل الامارت مفجوووعه .. شيخنا .. ابونا راح .. راح و يا شين الدار من عقبه .. شمن حياة بنعيشها من عقب زااااااااااايد ..؟؟؟.. البلاد من مشرقها لمغربها .. الكون كله .. الكون كله يبكي ع فراق زااااااااايد .. الكافر قبل المسلم .. الاجنبي قبل العربي .. يالله .. ليت العمر ينعطى .. و الله العمر يفدى بو خليفه ..

من انتشر الخبر عن طريق التلفزيونات و الاذاعات .. الدار فضت .. و ماتضوفون سياره تمشي .. الكل منصدم .. و من الصدمه ... كل الرياييل راحو صوب بوظبي .. و سويحان ما تسمعون فيها صوت .. الصوت الوحيد هو القرآن في كل بيت .. حتى المساااااايد .. القرآآآآن .. هذا حال الدوله كلها .. من العين لدبي للفجيره لعيمان لشارجه راس الخيمه .. و الحزن تخطى الإمارات .. و تخدى دول الخليج .. هالحزن عم الكون كله .. من اكبرهم لاصغرهم ..

مب مصدقين .. اتخيلو عد هاليوم ما بنشوف زايد و هو واقف و يحي الشعب .. تتخيلون .. خلاص .. روووح زايد امست فالسمى عند رب العالمين ...

دخلت العنود ع غايه .. الي من دخلت حجرتها و هي ع الشبريه و اتصيح .. من شافتها العنود يتها و لوت عليها ..

العنود : غايوووه .. ما اتخيل الدار دون زااايد ..
غايه : آآآآآآآآآآآآآآآآه يالعنود .. زاااااايد راح .. ليتني مت قبل هاليوم ..
العنود : آآآآآآآآآآه يا بو خليفه ..

ساعات ما تنعد .. و العيون تبكي بو خليفه ( الله يرحمه ) ..

دخل راشد عليهن و هو يصيح : عموووه .. بابا زايد مااااات ..؟؟؟..
و ان ميثه امه وراها ..
ميثه و هي تصيح : راشد ..
راشد : لا لا .. بابا زايد حي .. ما مات ..
راحت ميثه و هي منهاره و تلوي ع ولدها ..
راشد و هو يضربها : ماااااااااااااااااااحبج .. ليش اتقولين بابا زااااااااااايد مااااااااااااااااااات .. ماااااااااااااحبج .. مااااااااااااااااااااحبج ..

و ظهر يربع من البيت .. يلست ميثه عدال باب غايه و تمت تصييييح .. عنبوج يالدنيا ما بغيت غير نظري اتشلينه .. آآآآآآآآآآآه يا زاااااااااااايد .. عسااااك في جنة ربي خااااااااااااالد ..
و ان يد غايه حادر عليهن ..
يد غايه : بتخبرك شتصيحله ..؟؟؟.. انتن صاحيات ..؟؟؟.. منو جاذب عليكن بهالخبر .. بوخليفه بخير و ما يشكي باس ..
و البنات يتصايحن ..
يد غايه و هو يمشي صوب غايه .. و يحط ايده ع كتفها : افا يا بنت معضد .. اتصيحين زااايد و هو حي ..؟؟؟؟..
غايه : يدي زاااايد مااااات ..
يد غايه : لا لا بنتي .. بو خليفه ما مات .. بو خليفه هنيه ( و اشر بايده ع قلبه ) .. بو خليفه فالقلب .. بو خليفه ما مات .. فهاللحظه خنقته العبره .. و لا قدر انه يمسك عمره زود .. و طلع عنهن ..

يد غايه : عنبوووج يالدنيا .. الزين شليتيه و الشين باقي .. لا اله الا الله ..

ساعات و الحال انجلب فالدوله كلها .. الريايييل موقفين سياييير و يصيحين ..و الهنود .. و البتان .. عم الحزن دار بو خليفه .. هالحزن ما فرق ما بين عود و صغير حرم و ريال .. جتعمت الدوله كلها فهالحزن .. آآآآآآآآآآآآآآآآآآه عساك في جنة الخلد يا زااااااااااايد ..

من قدرو العرب يستوعبون الخبر و يستوعبون حالهم .. نشو و قرو قرآن يترحمون ع بو خليفه .. هالليله .. ما فرد فالدوله و العالم كله نام ..

و الكل مواصلين و يصلون و يقرون القرآن ع روح بو خليفه الله يرحمه ..

ب الاربعاء الصبح .. توافدو الوفووود الرسميه للدوله عشان يشيعون جثمان بو خليفه ( الله يرحمه ) .. و الناس مواصلين .. و لا جفت مدامعهم .. و الحزن قطع اقلوبهم .. و الرياييل و الشباب من وصلهم الخبر و هم فالعاصمه بوظبي .. و من عقب الساعه 12 الظهر الشرطه سكرو الطرق الرئيسيه للعاصمه بسبب الوفود الي بتوصل الدوله من كبار الشخصيات ..

و القناوات باثه مراسم التشييع ابداءا من استقبال الوفود .. و توافدو كبار الشخصيات و رؤساء الدول الشقيقه .. و توجهو الشيوخ لمسيد سلطان بن زايد عشان يصلون العصر .. و من عقب العصر بيصلون صلاة الجنازه ع بو خليفه . .. توافدو الناس كافه من مواطنين لوافدين لاجانب لهنود لبتان لهالمسيد .. و الكل مفجوع في بو خليفه .. من وصلو الشيوخ صلو العصر .. و من عقب تمو يرقبون الجثمان ..

