الجزء الحادي عشر ...
*** يا كيف نامت عيونك و انت ظالمني .. و انا عيوني تعاف النوم لو تزعل .. ***
نزل احمد راسه .. ثواني .. و هو يترياها ترد عليه .. و غايه .. مب قادره تنطق ..رفع احمد راسه لغايه .. و ابتسم ..
احمد و هو مبتسم : شو المفروض افهم من سكوتج ..؟؟؟..
نزلت غايه ويها ..
احمد بصوت واطي : .. غويه ..؟؟..
غايه و هي بعدها منزله راسها : .. انااا ..
جان تفتر بويها عنه : انا.. خت.. ربيعك ..
فهاللحظه حس احمد جن حد يصفعه طراق .. بغى يرد و الا يتكلم .. بس ما قدر ..
احمد : .. اهاا ..
و غايه مب عارفه هي ليش قالتله هالكلام .. رفعت عينها صوبه .. و شافت فعيونه حزن مب طبيعي .. لا .. انا ماقصد كلامي .. تريد توضحله هي شو تقصد .. تريد اتقوله .. حتى انا احبك .. بس ما قدرت .. و احمد .. فهاللحظه تمنى موووووته ..
احمد و هو يفتر عنها : السموحه ..
و ما عطاها مجال انها ترد عليه او حتى يسمع اذا هي ممكن بتتكلم .. و راح عنها .. و هي اتشوفه و هو يمشي .. لاااااا .. لا ترووح .. و الله مب قصدي .. تمت غايه واقفه مكانها .. و هي اتشوف احمد و هو ينسحب من مكانه .. فهاللحظه نزلت دمعة غايه ... لا دخييبلك احمد لا ترووح ..
فهاللحظه رجعت العنود صوبهم .. و شافت غايه و هي واقفه بروحها ..
العنود : غايوووه شو قالج ..؟؟...
غايه و هي تفتر صوبها و الدموع في عينها : عنووووود .. رااااااح ..
العنود : غايوه شو فيج ..؟؟؟؟!!!!..
غايه و هي تلوي ع العنود و تصيح : رااااااح .. و الله اني سباله .. و تمت تصيح ..
العنود : غايوه شوفيج ؟؟؟.. عورتي قلبي بصيااااحج ..
تمت غايه لاويه عليها و تصيح .. و العنود مب عارفه شو تسوي .. تمن ع هالحال حول الربع ساعه .. اللين ما هدت غايه شوي ..
العنود : شو فيج ..؟؟..
غايه و هي تعدل شيلتها : ماشي ..
العنود : كل هالصياح و اتقوليلي ماشي ..!!!!..
غايه : دخييييييييييييييييييلج ...
العنود : اوكي .. ع راحتج .. و متى ما بغيتيني بتلقيني لج عون ..
غايه : خلينا نرجع عند قوم امايه ..
و نشن و رجعن صوب هلهم .. و الكل كان موجود الا هن ..
ام غايه : ظويتن الشيخات ..
و غايه عينها اتدور احمد بين الشباب .. بس ما شافته ..
العنود : فديتنا ..
منى : وين رحتن ..؟؟..
نزلت غايه راسها و يلست عدال امها .. و لا تكلمت ..
العنود و هي اتشوف غايه : ماشي .. كنا نتمشى ..
فهالوقت كانو الشباب مرتبشين بالطبيخ .. و عاقين السفر و متحسرين .. و منصور مندمج مع حمد و يسولف معاه .. و هو يسولف افتر صوب خاواته .. و شاف غايه .. و هي موخيه براسها و ماسكه شي بايدها و ترسم ع الارض .. و كانت في عالم غير هالعالم .. ما حس منصور بعمره الا و هو يتأملها .. بشو تفكر ..؟؟؟.. فهاللحظه شافها و هي ترفع عينها صوب بوها و هو يرمسها .. بس شكلها ما قالت شي .. و نزلت راسها .. استغرب ردت فعلها .. لانه يعرف شكثر هي متعلقه ببوها .. فهالوقت .. حامد كان يالس ع طرف و يدوخ زقارا .. و احمد كان يتمشى .. فمن شاف حامد .. زادت ظيقته .. لان هالانسان ما يعيبه .. فكان بيفتر عنه .. بس استحى انه يجفي بالريال خص ان حامد شافه .. جان يمشي صوبه و ييلس عداله ..
احمد : بتحرق صدرك بهالزقارا ..
حامد و هو ينفخ دخان الزقارا عالطرف الثاني : احرق صدري بالزقارا .. و لا احرقه بـ ... ( و جان يسكت ) .. و لا احرقه بشي ثاني ..
فهاللحظه افتر احمد صوبه .. شو يقصد ..؟؟؟!!!.. سكت عنه و لا كلمه .. و كل تفكيره بغايه .. يعني هي رافضتني ؟؟!!!.. معقوله تحب انسان غيري ..؟؟!!!.. جان ينزل راسه .. مطر .. انا ليش ما فكرت بمطر ..؟؟؟!!..
تنهد احمد و رجع براسه لورى .. و هو حاس بهموم الدنيا كلها فوق راسه .. و حامد ايطالعه بطرف عينه ..
احمد و هو ينش : السموحه ..
و نش عنه و راح صوب الشباب .. و غايه .. ع كل دقيقه ترفع بعينها صوبهم .. فهاللحظه شافته .. و تعلقت عيونها به .. و هو يمشي صوب الشباب .. اول مره من عرفت احمد يكون بهالوضع .. كئيب بطريقه مب طبيعيه !!.. بغت تنزل اعيونها عنه بس ماقدرت .. يالله فديت روووحه .. و الله ماكان قصدي .. حرام عليك .. فهاللحظه بغت تصيح بالقو .. افترت بعيونها صوب العنود .. الي مب عارفه شو تسوي و الا اتقول .. و احمد ماسك عمره مايريد انه يشوف صوبها ... بس ماقدر .. ماحس بعمره الا و اعيونه ادورها بين البنات .. بس ما شافها .. لانها يالسه ع الطرف الثاني .. و بوها يالس عالطرف الي واقف فيه احمد .. فما قدر انه يشوفها .. بعكسها .. الي كانت راده بظهرها شوي .. عشان اتشوفه ..
مطر و هو يرش احمد بالماي : حووووووووووووووه ..
احمد و هو ضايج : ياخي شو هالحركات ..؟؟؟؟!!!!...
مطر : كيفي ..
سكت عنه احمد و افتر بويهه ..
مطر و هو ييلس عداله : بوشهاب رب ماشر ..؟؟؟..
و احمد مب قادر انه يرمس .. و تم ساكت ..
مطر : رب ماشر ..؟؟..
احمد : ما من شر ..
مطر : منو اتصلبك ..؟؟؟..
احمد : .. موزه ..
مطر : و شو تواجعت فياها ..؟؟؟..
احمد و هو يفر طربوشته ع كتفه : لا ..
مطر : عيل شو ..؟؟؟..
احمد : ماشي ..
مطر : يالله شي .. شو بلاك ..؟؟؟..
احمد : مطر .. دخيل والديك .. سكت عني ..
مطر و هو ينش عنه : الي يريحك ..
ونش عنه .. فهاللحظه .. كان منزل راسه .. وغايه عينها عليه .. ومن شافت مطر يمشي صوبه .. عورها قلبها .. يالله .. و شافته و هو يرمس احمد .. و قلبها يدق بالقو .. فهالوقت .. كان منصور من وقت لوقت يرفع عينه صوب غايه ايشوفها .. و انتبه لنظراتها .. انتبه انها اتشوف احمد .. بطريقه مب طبيعيه .. حس بنغزه في قلبه .. عادي هي بس اتشوفه .. فهالوقت رد حامد عندهم هو و هزاع خو غايه .. و حامد انتبهه لنظرات منصور لغايه .. راح ووقف عداله ..
حامد : و الله انها ما تستاهلك ...
منصور و هو يفتر صوب حامد و مستغرب : شووووو ...!!!!!؟؟؟....
حامد و عينه بعين منصور : شلها من بالك .... ما تنفعلك ...
منصور : منو ..؟؟؟..
جان يفتر حامد صوب غايه : صدقني و الله انها ما تستاهل ظفرك ..
منصور و هو ينزل راسه : ليتك تعرف هالانسانه شو تعنيلي ..
حامد : وهم ..
افتر منصور صوبه : وهم !!!..
حامد : انا ما تهمني هالانسانه .. ومب من حقي اني احكم على اخلاقها و الا تصرفاتها .. بس يوم بشوف خويه العود .. العاقل .. الانسان المحترم .. ينزل من قدره .. عشان وحده من هالنوعيه .. سمحلي ما بسكت ..
منصور وهو معصب : حامد .. انت تعرف ان قدرك عالي عندي ..
حامد و هو يرفع واحد من حيـّاته : لا و الله .. ؟؟!!.. انت تحطني في نفس مستواها ..؟؟؟؟؟؟؟!!!...
منصور : حامد .. ارجوك ..
حامد : تقارني انا بها ... ؟؟؟..
منصور : حامد ..
حامد : انت تعرف هي وين كانت ..؟؟؟..
منصور : شو ..؟؟؟..
حامد : تعرف انها .. كانت تكلم .. احمد .. بروووحهم و بعيد عن الناس ..؟؟؟.. تعرف ..؟؟؟.. تعرف شو يعني وحده ما حشمت من اهلها .. و يالسه من ورى اهلها و اتكلم واحد ... لا و مب أي واحد .. رفيج اخوها ....
حامد يتكلم و لا هب حاس ان كل كلمه ينطقها كنها حد سيف يطعن افواد منصور بالقو ..
منصور و يفتر بويهه : حامد .. ارجوووك ..
حامد : ممكن تقولي البنات .. الي من هالنوع شو يسمونهن ..؟؟؟..
منصور و هو معصب من حامد : حامد .. ولا كلمه ..
حامد و هو مستغرب منه : بعدك متمسك بها ؟؟!!!.. و الله العظيم اني ما اجذب عليك و الله اني شفتهم .. هي و هو و بروحهم .. و الاستاذ حاط ايده عقلبه ...
منصور و هو بيموت : خلالالالالالالالالالالالا لالالالاص ...
و جان ييلس منصور .. و هو مب قادر يتم واقف زود عن جذيه .. و يهز راسه .. غمض اعيونه ... آآاااااه ... مب قادر يستوعب الي يسمعه من حامد .. رفع عينه صوبها .. و شافها .. بعدها اتشوف احمد .. افتر صوب نظراتها .. صوب احمد .. شافه .. مفتر بويهه لطرف الثاني ... بغى يشوف ويهه عشان يعرف من ملامحه أي شي .. أي شي يقوله ان ما من بينه و بين غايه شي .. رجع و شاف غايه .. الي ميته و هي اتشوف احمد ايصدها بنظراته .. هو قالي احبج .. نزلت دمعتها .. يالله ليش مفتر عني لذاك الطرف ...!!!! .. حرام عليك احمد .. دخيلك شوفني ... بس احمد مثل ماهو .. مجروح بردها البارد .. انا الي ما بات ليلي من كثر ما افكر فيها .. و ياينها و عاني و متعني .. بس عشان اشوف اعيونها .. ياينها بكل حب في قلبي .. بكل بساطه اتقولي .. انا خت ربيعك !!!.. انا خت ربيعك .. انا خت ربيعك .. تمت هالجمله تتردد في ذنيه ... خت مطر .. مطر !!.. جان يفتر صوب مطر .. الي يالس و يسولف مع سعيد ولد عمه .. انا ليش ما فكرت بمطر ..؟؟!!!.. مطر ..؟؟؟..
تعبت غايه و هي اتشوف احمد الي نش و راح .. افترت بويهها .. و ماحست الا بنظرات منصور .. الي طاحت عينها في عيونه .. شافها منصور .. هز راسه من بعد ما غمض اعيونه .. و غايه من شافت نظرته .. جانه طعنها بسكين في صدرها .. ماقدر .. كان يريد انه يشوفها .. بس ماقدر ..ما قدر انه يتحمل شوفتها لو من بعيد .. نش و راح عند الشباب .. و غايه ميته مب عارفه شو تسوي .. تريد تصيح و تصيح و تصيح .. بس كونها بين اهلها .. هالشي منعها .. ثواني .. و جان يصب عليهم طشاش .. نشو كلهم يترابعون .. و الشباب راحو و شافو مجموعه يالسين و يربطون طربال بين شيرتين .. عشان ييلسون تحتها .. راحو و سوو شراتهم .. و ربطو الطربال بين شيرتين .. و من عقب يلسو كلهم تحت الطربال .. و الشباب يرابعون بقدورتهم و الصحون ..
