فارسة ما تهاب خيول الغدر

[الشوق]

الجزء السادس ..


***جنوب و اشمال شرق و غرب توهمني جهاتي اربع و انت الخامسه تكمل توهتني في غرامك ليت تفهمني بعثرتني ليت افهم وين انا بوصل ***


سعيد : هلا و الله بالراهي ..
منصور : مرحبتين .. شحالك ..؟؟؟..
سعيد : بخير يعلك الخير .. و من صوبك ..؟؟..
منصور : بنعمه .. وين انت اللحين ..؟؟..
سعيد : انا فالبيت .. شو بتينا .؟؟..
منصور : منو عندك ..؟؟..
سعيد : محد ..
منصور : خلاص عيل .. انت تعال ميالسنا ..
سعيد : فالك طيب .. الا خلهم يزهبولنا عيشه عدله .. هالج يوووع ..
منصور : هههههههههههههههههههههه .. ما عليه انت تعال و بخليهم يسولك عيشه ..
و سكر عنه ..
منصور : منال غناتي .. سوولنا اكل ..
منال : اكل شو ؟؟.. الحين مب حزت غدى و لا عشى ..
منصور : لالالا .. أي شي .. خفايف ..
منال : انشالله ..
و طلعت عنه و راحت المطبخ التحظيري و كلمت الخدامات عشان يسون فطاير و كيك و كوراسون .. و يودونه الميالس ..

هالوقت في سويحان .. كانن البنات مرتبشات .. و يكتبن قائمه بشو لازم يسون عشان الجامعه ..
غايه : عنوووده .. شو بدشين ؟؟..
العنود : مادري .. تعرفين انا كنت حاطه تربيه .. ما كنت اتوقع اني بيب نسبه اوكي ..
غايه : عنلالالاتج .. طلعتي بنت الابله ..
العنود : بسم الله عليج ..
غايه : شوفي .. المهم .. ماينفع .. لازم انا و انتي نكون مع بعض ..
العنود : لا و الله ..؟؟؟..
غايه : و الله ..
العنود : يوم انتي علمي و انا ادبي .. وين بنكون مع بعض ؟؟!!..
غايه : بندش كليه تقدرين ادشينها ..
العنود : مثل ؟؟؟..
غايه : اداره و اقتصاد ..
العنود : غايووه خافي ربج اداره صعبه ..
غايه : اوص جب .. ماشي صعبه ..
العنود : لا صدق .. انا ادبي ما بمشي فيها .. انتي كديدت رياضيات بتمشين في أي كليه ..
غايه : عنووووود حرام عليج .. بنتعاون عليها ..
العنود : ممممممم ..
غايه : ايييه .. ان ما سجلتي عندي في اداره ما بخليج تاخذين مطر ..
العنود : لا و الله ؟؟ّ!!!.. استريحي انتي و خوج ..
غايه : اونه .. و لا جن الحبيبه تمووووووت ع التراب الي يدووسه ..
العنود : آاااه يعني افدى ارض ٍ وطاها بو غيث ..
غايه : آااااااااه ..
العنود : بعدج تفكرين ف احمد ..؟؟؟..
غايه و هي تنزل راسها و ترفع خصله من شعرها ورى اذنها : ليش ثرني متى نسيته ..
العنود : غايوووه .. انتي صدق تحبينه ..؟؟..
غايه : الا اعشق احظوره .. اعشق اغيابه .. ما تتصورين هالانسان شو بالنسبه لي ..

نفس اليوم ع الساعه 11:23 في فلة قوم منصور ..

منصور : تعرف .. خاواتي يبن يرووحن العمره في هالاجازه ..
سعيد : و الله هذا الزين ..
منصور : بس انت تعرف .. الوالد و الوالده متوفين .. و لازم انا اروح معاهن ..
سعيد : و ليش ما يحرمبهن حامد .. ؟؟..
منصور : حامد .. !! .. يا ريال هذا هايت في كل دار .. بيروحبهن بيفرهن فالفندق و بيودرهن برووحهن ..
سعيد : الله يهديه ..
منصور و هو منزل راسه : تصدق ساعات احس اني انا سبب ضياعه ..
سعيد : منصور .. انت ما قصرت بخوك و خاواتك .. نشيتبهم و نشيت بحلالكم .. عنبو طالع شعرك شاب قبل المشيب ..
منصور و هو يلعب بشعره : ههههههههههههههههههههههه .. خاف ربك .. مافيني الا شعرتين بيض ..
فهاللحظه رن تيلفون منصور .. جان ينش عن سعيد و ظهر برى ..
فهالوقت .. كانت منى توها راده البيت .. راجعه من بيت عمتها .. و ماشافت سيارة سعيد .. لانه موقفنها برى الفله .. و منى قبل لا تدخل البيت .. شافت ليتات الميالس مشتغله .. تلفتت فالحوش .. اذا في حد ممكن يكون فاليالس عند خوانها بس ما لقت سياره غريبه .. فراحت صوب الميالس .. كانت في غرفه في اول الميالس زجاجيه .. و بعدين الميالس و ما يفصل من بينهم الا حاجز صغير مزخرف من الحديد ع الاطراف .. و الي فالميالس يشوف أي حد في هالغرفه الزجاجيه .. دخلت منى .. و مشت فالممر صوب الغرفه الزجاجيه عشان تروح الميالس .. كانت لابسه كعب .. فسمع سعيد صوت نعالها و هي تمشي ع الرخام .. فرفع راسه .. و شاف منى .. الي كانت فهاللحظه عند باب الغرفه الزجاجيه موخيه و تعق نعالها ..
منى و هي بعدها موخيه : منصوووووووووووور .. لازم اعق نعالي عند كل دخله و طلعه فهالميالس ..؟؟؟..
و سعيد صاخ .. هذي شعندها تصارخ !!..
منى و هي ترفع راسها : اكره قوانينك الي مالها داعــ.... فهاللحظه سكتت .. واقفه وتشوف سعيد .. و سعيد ما عرف شلي ما خلاه ينزل عينه ..
منى : انت مب منصور ..!!! ..
هز سعيد راسه بمعنى لا ..
منى و هي بعدها اطالعه : منصور .. ااااااااااااا ..( و هي تصارخ) .. منصور بيذبحني .. جان تفتر و تربع ..
و سعيد منصدم .. جان يضحك .. ثواني و انها رجعت ..
منى من بعد ما وخت وخذت نعالها.. و ماسكتنه في ايدها اليمين : نعالي .. نسيته .. و رجعت تربع .. و هي لابسه نعال و الثاني في يدها ..
و سعيد ميت من الظحك على شكلها .. و عند دري الفله .. كان منصور توه طالع و في ايده اوراق .. و منى يالسه و تتحرطم ..
منصور : بلاج ..؟؟!!..
فزت منى من سمعت منصور : منصور ..!!!!..
منصور : بسم الله شوفيج ...؟؟؟؟؟!!!!!..
منى و هي تاشر بالنعال في ايدها : لا ماشي .. كنت توني يايه من بيت عموووه .. و منصور يشوف النعال في يدها ..
انتبهت منى ان النعال في يدها ..
منى و هي مرتبكه : هذا نعالي ..
منصور : اها .. و النعال يمسكونه باديهم في ويه العالم .. و الا يلبسونه في ريولهم ؟؟!!!!! ..
منى و هي تعق النعال : شو .؟؟!!.. نسيت ..
منصور : لا انتي مب طبيعيه .. و خطف عنها و راح الميالس عند سعيد .. الي كان ميت من الظحك على شكل منى .. سكت سعيد عن السالفه .. و تمو سهرانين و من عقب راجع فلتهم الي في بوظبي .. و من بعد ما رجع سعيد .. دش حجرته و تسبح .. و من بعد ما طلع من الحمام و هو يمسح شعره من الماي .. تذكر منى .. ماشالله عليها .. انسانه محترمه .. عيبه لبسها و شكلها .. هي مب جميله فالشكل .. انسانه عاديه .. بس عيبه انها من بنات بوظبي .. يعني بنت مدن .. و مع هذا .. كانت متحجبه .. و لا شعره طالعه من راسها .. و لابسه عباه مسكره .. و مب حاطه أي شي على ويها .. اقل شي البنات يحطن كحل .. بس هي مكتفيه بحشمتها .. مع انها بنت ربت دوون ولاية امها او ابوها الي توفوو من هم يهال .. ماشالله عليك يا منصور .. عرفت تربي ..


و منى مرتبشه و ميته من الخوف .. و سكتت و لا قالت لحد عن شي .. خافت لا تستويلها مشاكل و تخترب مخططاتها لهالصيف ..

بعدها بيومين .. خلص مطر دوام الكليه .. و عطوهم اجازه اسبوعين .. و من بعدها بيبدى التطبيق العملي مالهم تبع الكليه بس في مراكز و وظائف عسكريه مختلفه .. عشان يكتسبون خبره و يطبقون دراستهم النظريه عمليا في ميادين الحياه ..