و كل الحرمات و البنات فالدوله كلها .. اعيونهم و قلوبهم تدمع ع بو خليفه و هن يشوفن الجنازه فالتلفزيون .. و من وصل الجثمان عند المسيد و الكيمره عالسياره و هي تمشي من بين جموع الناس .. و من عقب ما وقفت السياره .. نزلو جثمان بو خليفه .. آآآآآآآآآآآآآآآآآه يالدنيا بو خليفه الي من وقف وقف بشمووووخ آل نهيان .. بشموووخ فارس .. اليوم يشلونه ..!!!.. يشلونه و هو جسم ٍ بلا روووح .. آآآآآآآآآآآه .. نزلو جثمان بو خليفه و هو ملفوف بعلم الإمارات .. و الكل يكبر ..

و غايه و امها و الباجيات .. ايشوفن فالتلفزيون .. خلاص .. بابا زايد راح صدق .. و عيال زايد ايشلون جثمانه و حطوه فالمسيد .. و الكل يشوف .. امنع ادموعي ..؟؟؟.. امنع نزف قلبي ..؟؟؟.. اذا ما دمعت اعيوني و قلبي ع بو خليفه عمنوه تدمع ...؟؟؟؟.. و من انحط الجثمان ع الارض .. وقفو الشيوووخ و كبار الشخصيات يصتفون .. عدا بو خالد .. الشيخ محمد بن زايد .. الي اتعب و الحزن هد حيله .. الكل مب قادر انه يشوف بو خليفه و هو ملفوف بالعلم .. جثه هامده .. عدا بو خالد .. افتر صوب بوه .. و شافه بنظره .. نظره انحفرت في قلب كل اماراتي .. نظره اسحبت الدمع من اعيون الصغير قبل الكبير ..


خلاص يا بو خالد .. زااايد راح و خلانا و ربي يصبرنا بشوفتك .. و شوفت عيال زااايد .. الكل مفجوع و الكل مصدوم .. ايصلون ع بو خليفه و بقلوبهم مب مصدقين .. معقوله ..؟؟؟... معقوله بابا زااايد راح عنا ..؟؟؟؟.. آآآآآآآآآآآآآآآآآآآآآآآآه ..


من عقبو ما صلو صلاة الجنازه ع جثمان بو خليفه الله يرحمه .. شلو الجثمان .. و مشوبه .. و فجأه من بين كبار الشخصيات و الشيوخ و رؤساء الدول .. طلع واحد بتاني .. و يى يربع صوبهم .. و خاطره بس يمسك جثمان زايد .. بس عشان يصدق .. ان بوهم و بو الكل مات .. و من مسك الجثمان .. وقف و ويه ليدار المسيد و تم يصييييح ..

آآآآآآآآآآآه يا بو خليفه .. حزنك تخطانا و صاب الكل ..
.
.
و رجعو جثمان بو خليفه لسياره ..
و الناس برى .. مب مصدقين .. تخطاهم جثمان زااايد .. يسيرون صوب مسيد زايد .. هالمسيد الي وصى بو خليفه ان قبره ما يكون الا عنده .. و تمشي السياره بين جموع الناس
.
.
غايه : تخيلو .. هذي اول مره بو خليفه يمشي بين شعبه دون ما يرفع ايده يحييهم ..
و تمسح دموعها .. و الكل يصيح .. آآآآآآآآآآآآآآآآآآه .. من عقب ما كان يمشي من بين الناس بشموخ رافع ايده اليمين يحييهم و هو مبتسم .. اليوم يمشي من بينهم و هو جثه هامده .. سبحان الله .. و من وصل الجثمان مسيد زايد ..
.
.
فاللحظه الي بيدفنون فيها بو خليفه نشت غايه .. مب قادره .. مب قادره اتشوف بو خليفه و هو يندفن .. و دخلت حجرتها و تمت تقرى القرآن .. و من خلصت تمت تدعيله ..

ربنا اغفر لوالدنا الشيخ زايد
ربنا باعد بينه و بين خطاياه كما باعدت بين المشرق و المغرب
ربنا نقيه من خطاياه كما ينقى الثوب الأبيض من الدنس
ربنا اغسله من خطاياه بالماء و البرد و الثلج
ربنا وسع عليهم مدخله و ثبته عند السؤال
ربنا و اجعل قبره روضة من رياض الجنة و لا تجعلها حفرة من حفر النار
ربنا نحن أبنائه و نشهد جميعا ببره و تقاه
ربنا و ارحمه كما رحمنا
ربنا و ارحمه كما رحمنا
ربنا و ارحمه كما رحمنا
ربنا اجعله مع الأنبياء و الصديقين و الشهداء
اللهم انك سميع تجيب الدعاء
يا حي يا قيوم برحمتك ارحمه يا خير الراحمين
يا رحمن يا رحيم
ربنا نشهد بأنه أكرمنا و أكرم دينك و عبادك
ربنا فأكرمه في جنات النعيم
يا سميع يا مجيب
ربنا و اجعل قبره روضة من رياض الجنة يا رءوف يا رحيم
ربنا انه كان من عبادك المؤمنين
ربنا فاغفر له و ادخله الجنة مع النبيين و الصديقين و الشهداء
ربنا و حرم عليه النار
ربنا و نجيه من عذاب القبر يا رحيم
اللهم أغفر لهُ وأرحمهُ وعافهِ وأعفوا عنهُ , وأكرم نزلهُ ووسع مدخلهُ
وأغسله بالماء والثلج والبرد , ونقهِ من الذنوب و الخطايا كما ينقى الثوب الأبيضُ
من الدنس , اللهم أوسع عليهِ قبره , وفرش قبره من فراش الجنة ,
اللهم اجعل قبره روضة من رياض الجنة ولا تجعلها حفرةً من حفر النارِ يا رب العالمين , اللهم أبدله داراً خيراً من داره وأهلاً خيراً من أهله وزوجاً خيراً من زوجه , وأدخله الجنة وأعذه من عذاب القبر ومن عذاب النار .
اللهم هذا الدعاء ومنك الإجابة وهذا الجهد وعليك التكلان , سبحان ربك رب العزةِ عن ما يصفون وسلامٌ على المرسلين , والحمد لله رب العالمين , وصلى اللهم على نبيك محمد وعلى آله وصحبه الطيبين الطاهرين وسلم تسليماً كثيرا.