ام غايه : معضد .. بذمتك .. تقول اللحين الساعه 3 الظهر ..؟؟؟!!..
بو غايه : لا وين الظهر ... ما تقولين الا المغيربان ..
فهالوقت غرفو الشباب الغدا .. و العيش امبونه ملغ بلا ملح ... و المشواي قاطع ملح و بزااار ..
بس مابيدهم حيله .. كلو العيشه كلها .. و كانن البنات و الشباب يبون يركبون التلفريك .. الا من زاد عليهم المطر احتشرن الحرمات و ردو صوب شققهم .. و كانو عالساعه 6 المغرب .. و غايه ميته .. و هي اتشوف احمد يتعمد انه يتحاشاها .. و منصور !!.. شو فيك ؟؟..!!.. كان يتحاشى انه يشوفها .. بس كانت تلاحظه ساعات انه يشوفها .. بس كانت اتشوف نظرته وايد متغيره .. نظره فيها شي مب طبيعي .. من وصلو الشقه دشت غايه الحمام .. و تمت تصيح .. اتصيح بطريقه مب طبيعيه .. و منصور مب مستحمل كونه مع احمد في نفس المكان .. في نفس الشقه ..
من بعد ما رجعو الكل تسبحو .. و صلو المغرب .. و تمن الحرمات يالسات في الشقه و يسولفن .. الا الشباب ظهرو كلهم عدا احمد خو غايه ريل ميثه .. و منصور .. الي تمو فالشقه .. فهالوقت اتصلت عمة غايه و ام ميثه بهم .. و قالتلهم ان يد غايه تعبان من يومين .. و ودوه المستشفى .. و رقدوه .. و انه محتشر يباهم يردون البلاد ..
كانت غايه توها ظاهره من حجرتهن .. و اعيونها متنفخات من كثر الصياااح .. و لقت امها اتصيح .. و ميثه حرمة احمد خوها تصيح بعد ..
غايه بخوف : امااايه شو بلاكم ...؟؟؟...
ام غايه : ياويلي عليك يا عمي ... انا قلتلكم ماريد اسافر .. الا انتو محد راملكم ..
غايه : اماااااايه شو بلاج ..؟؟؟.. ميثوه شو مستوي ..؟؟؟؟
ميثه : يدي .. مرقد فالمستشفى ...
غايه : شوووووووووووووووووووووووو وووو ....؟؟؟؟؟!!!!!!!!!...
ام غايه و هي ترمس ميثه : نشي طالعي ريلج وين زقريه ..
بس غايه كانت اسرع عنها و طلعت و هي تربع من الشقه و دقت على شقة اخوانها ..
ولا انتبهت ان منصور هو الي فتح الباب .. دشت تربع داخل الصاله ادور بوها و الا حد من اخوانها .. و منصور منصدم من حركتها .. و الي صدمه انها ما كانت لا متغشيه و لا لابسه نقاب حتى .. بالعكس .. كان شعرها طالع .. فهاللحظه الي شاف شعرها .. تذكر اول مره شافها فيها .. و شعرها مبلول ماي ..
غايه : وينهم ..؟؟؟..
منصور و هو مستغرب و يحاول انه ما يشوفها بس ماقدر : نعم ..؟؟!!!..
غايه و فهاللحظه نزلت دمعتها : بويه .. احمد حمد أي حد وينهم ..؟؟؟..
انصدم منصور و هو يشوف اعيون غايه تدمع .. بتصيح ؟؟!!.. لا دخيلج لا تصيحين ..
منصور بخوف : شو فيج ..؟؟؟..
غايه و هي مب قادره تمنع ادموعها : يدي مريض ...
و تمت تصيح ..
غايه : اريد ارد البلاد ... و تمت تصيح ..
و منصور من شاف ادموعها .. نسى كل كلمه قالها حامد له عنها .. فخاطره يخفف عنها .. يواسيها .. بس مب عارف كيف ..!! ..
منصور : احمد هنيه ..
غايه و هي اتنش : وينه ..؟؟؟..
منصور : اعتقد يتسبح ..
بس غايه ما تريت انها تسمعه .. ربعت صوب الحجر و دخلتها حجره حجره اللين ما سمعت الماي فالحمام .. جان تروح صوب الباب واتدق على احمد خوها ..
غايه : احمد .. احمد ..
و احمد من سمع حد يزقره بند الرشاش .. عشان يتاكد اذا صدق حد يزقره و الا هو يتوهم ..
غايه : احمد دخيييلك ظهر ..
احمد : غايه .. شو بلاج ..؟؟..
غايه : تعال نباااك ..
احمد : دقيقه و بطلع ..
ظهرت غايه من الحجره و توها بتروح الشقه الثانيه .. و شافت منصور و هو يشوف من الدريشه .. فهاللحظه بس انتبهت انها كانت تكلمه و هي مب متغشيه .. مع انها خايفه على يدها وايد .. مع هذا ماقدرت انها تتحاشى التفكير بمنصور .. بشو يفكر ..؟؟؟. فهاللحظه افتر منصور صوبها .. من انتبهت انه شافها .. افترت و ظهرت تربع من الشقه صوب شقتهن .. و هو استغرب وقوفها هناك .. اتشوفه ..!! .. اتشوفني ؟؟؟!!! .. هالانسانه بتيننبي .. شو تعني بنظراتها لي ..؟؟؟.. شو تعني بنظراتها لاحمد ..؟؟؟؟.. شو كانو يقولون لبعض ..؟؟؟؟.... و تذكر رمست حامد (( و الاستاذ حاط ايده ع قلبه )) .. معقوله يكون قالها انه يحبها ..؟؟؟؟!!!... لالالالالالالا .. مستحيل .. لا ما اتخيل غايه اتكون لواحد غيري .. لا ما اقدر .. مستحييييييييييييل .. غايه تكون لانسان غيري .. لا لا لا لا .. فهالوقت طلع احمد من الحمام و تلبس و راحلهن الشقه .. ولقاهن جالبات البيت مناحه بالصياح .. اتصل ببوه و حمد عسب يردون .. و عالساعه 11 فليل ظوو الشباب و بو غايه ..
و بوغايه توه بيحدر من باب الشقه و ان ام غايه تتلقاله ..
ام غايه : انت لا تستحي و لا تخيل .. عمي تعبان و مرقد فالمستشفى .. و انت تنعش في طرف هالشباب .. تتحرى عمرك بو العشرين ..
بو غايه : هب .. شعندج تلقفتيني من حلجي ..
ام غايه : الليله تردني البلاد ..
بو غايه : يا بنت حلال عيني خير ..
ام غايه : لا بعين و لا بقيل ..
مطر : الغاليه .. كلنا مستهمين ع يدي ..
ام غايه : لا لا محد منكم استهم ..
حمد : خلاص الغاليه .. الي تبينه بيستوي ..
ام غايه : الليله تردوني البلاد ..
سعيد : عمتيه .. فديت روووحج .. ما بنلقى حجز ..
ام غايه : انتو من الشو قلوبكم ... ؟؟؟؟... هذا يدكم ..
غايه : حمد دخيييلك انريد انرد ..
حمد وهو يفتر صوب احمد خو و سعيد : ماعليه ..
و مساكين الشباب ما باتو .. يدورون مكتب سفريات مفتوح الا مالقو .. و بما ان المطار ما يبعد عنهم الا حول 10 دقايق .. راح منصور و حمد و مطر صوب المطار .. و لقو مكتب السفريات الي تابع لطيران الامارات مفتوح .. و للاسف مالقو عدد مقاعد تكفيهم .. لانهم حول عشرين .. و لقو بس حول 13 مقعد فاضي فالدرجه السياحيه .. من شاف منصور الوضع جذيه ..
منصور : خلاص انتو روحو .. و انا بحجز لنا عالدرجه الاولى ..
حمد : حتى .. انتو 4 .. و مالقينا الا حول 13 مقعد و بكم بنكون 17 بيبقون 3 ..
مطر : مب مشكله انا و سعيد و احمد بنتم و بنرد ع طيارة المسى ..
حمد : لا كيف نخليكم ..
مطر : يا ريال ما علينا خوف .. خلنا نفتك من حشرة العيوز ..
و قطعو التذاكر .. و بتطير طيارتهم الساعه 9 الصبح و بتنزل في مطار دبي .. بحكم ان طيران الامارات ما ينزل الا في مطار دبي .. و ردو الشباب الشقه و قالولهم .. و ما باتو .. كلهم تمو يلمون ثيابهم و قشارهم و مرتبشين .. و هالربشه نست غايه شويه من حزنها الي هي عاريشتنه .. و منصور افكار توديه و افكار تيبه .. لو كان قالها انه يحبها و هي تحبه .. اكيد انه ما بيكون متكدر بذيج الطريقه .. هي ليش كانت اتشوفه بذيج النظره .. ؟؟؟.. شو من بينهم ...؟؟؟.. ليش وقفت فالممر و تمت اتشوفنيه ..؟؟؟؟.... يالله ترحمني برحمتك .. و الصبح عالساعه 7 كلهم كانو فالمطار .. و وزنو شنطهم و تريو انهم ينادونهم عشان يروحون صوب طيارتهم .. و كالعاده .. احمد و مطر هم الي خلصو الاوراق و الوزن فالمطار .. و غايه ما فارقت احمد دقيقه بنظراتها .. و احمد يتعمد انه يتحاشى غايه .. مع انه مب قادر .. بس مابيده شي .. صدقها .. انا قبل لا افكر بنفسي .. كان المفروض افكر بمطر .. بس غايه .. اااااااااااااااه يا غايه ... ليتني ما شفتج و لا عرفتج ..
فهالوقت .. نشت غايه و العنود يبن يروحن الحمامات .. و راحن و اول ما دخلن ..
عقت غايه نقابها .. و فتحت الشيله و يلست ترتب شعرها ..
العنود و هي اتشوف غايه من المنظره : ما تبين اتقوليلي شو استوى بينج و بين احمد امس ...؟؟؟؟..
غايه : احمد ..!!.. آاااه .. تخيلي .. الريال يقولي احبج .. ( و قالت هالجمله بصوت مبحوح ) .. و انا بكل غباء اقوله ..انا خت ربيعك .. و جان تدمع عينها .. يالله .. هو بكل مشاعر و احساس يكلمني .. و انا ربي عطاني برود اول مره اعرفه ..
العنود : غايوه .. بس انتي قلتي الحقيقه ..
غايه : شوو ..؟؟!!!!..
العنود : انتي خت مطر .. مطر .. ربيعه ..
غايه : انتي شو تقولين ؟؟!!!.. اقول احمد قالي احبج .. تعرفين شو يعني ؟؟؟.. تعرفين شو تعني هالكلمه ..؟؟؟..
العنود : اعرف .. بس انتي ما غلطتي بردج .. و هو لو كان يحبج مثل ما يقول .. ردج ان مازاد حبج في فواده ما نقصه ..
غايه و هي ترفع شعرها من على يبهتها : انتي ما تفهمين .. انا احبه .. احبه .. و الله العظيم احبه .. و بدل ما اقوله و انا احبك .. بكل غباء ارد عليه انا خت ربيعك .. بمووووووووووووت ..
العنود : غايووووه ..
غايه : انتي ما تفهمين ..
العنود : لا افهم .. و احس بعد ..
غايه : انتي بشو تحسين فهالدنيا غير مطر ..؟؟؟؟..
العنود و هي منصدمه : شو ..؟؟!!!..
غايه : انتي مب حاسيتبي .. محد حاسبي .. حتى احمد مب حاسبي ..
العنود : لو يحبج .. بيحسبج ..
غايه : انتي ليش واقفه و تكلميني ..؟؟!!.. وين مطر عنج ؟؟.. روحيله ..
العنود : انتي ليش جذيه ..؟؟؟..
غايه : طبعا انتي مب منحق حد يعلق عليج .. عايشه حياتج بكيفج .. عايشه مع الانسان الي تحبينه .. محد مانعنكم من بعض .. و انا مستكثره عليـّه .. انه قالي احبج ..