و البنات بدن فحوصاتهن للجامعه .. و غايه مسويه فلم هندي عند فحص الدم ..
غايه : انزين .. دخيلج خلي ايدج خفيفه ..
الممرضه : انشالله ..
غايه و تسحب ايدها و بخوف : انزين مافي طريقه ثانيه ممكن تاخذوون بها دم بدون هالابر .؟؟..
العنود : بذبحج ..
غايه : انا مب شراتج يالمقوي ..
العنود و هي توقف بين غايه و الممرضه و تكلم الممرضه : شوفي انا بمسكها و انتي شوفي شغلج ..
غايه : شو انتو تبون تعدموني .. !!
العنود و هي اطالع غايه بنظره : غايوووه .. عيب فضحتينا ..
غايه : مابا ..
العنود و هي تلف بويه غايه الطرف الثاني عشان ما تشوف الممرضه و هي تاخذ الدم منها : حبيبي غايوووه ما بتحسين ..
استغلت الممرضه هالوضع و مسكت ايد غايه ومسحتها بالمطهر و جان تضربها بالابره .. و غايه من حست بالابره في ايدها يلست تصارخ ..
غايه : اكرهج .. اكرهج .. و الله ما بخلي مطور ياخذج ..
العنود : جب جب ..
غايه : يالعوفه ..

من بعد الفحص .. طلعن البنات و رجعن سويحان .. و كان مطر و هزاع و ام غايه و ميثه حرمة احمد خو غايه و يد غايه يالسين فالصاله ..

غايه و هي تعق غشوتها : السلام عليكم ..
الكل : و عليكم السلام ..
غايه : يالله يا امايه .. ماهان عليج تخاوينا و احنا نسوي الفحوصات ..
ام غايه : ما سارتبكن بخيته ؟؟..
غايه : بخوووت و عموه نوره .. بس حتى .. يعني عنود امها كانت عندها و انا لا ..
ام غايه : حزن .. و انتي شو تبيبي .. ؟؟؟..
غايه : امايه يعور شوفي خذو مني دم ..
يد غايه فز من سمع هالرمسه : شو خذو منج ..؟؟؟؟!!!!..
غايه : دم ..( و هي تمد ايدها مكان الابره ) .. شوف يدي .. ( و كان مكان الابره احمر وااايد )
يد غايه : غربلج الله .. فجيتي براسج لهم يسحبون دمج ..
هزاع : عن البطره .. ما طاح نصها ..
غايه : اليهال ما يرمسون يوم الكبار يرمسون ..
هزاع : عنلالالاتج منو الياهل ..
مطر بلهجة تحذير : هزااااااع ..
هزاع : ما تشوفها تسب ..
مطر : لا سبت و لا شي .. و ختك اكبر منك قدر و حشم منها ..
يد غايه : وووووه غربلاتهم ... سحبو دمج كله ..
غايه : يدي يعور .. ليتك شفت الابره مطولها ..
يد غايه : و نوووره وين عنج .. فاجيتنج يتفرسون فيج ..؟؟؟..
غايه : عموووه نزلتنا و خطفت السوق و ردت علينا من خلصنا ..
يد غايه : ابالج العثره .. انتي شعنه فاجه براسج لهم سودى الويه ؟؟؟..
غايه : حليلي يدي ..
ام غايه : عمي لازم هالفحص تراها تبى الجامعه ..
يد غايه : لا بركة الله فيج من حرمه .. من اصبحتي الا هلو هلو تخابرين في هالتيلفون .. و فاجه بنتج عبرو دمها ..
ام غايه : يا لقعتيه .. شو اسويبها هي بغت الجامعه ..
يد غايه : لا سلامتج هذي يامعة الخراب .. و الا شو يبونه دمها .. زايد ما درى بلعبتهم ..و جان يفتر صوب غايه .. حرمه الي ضربتج بالابره ..؟؟؟..
غايه و هي تظك و تيلس عدال يدها اكثر : هيه ..
يد غايه : من بنته ؟؟..
مطر : هههههههههههههههههههههه .. بيروح يضارب يدي ..
غايه : يدي ما تعرفها ..
يد غايه : شعرفج انتي .. اعرفها اعرفها .. انتي خبريني هي شو من الجبيله ..؟؟؟..
غايه : لا يدي .. هي سودانيه مادري صوماليه ..
يد غايه و هو يفتر صوبها : خيييبه ودووج دار الصومال خذو دمج !!!!! ..
مطر : ههههههههههههههههههههههههه هههههههههههههههه ..

و العنود من بدت الاجازه و نومها متلخبط .. ساعات اتم مواصله اللين الصبح و ساعات تنام اللين المغرب و ساعات الساعه 6 الصبح تنش .. و مطر مرتبش من عرس لعرس و احمد معاه .. من دبي للعين لبوظبي .. و راشد راح و سجل في كلية الشرطه و قدم اوراقه و سوى الفحوصات و الحمدلله انقبل فيها .. و البنات من بعد ما طلعت نتايج الفحوصات .. طرشنها بالبريد للجامعه .. و يتريوون القبول الرسمي و اعلان النتايج فالجرايد ..

يوم الثلاثا .. كانت غايه و العنود و امنه بنت خت العنود سهرانات فالصاله الي تفتح عليها حجرة غايه و مطر و عبيد .. و مندمجات و يشوفن فلم دعاء الكروان لأحمد مظهر و فاتن حمامه .. دخل عبيد عليهن فالصاله ..
عبيد و هو خاطف عنهن بيروح حجرته و لا افتر صوبهن : السلام عليكم ..
و ما ردن عليه .. جان يوقف و يشوفهن .. و هن في عالم ثاني .. و كان الفلم في نهايته و شافنه مية مره و مع هذا لازم يصيحن فالنهايه ..
عبيد و هو يصارخ : غاااااااااااااايه ..
فزن من صريخه ..
غايه : بسم الله شوفيك ..؟؟..
عبيد : عنلاتكن .. من ساعه ارمسكن و لا هب عاطياتني ويه ..
غايه : شو تبى ..؟؟..
عبيد و هو ييلس بعيد عنهن : ماشي ..
غايه : سبااال .. و جان تفتر و اتشوف الفلم .. و اندمج عبيد اوياهن و كل شوي يسألهن ..
عبيد : منو هذا الي عنده مسجبه و يوايج ..؟؟؟..
غايه : اففففففففففففففففف .. خال الشغاله ..
عبيد : هيه ..