طول الاربعاء و الخميس و اليمعه .. و الإمارات تستقبل التعازي .. و الناس مرتبشين .. و هل غايه من بوها لخوانها كلهم ما شافوهم .. من يوم الثلاثاء .. و غايه منهاره .. و كارهه حياتها ..

دخل عليها يدها ..
يد غايه : بنتي .. زايد غاب وباقي عن الشهر 11 يوم .. ظنج اصومهن عنه ..
غايه و هي تمسح دمعتها : لا يدي ..
يد غايه : يابنتي ما كمل الشهر ..
تمت غايه تصيح .. و هي مب قادره خلاص .. و الي زادها صدق حالت يدها .. من زود ماهو تعبان و متأثر بوفاة بوخليفه .. ما تم يبات الليل .. دوم اتشوفه و هو يالس ع طرف فالصاله و يصيح .. آآآآآآآآآآآه ..

هالليله غايه ما قدرت انها تنام .. كانت اتحس باحساس ثاني ... احساس ماتقدر توصفه .. كانت اتحس بقلبها مقبوووض زووود عن قبل ..

و طول الفتره من يوم الثلاثا و غايه مغلقه تيلفونها .. و باليمعه الساعه 2 فتحته .. و اول ما فتحته وصلتها مسج من منصور .. و بعدها ما قرت المسج ان منصور يتصل ..

من شافت غايه الرقم ماقدرت انها ما ترد عليه ..
منصور : غايه ..
غايه : مرحبا ..
منصور : خلاص بموت ..
غايه : بسم الله عليك .. شو فيك ..؟؟..
منصور : بو خليفه راح .. و انتي رحتي عني .. خلالالالاص بمووووووووت
غايه : فديييييييييييييييتك انا ما رحت انا عندك ..
منصور : غايه اريدج عندي .. دخييييييييييييلج لا تخليني ...
فهاللحظه صاحت غايه ..
و طولت غايه و هي تحاول انها تهدي منصور الي حسته منهار .. اول مره اتشوفه بهالطريقه .. ساعه و هي تكلمه ..

منصور : طلعي ..
غايه : شوو ..؟؟؟..
منصور : طلعي انا عند باب بيتكم ..
فزت غايه من مكانها : و الله ..؟؟؟..
منصور : و الله ..
و طلعت غايه و انصدمت و هي اتشوفه صدق عند باب بيتهم .. نزلت التيلفون من عذنها و تمت اتشوفه .. و هو من شافها نزل من السياره و سار صوبها ..

و تمو واقفين ثواني .. و منصور يشوفها .. و هي اتشوفه ..
منصور : دخيييييييييييييلج .. لا تخليني ..
غايه و هي تهز راسها .. مستحيييييييييييل .. مستحيييييييييييييييييل اني اخليك عد هاليوم

أهداء للغائب الحاضر..

أيها الغائب الحاضر .. يا من سكنت روحك أرواحنا.. قد رحلت اليوم عنا بجسدك .. و لكن .. اعلم بأن روحك الطاهرة مازالت ساكنة في أرضك الطاهرة .. أبي يا من صعب علي ّ فراقه .. و جادت عيني بالدمع حسرة ً عليه .. أسأل الله العلي العظيم عدد دموع اليتامى التي ذرفت على فراقك ... أن يسكنك فسيح جناته .. و يلهم قلوبنا المفجوعة برحيلك الصبر و السلوان .. و نحن على عهدك و وعدك باقين .. محفورة في قلوبنا صورتك حتى الممات ..

التوقيع : بذرة زرعتها يديك الطاهرة في أرض ٍ مباركه
منطوق_قلب_الامارات


تابعونا :mar7aba:

[الشوق]

المــــــــــــــــلخــــ ـــــــص ..


~*¤®§(*§ ودعتكم ياليت ما كان .. يوم الوداع القلب ممحون .. اتسالني وش الذي كان .. لمفارج احبابه وش يكون §*)§®¤*~

الخميس الموافق 17-2-2005 ..


منال : حرام و هي توها في اول حملها ليش اتداوم فالجامعه ..؟؟؟؟..
غايه : و الله رمستها بس ما طاعت .. مصره انها اتكمل دراستها ..
منال : بس تعب عليها ..
غايه : تعب من الخاطر .. خص انها اداره و كل مساقاتها بالاب توب .. تخيلي حامل و شاله لاب توبها ..
منال : كلميها ..
غايه و هي اتطالعها بنظره خبيثه : انا اكلمها ...؟؟؟..
جان تظحك منال ..
غايه : ياحظج ..
منال و هي مبتسمه : ع الشو ..؟؟؟؟..
غايه : بغض النظر انج بتاخذين ولد عمي .. يحظج يوم انج بتظوين واحد من رواعي سويحان ..
جان تظحك منال ..
غايه : احلا شي انج بتعيشين فسويحان و بين هلها ..
منال : عاد الي يسمعج ايقول اني بعيش فيها طول حياتي .. و لا جن سعيد يشتغل في بوظبي .. يعني لو هو من العين و الا بوظبي .. فالتالي بت في بوظبي ..