العنود : انا مب جذيه .. و عمري ما فكرت بهالطريقه .. و هو لو كان يحبج جان حشم منج و من هلج .. جان حشم من ربيعه .. هذا بدال ما يكون ستر عليج .. يختليبج و يقولج هالرمسه ..
غايه و هي تصارخ : لا و الله ..؟؟؟.. و انتي و مطر و حركاتكم و كلامكم الي تقولونه .. ليش ما فكرتو بهلكم ..؟؟.. و الا حلال عليكم و حرام على غيركم ...
العنود و هي تصيح : انا عمري ما كنت اتوقع تفكيرج بنا لهالدرجه .. ما كنت ادري اني طايحه من عينج وايد ..
ما عطت العنود غايه مجال انها تتكلم و الا ترمس .. ظهرت العنود و هي متغشيه و ماسكه النقاب بايدها .. و من زود دموعها مب قادره اتشوف الطريق جدامها .. ثواني وطلعت غايه من بعد ما غسلت ويها و لبست النقاب .. و العنود قلبها معورنها من غايه و رمستها .. يالله هذي نظرتهم لي ..؟؟؟!!!.. و تمت تصيح .. و دقايق و انه ينادون بهم عشان يروحون البواب عشان يركبون الطياره .. و كانو يسلمون على سعيد و مطر .. الي بيلحقونهم اليوم فليل للبلاد .. و مطر اعيونه ادور العنود .. الي تعمدت انها ما تسلم عليهم و راحت و دخلت البوابه .. و مطر يدورها بين هلهم .. بس مالقاها .. عنلاتها السباله .. ملغوثه عالبلاد .. امره ربعت ولا سلمت و لا ودعت .. عنلاتها .. خلني اشوفها بس ..
و راحو كلهم و ركبوالطياره .. و العنود تعمدت انها ما تيلس عدال غايه .. و يلست عدال امنه و يمعه عيال ختها .. و غايه يلست عدال هزاع و حمد خوانها .. و منى و منال .. ظايجات ودهن لو يكونن عند البنات ..
منى : افففففففففففففففففففف ..
حامد : شو بلاج ..؟؟؟..
منى : اريد اروح عند البنات ..
منال : هيه و الله ..
حامد : الله يرحم .. شو اللحين ما تمينا نعيبكن الشيخات ..؟؟؟..
منى : لا بس البنات غير ..
منصور : نشن بنروح صوبهم شوي و بنرجع ..
و نشن يترابعن البنات .. و راحو صوبهم و منصور ايدور غايه ... الي كانت سانده راسها على كتف هزاع خوها و تسولف معاه .. فهاللحظه .. تمنى منصور انه يكون مكان هزاع .. يالله معقوله .. معقوله بيي اليوم الي بتكون غايه لي انا .. انا بروحي .. آآآآآه ..
فهاللحظه شاف راشد منى .. و من شافها نش عن امه و بوه و ربع صوبها ..
و من شافته منى فرحت ..
راشد و هو يمسك ايد منى : مناااااااااااايه ..
افترو كلهم صوبهم ..
منصور و هو يظحك : يعلن عن وصولنا ..
راشد و هو يسحب منى صوب امه و بوه : بويه .. انا احب منى ..
و احمد منصدم من رمست ولده : شووووو ...؟؟؟؟..
و منى ميته من المستحى ..
ميثه : عاد انا بخبرك .. ولدك متصوب من البنيه .. من ترد البلاد خطبها له و فكنا من حشرته ..
ام غايه : منو عمه ؟؟.. عمه مطر .. لازم بياكلنا فوادنا ..
فهاللحظه الي ذكرو فيها اسم مطر .. حز في خاطر العنود انها راحت بدون ما تسلم عليه .. يالله فديته .. و الله انه غالي .. الله يعني بلا غايه و هالسبال احمد .. عنلاتها جنها تقارن مطر بهاليعري .. يالله يا بوغيث .. يعلني ماذوق حزنك عسى ..
==================
الجزء الثاني عشر ..
*** أريـــــدك لي واعلنها على كل الملا كلمه ... أريدك لو ذبحني ظرفي القاسي وحطمني***
من شافت غايه منصور .. صلبت عمرها .. و منصور الود وده عينه ما تفارقها .. بس هي كانت يالسه بين خوانها .. فما قدر انه يشوفها او حتى يفتر صوبها .. بس قلبه تم يدق بالقو .. كنه مراهق .. ثواني و ان المظيفه اتقولهم يرجعون مكانهم .. و رجعو مكانهم .. و وصلو ع خير للبلاد ..
و هم فالمطار .. كان معضد ولد عمهم خو العنود و فياه دريول عمه .. يتريونهم .. بس هم تاخرو اللين ما طلعو .. عشانهم خذو وقت و هم يخلصون اوراقهم و يدورون شنطهم ..
و ظهرو كلهم من المطار .. و قوم منصور راحو في سيارة حامد الي كان موقفنها عند المطار من قبل لا يسافر .. و قوم غايه توزعو فالسيارتين و ردو صوب سويحان .. و طول الطريج لا العنود ترمس و لا غايه ..
و منصور طول الطريج للبيت و هو يتذكر شكل غايه و هي منسدحه على كتف هزاع .. و حامد متغيض عليه .. لدرجة انه ما يكلمه مثل قبل ..
و من وصلو قوم غايه سويحان .. الكل دخل حجرته و تسبحو و صلو العصر .. و من عقب الساعه 6 كانت ام غايه محتشره على عيالها تباهم يودونها صوب شيبتهم الي كان مرقد في توام ..
فهالوقت كانت غايه توها ظاهره من حجرتها ..
ام غايه : حمد نش يابويه ودنيه صوب يدك ..
حمد : لا اله الا الله .. يابنت الحلال استريحي اليوم و باجر من الفير بنسرح صوبه ..
جان تفتر ام غايه صوب ريلها : انت اشوه قلبك .. بوك مرقد ماندري بحالته و انت تعابل هالمدواخ الي مافره ع طول يديه ..
بو غايه : لا حووووول ... ( و يفتر صوب عياله ) .. العيوز مب من خذها .. العيوز من تفجج منها ..
ام غايه : انا عيوز يالشيبه الهايم ..؟؟؟؟...
حمد : هههههههههههههههههههههه تناشبو الشواب ..
فهالوقت كان عبيد توه راد البيت .. و ما كان يدري ان هله ردو من السفر .. و من دخل و لقاهم كلهم يالسين فالصاله الخارجيه ..
عبيد : هلا و الله بهالشووووووف ..
و ثاروو كلهم و سلمو عليه ..
ام غايه : عبيد يا بعدي .. نش روحبي صوب يدك ..
عبيد : توني ياي من عندهم ..
ام غايه : بشرني عنه ..
عبيد : يسرج حاله .. مافيه شي .. الا الشيبه مانعين عنه القهوه و يبات و يصبح يدعيبهم ..
ام غايه : ودي .. وشعنه مانعين عنه القهوه ؟؟..
عبيد : الضغط مرتفع عنده
بوغايه : قلتلج الشيبه مافيه شر .. الا انتن الحرمات ملق فيكن مب في حد ..
ام غايه : ملق !!؟؟.. نش نش دامك ع حشمه و روحبي المستشفى ..
عبيد : ههههههههههههههههههههههههه هههههههه .. هاه الشيبه علومك ..؟؟؟..
بو غايه و هو ينش : عيالي .. فكو عاماركم و لا تفرون بعاماركم في حلج حرمه .. طبو العرس بالحرمات ..
غايه : امايه بروووح معاكم ..
ام غايه : انقفضي عيل ..
غايه و هي تربع صوب حجرتها : دقيقه ..
و راحت غايه و تلبست و ظهرت صوبهم .. و روحو صوب يدها .. الي كان مرقد في توام قسم الباطنيه .. و هم داخلين توام ..
غايه : امايه .. خلينا نشتري وحده من هالسلل ليدي ..
ام غايه و هي تسحب غايه من عباتها : ما سمعتيه خوج يقولج يدج فيه الضغط ..
غايه و هي تفتر صوب بوها : بابااااااتي ..
بو غايه : عونه ..
غايه و هي تاشر على صنية حلاوى : باباتي .. اريدها ..
بو غايه : امره فالج طيب ..
غايه : فدييييييييييييت باباتي انا ..
ام غايه : هذا الملق بعينه ..
بو غايه : الحص .. اييج شور .. شلي دلالج و تقدمينا .. و احنا بنتشرى و بنيج ..
ام غايه : و من قالك اني بترياك انت و بنت اللين ما تتشرون و تفججون روسكم ..
و راحت ام غايه صوب الاصنصير .. و غايه و بوها راحو صوب المحل .. و عند دخلت المحل في نزله .. غايه كانت تمشي و مفتره صوب الطرف الثاني اتشوف وحده واقفه و تكلم واحد و كانو واقفين عدال راعي المجلات .. و لا انتبهت لهالنزله .. و بوها كان يتقدمها ..و باب المحل يفتح اوتوماتك .. انفتح الباب و مشت و هي بعدها مفتره صوبهم اتشوفهم .. و ماحسوبها الا و هي تبغم ( تصارخ ) من بعد ما طاحت على الارض .. فهاللحظه .. الريال و البنت افترو صوبها .. و بوها رد صوبها يربع .. و هي من طاحت .. ما رامت تشل عمرها و تمت يالسه على ارضية المحل ..
بو غايه : رب ما تعوقتي ..؟؟؟؟..
غايه : لا .. ماشي .. كنت اشوف رخام ارضية المحل ..
بوغايه و هو يصلب غايه عشان توقف : ههههههههههههههههههههههه .. جن الرخام عايبنج بنحطه لج فالبيت ..
غايه و هي تفتر اتشوف اذا حد شافها و هي اتطيح لان المحل كله زجاج .. شافت الريال الي كان واقف عند وحده عند راعي المجلات واقف بروحه و يشوفها و يبتسلم ..
غايه و هي تفتر صوب بوها : فقت ذا الويه ..
و تنقو هي و بوها صنية حلاوى حلوه و شلوها معاهم و راحو صوب يد غايه .. اول شي دخل بوها .. و لقى حرمات و رياييل عندهم فالحجره .. جان يفتر صوب غايه ..
بو غايه : تمي هنيه .. رياييل داخل ..
غايه : انشالله ..
ثواني و ان عمتها ( ام ميثه حرمة احمد خوها ) ظاهره صوبها فالممر ...
ام ميثه : مرحبا الساااع مرحبا ملايييين ..
غايه : مرحبا عمتيه ..
و وايهتها و حبتها ع راسها ..
ام ميثه : يعني فداج .. شو ميلسنج هنيه ..؟؟.. حدري داخل ..
غايه : بويه قالي رياييل عندكم ..
ام ميثه : لا محد الا سيف و سلطان ..
و فهاللحظه ان سلطان ولد عمتها ظاهر ..
سلطان : السلام عليكم ..
غايه : و عليكم السلام ..
سلطان : وش حالكم ..؟؟؟..
غايه و هي منزله راسها : بخير ربي يسلمك ..
سلطان و هو يفتر صوب امه : هاه الغاليه .. تامرينا بشي ..؟؟؟..
ام ميثه : وين بها ..؟؟؟..
سلطان : بروح صوب الشباب ..
ام ميثه : ردلي حول 10 ..
سلطان : فالج طيب الغاليه ..
و راح عنهن سلطان و حدرت ام ميثه و من عقبها غايه ..
غايه : السلام عليكم ..
الكل : و عليكم السلام ..
يد غايه : ظويتي مسودت الويه ..
غايه : ههههههههههههههههه .. ( جان تمشي صوبه و حبته ع راسه و من عقب حبته على رقبته ) .. فديييت روحك ..
يد غايه : وين العيره ؟؟.. سيف عطني العصى ..
سيف و هو مفتر صوب غايه : حشم ..
يد غايه و هو يشر بيده : لا لا .. وين حشم .. مسودت الويه .. طارت فالطايره شهر .. شهر و هي طايره ..
غايه : يدي ادعيتلك و انا فالحرم ..
يد غايه و هو يرمس غايه : ادعيتيلي بعرووووس ..؟؟؟..