خلص الفلم و مع هذا تمو متيمعين عند التلفزيون و يشوفونه من قناه لقناه .. عالساعه 3 الصبح .. كان مطر توه ظاوي البيت راد من بوظبي ..
و لقاهم فالصاله .. و من شاف العنود حس قلبه بيوقف .. آاااه فديت هالشوف ..
مطر : السلام عليكم ..
الكل عدا عبيد : و عليكم السلام ..
و العنود موخيه براسها تحت .. و تلعب بصبوعها بالشيله ..
ياويل حالي ع المستحى ..
مطر و عينه ع العنود : امووون شحالج ..؟؟؟..
امنه : بخير ربي يسلمك انت شحالك ..؟؟..
مطر : انا .. انا ربي يساعدني .. الساع ما ببات ..
عبيد : عاد الي بيسمعك .. بيقول شايفلك حد عدل .. و لا جنها عنيدى ..
العنود و هي ترفع راسها صوب عبيد : شووووو !!.. منو عنيدى ؟؟؟!!..
عبيد : شوف شوف .. اذا تبى تعرف البنت ع حقيقتها .. سبها.. بتشوف المستحى و الرقه العدله منهن ..
غايه : عاد انت خبره في ميادين البنات و سوالفهن ..
عبيد : انا .. فديتني و الله .. شوفي انا البنات يربعن ورايه الا انا .. ( و هو يرفع راسه فوق ) ما تنزل لبنت لو منو ما كانت ..
و مطر بعده يشوف العنود .. عنلاتها مسويه شي في ويها ..
مطر باستغراب : عنود انتي شو مسويه بعمرج ..؟؟؟..
العنود و هي يالسه و رافعه ويها صوبه : شووو ..؟؟؟..
مطر : مادري .. احس انج مغيره شي في ويهج ..
جان تفتر العنود بخوف صوب غايه ..
غايه : اه .. لا ماشي .. مب مسويات شي ..
امنه : ههههههههههههههههههههههههه ه .. يالخوف ..
غايه : امون .. جب ..
عبيد : ايه شو مسويات فعاماركن .. ؟؟؟..
مطر : رمسن شو مسويات في ويهكن ..؟؟؟..
غايه : ماشي .. عنود نشي بنحدر الحجره ..
مطر بغيض : استريحن غلامتين .. و دامكن ع حشمه رمسن شو مسويات ..
امنه : مطر انت ليش معصب لهالدرجه .. مب مسويات شي .. اللهم مشقرات ويوهن بس ...
مطر : شوووووووووووووووووو ..؟؟؟؟...
عبيد : منو ودااااكن الصالووون انتن ..؟؟؟؟...
غايه : والله ما رحنا صالونات ..
مطر و هو يروح صوب عبيد و يرمسه بصوت واطي : ايه شو يعني شقرن ويوهن .. يعني شو سون ..؟؟؟؟..
عبيد و هو معصب : لا و الله ..؟؟؟؟..
العنود : و الله ما رحنا صالونات ..
عبيد : عيل منو سوالكن ..؟؟؟؟..
غايه : احنا برووحنا ..
عبيد : عنلالالاتكن من بنات .. و منو معلمنكن هالعلومه بعد ؟؟..
غايه : شو منو علمنا ..
العنود : غايوه خلاص ..
غايه و هي تفتر صوب العنود : لا مب خلاص .. و الله احنا ما كفرنا ..
مطر : انتو خبروني هالتشقير شو يعني ..؟؟؟..
عبيد : سلامتك .. حرقن ويوووهن ..
مطر : حووووه عنودي .. شعندج يا بنتي .. انا باخذج .. ماله داعي تحرقين ويهج ..
عبيد : قسم بالله .. يا انكن ان عدتنها لا تنولن بالعقال ..
مطر : عبيد عين خير ..
عبيد : لا من اليوم تعلمن هالظوايا .. الله يستر باجر شو بيظون ..
و ظهر عنهم عبيد ..
مطر : عاد بخبركن .. هذا الي انتن سويتنه .. ما اعرفه شو .. الا بزوالكن يا ان عدتنها .. حرام لا احل عليكن بعصى محنايه ..
امنه : ههههههههههههههههههههههههه ه .. يبلهن ..
مطر : الله يسامحكن .. شمتن اليهال عليكن ..
العنود : و الله احنا ما سوينا شي .. كل البنات يشقرن و يوووهن ..
مطر : بصراحه .. هالتشقير .. حلاج .. حشى قبل يوم اشوفج .. ماشوف بنوته نعومه .. لا اشوف واحد من الشباب .. بلحيتج
غايه و هي متفاعله : شفتي يالبدله .. قلتلج .. شعرج وايد مخرب ع شكلج .. و الله طاعي .. طالعه قمر .. صح مطر ..؟؟؟..
مطر : آاااااه ..
العنود : ههههههههههههههههههههههههه هههه ..
مطر : المهم عن هالهذربان .. روحن سولنا سندويجات و عصير ..
غايه : مافينا .. طالع الساعه كم ..
مطر : شو ما فيج .. ريال عندي نشي ..
غايه : و منو هذا الي مايستحي الي ظاونك الفير ..؟؟؟؟..
مطر : احمدوووه ..
فز قلبها من طرى اسمه .. ياربي .. مب قادره تسيطر ع دقات قلبها .. احمد ..!!.. يالله فديته .. من متى ما شفته ..
العنود : فالك طيب يا بو غيث ..
مطر : يا ويل حالي ..
و ظهر عنهم مطر .. و غايه مرتبشه .. يالله .. احمد ..
العنود : بس ايه امنه عندنا .. مافينا بتفضحنا ..
غايه : عنود ماقدر مب بيييدي ..
العنود : امون .. انتي تريي اذا ريتي فلم عدل تعالي و قوليلنا .. بنروح بسرعه بنسوي السندويجات و بنرد ..
و طلعن .. غايه من طلعت و عينها ع الميالس .. فاللحظه شافته .. كان متمدد ع واحد من الكراسي .. و عاق سفرته .. و حاطنها و راى راسه .. و كان يتكلم فالتيلفون .. ما قدرت غايه تمنع نفسها و ما تشوفه .. يالله فديته .. و بدون ما تحس نزلت دمعه من عينها .. جان تفتر صوب العنود ..
غايه : حمدي ربج ليلج و نهارج .. ان الانسان الي تحبينه جريب منج .. و يبادلج شرات شعورج و يحس فيج ..
العنود و هي تلوي عليها : ربي بيقرب البعيد ..
غايه : يالله .. مادري هالانسان شو سوى فيني ..
العنود : الي الله سواه فيج باجر بيسويه فيه .. لا تستعيلين امر ربج ..
غايه و هي تضحك : هو بس عليه يو بيظويني .. بذمتج بيلقى وحده احلا مني ..؟؟؟..
العنود : يخسي الا هو ..
غايه و هي تظربها : اييه لا تقولين عنه يخسي .. عنلاتج ..
و راحن المطبخ و سون السندويجات و العصير .. و وحده شلت صنية العصير و الثانيه شلت الصنيه الي فيها حرارة السندويجات و ظهرن فالحوش بالصياني .. و اتصلت غايه بمطر ..و طلعلهن مطر .. و راح صوبهن .. و غايه تعمدت انها تمشي صوبه .. عشان تقدر اتشوف مطر من قريب اكثر .. و كان بعده منسدح ع الكرسي و يتكلم فالتيلفون .. و كان يلعب بايده اليسار بسماعة التيلفون .. مره يقربها من ثمه و مره يبعدها .. و غايه تشوفه و بتموت .. فاللحظه .. ظحك .. و هي من شافته و هو يظحك ماتت .. ماتت من شكله .. و في نفس الوقت .. ماتت من شي ثاني .. معقوله يكون يكلم وحده ؟؟!!!!..
مطر : سلمتي يابنت معضد .. ننفعج في عرسج ..
غايه : و من قال عسى ..
مطر و هو يغمز للعنود : انشااااااااااااااااااالله ..
العنود : اللين ما اخلص جامعه ماشي .. يعني بعد 4 سنين ..
مطر : بن عروه ..
العنود : لا ماشي بن عروه .. قبل لا اخلص جامعه ماشي عرس ..
مطر : و انتي منو بيشاورج ..؟؟؟
و غايه ترفع عينها صوب احمد و تنزلها .. يالله معقوله يكون يكلم بنت ؟؟؟..
العنود : الشور الا من عقبي ..
مطر : تهبين .. بحدر عليج الحجره و بسحبج من كشتج و بوديج عند المليج و بملج و انتي فاجه ثمج ..
العنود و هي تحرك كتفها : بنشوووف ..
مطر : ايه عنيدى .. لا تخليني احلف انج ما اطيحينها هالخامه ..
و غايه ع كل دقيقه ترفع عينها صوب احمد .. و الي ذبحها انها تشوف و هو يظحك و مستانس .. لالالا ماقدر استحمل هالوضع ..
غايه : عنود خلينا ندخل ..
و افترت غايه و راحت صوب البيت .. و لحقتها العنود ..
العنود : حوووه شعندج ..؟؟؟!!!!...
غايه و هي تصيح : احسه يكلم وحده ..
ماقدرت غايه انها تفكر و الا تنام ذيج الليله .. خلاص بموووت .. و الله اني احبه .. و هو سبال .. يغازل فالبنات .. عنلاته السبال .. و العنود ردت البيت هي و امنه .. و غايه راحت و تسبحت و لبست بيجامتها و بندت ليتات حجرتها تبى تنام .. بس ما قدرت .. راحت و شغلة الاف ام ع التيلفون و حطت ع الخليجيه .. و تمت تسمع الاغاني .. و سمحت غنية ميحد ( ليش ما تنشد عن احوالي .. دامني انشد عن احوالك ...و يوم انت يالغلا غالي ..لا تخلي مغرم ٍ هالك ..)
يالله اكيد اللحين احمد يسير صوب الختم .. يالله .. ربي يعوده لهله بالسلامه انشالله .. معقوله كان يكلم وحده ..!!