و ان حامد حادر عليهن البيت .. و غايه ما تمت تتغشى منه .. تمت تتحجب و هي طبيعيا لابسه برقع .. و من شافهن حامد ابتسم و مشى صوبهن ..
حامد : السلام عليكم ..
ردن : و عليكم السلام ..
افتر لغايه : منصور فالبيت ..؟؟؟؟..
غايه : لا عده مارد ..
حامد و هو عاقد حيـّاته : غريبه من ساعتين و هو ظاهر من الشركه ..
غايه : هيه .. بس راح صوب زياد فالمحل ..
حامد : ليش شعنده زياد ..؟؟؟؟..
غايه : مادري و الله ..
و افتر عنهن ..
منال : حمود ما بتتغدى ..؟؟؟؟..
حامد : لا لا ..
و ركب الدري صوب الطابق الثاني .. و تمن يسولفن .. و شوي و ان منى نازله صوبهن ..
منال : الله يسامح خلود ع الي سوته ..
غايه و هي مستغربه : رب مامن شر ..؟؟؟..
منال و هي تفتر صوب منى بنظره : من علمت منى عالنت .. و هي 24 ساعه مجابله الكمبيوتر ..
منى : و الله عالمنتدى و المسن ..
منال : منايه ..
منى و هي تقطع رمستها : خلالالاص ..
و ان منصور حادر الفله .. افترن صوبه .. و من قبلهن غايه .. و هي اتشوفه و هو يمشي صوبها و يبتسم .. نزلت بنظراتها لايده .. و هي اتشوف ورده حمرى في ايده .. انتبه منصور لنظرتها .. جان يظحك ..
منصور و هو يبتسم : مب لج ..
رفعت غايه نظراتها صوبه : ماباها .. و افترت بويها الطرف الثاني ..
جان يمشي منصور صوبها و وقف جدامها و هي يالسه ع الكرسي .. ماقدرت انها ما ترفع راسها صوبه .. و من رفعت راسها شافته و هو يبتسم ..
منصور بصوت واطي : ممكن ..؟؟؟..
غايه و هي رافعه راسها صوبه و قلبها يدق بالقو .. جنها اول مره اتشوفه و هو قريب منها لهالدرجه : لبيه ..
منصور و هو ييلس عدالها عالكرسي و يقرب راسه من راسها : لبتج روحي ..
منى : احم احم .. راعو في عزابيه ..
قدمت غايه راسها و هي مبتسمه من الخاطر و اتشوف منى : ما سوينا شي ..
منصور و هو ينش و يمسك غايه من ايدها : مادري متى بيفضلنا البيت .. ؟؟..
منى : لا تحاول حبيبي يالسه ع قلبك ..
غايه : ههههههههههههههههههههههههه هههه ..
و منصور ماسك بايده اليمين ايد غايه اليسار .. و مشو و راحو قسمهم فالطابق الثاني ..و طول الطريج و هم ما يرمسون .. و غايه اتحس بقلبها وقف .. يالله فديته .. و منصور طول الطريج و هو مبتسم .. و من دخلو قسمهم ما سكرو لا باب الحجره و لا باب الصاله الخارجيه مالتهم .. و من دخلو الحجره افتر صوب منصور صوب غايه .. عينها في عينه .. و منصور يتأملها .. و غايه واقفه جدامه و هي اتحسه يسمع دقات قلبها من زود قوتها ..
منصور و هو مبتسم : شو فيج ..؟؟..
غايه و هي اتردله بالاتسامه ذوبت عظامه : .. مادري .. ههههههههههههههههههههههههه ههه ..
سكتو .. و منصور مب قادر انه ايشل عينه عن غايه .. يالله فدييييييييييت قلبج ..
غايه بدلع : لمنو الورده ..؟؟؟..
منصور و بعده ما نزل عينه من على غايه : .. آآآآآآه .. لج ..
افترت عنه غايه و هي تبتسم بخبث : ماباها ..
و هي تفتر عنه .. مسكها منصور من ايدها اليمين .. و من هالمسكه و غايه اتحس بالدم يمشي في عروقها .. رفعت اعيونها لمنصور ..
منصور و يطالعها و بصوت واطي مبحوح : .. اموت فيج ..
و رفع ايدها و حبها .. و غايه اتحس بعمرها في عالم غير هالعالم .. مب حاسه بالكون حولها .. مب حاسه الا بدقات قلب منصور .. و توها بتتكلم ..
حامد و هو فالصاله الخارجيه : منصووووور ..
سمعوه .. بس الموقف من بينهم و هالمشاعر الي تولدت فهاللحظه من بينهم اكبر من انهم يفترون صوب حامد ..
حامد و بصوت اعلى : منصوووووووور ...
منصور و هو يرفع راسه لسقف و بصوت عالي : متى ربي بيرحمني و بفتك منهم ..؟؟؟..
غايه : خاف ربك فيهم ..
منصور و هو بس يحرك شفايفه و بدون صوت : احبج ..
غايه و هي مستحيه من الخاطر و ويها احمر و تبتسم : روح شوف خوك ..