سيف : ههههههههههههههههههههههههه هههههه .. يدي جن الا في خاطرك عروووس .. الليله بنظويها لك ..
ام ميثه : يالله بالستر .. لحق يا معضد .. بنت و سيف بيخربون بويه ..
و فهاللحظه يتهم الممرضه ..
يد غايه : هب .. ظوتكم ام كشه ..
غايه : يدي عيب ..
يد غايه : وين عيب .. فلختبي بكشتها .. ما تقولين الا ساحره و بطير ..
ع الساعه 10 سرو كلهم عن الشيبه و تم الا سيف عنده .. و قوم غايه ردو سويحان .. و عساعه 11 فليل راح عبيد صوب المطار عشان اييب مطر و سعيد .. و احمد امبونه موقف سيارته فالمطار .. و من عقب ما حطو شنطهم فالسيايير راحو كلهم صوب داره .. و احمد طول اليوم و باغض عمره .. غايه .. آااااه .. و غايه من التعب .. من ردت تسبحت و صلت العشى و نامت ..
الباجر الصبح ..
الكل كان موجود فالصاله .. ظهر مطر .. و لقاهم كلهم يالسين يتريقون ..
و من عقب ما سلم عليهم ..
مطر : هاه العيوز بشرينا ع يدي ..
ام غايه : بخير يعني افدى روحه ..
غايه : امايه .. بروح اشوف عنود جنها بتخاوينا صوب يدي ..
حمد : لا تروحين و لا تييين ..
غايه : ليش عاااد .. ؟؟؟..
حمد : عايبنج شكلج و انتي تتمشين فالشارع ..
غايه : يالله عليك .. وين اتمشى .. بعدين انا بروح بيت عمي ..
حمد : استريحي ..
غايه : مطووووووووووور .. اريييد اروووح لعنووود ..
مطر : نشي نشي بنروحلهم ..
حمد و هو يطالع مطر بنظره .. فهاللحظه رن تيلفون حمد .. جان يبتسم و يثور عنهم بيظهر برى ..
عبيد و هو يغني لحمد : يوم اهو رايح جدى ياره ... واجبات اليار يديها .. كالبدر لي شعت انواره .. نورت دنياه و ما بيها
جان يطالعه حمد بنظره : لم ثمك ..
عبيد : احم احم ..
و ظهر عنهم حمد و ركب سيارته و راح .. و نشت من عقبه غايه و مطر و راحو صوب بيت عمهم ..
و لقو سعيد و ام العنود و حرمة معضد و معضد يالسين فالصاله .. من عقب ما سلمو عليهم ..
غايه : عمووه وين العنود ..؟؟؟..
ام العنود : احيدها تعابل الفواله فالمطبخ ..
نشت غايه و راحت المطبخ و لقت العنود يالسه و تسوي فقاع ( لقمة القاضي ) ..
غايه : عاااشووو .. عروسنا تعابل فالمطبخ ..
جان تفتر العنود صوب غايه : هلا .. و جان ترد و تعابل الفقاع ..
غايه و هي تمشي صوبها : عنوووود ..
ما ردت عليها ..
غايه : عنووووووودي ...
العنود و هي تتنهد : نعم ..؟؟..
غايه و هي تمسك طرف شيلة العنود : زعلانه ..؟؟؟..
العنود : و ليش انشالله ازعل ..؟؟؟..
غايه : عنوووووووووود حرام عليج .. انتي تعرفين ان مالي حد غيرج ..
ما ردت عليها ..
غايه و هي تمط شيلة العنود : عنوووووووووووووود بس عاد .. لا تذلينا ..
العنود : من حلات سودته عاد ..
غايه : عنود .. ارجوج ..
العنود : حبي ايدي ..
غايه : شووووووووووو ..؟؟؟!!!.. هذا الي قاصر ..
العنود و هي اتمد ايدها الي خايسه بالعيينه صوب غايه : حبيها حبيها ..
غايه : ايييييييييييييييييييييييه ..
العنود : ههههههههههههههههههههههههه هههههه ..
غايه : لمنوه تعابلين هالفواله ..؟؟؟..
العنود : بنسرح صوب يدي ..
غايه : و الله ..؟؟؟.. حتى احنا بنسرح صوبه .. امبوني يايه صوبج جنج بتخاوينا ..
العنود : عيل روحي و قولي لامايه عشان تتصل بعموه ..
غايه و هي تظهر من المطبخ : اوووه عنووود ... شوقج عندكم فالصاله ..
العنود : منو شوقي ..؟؟؟!!!..
غايه : لا و الله ..اونها ما عرفته ... ( و هي تقلد العنود و هي تنطق باسمه ) مطر ..
العنود : شوووووو ..؟؟؟... حلفي ..
غايه : و الله ..
العنود : لا ماريده يشوفنيه و انا امبهدله جذيه ..
غايه : ياويلي انا ..
و ظهرت غايه عنها و خبرت عمتها .. و عالساعه 9:20 الصبح سرحو كلهم صوب يد غايه فالمستشفى .. و لقن حرمات عندهم فالمستشفى من هلهم الي فالعين .. و الرياييل ما لقولهم مكان .. راحو و فرشولهم زوليه فالممر و يلسو عليها مجابلين الاصنصير بعيد شوي عن الحجره ..
و هم يالسين شافو ثلاثة بنات ثنتين بدون عبي و لابسات شيل صلاه و الثالثه لابسه شيله سوده و حاطه غشوه فوق راسها دائريه و لا هب متغشيه .. متلثمه بالغشوه .. و يتمشن في اقسام المستشفى .. و عبيد و سيف واقفين عند الثلاجات بييبولهم غراش ماي ..
و من شافهن عبيد و هو مب في حاله : يااااويل حالي ..
سيف : غرشوب رعبوب و الخصر منهوب و العود ميال .. نهاب القلوب من شوفه اتذوب بو شعر نشال ..
عبيد : سلام سلام ..
جان تظحك وحده منهن .. فهاللحظه كان مطر توه ياينهم .. و من شافهم سلم عليهم ..
مطر : شو ميلسنكم هنيه ..؟؟؟..
عبيد : الحجره متروسه حريم ..
جان يردن البنات و يخطفن مره ثانيه ..
سيف و هو ياشر على المتلثمه بالشيله : له رمش ذباح و الخد وضاح و الطرف جتال ..
مطر : ههههههههههههههههههههههههه ههه .. يا ويل حالك .. جان يفتر صوبهن .. حشى الريال مب في حاله منكن ..
قبل لا يخلص كلامك كان العنود و عمتها ام ميثه ظاهرين .. و طبعا العنود سمعت رمست مطر ..
مطر و هو يعدل سفرته : احم .. رحنا فيها ..
عبيد و هو يفتر صوب سيف : نقع البوكس ..
سيف : احم احم ..
مطر و هو يسلم على عمته و يحبها ع راسها ..
ام ميثه : مرحبا الساااع ..
مطر : المرحب باجي ..
ام ميثه : وش حالك يا مطر .. ؟؟؟..
مطر : آآآآه .. انا مب في حاله ..
ام ميثه : افااا .. رب ماشر ولديه ..
سيف : امي .. مطر مستصيب ..
جان تفتر ام ميثه صوب العنود الي ميته غيض ع مطر : دام انه مستصيب من العنود .. ما نرومله حيله ..
العنود : عموووه .. خلينا نروح ..
ام ميثه : سيف .. نش ودنا الجمعيه ..
سيف : امره فالكن طيب ..
و مطر يطالع العنود .. هذي كيف بتركب عند سيف ..؟؟؟!!!..
مطر : انا بوديكم ..
ام ميثه : لا ولديه مافينا نعبل عليك ..
مطر : لا عبوله و لا شي ..
العنود و هي تفتر الطرف الثاني : نخاف نعطلك عن شغلك .. و الا ..
مطر و هو معصب عليها : لا تتنقمين .. و انجبي و خطفي ..
العنود و هي تحط ايدها في خصرها : نعم ...؟؟؟؟؟..
عبيد : خلاص انا بوديهن ..
ام ميثه : لا اله الا الله .. شعندكم ..؟؟؟؟..
مطر : تبن تروحن الجمعيه خطفن بوديكن .. ما تبني اوديكن ماشي لا جمعيات و لا دكاكيين ..
العنود : اففففففففففففففففففففف .. مشكله السبلالالان ..
و مشت قبلهم صوب الاصنصير .. و لحقتها عمتها .. و مطر ميت غيض عليها .. و راحو و ركبو عند مطر السياره ..
مطر : تبون هالجمعيه و الا كارفور ..؟؟؟..
العنود : كارفور ..
جان يرفع مطر عينه للمنظره الي جدامه و شاف العنود .. حظرتها تعاند يعني .. اوكي بنت حمد ..
ام ميثه : لا هالجمعيه بتسدنا ..
مطر : يوم الا في خاطرها حواطت كارفور .. بنوديها صوب كارفور ..
و من وصلو كارفور و وقفو فالبراكن و نزلو كلهم و دخلو كارفور و تمت العنود ادز العربه و مطر يطالعها .. خلها .. من عقب خلاهن مطر .. و راح صوب اريج .. و العنود بتاكله بعيونها .. و من عقب ما خلصن من كارفور .. راحن صوب اريج عشان يشوفن مطر .. و لقن الحبيب يالس و يسولف مع وحده من الي يبيعن .. من بعد ما تشرى من عندها كيس متروسه عطور .. و العنود تتطابخ من الغيض عليه و والود ودها تفلعه ..و من عقب ما ظهر من عند اريج خلت العنود العربه جدامه و مشت هي و عمتها ..
و ردو صوب المستشفى .. و دخلو .. و مطر امبونه وراهن شال القراطيس ( الاكياس) و العنود من غيضها عليه راحت ودفرت غايه ..
العنود بصوت واطي : بدوس في بطنه ..
غايه : ههههههههههههههههههههههههه ههههههههههههههه .. ليش ..؟؟؟..
جان يفتر مطر صوبهن .. و جان يبتسم للعنود .. عاد هي من شافته يبتسملها فجت ثمها ..
العنود و هي تمط ايد غايه : ياويلي خوج بيذبحني ..
غايه : اقوووله ..
العنود : بزوالج ..
غايه : ههههههههههههههههههههههههه ههههههههههههههههه ..
فهالوقت في بوظبي ..
كانت منى و منال يالسات فالصاله و منصور توه راد من الشركه ..
منصور : السلالالام عليكم ..
البنات : و عليكم السلالالام ..
منصور و هو يعق سفرته و العقال ع الكرسي و ييلس ع الكرسي الثاني ..
منال : شو تعبان ..؟؟..
منصور : ما نمت امس عدل ..
منى : لييييييييييييييييييييييش ...؟؟؟..
منصور : افكر فسالفه ..
منال : خير ..؟؟؟..
منصور : بروح اسبح و برجعلكن ..
و نش عنهن و راح يتسبح .. فهالوقت نش حامد من الرقاد .. و ظهر عندهن فالصاله و هو لابس شورت بني فاتح و قميص ابيض ..
منى : حمووود وين بتروح ..؟؟؟..
حامد : بروح امشي ع البحر ..
منال : يالخبال .. اللحين بترووح ..؟؟؟..
حامد : خبال فعينج ..
و ان منصور ظاهر من قسمه ..
و من شافه حامد نش بيروح ..
منصور : حامد .. اريدك فرمسه ..
حامد : انا ..؟؟؟..
منصور : تعال الحجره ..
و رد منصور صوب قسمه .. و لحقه حامد ..
منصور : حامد .. انت مب خويه .. انت ولديه ..
نزل حامد راسه تحت ..
منصور : احبها .. حامد انت مب حاسبي .. هالبنت فيها شي ذابحني ..
ما رمس حامد ..
منصور : خلاص .. انا ماقدر اعيش دونها ..
و حامد ساكت ..
منصور : بخطبها ..
فهاللحظه رفع حامد عينه لمنصور و هو منصدم من هالقرار المفاجي ..
حامد : شوووو ...؟؟؟...
منصور و هو يهز راسه : آآآآآه .. ماقدر .. ماقدر اتخيل حياتي دونها ..
حامد : عمري ما شفتك بهالضعف .. !!..
منصور و هو منزل راسه : لا تلومني .. انت ما تحس بلي احسبه ..
حامد و هو يمشي : سو الي تباه .. و ربي يوفجك .. بس هالبنت ما تستاهلك .. و الله انها ما تستاهلك ..