فهاللحظه دخل عبيد عليها الحجره .. و يتحسبها نايمه فتم يتسحب الحبيب و يسير صوب الثلاجه ..
غايه : شو تسوي ..؟؟؟؟..
عبيد و هو يفز : هب ..
غايه : ههههههههههههههههههههههههه ههههههه ..
عبيد و هو يسير صوبها : شو انتي ما نمتي .؟؟..
غايه : لا ..
عبيد : غايوه يوعان ..
غايه : لا والله .؟؟.. و شافت فتيلفونها الساعه و كانت توها اربع الصبح ..
عبيد و هو يمط التيلفون منها : شو تسوين ..؟؟..
غايه و هي اتظهر سماعة التيلفون من ذنها : ماشي كنت اسمع الاف ام ..
جان يسمع عبيد .. و كانت غنية ميحد طال ليلي ..
عبيد و هو ايوول : هيه .. عاشووو .. عاشووو ..
غايه : يالله بالعقل ..
عبيد و هو يغني و ياشر بايده : و الا انا ميت ميت ٍ حيلي .. من مصابي الحب غربالي .. و طال ليلي من تعليلي .. و من تجافي خلي الغالي ..
غايه : ههههههههههههههههههههههههه هههه ..
عبيد و هو يفر التيلفون فوق و يغني جان تنمجع السماعه من ذنيه ..
عبيد : الله يغربلها من سماعه ..
غايه : نش الاذان اللحين بيذن ..
عبيد : انزين دخيييلج .. روحي سويلي أي شي ..
غايه : حرام عليك عبود توني متسبحه ..
عبيد : دخيييييييييييلج .. لو سندويج جبن .. دخيييلج ..
غايه : لا اله الا الله .. شوف بروح ثواني و بالبيجامه .. لان عقب الصلاه حيدروه بيي المطبخ ..
عبيد : مب مشكله بس بسرعه .. دخيلج و الله يوعان ..
نشت غايه و طلعت من حجرتها .. و راحت صوب المطبخ .. فهاللحظه .. كان احمد يالس فالحوش .. عطرف و كان يتكلم فالتيلفون .. و شاف غايه و هي بالبيجامه و ظاهره صوب المطابخ .. سكت احمد .. و تم يشوف غايه وهي تنزل الدري بتروح صوب المطبخ .. مع ان مافي ليتات مشتغله .. و الوضع ما يساعد انه يشوف .. بس كان يشوف رسمت جسمها .. شعرها ..
احمد : انزين برايج اللحين .. الاذان اذن ..
.. : بترجع تكلمني بعد الصلاه ..
احمد : لا ما ظن ..
.. : ليش عاد ..؟؟..
احمد : لاني بايت عند واحد من الشباب و عيب عليه انش الظهر و الا العصر ..
.. : مممم .. اوكي ..
و سكر عنها احمد .. و مع هذا ما دخل .. تم يالس مكانه .. ماقدر انه ينش .. مب عارف شو الي صابه .. تم حول العشر دقايق .. بعدها شاف غايه .. فهاللحظه كانت واقفه عند باب المطبخ .. جان تفتر بويها .. شافها .. شاف رسمت خشمها .. شعرها و هي تفتر .. شافها .. و ليته ماشافها .. من شافها و هو يسمع بدقات قلبه اطبول مسموعه .. و تم يشوفها و ها تمشي .. و هي تركب الدري .. لا لاتدخلييين دخيييلج لا .. اللين ما دخلت البيت .. و احمد .. مب قادر انه يتحرك و لا هب قادر انه يتنفس .. فهالانسانه شي مب طبيعي .. شي جذبني و يجذبني لها .. اكيد مب حلاتها بس .. لا .. انا قلبي ليش يدق جذيه ؟؟!!!.. هي مب اول بنت اشوفها ..
احمد و هو يهز براسه يمين و يسار : استغفر الله العظيم .. استغفر الله .. و نش و راح و تمسح و صلى الصبح ..
و راح بينام عدال مطر .. بس ماقدر .. كيف انام عداله و انا بايت اشوف خته ؟؟!!...
ياربي ترحمني برحمتك ..
بالباجر ع الساعه 7 الصبح .. دخل يد غايه عليها و هي نايمه : الغوي .. الغوي .. نشي بنتي نشي ..
غايه و هي نص نايمه : عونك يدي ..
يد غايه : نشي بنسرح فياج العزبه .. بنيب الذبايح ..
غايه و هي تصلب عمرها : ليش يدي بتيب ذبايح ..
يد غايه : معضد بيوي الليله ..
غايه و هي فرحانه : و الله ؟؟؟.. منو قالك ..؟؟؟..
يد غايه : امج تخبرني ..
غايه و هي تفر اللحاف و بدون قصد يى على يدها ..
يد غايه : حووووووووووووووووه .. شعندج اظلمتيبنا ؟؟..
غايه : هههههههههههههههههههههههه .. سوري يدي ..
يد غايه : حزن .. منو هالسوري الي بتظوينه .. ؟؟؟!!..
غايه : لا يدي ما بظوي سوري .. انزين وين امايه عنك ..؟؟؟..
يد غايه : سرحت العين .. انتي نشي تلبسي كندوره .. بدل هالصروال الي متشبطتبه .. ماتقولين الا صروال خان البتاني ..
غايه : ههههههههههههههههههههههههه هه .. انشالله ..
و طلع يدها عنها .. و نشت هي و تلبست و ظهرت و سرحو العزبه .. و عزبتهم صوب نصاصه و مابينهم و بينها الا حول ربع ساعه .. عالساعه 11 كانو توهم رادين .. و يد غايه محمل 4 ذبايح في دبة الاستيشن .. و غايه من وقفو السياره نزلت تربع ..
يد غايه : اييه .. يالصخله .. ويت تربعين ..؟؟؟
غايه : حشى .. ازيد ما سرحت عندك ما بسرح ..
يد غايه : تعالي الله يغربلج .. بتساند عليج ..
جان تروحله غايه ... و توها واصله عنده .. جان يضربها بالعصى بس بشوي شوي ..
غايه : يدييييي حرام عليك .. انا شو سويت ..؟؟؟..
يد غايه : البزى يباله عصى ..
و قادت يدها اللين ما قدهم بيوصلون الصاله .. و شافت مطر خوها و عنده واحد بس عاطنها ظهره .. اشرلها مطر عشان تتغشى .. كانت تتحسبه واحد من عيال عمها .. فتغشت ..
و من دخلت هي و يدها نشو ثنينتهم .. كان مطر و الي صدمها ان احمد الي كان معاه ..
يد غايه : السلام عليكم ..
و نشو و سلمو عليه .. و احمد و لو هو ما يبى بس ماقدر انه يمنع نفسه و ما يفتر صوبها .. هي ثواني .. بس حستبه غايه .. افتر صوبي و ابتسم ..
مطر : هاه الشيبه ..
يد غايه : شاب راسك يالخام ..
مطر : ههههههههههههههههههههههههه ه حليلي ..
يد غايه : يعلكم فدى عن بنت معضد .. حافظ عليها .. سرحنا فياها العزبه و يبنى ذيج الذبايح ..
غايه : السموحه منكم ..
و خطفت عنهم و دخلت داخل .. و قلبها يدق بالقو ..
في هاليوم كانو مرتبشين لان بوها كان ياي من باكستان .. كان مخاوي الشيوخ و توه ياي .. و ارتبشو بالعزيمه .. و من عقب من التعب من خلصت العزيمه دخلت و نامت سيده و لا يلست عند بوها و لا شي ..
بعدها بيومين .. كانت غايه منسدحه ع ريول بوها ..
غايه : باباتي تراك اللين اللحين ما يبتليه هدية النجاح ..
بو غايه : افااا .. امره فالج طيب ام معضد .. الي تبينه ..
غايه و هي تصلب عمرها : اريد ارووح العمره .. دخييلك بويه ..
ام غايه : هيه صدقها يا معضد ..
بو غايه : تم .. ما عندنا الا الغوي .. و الي تباه يمشي عالكبير قبل الصغير ..
غايه و هي تلوي ع بوها و تحبه ع خده : فدييييييييييييييييت روووحك ..
غايه : بس باباتي .. قوم عمي لازم يخاوونا ..
ام غايه : هيه .. نوره ما راحت الا مره من عقب ما غاب حياة حمد ..
بو غايه : افا عليج .. نوره و عيالها في ذمتنا .. و امبوني ما بروحبكم بدونهم ..
و ربعت غايه بيت عمها و خبرتهم .. بس معضد ولد عمها ما عنده اجازه و ما بيقدر انه يكون عندهن محرم .. ف اتصلو بسعيد عشان يرتب وضعه اذا بيقدر انه يوديهم ..
سعيد : انشالله يستوي خير ..
ام العنود : ولديه لا تكض بعمرك ..
سعيد : لا كضه و لا شي يالغاليه .. و انشالله يستوي خير ..
من بعد ما سكر سعيد عن امه .. اول شي خطر في باله منصور .. تذكر ان منصور نفسه كان يبى يودي خاواته العمره .. فهاللحظه .. تذكر منى .. اللين اللحين و هو يشوف شكلها بحشمه .. غير .. مع انه يعرف ان منصور عنده خاوات ثنتين بس فالبيت و الثالثه معرسه و عند ريلها في بريطانيا بحكم شغله في قنصلية البلاد هناك .. و هو يعرف ان خاوات منصور صغار .. اصغر من منصور و من حامد .. يعني في حدود اول العشرين بيكونن .. و مع هذا ... خت منصور كانت حشيمه وايد بلبسها و شكلها .. احشم من العنود .. حتى احشم من غايه ..
اتصل سعيد بمنصور و قاله ..
سعيد : و الله عمي عزمبهم .. و اتصلوبي اليوم .. و من طرو العمره ذكرتك .. قلت جنك انت و الا خاواتك ما بتمانعون ..
منصور و هو يقطع رمسته : لا افا عليك مخوتكم تنشرى بفلوس يا بو عسكور ..
سعيد : من طيب اصلك و الله ..
منصور و هو فرحان : خلاص .. انا بتفاهم مع خاواتي .. و بنتلاقى اليوم فليل و بنتشاور انا و انت ..
سعيد : تمام عيل ..
من فرحة منصور .. ماقدر انه يتم فالشركه .. طلع من دوامه و راح البيت و خبر خاواته ..
منى : لا حرام ..
منال : ليش ..؟؟؟..
منى : لا انريد انرووح سويسرا مع عمووه و بناتها ..
منصور : ما عفتيها سويسرا ..؟؟..
منى : انا ماقصد البلد .. انا اقصد الناس الي بنروح معاهم ..
منصور : انزين و احنا ما بنروح العمره بروحنا .. هل سعيد بيخاوونا ..
منى و هي متكدره : بس هالناس احنا ما نعرفهم ..
منال : منى .. شو احلا من مجابل ربج ..؟؟؟.. لاحقين ع سويسرا و هالبلدان .. بس صدقيني .. ناس وايد ودهم بس لو يوصلون بيت ربهم .. فما بالج يعتمرون ..
منى و هي بعدها متكدره : الي تشوفونه ..
منصور: لج وعد مني .. انج ما بتندمين عرووحتج هذي .. و ان بغيتي بوديج من بعد ما نرد أي مكان انتي تبينه ..
منى : اوكي .. وعد انك توديني عند مهره ختيه في لندن ..
منصور : وعد ..
و فالنهايه .. ترتب الوضع و بيروحون العنود و امها وامنه و يمعه عيال ختها وسعيد و غايه و بوها و حمد و ام غايه و ميثه حرمة احمد و ام غايه و منصور و منى و منال ..