راح منصور صوب حامد الي امبونه يلعب بتحفه صغيره ع مكتب منصور الي فالصاله ..
منصور : اريد اعرف .. انت شو مشكلتك ..؟؟؟؟..
حامد : بيت شعبي طويل العمر .. ههههههههههههههههههههههههه هههههههه
منصور : ههههههههههههههههههههههه .. علومك ..؟؟؟؟..
حامد و هو مرتبك شوي : اريد اكلمك ..
عرف منصور ..
منصور بجديه : حامد ..
حامد : و الله اني اباها ..
منصور : حامد .. بغض النظر عن كونها مطلقه .. و بغض النظر انها كانت حرمة ولد عمك .. و بغض النظر عن نذالتك في ولد عمك .. اليوم شيخه عندها ولد ..
حامد : و انا احبه ..
منصور بصوت عالي : كيف اتحق نفسك تحرم ولد من بوه ..؟؟؟؟..
حامد : ما بحرمه منه .. و انا بكون له شرات بوه وزود ..
منصور : عمي عوظك عن بويه الله يرحمه ..؟؟؟؟..
سكت حامد ..
منصور : انت و منى ربيتو و انتو ما تعرفون ابوكم .. و توفى و انتو ما تعرفون .. قامبنا عمك .. و ربانا شرات عياله وزوووود .. بس هالشي عوظك عن بوك ..؟؟؟؟..
حامد بصوت واطي : .. لا
منصور : كيف بتعوض ولدها عن ابوه .. و ابوه حي ..؟؟؟؟ .. ليش تحرمهم من بعض ..؟؟؟..
حامد : بس انا احب شيخه و اباها ..
منصور : حامد .. حميد يحب شيخه و شارنها .. و تعلقبها زود من عقب ما حملت و ربت ..
حامد : بس هي ما تباه ..
منصور : لانك في حياتها .. لو انك طلعت من حياتها اول مادريت ان ولد عمك بياخذها .. جان اللحين هي عايشه حياتها فيا ريلها و ولدها ..
سكت حامد و هو منزل راسه .. ليش ما يحسبي و الله اني احبها ..
منصور و هو يحط ايده ع كتف حامد : حامد .. انت بعدك صغير .. و صدقني بتلقالك انسانه اتحبها و اتحبك .. و شيخه .. ربي يصلح حالها بريلها و ترجعله ..
حامد : بس ..
منصور و هو يقع رمسته : و الله انها ما تناسبك ..
حامد : لانها اكبر عني يعني ..؟؟؟..
منصور : لا لا مب سالفة عمر .. بس فكر فالسالفه بعقل و خل قلبك .. و بتعرف ان شيخه ما تنفعلك ..

شوي و ظهر عنه حامد .. و رد منصور صوب غايه و كانت يالسه و ترمس سلامه فالتيلفون ..
منصور : منو ترمسين ..؟؟؟؟..
غايه : سلامي ..
منصور : سلمي عليها ..
و راح و يلس عدالها عالشبريه ..
غايه : سلامي منصور يسلم عليج ..
سلامه : ربي يسلم روحه ..
و منصور مسك ايد غايه و تم يلعب بالدبله في ايدها .. و هالحركه اربكت غايه .. و ما تمت مركزه ع سلامه شو تقول ..
و ان منال داخله عليهن : غدى ..
و من شافت شكلهم ابتسمت و راحت .. و من سكرت غايه عن سلامه ..
منصور : علومهم هل سويحان ..؟؟؟..
غايه : وايد متضيجين ..
منصور : افا ليش ..؟؟؟..
غايه : خطبوله المها بنت عمتيه .. الا ما قربوبه ..
منصور و هو مستغرب : و الله ..؟؟؟؟
غايه و هي اتنش و هي تكدره : و الله .. و امايه متظيجه من الخاطر ..
سكت منصور .. افترت غايه صوبه ..
غايه : لا تفكر وايد ..
منصور و هو يطالعها : شو ..؟؟؟..
غايه : لا انا و لا هليه زعلانين لان منى ما بغت حمد .. لان حمد ما يستاهل وحده شرات منى .. و ماتدري وين ربك كاتبله نصيب ..
سكت منصور و هو يطالعها ..
منصور : غايه .. ماريدكم تفهموني غلط ..
سكتت غايه ..
منصور : انا مارديت سعيد يوم خطب عندي .. و جني ابطيت عليه بالشهور .. لاني ما كنت اعرف شالحال من بيني و بينج .. (و نزل راسه و سكت شوي ).. صدقيني .. ( رفع راسه صوبه ) لو كنت خسرتج .. ما كنت بقدر استحمل اشوف ختيه و هي ماخذه واحد من هلج ..
غايه و هي تبتسم : نش بنتغدى ..

و طلعو و راحو يتغدون ...

فهالوقت في سويحان ..