و ظهر حامد عن منصور ..
تم منصور في حجرته حول النص ساعه .. و جان تيه منال .. و قالها ..
منال : حرام عليه .. هو ليش جذيه يقوول .. و الله هالانسانه شيخه .. و الله انها رهييييييييييييييبه ..
منصور : منال انتي عرفتيها زود عنا .. ماقد شفتي عليها حركات و الا ..
منال : منصور .. اذا غايه فيها عيب .. فهو انها صغيره و مستهتره شوي .. بس مافي حد يقدر يقول كلمه على اخلاقها ..
منصور و هو يتنهد و هو مرتاح : آاااه .. الله يبشرج بالجنه انشالله ...
فهالوقت فالمستشفى ..
ام ميثه و هي ترمس ام غايه : بتروحين باجر عرس دبي ..؟؟؟..
ام غايه : عرس منو ..؟؟؟..
ام ميثه : عرس بنت عوشه بنت خالتيه لطيفه ..
ام غايه : ماشالله عوشه عندها بنات بيعرسن ..؟؟؟..
ام ميثه : ماشالله ترس البيت عيالها من بنات و اولاد ..
ام غايه : من بياخذها ..؟؟؟..
ام ميثه : واحد من رفاجتهم ..
ام غايه : بتروحين صوبهم ..؟؟؟؟..
ام ميثه : مانروم نقصربهم ..
ام غايه : بنتخاوى عيل ..
و يد غايه منسدح ع الشبريه .. و العنود و غايه يوايجن من الدريشه ..
يد غايه : بتخبركن انتن ع من توايجن من اصبحتن ..؟؟؟...
غايه : يدي .. عنوووود توايج ع مطر ..
العنود : لاااااا .. والله ما كان ..
غايه : خلي عنج ..
و ان ام العنود حادره عليهن ..
ام العنود : بتخبركن .. علمتن بموزه بنت راشد مرقده هنيه ...؟؟؟؟..
ام ميثه : صدق ..؟؟؟..
يد غايه : شوووووه ..؟؟؟... منو مترقد ...؟؟؟..
ام العنود : عمي .. موزه .. موزه بنت راشد مرقده ..
يد غايه : العيوووزه ..؟؟؟.. نافده هاي ..
ام ميثه : حليلها يابويه ..
ام غايه : من يقولج ..؟؟؟..
ام العنود : اللحين سعيد يقولي ..
ام ميثه : ما تبى نسير صوبها .. ؟؟؟..
ام غايه : و بنخلي عمي بروحه ..؟؟؟..
ام ميثه : ما عليه شر .. عنده البنات .. و الشباب برى ..
و ظهرن الحرمات بيروحن يسلمن .. و من ظهرن من باب الحجره ..
يد غايه : الغوي ..
غايه : لبيييييييييييه ..
يد غايه : تعالي تعالي ..
غايه و هي تتقرب من يدها : عونك الغالي ..
يدغايه : يا بنتي انا تعبان ..
العنود : فديييتك يدي .. تباني ازقرلك الممرضه ..
يد غايه : منوووه ..؟؟؟.. الله يعني بلا هالطاري ..
العنود : ههههههههههههههههههههههههه ههه .. حليلها يدي .. والله انها تحبك ..
و ان الممرضه حادره عليهم ..
يد غايه و هو يفتر صوب العنود : الله يغربلج انتي و ظواياج ..
و الممرضه تبى تعطيه الدوى .. و هو ما طاع ..
غايه : يدي فديييتك خذ الدوى ..
يد غايه : خذج بليس .. هنه .. هنه .. الله ينطبكن من بنات ..
و من عقب محايل طاع انه ياخذ الدوى بس ع شرط ..
يد غايه : تبني باخذ الدوى .. الا اسقني قهوه ..
العنود : لا يدي .. انت مانعين عنك القهوه ..
يد غايه : انا القهوه دوايه من كل عوووق ..
فهاللحظه دخل مطر عليهم ..
غايه : مطووور .. يدي ماطاع ياخذ دواه ..
مطر و هو يفتر صوب يده : افاااااا .. شعنه ..
يد غايه : اسقوني قهوه ...
مطر : امره فالك طيب .. خذ دواك و بنسقيك قهوه ..
و من بعد محايل طاع انه ياخذ دواه ..
يد غايه : هاتولي دلة القهوه ..
مطر : امره فالك طيب .. و نش و يابله دلة القهوه ..
و من فتح مطر غطاة القهوه ..
يد غايه : يا حي ذالريح حياه ..
غايه : مطووور يدي ممنوع من القهوه ..
مطر : فنيال ما بيضره ..
و جان يصب ليده فنيال قهوه ..
يد غايه و هو يتناول الفنيال من مطر : مرحبا الساااع مرحبا الساااع ..
و من شرب القهوه ..
يد غايه : يا حي الحياه ..
مطر و هو يأشر للعنود ..
و العنود تفتر عنه الطرف الثاني ..
جان يغمزلها .. و هي تصد عنه .. و غايه و يدها يالسين و يشوفوونهم ..
مطر :
ما دِمتْ غالي وقلبي صــــار بيدينــــك ....راضـي حبيبي تدلَّـــع بس بالراحـــــه
ماقـدر أواجه دلـــــع همساتك وعينـــــك ... يكفي عيــــــونك بلا تغنيج ذبَّاحــــــــــه
( و جان يأشر على عيونها ) ..
خف الدلع (و حرك ايده )لا تّـثنى شـد من لينــــــــــــك ... في مشيتك يكفي انّـك تقلب الساحــه
المشكله هالدلــع ذاااااااايب بتكوينــــــــــك ... ذايب مثل سكِّـرٍ ذايب بتفَّـاحَــــــــــــه
وِشْ حيلتك والزهر دلّع بساتينــــــــــك ... طبعك حبيبي وطبعك روضة الواحــــه
زيد الدلع خلّ يقتل كل معادينـــــــــــك ( و جان يأشر على غايه )... يَا عَـلْ يفدى وطاتك ليــــل بصباحــــه
غايه : لا و الله .. تراها الا عنيدى ..
مطر :
خلاص بادلّـعك لو مِتْ في عينــــــــــك ... راضي حبيبي تدلّـــع .. بس بالراحــــه
غايه : يدي سمعته .. السبااااااااااااال .. سبني عسباتها ..
يد غايه : ما عليج منه .. انتي شيخة البنات .. محد يسواج عندي ..
غايه و هي تحب يدها على رقبته : فدييييييييييييييييييييييي ييييييييييييييييت رووووووحك ..
و من عقب ردو كلهم سويحان و تم عبيد و سيف عند يدهم فالمستشفى ..
و مطر يتحرقص مكانه يريد يرمس العنود .. و هي تتهرب منه ..
مطر : اريد ارمسها ..
غايه : ماروملكم حيله .. هي ما تبى ترمسك ..
مطر : لا و الله كيفها هي ..
و العنود يالسه في حجرة غايه و تسمع مطر و هو محتشر عند الباب يريد يرمسها ..
غايه : مطر .. دامها في حجرتيه لا ترمسها .. من تظهر عني سو الي تباه ..
مطر : و الله ..؟؟.. اوكي ..
و راح عنهن ..
و ردت غايه صوب العنود فالحجره .. و مطر ركب سيارته و راح عنها .. تمت العنود عند غايه يخططن شو بيشترن للجامعه الي قرب دوامها .. و قدها الساعه 2 الصبح و مطر ما رد ..
العنود : غايوه .. مطر ما ظوى ..
غايه : شو تبيني اسوي .. ؟؟؟..
العنود : اتصليبه ..
غايه : مب مستهمه منه .. جنج مستهمه منه اتصليبه انتي ..
العنود : غايوووه عن هالحركات ..
غايه و هي تمد تيلفونها للعنود : اتصليبه .. و الله ما يستاهل منج الي تسوينه فيه ..
تمت العنود ماسكه التيلفون شوي .. و اتطالع الشاشه ..
العنود و هي تتنهد : آاااه .. و جان ادق رقمه ..
مطر و هو يرد بدون نفس : الو ..
العنود : .. الو ..
مطر : شو تبين ..؟؟..
العنود : ما بتظوي ....؟؟؟؟..
فهاللحظه بس انتبه مطر ان الي متصله هي العنود ..
مطر : ليش يهمج اظوي و الا لا ..؟؟؟..
العنود : .. لو ما يهمني ما دقيتلك ..
مطر : .. و الله ..؟؟؟..
العنود : .. هيه ..
مطر : حلفي ..
العنود : هههههههههههههههه .. و الله ..
مطر : آاااااااااااااه .. يعلني ماذوق حزنج عسى ..
العنود : .. و من قال ..
مطر : اللحين بظوي ..
العنود : اوكي ..
و سكرت عنه .. و من سكرت عنه ربعت بيتهم قبل لا يرد و يلقاها و يرمسها .. و من رد مطر و مالقاها .. بغى يذبحها .. عنلالالالالالالالالاتها ..
بالباجر .. روحن الحرمات صوب العرس في دبي ..
و ارتبشن بلي شافنه .. و كان العرس في قاعة لطيفه .. و كان ترتيبهم فالقاعه واااااااااايد فخم و حلو .. و الحرماااات ماتن على سلامه خت العروس ..
$ سلامه .. عمرها 23 سنه.. متخرجه من تقنية دبي .. طوييييييييله وااااايد .. و عودها اكثر من حلو .. جسمها ملياان بس رسمته حلوه .. بيضى قطنه .. شعرها مب طويل .. اللين نص ظهرها .. بس ماشالله وااااااااااااايد غليض .. ملامحها جذااابه بطريقه مب طبيعيه .. ملامح ويها مب حلوه .. بس فيها شي مب طبيعي يجذبج لها .. انسانه لها هيبه في رزتها .. $ ..
بالباجر و الكل يلووس ..
حمد : متى ظويتو امس من العرس .. ؟؟؟..
ام غايه : مابطينا .. عمتك وراها درب ..
غايه : امايه حلو عرسهم ..
ام غايه : .. لا تخبرين .. غراااااااااااام من حلاته ..
غايه : و العروووس ..؟؟؟..
ام غايه : ما عليها قصووووووووووور .. الا ختها الي اصغر عنها ارحم منها ..
عبيد : اظني انتن ما تروحن الاعراس الا تتفطنن فالحريم و البنات كلهن ..
ام غايه : لا لا .. سلامه غرمتبنا .. محد جبل صوب العروس .. سدتنا الا سلامه ..
غايه : امايه حدروو المعرس ..؟؟؟..
ام غايه : هيه حدروووه .. عكره .. قصييييييييييييييير و اسود ..
حمد : لا اله الا الله ..
ام غايه : لا لا .. انا ما بت من امس من ريت سلامه .. ( جان تفتر صوب حمد ) مبخوت الي بيظويها ..
.................................................. .....
الجزء الثالث عشر ..
*** انا اتحداك لو تقدر .. تخرج احساسك من اجوائي .. شوف بعدي عنك و اتصور .. من حياتك تفقد اجزائي .. دام احاسيسي هي المصدر .. كيف تحيى بموقع النائي .. من دعاه الحب ما يصبر .. اسمح الغالي لاخطائي***
من عقب ما نشو خوان غايه .. راحت غايه و العنود و امها و عبيد صوب يدها فالمستشفى .. و لقو عمتهم ام ميثه و عيالها سلطان و المها .. و توهم بيدخلون الحجره .. و يسمعون الشيبه محتشر عليهم ..
يد غايه : لا لا .. الليله تظهروني من هالسبيتار ..
ام ميثه : يا بويه انت تعبان .. وين تظهر ..؟؟؟..
يد غايه : ادريبج انتي .. تبيني انفد .. ادريبج سودى الويه ..
ام ميثه : يالله يا بويه .. شهالرمسه ..؟؟..
نش سلطان و عبيد و ظهرو عنهم .. و ام غايه و ام ميثه نشن بيسلمن على وحده من الحرمات مرقده في توام .. و تمت الا غايه و العنود و المها .. يالسات عند يدهن ..
المها : كليتن من الكيك الي يبيعونه تحت ..؟؟؟..
غايه : لا .. ذاك اليوم ريته . الا ما اشتريت منه ..
المها : وايد حلووو ..
العنود : نشن بنشتريلنا ..