و تحدد السفر بالاربعا الصبح انشالله بيسافرون .. و الكل مرتبش يرتون شنطهم
و في بوظبي ..
حامد : و ليش ما قلتولي ..؟؟..
منصور و هو يقرى اوراق جدامه : ليش ..بتروح ..؟؟..
حامد : .. لا .. بس حتى اتقولولي ..
منال : ليش .. من متى ما شفناك .. كيف تبانا نقولك ؟؟!!!..
حامد : منوول كنت في جزيرة صهير بني ياس .. اففففف عذااااب .. و الله عن مية دار غيرها ..
منى : حموود .. انت متى بتجابل ربك ؟؟..
الكل سكت .. جان يرفع منصور عينه ع حامد الي سكت ..
منصور : شو رايك ترووح معانا العمره ..
منال : اشك .. اغسل ايدك منه .. بيسافر يا بريطانيا يا فرنسا .. و الا بانكوك ..
حامد : لا استريحي .. بسافر معاكم ..
فرح منصور في خاطره .. يالله يمكن هالروحه تغير شي في حامد ..
بس المشكله ان جواز حامد كان منتهي و السفر ورى بااجر و حامد ما اشتراله لا حرام و لا أي شي ولا رتب شنطته ..
منال : اوكي انت جدد جوازك .. و رتب وضعك و الحقنا هناك ..
حامد : انتو كم بتمون ..؟؟..
منصور : مادري و الله .. لان هل سعيد بيخاوونا ..
حامد بخبث : ايووووه .. قول جذيه ..
منصور : خاف ربك ..
حامد و هو يضحك : انا ما قلت شي ..
منصور : نذل ..
حامد : ههههههههههههههههههههههههه ههههههه ..

و يوم الاربعا .. ع الساعه 8 الصبح .. كانو قوم سعيد فالمطار .. بس منصور و هله بعدهم ما يوو ..
اتصل سعيد بمنصور ..
سعيد : وين انت ..؟؟..
منصور : توني واصل المطار ..
سعيد : اوكي ..
و سكر عنه .. في حدود 10 دقايق .. شاف منصور سعيد و شاف الناس و الحشره الي عنده ..
و منى من شافت سعيد عرفته .. يالفضايح بنرووح عنده و عند هله !!!.. و سعيد من افتر و شاف منصور و خاواته ..
سعيد : هذوه منصور ..
افترو الكل صوبهم .. فهاللحظه وقف قلب منصور .. و تمت اعيونه ادور بينهم عليها .. وينج .. ؟؟..

=========================

الجزء السابع ..


*** غضت اعيونك و لا غضت عين من حبك و هاذابك .. انت يلي روحك اتهنت يا متى روحي تهنابك .. الجوارح كلها حنت ظاميه تبكي على بابك .. تخفي الاسرار ما ذلت .. هايمه نفسي و تشكابك ***


كان منصور يدز العربه الي فيها شنطهم .. و منى و منال وراه بشوي .. من شافه سعيد .. تحرك صوبه .. و الكل افتر صوبه من رياييل لحرمات لبنات .. اول ما شافته غايه عرفته ..
غايه : عنووود .. راعي البورش .. !! ..
العنود : ما دريتبه انه هو الي بيخاوينا ..
غايه : يالفضايح .. ظنج يذكرني ؟؟؟..
العنود : اوووه شدراه بج .. يا بوج شباب بوظبي جانعين من شوف البنات .. بيتذكرج انتي ؟؟!!!.. ليش انشالله ..؟؟.
غايه و هي تقرصها في ايدها : عنلالالالاتج .. خليت الزين لج يالعص ..
العنود : ايييييييييييييه .. ايه يالدبه لا تقرصين ..
عبيد و هو يرمسهن بصوت واطي : عنلاتكن من بنات ..
العنود : هالسباله تقرص ..
عبيد : جب جب ..
العنود : ايه لا تقولي جب .. و الله لا اخبر مطور عليك ..
عبيد : امره استهميت .. جب جب .. لا المج بطراق اللحين ..
غايه : ههههههههههههههههههه .. هزبوها .. هههههههههههههههههههه ..
فهاللحظه افترت غايه .. و طاحت عينها على مطر خوها و هو يسير صوبهم بالدريس لبس التدريب .. ماشالله عليه .. من شافته سمت عليه باسم الرحمن .. فنفس الوقت وصل منصور و هله عندهم و مطر .. سلم منصور ع الرياييل و من عقب ع الحرمات من بعيد .. و غايه و العنود و امنه واقفات ع طرف شوي .. و منال و منى مستحيات .. حاسات عامارهن شرات الغرب بين هالناس .. بس ام غايه ما عطتهن مجال راحت صوبهن و سلمت عليهن و من عقب قادتهن صوب باقي الحرمات عشان يسلمن عليهن .. فاللحظه اللي وصلن فيها عند قوم غايه .. شافت غايه واحد .. واقف عند الشرطي و ياخذ منه لمت جوازات .. و الي ذبحها شكل هالريال .. اول مره اتشوف احمد بلبس الكليه و هو لابس الدريس .. بغت انها تتحرك بس ماقدرت .. لا مستحيل .. صخت غايه .. و منى و منال يسلمن عليها و هي في عالم ثاني ..
و احمد قلبه يدق بالقو .. غايه من بينهن هالبنات .. و كان يمشي بشوي شوي .. و كل شوي يفتر ع مجموعه من الضباط و يعلق و يسولف .. بس ما قدر .. فرفع عينه صوب البنات .. شاف خمس بنات عازلات عمرهن عن الباقين .. بس عينه ما طاحت الا ع وحده .. و الي ذبحه ان عيون هالبنت عليه .. وقف .. و غايه من شافت احمد .. ماقدرت انها تنزل عينها عنه .. و الي فضحها انها لابسه نقاب ! .. العنود انتبهت .. و كانت ادق و تنغز غايه بايدها ..
العنود بصوت واطي : غايووه .. بسج من المطالع ..
غايه : آااااه .. حرام عليج تحرميني من هالشوف ..
منال ما انتبهت .. بس منى انتبهت لنظرات غايه .. و شافت انها اتشوف حد .. فأفترت صوب نظرات غايه .. و شافت احمد .. هي ما كانت تريد انها تشوفه .. بس شكله يجذب .. مستحيل وحده ممكن تشوف هالحلاه و تفتر عنها ..
و غايه في عالم غير العالم .. و احمد .. فلحظه نزل عينه .. و تم يلعب بالجوازات الي عنده .. فطاح واحد من هالجوازات ..
غايه لا اراديا : سلمت ..
فالكل افتر صوب احمد ..
ف خر احمد عشان يشله ..و هو ناش .. ان مطر فوق راسه ..
مطر : حوووووووه يالرخو ..
احمد و ع غير العاده ابتسم و سكت ..
مطر : رب ماشر حمود شو بلاك ..؟؟..
و غايه قلبها وقف .. يعني يسمونه حمود ! ..
احمد و هو يغمزله : سلامت راس غاليك .. مابلاني شي ..
مطر و هو يفتر صوب العنود و بصوت عالي و الكل سمعه : عنلالالاتهم من غالين .. مادري شهالطوووع الي حل عليهم بيروحون يعتمرون .. و بيخلوني بروحي ..
ام غايه : الا الروحك .. قلنالك ترخص من الكليه و سافر عندنا ..
عبيد : كيفه هو .. شو كلية بوه !! ..
بو غايه : افا .. و بوه مب عايبنك مسود الويه ؟؟!! ..
غايه : الا القدر و الحشيمه من عقب بوه .. يعني افدى ارض ٍ وطاها بو احمد ..
هي ما حست بعمرها .. من زمان ما قد نعتت بوها ب بو احمد .. و اليوم ما حست بعمرها و هي تنعته بهالاسم .. و احمد من سمع صوتها .. آاااه .. يالله يا منطوقها .. الساع ما خربت بهالمنطوق ..
حمد : عاد بسكم .. يا جماعة الخير .. انتو وراكم سفر و طياره .. بسكم من هالهذربان ..
عبيد و هو يحب امه و يلوي عليها : لالا .. امايه مارووم افارقج .. فديتج لا تسافرين ..
ام غايه : يعني افدى روووحك يالغاليه .. معضد .. نش قطع لولدك تذكره خله يسافر افيانا ..
عبيد : لالالا .. لا عنبوه ..
سعيد : عمتيه .. ما دريتيبه ولدج ع الشوه ناوي .. هههههههههههههه
عبيد : لا حول .. لا يرحمون و لا يخلون رحمة الله تنزل ..
ام العنود : حزن .. ثرك شو بتسوي ..؟؟؟!!!!..
عبيد : ما بسوي شي .. حليلي انا اسوي !!؟!!!.. و الله انا ريال في حالي ..
و منصور ساكت .. و عيونه عالبنات .. بس ماكان يشوف لا غايه و لا العنود .. كان يشوف خاواته .. كانن واقفات عند البنات .. بس حتى .. كانن واقفات بس لا يتكلمن و لا يداخلن مع الباجين ..
تلوم منهن منصور .. هو يعرف راي منى من هالسفره .. بس منال !! .. كانت موافقه و من قبل هي كانت تبى تسافر .. معقوله كنت اناني بهالقرار و ما راعيت شعورهن من هالناحيه ..؟؟!! ..
سعيد : منصور هات جوازاتك ...
منصور باستغراب : ليش ..؟؟..
سعيد : الشيخ مطر بيتكرم و بيخلصلنا الجوازات ..
مطر : شوووووو ..؟؟.. لا بويه .. انت اروحك قلت الشيخ .. السموحه ماعندي وقت لكم ..
احمد و هو يمشي ويتقرب منهم اكثر: بيذلكم هالخام ..
جان يمد يده و ياخذ الجوازات من منصور .. و فهاللحظه .. كانت اول مره غايه تنتبه لمنصور .. كان لابس كندوره نيليه و سفره من نفس اللون و نعال ابيض و ساعه بيضى .. اسميه متفيج جنه يطقم .. بس لا اراديا شدها .. و يلست تتأمله و هو يتكلم .. و شافت انه ع كل دقيقه كان يرفع عينه صوب خاواته .. و شافت ظحكته لخواته .. كان فعيونه شي غير .. ما قد شافته في انسان من قبل .. حب .. حنان .. عطف .. بس فلحظه ظحك و نزل عينه ع الارض .. حست بحزنه .. و جن شي في قلبها عوره عليها .. فهاللحظه خنقتها العبره و بغت تصيح .. ليش ؟؟ !!!!! .. ما تدري .. بس شي عورها في قلبها .. لا اله الا الله ..
راح احمد و قلبه يدق .. يالله غايه بتسافر .. ربي يعودها و هلها بالسلامه انشالله .. و مطر معاهم و دخلو كلهم اللين مكان الانتظار ..