عبيد : حبيبي لا تنشين جذيه ..
سلامه : و الله اني مب تعبانه ..
عبيد : حمدي ربج ..
سلامه و هي تبتسم : الحمدلله ..
عبيد و هو منسدح عالكنبه و يحط راسه ع ريولها و هي يالسه عالكنبه عداله : ليش بطنج مب عوده ..؟؟؟؟..
سلامه و هي تلعب بشعره : ههههههههههههههههههههههههه هههه .. مب بايدي ..
عبيد : يا خوفي اتكونين حامل بصقو
سلامه : ههههههههههههههههههههههههه هههههه .. خاف ربك ..
عبيد و بخبث : تحبيني ..؟؟؟؟..
استغربت سلامه هالتغير المفاجأ في رمسته : ههههههههههههههههههههههههه ههههههههههههههه ..
عبيد : سلامي اكتشفت شي ..
سلامه و هي بعدها مبتسمه : شو ..؟؟؟..
عبيد : عندج ظرس مسوس ..
سلامه : ههههههههههههههههههههههههه ههههههههههههه ..
عبيد : يالله عسى ربي ما يحرمني من هالظحكه عسى ..
و لا حسو الا بيد غايه حادر عليهم الحجره ..
يد غايه و هو ناقم عبيد لانه منسدح ع ريول سلامه : مسود الويه ..
و من انتبه عبيد نش و صلب عمره ..
استحى عبيد .. و هالشي الي انتبهتله سلامه و تمت تظحك ..
يد غايه : ظحجي ظحجي .. عايبنج مسودت الويه ..
افتر سلامه صوب يد غايه : فدييييييييييييييت يدي ..
يد غايه : صه .. ( افتر صوب عبيد ) .. هب منك .. شالنك شوق دبي ..
عبيد و هو يحط ايده فشعره : عاد شو نسوي ..
يد غايه : يييييييييييييييه يييييييييييييييه .. عنبوج من دنيا يوم قده الريال زابن عند الحريم ..
عبيد : افا .. منو هذا الي ما يستحي ..؟؟؟..
يد غايه : ظهر ظهر ..
و عبيد صاخ وين اظهر يعني .. و راح يد غايه صوب سلامه .. و توها بتنش ..
يد غايه : لا و الله ما تنشين .. و يلس عدالها مكان عبيد .. و عبيد يلس عالشبريه جدامهم و هو ع كل دقيقه يغامز لسلامه .. و هي ميته من الظحك ..
يد غايه : بنتي تعالي بخبرج ..
و تقرب منها ..
سلامه : عونك ..
يد غايه و اونه يكلمها بصوت واطي و هو شال الحجره بصوته : بنتي حطيلي من دواج ..
سلامه و هي مستغربه : شمن دواه ..؟؟؟؟..
يد غايه : اوص بيفضحنا ريلج ..
و عبيد ميت ظحك ع شكل يده و هو ماسك ايد سلامه و اونه يصاصرها ..
يد غايه : المضرب الي دهنتيبه ايدي ذاك اليوم ..
ظحكت سلامه من عرفت قصده : هييييييييييه .. الكريم ..
يد غايه و هو يتلفت حول عمره : فضحتنا ..
سلامه : ههههههههههههههههههههههههه ههههههه .. ان شاء الله .. و نشت و يابت كريمها الي تستخدمه لاديها .. و توها بتفتحه و عبيد يالس و يطالعهم و يظحك ..
يد غايه و هو يظرب عبيد ع ريوله بالعصاه : ظهر ظهر من الحجره ..
عبيد : ههههههههههههههههههههههههه هههههههههههههه .. شعنه ..؟؟؟..
يد غايه : انا راعي سمحه .. ظهر ..
عبيد : هههههههههههههههههههه .. بفتر عنكم هالطرف .. و اونه الحبيب افتر و هو ع كل دقيقه يفتر صوبهم و يشوف سلامه و هي تدهن ايديه ..
يد غايه : هذا تمام ..
سلامه : هيه يدي ..
يد غايه و هو يوخي صوبها زود : و الله يا ذيج الليله من عقب ما دهنتي ايدي .. رحت صوب بخيته .. و من مديت بيديه صوبها اسلم .. يا بنتي ما فجتها .. الله يغربلج يالعيوز .. فجيها فجيها .. ياغير ما فجتها ..
و عبيد ميت ظحك ..
سلامه : ودها هي يوم الا سلمت عليه و مادتك ..
يد غايه و هو متشقق : و الله يا سلامه .. و انا فرخ .. ييييييييييييه ييييييييييييييييييييه .. يا قصيد ٍ عدنه فيني .. الا مافتر صوبهن ..

و فهاللحظه العنود و مطر توهم رادين من بوظبي .. و من عقب ما نزل مطر راح و فتح الباب للعنود و هي تنزل مسك مطر ايدها ..
العنود : ياويلي .. و لا جن حد غيري حمل ..
مطر : ليش ثرج أي حد .. انتي غناة قلبي ..
ظحكت العنود .. و دخلو .. و من عقب ما سلمو ع هلهم ..
ام غايه : يوم حرمتك حامل و لا تقهر هالدرب .. شعندكم الا رايحين رادين ..؟؟؟؟..
مطر : شدراني بها ..
العنود : عموه عندي دراسه ..
ام العنود : حي .. ثرج ما بتردين فيا ريلج ..؟؟؟..
العنود : ارد فياه ليوم ..؟؟؟.. هو باليمعه بيسري و انا دوامي كل احد و ثلاثا .. ما بسري باليمعه و بظوي بالسبت ..
ام غايه : اسميج عثرتي عمرج بهالجامعه ..
طالعها مطر ..
العنود : عموه محد اللحين بلا شهاده ..
ام العنود : يالله بالستر .. هاكيه بنت عمج من ردت لريلها .. لا راحت جامعه و لا كليه ..
العنود : امايه غايوه غير ..
مطر : غايوه شاله منصور و هله كلهم ..
ام غايه : هيه و الله .. شاله البيت بكبره ..
ام العنود : هذي الحرمه .. اتنش بريلها و بيته و هله .. ( افترت صوب العنود ) .. ما تفر بعمرها فالجامعه ..
و العنود بتموت من هالتعليقات الي ما توقف ..

و فالختم ..

و احمد و هو مب في حاله و كاره حياته .. و توه ظاهر من حجرته و ان مريم و امه يالسات فالصاله .. و من عقب ما سلم عليهن ..

ام احمد : عمتك اترد السلام عليك ..
احمد : شمن عمه ..؟؟؟..
مريم : ام شمسه حرمتك ..
سكت احمد و لا تكلم ..
ام احمد : هاه ولديه .. متى نويت ع العرس ..؟؟؟..
احمد و هو ينش و ظايج : متى ما تبن ..
مريم : كيف يعني متى ما نبا ..!!!.. انت الي بتعرس مب احنا ..
افتر احمد صوبهن ..
احمد : انا !!.. ( هز راسه ) .. ماتفرق عندي ..
ام احمد : كيف ما تفرق عندك ..؟؟؟.. ياولديه شو بلاك ..؟؟؟..
احمد : امي بغيتيني اعرس و ما رديتج .. و شمسه جني الا خذتها .. تراني ماخذنها الا عشانج ..
مريم و هي اتنش صوبه : احمد ..
احمد : مالي حايه فالعرس و فشمسه ..
ام احمد : شوووووو ..؟؟؟..
افتر احمد صوب امه و تم يطالعها شوي .. : حددو العرس متى ما تبونه .. و ظهر عنهن و هو يتمنى موته مية مره .. بس ما بالايد حيله ..