غايه : روحن الا انتن .. انا بتم عند يدي
العنود : غايوه يدي راقد و لا درابج ..
يد غايه : شوووه ؟؟.. لا لا هب راجد انا ..
غايه : هههههههههههههههههههههههه ..
و ظهرن العنود و المها بيروحن صوب محل الكيك و الحلويات الي فالطابق الارضي بيشترلهن كيك .. و تمت غايه عند يدها ..
و من عقب تمت توايج من الدريشه عالسيايير برى .. و ما سمعت الا واحد يهود ..
.. : هووود هووود ..
جان تتغشى غايه و تفتر صوب الباب ..
غايه : هداااا ..
جان ينش يد غايه و يصلب عمره ..
يد غايه : مرحبا الساااع ..
و ان ريال حادر عليهم ..
الريال: السلالالاااام عليكم ..
ردو عليه السلالالام ..
و غايه منزله راسها .. و ريال من شافها و قلبه يدق بالقووو ..
الريال من عقب ما راح صوب يد غايه و وايهه ..
الريال: شحالك خالي ..؟؟؟..
يد غايه : بخير ربي يسلمك .. الا هالشكري بريدنا ..
الريال : لا لا .. ما تشوف شر يومين و ان شاء الله بتنش تربع ..
يد غايه : وين اربع .. ؟؟.. الشيب شلنا ..
الريال : من يقول انك شيبه .. لا لا بعدك شباب ..
يد غايه و هو يبتسم و متشقق : وين شباب .؟؟!!.. ما تشوف اللحيه ملحى .. ؟؟..
و هم يسولفون و غايه واقفه ع طرف عنهم ..
يد غايه : قرب قرب بتتقهوي ..
الريال : لا جريب ..
جان يفتر صوب غايه .. و يشوفها و هي بعدها منزله راسها .. يالله يا غايه ..
و توه بيفتر بيظهر .. و ان مطر حادر .. و تلاقو عند الباب ..
مطر : مرحبا السااااع ..
الريال : حيبه ..
و توايهو ..
الريال : مو حالك ولدي ِ .. مو حال حيانك ..؟؟؟..
مطر : شر نهي .. ( و جان يهز راسه ) .. بول كول تيكه .. كيسا هي تم ..؟؟..
الريال : ههههههههههههههههههههههههه هه .. رقيييييييييييييييييص ..
و غايه صاخه و هي تسمعهم يتكلمون بهالطريقه ..
مطر : ههههههههههههههههههههههههه هههههه .. شحالك بو سنيده ..؟؟..
راشد : بخير يعلك الخير ..
مطر : وين بها .؟؟..
راشد : ماشي يايي اسلم ع خالي ..
مطر و هو يفتر صوب يده : سلام عليك يدي ..
يد غايه : مرحبا مرحبا ..
مطر : شحالك المعرس ..؟؟؟..
يد غايه : هههههههههههههههههههه .. قاصرتني العروس ..
راشد و هو يفتر صوي يد غايه : هههههههههههههههههههههه .. امره فالك طيب الليله بنظويها لك .. انت الا تنقى فهالحريم ..
و غايه تظحك على سوالفهم ..
شوي و ظهر راشد عنهم و تم يتريا مطر فالممر ..
مطر : وين الباجين عنج ..؟؟..
غايه و هي تعق غشوتها : راحن يسلمن و اللحين بيردن ..
مطر و هو يعدل سفرته : انزين انا برووح شوي و برد .
غايه : مطوور منو هذا ..؟؟..
مطر : و انتي شولج تتخبرين عن الشباب ..؟؟؟..
غايه : حليلي الا اتخبر ..
مطر و هو يسير صوب الباب : لا تتخبرين و لا عندج خبر ..
و ظهر عنها و هو فالممر يسير هو و راشد .. لاقى العنود و المها و هن رادات صوب الغرفه ..
العنود و هي خايفه : لحقي لحقي .. مطر ..
المها : حلفي ..
و مطر من شافهن .. الود وده يذبحهن غلامتين .. من وين ظاويات ..؟؟؟..
العنود : شوفي كيف يطالعني .. يا ويلي .. و الله بيذبحني ...
المها : جب جب مشي و لا جنج تعرفينه ..
و مطر الشرار يظهر من عيونه و لو ما راشد عنده جان مسكهن غلامتين و غسل شراعهن ..
و هن مشن بسرعه و من عقب ترابعن فالممر و راحن حجرة يدهن .. و لقن غايه تصب لها حليب .
العنود : غااااااايوووووووووه لحقيني ..
غايه و هي تحط الكوب من يدها : شعندج ..؟؟...
العنود : يا ويلي يا ويلي .. مطر شافني ..؟؟..
غايه : يااااااااااوييييييييييييي ييييييييييلج ..
العنود : و الله بنظرب ..
غايه : دواااج الظرب ..
شوي و ان ام غايه و ام ميثه يايات .. و يلسو شوي و من عقب اتصلو بعبيد عشان يردون سويحان .. و ياهم عبيد ..
و هم رادين .. غايه ميته تريد تعرف منو هذا الي ياهم فالمستشفى .. عيبها اسلوبه و هو يسولف مع مطر خوها ..
و العنود .. ميته خوف من مطر .. و الله بيقصبني ..
و ردو البيت .. العصر يت العنود عند قوم غايه .. بس ما شافت سيارة مطر عند الباب .. يعني مب فالبيت ..
لقتهم كلهم يالسين فالصاله الخارجيه .. و حمد عندهم .. و من عقب ما سلمت عليهم يلست عدال غايه ..
ام غايه : يا حمد .. البنت شيخه ..
حمد : امي .. دخيييييييييلج .. انا عرس ما بعرس ..
ام غايه : عمتك تطريها اليوم .. يا خوفي تاخذها لسلطان ولدها ..
غايه : انزين امايه .. مب مشكله فالتالي بياخذها واحد من هلنا ..
ام غايه : لا لا .. من يقوله .. انا اباها لولديه ..
عبيد : ماظني حمد بياخذها .. عرب سادينه ..
جان يفتر حمد صوبه ..
عبيد : عالبال توك يا جميل .. و اللحين اشوفك مستحيل ..ما اصدق اعيوني انا .. ياسيدي عمرك طويل ..
حمد : وشعنه ما تاخذها انت ..؟؟..
عبيد : جنك مرخصني باخذها ..
حمد : عرس و فكني ..
عبيد : آآآاااه ليت الا صدق بعرس ..
حمد و هو يفتر صوب امه : هاه عندج عبيد يوزيه و فكيني ..
ام غايه : يالله بالستر .. اخطب لصغير قدام العود ..؟؟؟..
حمد : امي انا مالي حايه فالعرس .. و يوم ابى اعرس .. انا الي بتخير فالبنات ..
عبيد : لا لا امايه انا ما ريد اتخير .. الي تبيني اخذها باخذها ..
ام غايه : حمد .. يا ولديه ..
حمد و هو ينش عنهم : لا حول .. اقولها ثور اتقول حلبوه .. يا امي اقولج .. عرس ما بعرس .. خلاص ..
ام غايه : لا اله الا الله .. انت ( و اشرت صوبه ) بيشيب راسك و انت بعدك ما عرست .. مادري شعندك محارب العرس ..
جان يظهر حمد عنهم .. و ركب سيارته .. و تم يحووط على طريق العجبان صوب العزب .. جان يرن تيلفونه ..
و من شاف الرقم .. تنهد و هو مرتاح و جان يرد عليه ..
حمد : مرحبا الساع ..
شمسه : ملايين و لا يسدن ..
حمد : شحالج ..؟؟..
شمسه : بخير ربي يسلمج انتي شحالج ..؟؟..
حمد : شو حد عندج ..؟؟..
شمسه : هيه قوم خالوه عندنا ..
حمد : انا كم مره قايللج .. جن حد عندكم لا تتصليبي ..
شمسه : يالله عليج .. شو يعني ما تبين تسمعين صوتي ..؟؟..
حمد : آااه يا شمسه .. ليتج تدرين بصوتج شو يسويبي ..
شمسه : مممممم .. و الله ..؟؟..
حمد : هيه و الله .. شموس دخييلج .. خليني اشوفج ..
شمسه : اللحييييييييييييييييييييي ن ؟؟؟!!!!!!!!!!!!!...
حمد : دخيلج بخطف من جدام بيتكم .. لو اشوفج من بعيد ..
شمسه : ممممممم .. بحاول بس ما اوعدج ..
حمد : ههههههههههههههههههههههههه .. يوم ترمسيني ع أساس اني بنت اتشككيبي ..
شمسه : ههههههههههههههههههههههههه هههههه .. من أي ناحيه اتشكين ..؟؟..
حمد : من كل النواحي ..
شمسه : ههههههههههههههههههه ..
حمد : رمستي غايوه جريب ..؟؟..
شمسه : لا الزفته من رديتو ما رمستها .. دقيتلها مره قالي عبيد انها فالعين ..
حمد و هو معصب : و انتي شعنه ترمسين عبيد ..؟؟؟..
شمسه : ما رمسته بس هو رد ع التلفون ..
حمد : لا و الله ؟؟.. و شو قالج ان شاء الله ..؟؟..
شمسه : احبج اموت فيج .. ههههههههههههههههههههههههه .. بعد شو بيقولي .. ماشي تخبرته وين غايه قالي فالعين و سكرت ..
حمد : شمووووس دخيييلج لا ترمسين حد .. لو هو خويه .. مابا ريال يسمع صوتج غيري ..
شمسه : فالج طيب .. من اعيوني ..
حمد : يالله فديت عيووووونج ..
جان تسكت شمسه ..
حمد : ههههههههههههههههههههههههه .. اتخيل شكلج و انتي مستحيه .. ههههههههههههههههههههههه ..
شمسه : مالت عليج يالزفته .. ليت وضعي يسمحلي .. جان عرفت كيف ارد عليج ..
فهاللحظه دخلت امها عليها تباها ..
شمسه : انزين سمحيلي غناتي امايه تباني ..
حمد : نص ساعه و بخطف ..
شمسه : ان شاء الله .. مع السلامه ...
و سكرت شمسه عن حمد .. الي من عقب ما سكر عنها .. رد صوب الشعبيه .. بعد نص ساعه .. خطف حمد من الشارع النصفاني من قدام بيت قوم شمسه الي مجابل بيتهم .. و شافهن لمت حرمات يالسات جدام الباب .. و ما عرف منو منهن شمسه .. جان يرد و يوقف جدام بيتهم و تم فالسياره .. و بما ان سيارته مخفي .. استغل الحبيب الوضع و تم مفتر صوبهن يريد يشوف شمسه .. بس فقد الامل انه يميزها من بين هالحريم كلهن .. و جان ينزل .. و بابه كان ع طرف الحرمات .. فيوم نزل شافته شمسه الي بتموووت عليه .. و عيونها بتاااكله اكل .. و الحرمات ما شلن عيونهن عنه .. ماشاء الله عليه .. صدق هالانسان شخصيه .. رزين فمشيته .. و لا جبل صوب الحرمات ..
بعدها بيومين طلع يد غايه من المستشفى و اكتضو العرب صوبهم .. و ارتبشو بييت العرب صوبهم .. و ما بقى عالجامعه الا اسبوع .. و بيبدون امتحانات تحديد المستوى .. و البنات ما تشرن شي ..
كانت غايه فالصاله الداخليه اتشوف التلفزيون .. و حاطه على قناة ميلودي .. و اتشوف غنية إليسا " اجمل احساس بالكون "
و تقرى مجلة سيدتي .. جان يحدر يدها عليها .. و يلس ع الكرسي .. و افتر صوب التلفزيون و غايه من انتبهت ليدها يلست ادور الريموت عشان تغير القناه ..لان الغنيه فيها لقطات مب اوكي .. و اول لقطه شافها يد غايه .. اللقطه الي اتكون اليسا لابسه المكسي الابيض و تمشي .. و من شافها يد غايه صخ الريال ..
يد غايه و هو ينش و ييلس على الكرسي القريب من التلفزيون : مرحبا الساااع مرحبا الساااع بهالشووووف ..
و من لقت غايه الريموت غيرت القناه .. جان يفتر يدها صوبها ..
يد غايه : شل الله راس العدو .. وين شليتي العروس سودى الويه .. رديها رديها .. لا بركة الله فيج ..