و يلست غايه بين منى و منال و العنود و امنه يلسن عالطرف ..
غايه : منو منكن العوده ..؟؟..
منال : انا ..
غايه : و الله ..؟؟؟.. و كم عمرج ..؟؟..
منال : 23 ..
غايه و هي توخي ع جدام عشان تقدر اتشوف العنود الي كانت تكلم مطر بالاشارات و من شافتها غايه : حشى بتفضحنا هالبنت .. ايه عنيدى ..
فهاللحظه بس عرفن العنود .. ف افترن صوبها .. و العنود مب منتبهتلهن .. و كان مطر يأشر على قلبه .. و يقولها و هو يحرك شفايفه و لا يتكلم بصوت ..: حرام عليج هان عليج قلبي تخليني ..؟؟؟!!..
العنود و هي تفتر : ياويلي لا ..
فأنتبهت ان كل البنات يشوفنها .. استحت و نزلت بويها يالفضايح شو بيقولن عليه هالبنات .. و منال ميته .. العنود تحب ولد عمها !!!!!!!!!... ياحليلك يا منصور ..
غايه : لا و الله ..؟؟؟.. عنلاتج من بنت .. ايه سودى الويه استحي و خيلي .. فضحتونا فالمطار .. ما تقولون الا سيلانيه و تودع الطباخ ..
فهاللحظه ما قدرت لا منى و لا منال .. فظحكن .. و من ظحكن افتر منصور صوبهن .. و من شافهن يسولفن و يضحكن مع البنات استانس من الخاطر .. انشالله بيتأقلمن مع هالناس الطيبين ..
العنود : ايه غايووه .. خافي ربج .. جن مطور شبهتيه بالطباخ ..
غايه : ياويلنا .. حقت على عمرها كونها سيلانيه .. لا ما حقتها لحبيب القلب ..
و من قالت غايه حبيب القلب .. حزنت منال بطريقه مب طبيعيه .. منصور دش غلط في حياة هالانسانه .. و المشكله انها تمت حياة منصور .. يالله .. كيف اللحين بيتقبل هالموظوع ..؟؟!!.. يالله فديت منصور و الله انه ما يستاهل فديت رووحه ..
غايه : ايه بسكم من هالحركات .. و الا و الله اخبر باباتي عليكم ..
العنود : مالت عليج .. هادمت اللذات ..
فهاللحظه رد احمد .. بس غايه كانت يالسه و ظهرها لالطرف الي يى احمد منه .. و احمد و هو مب حاس كان يتأكد من ان كل الجوازات خلصن .. فكان توه واصل عدالهن .. فهاللحظه نشت منى .. ف ارتطمت ايدها بأحمد ..
منى و هي تفتر صوبه : اوووه سوري ..
و فهاللحظه احمد فوق راس غايه .. رفعت غايه نظرها صوبه .. و احمد قلبه بيوقف و هو يحس بقرب هالانسانه الي جلبت حياته فوق تحت .. هالانسانه الي ينتفض قلبه من يشوف طيفها لو من على بعد كيلو ..
احمد و هو موخي براسه عالطرف الثاني : مسموحه الشيخه ..
و خطف سيده .. بس منى تيبست لان ويها كان في ويه احمد .. مع انه كان منزل راسه .. بس عالاقل شمت ريحة عطره .. لا مب طبيعي هالانسان ..
راح احمد و عطاهم الجوازات و تم يالس عندهم شوي .. و من عقب نادوبهم عشان يركبون الطياره .. فراحو .. و قبل لا يروحون كانو يسلمون على عبيد و مطر و معضد .. و جلبتها ام غايه مناحه الهم ..
ام غايه : عبيد .. فديتك يالغالي تلحف عدل ..
عبيد و هو يحب امه ع راسها : انشالله ..
سعيد : و شل الي في بالك ..
عبيد : انت ما يخصك ..
بو غايه : بتخبركم شو هالتنغيزات بالرمسه ؟؟!!..
حمد : لا حول .. ولدك الصايع بيسافر البحرين ..
مطر : انا راعي سمحه .. و بتخلوبي .. ؟؟!!!..
عبيد : و انت وين ناطر ..؟؟؟..
مطر : لا ما يستوي .. كلكم بتسافرون .. و ما هنالكم السفر و الا انا مرتبش بهالتدريب ..
عبيد : مشكلتك ..
مطر : بويه .. حلف عليه ما يسافر دوني .. حرام عليكم الا باقلي 3 اسابيع ..
بو غايه : لا بتتخاووون رباعه انشالله ..
عبيد : وين عنووووده ..؟؟؟.. و جان يفتر صوب البنات ..
فهاللحظه وقف قلب منصور .. العنود .. آااه يا قلبي .. مع هذا ما حقت نفسه انه يرفع عينه ع البنات و هو بين هالرياييل ..
العنود و هي تفتر صوب عبيد : لبيه ..
عبيد : لحقي الخطيب يبى يسافر البحرين ..
فهاللحظه افترت منال صوب منصور .. الي ما حس بالدنيا و هو يسمع هالجمله .. شوووووووو؟؟؟!!!!!!!!!... من صدمته .. مب مصدق الي يسمعه .. كيف ؟؟؟!!.. العنود مخطوبه !!!!!!!!.. تمت منال اتشوفه علها تعرف ردت فعله من هالخبر .. بس كالعاده .. منصور ما حسسهم بشي .. يالله اللين متى بتتحمل في قلبك .. !!..
العنود : مرخوص بو غيث ..
مطر : ليش ثرني اتريا منج الاذن ..!!؟؟..
العنود بنقمه : شو ..؟؟؟!!..
سعيد : ههههههههههههههههههههههههه .. و الله يا ختيه سباله .. ايه يالخداي .. الي يسافر البحرين مره ما صبر عنها .. خص هالشباب ..
عبيد : هيه و الله ..
العنود : لا عيل يستريح فالبلاد .. ماشي سفر ..
معضد خو العنود : حمد .. ما يبت عندك دلة القهوه و الجاهي ..؟؟؟..
ام العنود : ليش ولديه .. فخاطرك تتقهوي ..؟؟..!
معضد : لا الغاليه .. اشوفكم داقينها بسوالف .. و ان طارت الطياره عنكم محد بيرد و بيتعثر و بيحجزلكم ..
بو غايه : لا لا افا عليك يا بو حمد .. اللحين بنخطف .. و جان يفتر بوغايه صوبهم .. يله نشو هبابنا ..
و توادعو .. و ركبو الطياره .. و طبعا ما سو سالفه للمضيفه يلسو على كيفهم .. و يلس منصور و سعيد و حمد عدال بعض .. و ام غايه و ام العنود و بو غايه عدال بعض .. و العنود و غايه يلسات يتضاربن منو منهن بتيلس عدال الدريشه و فالنهايه يلست العنود .. و كانن يالسات ع الكراسي الي في الطرف اليمين من الطياره .. و فالسيد النصفاني كانت منى و منال و ميثه حرمة احمد خو غايه يالسه .. و امنه و يمعه خوها و معضد و راشد عيال احمد خو غايه يالسين عدال بعض .. و رحلتهم لمطار جده بتستغرق حول الساعتين الا شوي .. و هم فالطايره .. راشد و معضد عيال احمد بهدلوهم من مكان لمكان ..
و غايه و العنود يالسات و يسولفن .. و منال اندمجت مع ميثه وايد و تمن يسولفن .. الا منى الي تمت تقرى في كتاب ..
العنود و هي تفتر صوب غايه : حليلهن .. تعرفين ان امهن و بوهن متوفين من هم يهال ..
غايه و هي تفتر صوب قوم منال : حلفي ..؟؟؟..
العنود : و الله .. مادري اذا هو هذا منصور الي دوم يطريه سعيد .. فهله متوفين من هم يهال .. بس منصور هو الي قام بحلالهم و هو الي ربى خوانه ..
غايه : تصدقين عنوده .. اليوم يوم ريته .. قلبي عورني عليه واااااااايد .. مادري ليش .. مع اني حتى ما كنت اعرف بسالفة هله ..
العنود : حليله ..
غايه : بس ماشالله ع خواته .. من شكلهن يبان انهن حشام ..
العنود : سكتي سعيد عطاني محاظره فالدرب ..
غايه : ههههههههههههههههههههههههه ههههه .. يحيدج خراب الدار ..
العنود : عنلالالاتج .. هيه تفرسي فيني يوم ان مطور محد .. خلاص مالي ولي يدافع عني ..
غايه : عنووود ابى ارووح الحمام ..
العنود : ههههههههههههههههههههههههه .. لا ماشي حمامات استريحي ..
غايه : عنلالاتج ماروم ..
جان تفتر غايه صوب ميثه الي كانت فالصف لي عدالهن ما من بينهن الا ممر .. و منال كانت يالسه ع الكرسي الي ع طرف غايه ..
غايه : ميثوووه اريد اروح الحمام ..
فهاللحظه ظحكت عليها منى ..
غايه : اييييه حرام عليكن .. صدق و الله اريد ارووح الحمام .. حصلانه ..
ميثه : غايوه عيب عليج .. رشود و معضودي و هم يهال ما صاحو الحمام ..
غايه و هي تنش : عنلاتكن ..
و توها بتفتر بترووح صوب قوم امها وراهم بسيدين .. فهاللحظه تلاقت هي و منصور .. كان يسير صوب خاواته يبى يرمسهن .. ثواني طاحت فيهن عيون منصور ع غايه .. فز قلبه من شافها .. هي .. قلبي يقولي انها هي .. بس ماقدر انه يطالعها .. فنزل عينه بسرعه ..
غايه : السموووحه ..
منصور و هو يوقف ع طرف عشان اطوف و منزل عيونه تحت : مسموحه ختيه ..
و خطفت غايه عنه و راحت .. و من طافت من عداله عشان تتخطاه .. غمض منصور عيونه .. لالا .. ماقدر اتخيل انها لريال غيري .. بذاك الويه .. ذيج العيون .. فهاللحظه شاف صورتها و شعرها خرسان ماي و يلامس خدودها .. لا اله الا الله .. فهز منصور راسه .. كنه يبى يشتت هالصوره الي في باله .. راحت غايه صوب امها و قالتلها انها تبى الحمام .. فنش بو غايه معاها و وداها الحمام و ردت .. و هي راده .. شافت منصور .. كان يالس ع ريوله .. تحت فالممر عند ريول منال و كان يكلمها .. ما حست بعمرها .. بس يلست تتأمله .. هي تحب خوانها .. و خوانها يحبونها .. بس اللين اليوم ما شافت هالنظرات من اخوانها لها .. و كن منصور حس بنظراتها .. فرفع عينه صوبها .. فهالوقت .. تلاقت نظراتهم .. اقل من ثانيه .. شافو فيها بعض .. بس فجأه افترت غايه عنه .. مب لشي .. بس كانت تحس بدقات قلبها مب طبيعيه .. كانت تحس ان هالانسان فيه شي .. شي مب طبيعي .. شو هو ؟؟ .. ماتدري ! .. من افترت عنه غايه .. نزل منصور راسه و نش عن منال و راح من الطرف الثاني .. متعمد انه ما يطوف من عدالها .. و رجعت غايه و يلست عدال العنود و لا تكلمت .. هالانسان غامض .. مب طبيعي .. ساعات تحسبه انسان مالك الحب كله .. حبه لخواته .. حنانه مب طبيعي .. و ساعات تحسه انسان عايش فالحزن و المآسي .. لغز .. و منصور رجع و يلس مكانه .. يالله لهالدرجه شكلي ما عيبها !! ؟؟.. اكيد .. اذا أي وحده غيرها ربت عند واحد بحلاة مطر .. و شخصية مطر .. كيف ممكن تفتر صوب واحد شراتي .. ما فيه ذرة جمال .. انسان انطوائي اكثر من كونه اجتماعي .. خجول بطباعه .. و لو انه ريال صاحب كلمه .. و ينحسبله ألف حساب .. و في حظوره الكل يفزله من زود قدره و حشمته بين الناس .. بس شالفايده .. كل هذا ما ملى عين اغلى انسانه ع قلبي .. جان يغمض اعيونه و يرجع راسه لورى .. مب قادر انه ينسى صورتها .. لا .. هالانسانه مستحيله ..