و في سويحان ..

و بالتحديد في بيت راشد ..

ام راشد : حشى يا راشد .. اسميك ميت ..
رفع راشد راسه صوبها : شو نسوي .. هذي الكليه و سواياها ..
ام راشد : ماظني سوايا الكليه ..
افتر راشد صوبها ..
ام راشد : ولديه .. البنت عرست و قدها بتكمل سنه اللحين ..
نزل راشد راسه .. آآآآآآآآآآه .. غايه ... ( و هز راسه ) ..
ام راشد : و الله يا قلبي ياكلني عليك ..
راشد : ما بمووت قاصر ..
ام راشد : بسم الله عليك .. شهالرمسه ..؟؟؟..
و راشد حاس بحرقه فقلبه .. خلاص .. لمنو حياتي من عقب غايه .. آآآآآآآآآآه ..
ام راشد : ياويلي عليك ..
رفع راشد راسه لامه : العيوز .. صدقيني انا بخير ..
ام راشد : ماظني ..
سكت عنها ..
ام راشد : ما تبانا نخطبلك عوشه بنت عمك ..؟؟؟..
رفع راشد راسه لامه : و من قالج اني ابى اعرس ..؟؟؟!!..
ام راشد : مردلك بتعرس خذ ..
راشد و هو يقطع رمستها : تحرم عليـّه دون غايه ..
ام راشد : يا ولديه ..
راشد : العيوز .. دخييييييلج .. دامني حي .. لا تطريلي العرس ..
سكتت امه .. مب عارفه بشو بترد عليه .. و خص هي من بد العرب كلهم و هي تعرف كيف راشد متعلق بغايه من هم يهال .. بس مالله كاتبلهم بنصيب ..

في بوظبي ..

كانت الساعه 12 و غايه توها حادره حجرتها و انها اتشوف منصور واقف جدام التواليت و يتسحى بمشطها ..
غايه : منصووووووور ..
ابتسم منصور بخبث و لا افتر صوبها ..
غايه و هي تمشي صوبه : مية مره قلتلك لا تتسحى بمشطي ..
منصور و هو يفتر صوبها : كيفي .. بفلوسي ..
طالعته غايه بنظره .. ردلها بابتسامه خبيثه و هو رافع واحد من حيـّاته ..
غايه و هي حاطه اديها في خاصرتها : اكرهك ..
منصور و هو يبتسم : واااااايد ..؟؟؟؟..
غايه : واااااااااااااااااااايد ..
منصور و هو بعده مبتسم : فديييييييييييييييتج .. حتى انا ..
غايه و هي تفتر عنه : مالت علييييييييييييييييييك ..
و راحت حجرة الملابس و من عقب ما ظهرت و هي فاتحه شعرها و تمشي صوب التواليت .. و منصور منسدح ع الشبريه و يطالعها و هي اتسحي شعرها .. و هي اتحس بنظراته لها ..
منصور : شو رايج نسافر ..؟؟؟؟..
افترت غايه صوبه : و الله ..؟؟؟.. وين ...؟؟؟..
منصور : هههههههههههههههه ياللغثه .. انا اسألج شرايج ...؟؟؟؟..
غايه و هي تفتر عنه بدلع : مابا ..
فاللحظه الي افتر فيها غايه عنه .. و شعرها ينوف حولها .. وقف قلبه ..
منصور و هو شبه مصدوم : يخرب بيتج ..
صخت غايه و افترت صوبه : شووووووووووووو ...........؟؟؟؟؟؟؟؟..
ظحك منصور ...
غايه : انا يخرب بيتي ....؟؟؟؟؟؟؟؟؟؟؟؟!!!!!!!!!!!!!!..
منصور و هو يفتر عنها الطرف الثاني وهو منسدح عالشبريه : بندي الليت ..
غايه بصوت عالي من غيضها : لا ما ببنده ..
و منصور ما رد عليها ..
غايه : اييييييييييييييييه طلقني ..
منصور : ان شاء الله .. الصبح بطلقج ..
غايه و هي تمشي صوبه و تمط اللحاف عنه : لا اللحييييييييييين ..
افتر منصور صوبها .. و هو يشوفها و شعرها حولها .. تم ثواني يتاملها .. جان يبتسملها بابتسامه مشت الدم في عروقها ..
غايه بصوت واطي : .. تعرف .. عيونك حلوه ..
سكت منصور شوي .. و تم يتاملها و هي تبتسمله ..
منصور : .. مب احلا من عيونج ..
غايه بدلع : ادري .. فديييييتني و الله ..
منصور: ههههههههههههههههههههههههه ههههههههههههههه .. هيه و الله ..
و راحت غايه و بندت الليتات و انسدحت عالشبريه عالطرف اليمين .. و هي خاطرها تفتر صوب منصور الا مب حاقه انها تفتر صوبه .. و هي اتحس بعمرها مشتاقه لشوفته ..
ما حست الا بايد منصور و هي تمسك خصله من شعرها ..
غايه : لا دخييييييلك ..
منصور : جب ..
غايه : لا ماشي جب .. خلاص بغضت شعريه ..
منصور : و انا احبه ..
غايه : بقصه كاريه ..
منصور : و الله بطلقج ..
غايه : حشى ماشفت واحد شراتك ..
و سكت عنها منصور .. و هي اتحس بقلبها يدق بالقو .. فديته .. افترت براسها صوبه .. انتبهت انه مفتر صوبها بس لان الحجره ظلمي فما كانت اتشوف ملامحه عدل ..
غايه بصوت واطي : .. اهون عليك اتطلقني ..؟؟؟..
ما رد عليها منصور .. و هي تترياه يرمس ..
منصور : .. مستحيل .. غايوه .. انا احبج ..