غايه : حليلي يدي ..
يد غايه : ردي ردي عالعروووس ..
جان ترد غايه عالغنيه ..
يد غايه : يا حي الحياه .. يييييه .. مبخوت الي بيظويها .. آااه ليتني الا برد صبي ..
غايه : يدي شو تباها .. ؟؟..
يد غايه : لا بغتج هله .. طاعي طاعي .. ييييه ليتها الا بتظويني ..
و ان مطر حادر عليهم ..
مطر : علومك يدي ..
يد غايه : صه صه .. و تم يطالع اليسا .. ( و من خلصت .. افتر صوب غايه ..) ايه سودى الويه .. ردي العرووس ..
غايه : يدي ارووحها خلصت ..
مطر : علومك يدي .. ؟؟..
يد غايه : يييه يا بو غيث .. ريت غرشووووبه .. و ريلها الا لاوي عليها .. معذور .. ليتها الا عندي .. و الله ما جابل العرب ..
مطر : ههههههههههههههههههههه .. يدي هذي لبنانيه ..
يد غايه : فذمتك ..؟؟؟..
مطر : هيه ..
يد غايه و هو يمسك لحيته : .. وين دارها ..؟؟؟؟.. بعيد ..؟؟؟..
مطر : هيه يدي .. ما توصلها الا بالطايره ..
يد غايه : انا ودي اوصلها .. الا الطايره ما ادانيها .. اسميها اتخظني خظ ..
و نش عنهم ..
غايه : مطور .. انت زعلان من العنود ..؟؟؟..
مطر و هو يشوف المسجات : و ليش ازعل .. هي سوت شي يزعل ..؟؟؟..
غايه : لا ..
مطر : خلاص عيل ..
غايه : لا مطر انت من ريتها ذاك اليوم فالمستشفى ما رمستها و لا عطيتها ويه حتى ..
مطر : و الله يا غايه .. لو ما راشد عندي .. لا مسكتها و غسلت شراعها ..
غايه : حليلها ثرها شو سوت ..؟؟؟..
مطر : وين كانت ..؟؟؟..
غايه : نزلت هي و المها يتشرن كيك و سندويجات من تحت ..
مطر : وشهاليوع الي عليهن رابعات يحوطن في توام ..؟؟؟..
غايه : خاف ربك فيهن ..
مطر : لو واحد من هالخمه شافهن .. ما بيقول نازلات يتشرلهن عيشه ..
غايه : العنود ما استهمت من حد غيرك ..
مطر و هو ينش : لا ما اظن انها استهمت مني و الا مقدره مني ..
و ظهر مطر و هو ضايق .. و اتصل بأحمد .. الي من شاف رقم مطر .. تذكر غايه .. يالله يا هالانسانه ..انا شو سويت في حياتي عسب الله يبليني بحبها .. !!..
احمد : مرحبا بو غيث ..
مطر : مرحبتين .. علومك .؟؟..
احمد : تنشد اعلومك ..
مطر : شو الدوام ..؟؟..
احمد : باجر اخر يوم لنا فالدوام ..
مطر : اها ..
احمد : شعليك .. معطل من شهر و اللحين اسبوعين بتعطل ..
مطر : اسميني ظايج من الخاطر ..
احمد : افا .. رب ما شر ..؟؟..
مطر : ما من شر .. تعرف .. بييكم اللحين ..
احمد : مرحبابك ..
و سكر عنه ..و احمد من سكر عنه .. نش و تلبس و ظهر صوب خليفه و راحو بوظبي مول .. و ظايج من حياته .. يريد انه ينسى غايه .. مب عشان شي .. عشان مخوت مطر .. و في نفس الوقت يحس بحب غايه كل يوم يزيد في قلبه .. تذكر اول مره شافها .. كانو فالسووق .. ههههههههههههههههههههههه .. يوم طاحت جدامه .. ههههههههههههههههههههههههه .. يالله يا غايه .. اتحسين بلي احسه .. آآآآآآآآآآآآه ..
فهاليوم راح مطر صوب الشباب و بات عند احمد فنادي الضباط .. و بالباجر .. كان عبيد محتشر عليهم يريد يعرس ..
عبيد : امي حمد ما يبى يعرس .. خلاص .. برايه ..
بو غايه : حمد من زمان مودر العرس ..
ام غايه : عاد معضد انا بخبرك .. البنت اباها .. جن حمد ما خذها .. عبيد ياخذها ..
عبيد : امره فالج طيب .. انا باخذها ..
بو غايه : ما يخالف .. الا جاد البنت مخطوبه و الا حد محيرنها ..
ام غايه : لا لا .. لا هب مخطوبه و لا هب محيره ..
عبيد و هو فرحان : هذا الزين كله .. امي دخييييييييييلج اريد اعرس ..
غايه : امايه خلي طاري العرس ع طرف اللحين .. امايه باقي الا اسبوع عن دوامي و انا ما تشريت شي ..
ام غايه : ماسدج الي اشتريتيه من السعوديه ..
جان تفتر غايه صوب بوها : بابااااااااااتي ..
بو غايه و هو ينظف المدواخ : عونه ..
غايه و هي تثور و تحب بوها على رقبته : اريد اروح بوظبي اتشرى للجامعه ..
بوغايه : فالج طيب ..
غايه و هي تحب بوها على خده : فدييييييييييييييييييييييي يييييييييييييت بابااااتي ..
ام غايه : هيه من قالتلك شي .. قلتلها فالج طيب .. و انا ان رمست ما عطيتنيه ويه ..
عبيد : امايه متى بتخطبون ..؟؟؟..
ام غايه : ووووه .. ذكرتنيه بتصل لعمتك ..
في نفس اليوم .. اتصل منصور بسعيد و عزمه عنده عالعشى .. و منصور مب عارف شو يسوي و الا كيف يبدى موظوع خطبته لهل غايه .. و هو يعرف ان وسيلته الوحيده هو سعيد ..
ياه سعيد .. و تمو سهرانين .. و يوهم شباب فماقدر منصور انه يرمسه .. و عالساعه 3 الصبح نش سعيد بيسري فلتهم .. جان ينش منصور وراه .. و كانو فحوش فلة منصور ..
منصور : سعيد .. بغيتك فرمسه ..
سعيد : عونك ..
منصور و هو يظهر سويج سيارته من مخباه : عانك الرحمن .. تعال بنروح نحوط ..
استغرب سعيد .. انحوط و في هالوقت !!.. الله يستر ..
و ركبو السياره .. وراحو صوب المينا .. وقفو السياره و تمو يمشون ..
سعيد : رب ما شر منصور ..؟؟..
منصور : و الله يا بو عسكور مب عارف كيف افاتحك فالموظوع ..
سعيد : لا افا عليك ما من بيننا هالرمسات ..
منصور : و الله يا سعيد ما اباك تفهمني غلط ..
سعيد و هو يقطع رمست منصور : منصور رمس بلي في خاااطرك ..
منصور : انت تدري اننا تعلجنابكم من عقب العمره .. و وخاواتي واايد متعلجات بهلك ..
سعيد : و الله حتى هليه ..
منصور و هو يلعب بالسويج في يده : انت تدري اني ما قد فكرت بعمري .. و اني امبدي خواني في كل حياتي ..
سعيد : رايتك بيضى من جدى خوانك .. الساع ما قصرت فيهم ..
منصور : مادري .. بس تعرف .. انا ... انا .. كيف اقولك .. آااه .. اريد استقر فحياتي .. و اكمل نص ديني ..
سعيد : هذا الزين .. و احنا مب عيال امس .. شواااااااااااب .. هههههههههههههههههههه ..
منصور : هههههههههههههههههه ... هيه و الله .. دقينا الثلاثين ..
سعيد : يله انت عرس عشان اتشجع و اعرس ..
منصور : ههههههههههههههههههههههههه هه ..
سعيد : و منو العروس ..؟؟..
فهاللحظه ارتبك منصور ..
منصور : مممم .. هالنقطه الي اريد ارمسك فيها ..
سعيد : عونك ..
منصور : انا خاواتي مدحلي .. ( يالله شو اقوله .. و تم قلب منصور يدق بالقو .. ما يتخيل انه ممكن ينطق باسم غايه ع لسانه ) .. مدحلي .. وحده من هلك ..
وقف سعيد .. صخ منصور و افتر صوبه ..
سعيد : .. السموحه منك منصور .. الا ختيه محيره لمطر ولد عمي ..
منصور : لا لا .. مب ختك .. بنت .. عمك ..
سكت سعيد فترة 5 دقايق ..
سعيد : مادري و الله يا منصور ..
منصور و هو ينزل راسه : اها .. و سكت ..
سعيد : منصور .. انا مالي رمسه ع بنت عمي .. و لو عندي خت غير العنود .. و الله ما تكون لواحد غيرك ..
منصور : تسلم يا بو عسكور ..
سعيد : لا و الله انا ما اقولك هالرمسه عسب اجاملك .. و الله يا انك ريال و ما يعيبك شي ... و بنت عمي ما بتظوي احسن عنك .. بس البنت عندها خوانها و بوها .. و انا لو بعطيك كلمه .. الا كلمتيه ما منها فايده ع كلمة بوها و الا خوها ..
منصور : و انا ما اريدك تعطيني كلمه .. الا انا ماعرف حد غيرك .. و بغيتك تعيني ..
سعيد : طحت واجف .. و الي بيدي بسويه وزوود ..
فرح منصور : تسلم يا بو عسكور .. ما تقصر ..
و ردو ..
بالباجر عالساعه 2:23 الظهر كان مطر توه ياي من بوظبي .. و العنود توها بتظهر من بيتهم بتروح بيتها .. و تلاقت هي و مطر فالحوش .. و من شافها مطر .. نزل عينه ..
مطر : السلام عليكم ..
و خطف عنها بدون ما يترياها جنها بترد سلامه و الا لا ..
و العنود اول مره اتشوف مطر متغير عليها بهالطريقه ..
العنود : مطر شو فيك ..؟؟؟..
بس مطر ما رد عليها و تخطاها ..
العنود بحزن : مطر .. حرام عليك شو فيك ..؟؟..
وقف مطر و هو عاطنها ظهره .. و قلبه يدق .. ليتج الا ما رمستي ..
العنود : ... مطر ...
ثواني .. و جان يفتر مطر صوبها ..
جان اتشوفه العنود .. و اتريد اتشوف عيونه .. بس عيون مطر تتحاشاها ..
العنود برقه : .. مطر ..
ذاااب الريال .. جان يشوفها .. فديت عيونج محلاتهن ..
العنود برقه : شو فيك ..؟؟..
لا تريد تذبحني هالبنت ..
مطر و بصوت مبحوح : شوو ..؟؟..
جان تبتسم العنود : شو فيك ..؟؟..
مطر : اشتقتلج ..
جان تنزل العنود راسها .. و قلبها يدق بالقو .. و فهالوقت كان عبيد بيروح حجرته .. و شافهم .. جان يروح و يندس عند الدريشه و يفتحها شوي عشان يسمعهم شو يقولون ..
العنود و هي ترفع راسها لمطر : زعلان ..؟؟؟..
مطر : لو اريد ازعل .. ماقدر ازعل عليج ..
العنود : يالله يا مطر .. هنت عليك كل هالمده و انت ما تسأل عني ..؟؟؟..
عبيد : الله يغربلها ..
مطر : ليش .. اشتقتيلي ..؟؟..
العنود و هي تبتسم : لا ..
مطر : هههههههههههههههههههه .. حلفي ..
العنود : عالشو ..؟؟..
مطر : انج ما اشتقتيلي ..
جان تظحك ..
جان ينش عبيد و يروح صوب حجرة امه ..
و امه منسدحه بتنام ..
عبيد : العيووووووووووووز ... اللحين تروحين و تخطبيلي اريد اعرس .. اريد اعرس ..
ام غايه : يالله بالستر ..
عبيد و هو ييلس ع شبرية امه : دخييييييييييييييييلج اريد اعرس ..
ام غايه : ما عليه .. فارج اللحين ..
عبيد : انزين متى بتخطبيلي .. ؟؟؟..
ام غايه : باجر ..
عبيد : حلفي ..؟؟..
ام غايه : حي .. مجذببي ..؟؟..
عبيد : دخيييلج امايه ..