بعدها نادو فالميكرفون فالطياره انهم وصلو الميقات .. فنشو الرياييل و لبسو الاحرام فالطياره .. لانه رايحين من مطار جده سيده ع مكه .. بعد ساعه و خمسه و اربعين دقيقه من رحلتهم فالطياره .. و صلو مطار جده .. و من بعد ما خلصو اجراءاتهم فالمطار .. ركبو الباص .. الي بيوديهم صوب مكه .. كانت رحلتهم من بين ثلاث ساعات و نص حول اربع ساعات و هم يسيرون بالباص صوب مكه .. و الكل يالس و الي يقرى قرآن و الي يسبح و الي يقرى ادعيه دينيه .. و فطريج روحتهم صوب بيت ربنا .. وقفو شوي عند الشيشه .. فنزلو الرياييل ..
غايه : رشوووود .. تعال حبيبي ..
راشد : شو تبين ..؟؟؟..
العنود : حبيبي بنعطيك فلوس و روووح اشترلنا من الدكان ..
راشد : بس تعطوني فلوس ..
ميثه و هي تهزبه : راشد عيب ..
العنود : زطي ع عمته ..
غايه : والله محد زطي الا انتي ..
و عطنه فلوس عشان يشتريلهن عصير ..
كان راشد عند باب الباص بينزل .. و منصور و حمد توهم بيركبون ..
فهاللحظه بغمت غايه على راشد : رشوووووود .. هاتلي جالكسي ..
بس راشد كان قد نزل و لا سمعها ..
بس منصور سمعها .. يالله فديت هالصوت ..
حمد : غايووووه عيب عليج .. شو هالصريخ ..؟؟ !!! ..
فهاللحظه سكت منصور .. غايوه !! .. كيف يعني غايوه ؟؟!! .. هو تذكر صوتها .. نفس نبرة البنت الي كانت تصارخ فالميلس .. هو مستحيل ينسى ذاك الصوت .. بس كيف تكون غايه ؟؟؟ !!! .. هذيج العنود .. معقوله تكون لهن نفس نبرة الصوت ؟؟!! .. يمكن .. و لا فكر منصور زوود فالسالفه .. بس ما هان عليه .. حليلها خاطرها فالجالكسي .. ف رجع و نزل و اشترالهن كلهن كيسه متروسه حلاوى و عصير .. و عطاها لراشد عشان يسير بالكيسه صوبهن ورى ..
غايه و هي ماده ايدها بتاخذ الكيس منه : سلمت .. ياشوق البنت .. عافت الناس .. و ما بغت الا انت ..
راشد و هو يمدلها بكيسه ثانيه : لا هذي كيستكم .. هذي كيست منووه ..
غايه و هي صاخه : عنلالالاتك يالسبال .. جني عاده فيك قصيده فالتالي عطيتها لمنى ..
راشد : عاد مب بكيفي .. خوها شارنها لها ..
و منى تظحك على راشد ..
منى و هي تاخذ منه الكيس : مشكور حبيبي ..
راشد : احم احم .. جاهزين للحلوين ..
منى : ههههههههههههههههههههههههه هه ..
ميثه : يا لقعتيه من ويت تعلمت هالرمسه بعد ..؟؟
غايه : يوم عبيد و مطر عمومته .. تريي هالشي و زووود بعد ..
و من بعدها تحركو .. و تمن البنات ياكلن و يسولفن ..
منال : انشالله باجر خونا الثاني بيلحقنا هني بعد ..
غايه و هي تاكل جالكسي : هو نفس منصور و الا غير .. ؟؟؟..
جان تنغزها العنود ..
منى : كيف يعني ..؟؟..
غايه و هي مرتبكه : لا يعني اقصد .. هو نفس خوكم العود و الا غير ..؟؟؟..
منى : من أي ناحيه ..؟؟؟.
منال و هي تبتسم : لا .. حامد يختلف عن منصور واايد .. في كل شي مختلفين .. فالشكل و الطباع .. في كل شي ..
غايه : اها .. و جان تسكت ..
العنود و هي تكلمها بصوت واطي : ياللقافه .. ! ..
غايه : جب ..
ع نهاية الرحله كانو كلهم تعبانين .. بس من دشو مكه .. سبحان الله .. حسو بشعور ثاني .. شعور جمع الكل .. اول مره يحسوبه .. سبحان الله .. جنهم داشين دنيا ثانيه .. و نور من حولهم .. سبحانك ربي .. راحو اول شي صوب الفندق .. كانو محتارين بين الابراج و بين السوفيتيل .. بس قررو ياخذولهم فالسوفيتيل .. بحكم قربه من الحرم .. و راحو غرفهم .. و كانن البنات مع بعض .. منى و منال و العنود و غايه في غرفه .. و ام غايه و ام العنود و امنه في غرفه .. و ميثه و عيالها في غرفه .. و الرياييل حمد و سعيد و بو غايه في غرفه .. و منصور في غرفه بروحه لان حامد باجر بيلحقهم و بيكون معاه .. دخلو غرفهم و تسبحو و طلعو كلهم عشان يقومون بمناسك العمره .. بدو مناسكهم بالطواف حول الكعبه .. مع انهم كانو يايين من تعب و سفر طويل .. بس سبحان الله .. كانو يطوفون و لا هب حاسين بشي .. يكفيهم شعورهم انهم بين ايدين ربهم .. و من بعد ما خلصو الطواف .. صلو ركعتين .. و من بعدها سعوو .. و من خلصو السعي .. راحو عشان يقصون شعرهم .. و الرياييل بو غايه حلق شعره كله .. بس الشباب لا .. و البنات و الحرمات قصو اطراف شعرهن .. و بجذيه .. يكونون خلصو مناسك العمره .. و من خلصو .. رجعو الفندق .. و كلن و دخل غرفته ..
و استراحو .. بس بعدين نشو و رجعو الحرم عشان يصلون المغرب .. و من بعد الصلاه .. ما رجعو الفندق .. الكل يلس يقرى القرآن .. اللين ما صلو العشى .. و من بعد ما صلو رجعو الفندق .. بس كانن الحرمات برووحهن معاهن يمعه ولد معضد و راشد و معضد عيال احمد .. بس الرياييل ما يدروبهم وين ..
راشد : امايه يوعان ..
العنود : هيه و الله يوعانين ..
ام غايه : عاد محد من الرياييل هني عشان ينش اييبلنا عيشه ..
ميثه : غايوه طرشي لحمد مسج خليه اييب النا اكل ..
غايه : انشالله .. و كتبتله مسج و بغت انها اطرشها له .. بس الاتصالات كانت مسكره عليهم كل الخدمات دام انهم برى البلاد ..