آآآآآآآآآآآآه فديت قلبه ..


ممممممممممممممممممممممممم ممممم ..

-احمد .. معقوله ما تسعاله بخيته ..؟؟.. و اللحين و هو كاره شمسه و ماخذنها بس عشان اتكون عند امه .. معقوله ما يرجع لبخيته ..؟؟؟.

-و شمسه .. من عقب الي ياها من حمد .. ظنكم بتم على حبه و حتى و هي ع ذمة احمد ...؟؟؟؟..

-و غايه .. معقوله انها ممكن اتفكر باحمد لو ثواني ...؟؟؟؟..

-و مطر و العنود كيف ممكن اتكون حياتهم .. و مطر كيف بيتعامل فيا العنود خص انها وايد اتعانده ..؟؟؟..

-و راشد .. شالحال عليه ..؟؟؟..

-ظنكن راشد ممكن انه ينسى غايه و يعيش حياته عادي من عقبها ...؟؟؟؟..

-احمد .. تعتقدونه انه ممكن ينسى غايه ..؟؟؟..

-حمد .. شالحال عليه ..؟؟؟.. و شو كيف بيعيش حياته ...؟؟؟..

-و عبيد .. بيستمر حبه لسلامه و الا بيتغير ..؟؟؟...


تريدون تعرفون اجابات هالاسئله ...؟؟؟؟..







نزلو شوي تحت ..











بعد ..












بعد ..








احمد .. معقوله ما تسعاله بخيته ..؟؟.. و اللحين و هو كاره شمسه و ماخذنها بس عشان اتكون عند امه .. معقوله ما يرجع لبخيته ..؟؟؟.
توقع وش يكون الرد من قلبٍ هديته جروح؟
يهلي بك وينسى الجرح•• يقولك يا غلا مسموح؟
تخيل عيش مأساتي تصور إنك المجروح
بتعرف بعدها ردي•• معاناتي مع الأيــــامْ


و شمسه .. من عقب الي ياها من حمد .. ظنكم بتم على حبه و حتى و هي ع ذمة احمد ...؟؟؟؟..
ماني أول قلب في الحب انخذل
ولنته آخر مـن بيخذل له شــريك
كم مثلي عـــلّـــــــــق بمثلك أمل
ضاعــــت آماله..مثل من يهتويك
وكم ضـــــــحيه غرها دور البطل
والبــطوله دورهـــا لايــق علــيك


و غايه .. معقوله انها ممكن اتفكر باحمد لو ثواني ...؟؟؟؟..
خلني اعترف لك،ضعيف ولا تناسبني .... لا انت حبيبي ولنته لي انا احبه
لا قلبي منّك قريب ولا بعد مني .... خل المحبه لروح ٍ صادقه رحبه
حرام مثلك يمر في قلبي وظني .... وحرام مثلي يعيشك حتى لو كذبه


و مطر و العنود كيف ممكن اتكون حياتهم .. و مطر كيف بيتعامل فيا العنود خص انها وايد اتعانده ..؟؟؟..
تشتاق لي واشتاق
وتلعب بنا لاشواق
اجيك بعد افــــــراق
كلي وله واجفـيك
كيفي حلالي إنتْ
أزعّـلك وارضـــــيـك
*******
فيك ابتدى عمري
يا حبي العـــــذري
وفي غيبتي أدري
بتبكي وانا ببكـــيك
كيفي حلالي إنتْ
أزعّـلك وارضـــــيـك


و راشد .. شالحال عليه ..؟؟؟..
الى متى تحيا غريبٍ بدنياك +++ واخر حياتك ما تحصل مناتك
تركض ورى حلم ٍ تمثّل لروياك +++ وتقضى على وهم المسافه حياتك

ظنكن راشد ممكن انه ينسى غايه و يعيش حياته عادي من عقبها ...؟؟؟؟..
أشهد اني سهرته في الليالي غرام
أشهد إني مشيته لين شفت الدليل
أقضي عمري لشفه لو مضت ألف عام
وافي ٍ ما أفرط والله اني بخيل

احمد .. تعتقدونه انه ممكن ينسى غايه ..؟؟؟..
يا ليت اقدر اوضّح لك بعض امـري ..... وارسل حروفي باسـم الحب تهجالك
يا ليت تدري عن الشوق الذي بصدري ..... يا ليت احظى بلحظه يوم بوصالك
يا ليت عينك بصدفه تنظر بشعري ..... والا خـيالي يمر في يوم على بالك
اتمنى قربك ولكن كيف يا عـمري ..... ما تـدري عني ولا ادري باحـوالك

حمد .. شالحال عليه ..؟؟؟.. و شو كيف بيعيش حياته ...؟؟؟..
إلهي لا خلا في الناس كل عاشق بمحبوبه .... ابثك بالتهجد منتهى وجدي ولوعاتي
إلهي جيتك وكلي ذنوبٍ ترجوا التوبه ... فنّورني واهديني وتجاوز عن حماقاتي

و عبيد .. بيستمر حبه لسلامه و الا بيتغير ..؟؟؟...
أريدك أكثر بمرات من طفلٍ فقد أمـــــــه
من غربه إلى أوطان من علمي ومن ظني
أريدك مثل ما انته اصيلٍ وافي الذمـــه
أريدك حتى لو قلبي بدنيا الحب بعثرني

منصور و غايه .. ظنكن بي اليوم الي بيندم فيه منصور ع حبه لغايه ... ؟؟؟..
انا احبك واعلانها صراحه واكسر التقليد= واحرض كل عشاق الهوى تتبع خطاوينا
مدام الحب في قلبي وقلبك طاهر ٍ ويزيد= فليش نخاف نكتم عشقنا ونمنع تلاقينا
.
.

. النهـــــــــــ:ttmasha: ـــــــايه