ام غايه : قلتلك باجر .. فارج ..
و ظهر عبيد و هو يتحرطم ع أمه .. و توه بيروح حجرته و شاف العنود و مطر بعدهم يرمسون ..
عبيد : حوووووووووووووووه .. بسكم من المغازل فهالشمس ..
مطر : الله لا بليتنا ..
عبيد : ايه انتي .. روحي بيتج لا تتكنسل ويزتج ..
مطر : عبيد فارج ..
عبيد : ما تقول الا حيدر الطباخ و سنوته سيلانية عمتيه .. يتغازلون القايله فهالشمس ..
العنود : ههههههههههههههههههههههههه هههههههههه ..
و راحت العنود عنهم .. و المغرب من عقب الصلاه كانو كلهم متيمعين .. و قالتلهم ام غايه انهم باجر الخميس بيروحون يخطبون لعبيد .. و بيروحن الحرمات اول شي و من عقب الرياييل .. و تم مطر محتشر عليهم ..
مطر : لا و الله ؟؟.. انا ابدى ..
عبيد : جب .. انا اكبر منك ..
مطر : لا ما يستوي .. انا من شهور اقولكم اريد اعرس ..
عبيد : خل عنك .. انت عايش حياتك .. و العرس ما بيزيد عليك شي .. خلني اعرس قبل لا اطير عني البنت ..
و بالخميس .. راحت ام غايه و ام العنود و ام ميثه و ميثه حرمت احمد صوب هل دبي .. و خطبو سلامه لعبيد ..
و عبيد يتحرقص مكانه .. ما استراح اللين ما ين امهاته من دبي .. و قالوله ان هل البنت قاللولهم بيردون عليهم .. و هم اصلا من هلهم .. و ان شاء الله خير ..
في نفس هاليوم عالساعه 9 فليل خطف راشد من جدام بيت قوم غايه ...
و هو مطول عالمسجل و حاطلهم ميحد .. ( ودعتكم ياليت ما كان .. يوم الوداع القلب ممحون .. اتسالني ويش اللذي كان .. لمفارج احبابه وش يكووون ..؟؟؟..)
لان اليوم هو اخر يوم لهم لانه بيروح كلية الشرطه و بيكون عليه حجز مدة 45 يوم .. و قلبه معورنه لانه ما يريد يخلي سويحان و هلها .. خص من عقب ما شاف غايه فالمستشى ..
باليمعه من عقب الغدى روحن غايه و ام العنود و العنود صوب بوظبي عند سعيد .. و بييلسن يومين في فلة قوم سعيد اللين ما يخلصن البنات قشارهن و يردن سويحان ..
و سعيد .. من عقب ما رمسه منصور فالسالفه .. رمس حمد .. الي وافق عليه .. بس قاله لازم يكون كل شي رسمي .. يعني لازم يخطب رسمي ..
و من عقب ما وصلن البنات بوظبي .. و رتبن ثيابهن فالحجره .. نزلن عند ام العنود .. و كان سعيد عندها .. فهاللحظه اتصلبه منصور ..
منصور : شعنه ما ييت الميلس اليوم ..؟؟؟..
سعيد : و الله الحرمات يايات عندي بييلسن يومين .. و ماقدر اخليهن بروحهن ..
فهاللحظه دق قلب منصور ..
منصور : مممممم .. بس كنت اريدك في سالفه ..
سعيد : و انا اريدك في نفس السالفه ..
منصور : و الله ..؟؟.. خلاص اللحين بييك ..
سعيد : برووووحك ..؟؟؟..
منصور و هو مستغرب سؤاله و متردد : .. ليش ..؟؟..
سعيد : لا لا لا .. ماشي .. بس ختيه و بنت عمي عندنا قلت جنك بتيب خاواتك فياك ..
عاد منصور من سمع طاري بنت عمه وقف قلبه ..
منصور : ان شاء الله ..
و اتصل منصور بمنال و قالها ..
منال : حلف ..
منصور : و الله .. بس ارجوج منول بسرعه ..
منال : ثواني و بنكون جاهزات ..
و خلصن وراحن عند منصور صوب فلة قوم سعيد .. الي اتصلبه منصور اول ما وصلو الفله .. جان يظهر سعيد عن الحرمات و تلقى لمنصور .. و هو يشوف منو الي عنده ..
و نزلن منال و منى .. و من عقبهن منصور الي قلبه يدق بالقو .. يالله غايه في هالبيت .. ما يفصلني عنها الا امتار .. خطفن البنات و دخلن الفله .. و منصور و سعيد راحو الميالس ..
يلسن البنات مع بعض و يسولفن و منصور زادت فرحته من بعد ما قال سعيد ان حمد موافق عليه .. يالله .. معقوله غايه ممكن تكون حليلتيه ؟؟؟.. يالله .. متى بيكون هاليوم ؟؟؟..
و اتفقن البنات انهن بالباجر الصبح يطوفن على العنود و غايه و يودنهن السوق عشان يتشرن .. و طبعا لا منصور و لا سعيد عرضو هالشي .. بس عشرط ان ام العنود اتكون معاهم .. بالسبت الصبح عالساعه 10 خطفت منال و منى عليهن و راحو كلهم صوب بوظبي مول .. و تمن يحوطن من محل لمحل .. و يتشرن .. و خطفن صوب اسماعيل مال خنجي عشان ايفصلن عنده عبي .. و لا تفججن من هالايراني .. الا و كل وحده منهن مفصلتلها عباتين عنده .. و كانت منى و منال عازمات قوم غايه عالغدى .. طبعا من حنت منصور ..
و راحت غايه و العنود و ام العنود بيت قوم منال .. و من عقب ما تغدن .. تمن فالبيت يسولفن مع البنات .. و حامد كان توه ياي من الشارجه .. و لا كان يدري ان حد فالبيت غير خاواته .. فدخل البيت .. و راح الطابق الثاني .. و كانن البنات يالسات يسولفن من عقب ما دخلت ام العنود عشان تنام الظهر .. و هن مرتبشات بالقشار الي اشترنه و يشوفن العصر وين بيروحن ..
غايه : انا ما احب المارينا ..
العنود : بالعكس وااايد حلو المارينا ..
غايه : وع .. زحمه عالفاضي ..
منال : لا بالعكس فيه محلات من الخاطر حلوه ..
و ان حامد داخل عليهن .. و كانت غايه مجابلتنه .. فكانت اول وحده اتطيح عين حامد عليها .. تم واقف ثواني .. و هو يشوفها .. اللين ما انتبهتله غايه و افترت الطرف الثاني و تغشت .. فاللحظه الي تغشت فيها غايه افترت منال صوب حامد .. ومن تدارك حامد الوضع رد و نزل .. و ظهر من البيت و هو معصب لمجرد انه شاف غايه .. لا حول انا ما بفتك من هالبنت ..؟؟؟..
و غايه من شافته و هي كارهه حياتها .. هالانسان كرييييييييه ... اذن العصر .. و البنات بعدهن يسولفن ..
غايه : منال .. اريد اتمسح ..
منال : اوكي تعالي ..
و ودتها منال صوب حجرتها عشان تتمسح و تصلي العصر .. تمسحت غايه و صلت العصر .. و من عقب ظهرت بترد صوب البنات .. بس شافت باب مفتوح .. و كان لون الصاله ابيض و فيه ورد وردي .. كان وايد حلو الديكور .. ذبحها الفضول تريد اتشوف باقي الصاله .. فتحت الباب و دخلت .. و شافت الصاله .. كانت واااااايد حلوه .. و كان في طرفها مكتب .. زجاجي رهييييييييب .. تحركت غايه لا اراديا صوب المكتب و تمت تلمس الزجاج بإيدها .. يالله محلاته .. فهاللحظه .. كان منصور توه ظاهر من حجرته .. و شافها .. حس انه يتخيل .. لا مستحيل غايه شو بييبها في حجرتيه .. بس هي .. كانت غايه .. غايه نفسها .. مب خيالها .. وقف منصور و سفرته في ايده ..
جن قلب غايه حسبه .. رفعت عينها صوب الباب الثاني الي يفتح فهالصاله .. و كان منصور واقف .. و يشوفها .. تم قلبها يدق بسرعه .. و هي اتشوفه جدامها .. حست بقلبها يحن لهالانسان .. منصور .. منصور من طاحت عينه عليها مات .. فجأه شاف غايه و هي تفتر عنه و تغشت ..
غايه : السموحه .. و مشت بتروح عنه ..
منصور : .. غايه ..
من نطق منصور باسمها وقف قلبها .. هذي ثاني مره منصور ينعتني بأسمي ..
منصور : .. السموحه منج .. بس .. جان ينزل عينه .. كنت اريد اقولج شي ..
و غايه عاطيه منصور ظهرها و الود ودها انها تخليه و تروح عنه .. بس لا قلبها و لا ريولها قادنها عشان تجفيبه .. و تمت ترقبه يقول بلي في خاطره ..
منصور : .. انا ..
و سكت .. يالله انا شو فيني ما ارمس و اقولها بلي في خاطريه ..
منصور : .. انا .. اريدج ..
من قال منصور هالكلمه وقف شعر غايه .. شو يعني .. تريد انها تربع .. بس مب قادره ..
منصور : .. انا اريدج .. غايه .. حايتي لج .. حاية الظميان للمى .. دخييييلج رحميني ..
و غايه تسمع منصور .. و مب مصدق الي تسمعه .. و لا هب عارفه بشو ترد عليه .. لا لا .. انا لازم اطلع من هالمكااان .. مشت غايه و هي مب عارفه وين تروح و الا وين تي .. مشت و لا حست بعمرها الا و هي ترجع لحجرة منال .. و يلست عالشبريه .. تريد تستوعب الي قاله منصور لها .. .. شو يقصد ..؟؟.. كيف يعني يريدني ..؟؟.. يالله ..
فهاللحظه رن تيلفون غايه .. جان تفز من سمعته .. و كان مطر خوها .. و توه بيرمسها .. جان يفضي تيلفونه و يغلق ..
رجع و اتصلبها من تيلفون غير .. ما تعرفه غايه ..
مطر : السموحه غايوه .. تيلفوني فضى ..
من سمع احمد اسم غايه فز قلبه .. يالله غايه ..
كلمها مطر كان يريدها تشتري للعنود لبوسه على ذوقها ..
غايه : لا تخاف ما قصرنا فاللبوسه .. و بعدنا بعد شوي بنروح السوق ..
مطر : زين عيل ..
غايه : مطووور حبيبي .. ممكن اطلب منك طلب .. ؟؟..
مطر : لبيه ..
غايه : لبتك روحي يا بعد روحي ..
مطر : لبتك روحي ..!!.. لا عيل السالفه فيها شي ..
و احمد يدقق على كل كلمه .. يالله فديت منطوقها ..
غايه : مطووور .. ودنا السينما ..
مطر : شووووو ؟؟.. سنما .. لا ماشي سنمات استريحي ..
غايه : فديييييييييتك مطور ..
مطر : لا لا ماشي ..
غايه : و الله انت الخسران .. انا كنت اخطط اسويلك جو رومنسي فالسنما ..
مطر بفضول : جو رومنسي لمنو ..؟؟؟.
غايه : لا خلاص تراك ما بتودينا ..
مطر : رمسي لمنو ..؟؟؟..
غايه : اممممممممم .. انت .. و عرب ..
مطر : ااه .. اقول نتفاهم بعدين عن هالجو الرومنسي ..
غايه : ههههههههههههههههههههههههه هه .. اوكي الغالي ..
و سكرت عنه غايه .. و من عقب راحت صوب البنات .. الي ما كانت تعرفه غايه .. ان مطر اتصلبها من تيلفون احمد .. و مطر من عقب ما رمس غايه .. ما مسح رقمها من تيلفون احمد ..
من عقب العصر ردن البنات و طلعن صوب المارينا .. و من عقب ما خلصن عالساعه 7 المغرب ردن صوب فلة قوم سعيد و يلسن فيها ..
بالباجر ردن البنات صوب سويحان .. و منصور كان قد كلم حمد .. و حددله حمد يوم الخميس عشان اييهم .. و قال حمد لبوه و لخوانه .. و كالعاده البنات ما يدرن بشي ..
.
.
.
تابعونا :mar7aba:
رد مع اقتباس
مواقع النشر (المفضلة)