غايه : الله يعني بلا هالاتصالات ... لا فالدار سالمين منهم و لا و احنا برى سالمين ..
العنود : قوم المدفوعه لا يرمسون ..
غايه : جب جب .. ياحيني ع الاقل عندي موبايل .. الدور و الباقي ع الشحاتين ..
العنود و هي تهز كتفها : و من قالج اني اريد اصلا ..
غايه : جب جب .. انتي لو عندج تيلفون .. ما عرفتي فص الارسال من فص النهايه ..
منال : انا تيلفوني خط .. جربي ..
منى : لا اتصلو اظمن ..
منال : هيه صح ..
ف اتصلت ع تيلفون منصور خوها .. بس كان مغلق ..
ام العنود : يمكن بعدهم فالحرم .. لا تغثونهم ..
ام غايه : معضد يا بعدي .. نش يعني افداك طالع يدك جنه في حجرته و الا لا ..
نش معضد و معاه يمعه .. و يوم هم فالممر .. شافو بوغايه و كان عنده منصور و واقفين فالممر ..
معضد : يدي يدي ..
بوغايه : اوص .. لا تزقرني يدي ..
معضد و هو مستغرب : انت يدي ..
بوغايه : لا لاتقول يدي .. قول بويه .. لا لا .. قول عمي .. انا بعدني شباب .. و جان يفتر صوب الممر الثاني .. و كانت حشرة حرمات فيه .. و شكلهم امارتيين ..
تم منصور يضحك على بو غايه و كلامه ..
معضد : يدووه تباك ..
بوغايه : ماعليه قولها بيتسبح و من عقب بييها ..
و راح معضد ليدته و قالها ..
معضد : يدوووه رينا يدي و خو منوووه ..
و منى تضحك ..
العنود : لا اله الا الله يا هالمنى الي حشرتونا عليها ..
غايه : معذورين زطوط سويحان .. ما تعودوع وحده اتقولهم حبيبي .. تخبلو عليها ..
و نشت ام غايه صوب ريلها و قالتله عن العشى ..
غايه : عاد ظنكم شو بييبولنا اكل ..؟؟؟..
ميثه : عن التشريط الي بييبونه كلووه ..
غايه : لا .. منى و منال ما ياكلن أي شي ..
منال : انا !!!! .. لا عادي .. ما يخالف عندي ..
العنود : لا بس منى قالتلنا انكم ما تاكلون أي شي ..
منى و هي مستغربه و منصدمه : اناااااااااااا !!!!!!!!!!.. متى .. و الله ما قلت ..
ميثه : هههههههههههههههههههههه .. ايه غلامتين خفن عالبنات .. بطفربهن من اول ليله لنا في الدار ..
العنود : هههههههههههههههه .. منايه امزح الغاليه ..
منى : لا عادي ..
غايه : لا انا بروحلهم بشوفهم شو بيييبون .. امايه ما تعرف فالعيشه ..
و نشت غايه و نش راشد معاها .. و ما كانت لابسه غايه الا جلابيه زيتونيه .. و لابسه شيلة صلاه من نفس اللون .. لان حجرة بوها الحجره الي عدالهم .. كانت على يمين حجرتهن و حجرة امهاتهن على يسارهن .. فطلعت و كانت متحجبه .. و حافيه بدون نعال .. و راحت هي و راشد .. جان تدق الباب .. و راشد جدامها .. جان يفتح راشد الباب .. سمعت غايه رمسه في اول الممر .. رمسة عرب امارتيين .. شكلهن حرمات .. كانت مفتره براسها صوب هالاصوات .. فدخل راشد قبلها .. فأفترت بتدخل .. و ان منصور ظاهر من الحجره .. تلاقو عند الباب .. بس هو من شافها .. افتر الطرف الثاني .. و لا شافها .. و غايه من انتبهتله افترت ع طرف و تغشت .. و وقفت برى الحجره عشان منصور يطوف .. و منصور تم واقف فممر الغرفه ع طرف عشان غايه اطوف .. و لا واحد منهم تحرك ..
جان تواج غايه .. و شافت منصور واقف و منزل راسه .. شكله يترياني اطوف ..
غايه : تفضل الشيخ ..
منصور و هو بعده منزل راسه : لا الشيخه .. تفضلي انتي ..
غايه : لا و الله .. الا من عقبك ..
منصور و هو منزل راسه .. هو متأكد ان هالبنت هي الي هو يحبها .. بس العنود ليش بتي حجرة عمها !! .. في شي مب واضح في هالسالفه .. جان يطوف منصور من عدالها .. و غايه من ظهر منصور دخلت .. اففتر منصور صوبها .. و شاف مقفاها و هي تمشي .. و من حركة ايدها عرف انها عقت الغشوه .. يالله يا هالانسانه .. بعدين تبين ان سعيد و حمد ما ردو الفندق و راحو المطعم اييبون عشى .. و تعشو الرياييل بروووحهم و الحرمات بروووحهم .. و من عقب العشى الكل نش من التعب و راح حجرته و نام .. و منصور .. مع انه ميت من التعب .. بس مب قادر انه يمحي صورة غايه من باله .... ماشالله على عظمتها .. يلس منصور يتخيلها بمواقف وايد .. كله كوم و منطوقها كوم .. منطوقها بس يسواله سوايه .. يالله كيف بيكون شكلها و هي لابسه فستان العرس ..؟؟؟ و غمض اعيونه .. و شاف غايه و هي بلفستان الابيض ..كان يشوف ملاك .. آيه من الجمال في صورة انسانه .. بس فجأه طلعله ويه ريال ثاني .. مطر .. شاف مطر و هو يمشي ع الكوشه و يبتسم لغايه .. فهاللحظه رن تيلفون منصور و كانت ع الساعه 12 فليل .. افتر منصور عشان يرد عالتيلفووون ..
====================

الجزء الثامن ...

*** ياكيف اقوى وحـــبك شـــــوق يقتلني ويحيني .. يا كيف اقوى فراقك لا غدا لي مصدر الآهات.. انا قلبي تعلق بك قبل ما تنظــــــــرك عيني .. وعيني ضمتك صوره تعذر وصفها بكلمات***

نش منصور و شل تيلفونه .. و الي فاجأه ان الي متصل به .. هي منال خته ..
منصور : الو .
منال : الو ..
منصور : هلا منال ..
منال : اهليييييييييين منصور .. شو نايم ..؟؟؟!!..
منصور : لا و الله .. ليش ..؟؟؟
منال : ماشي كنت اريد اكلمك ..
منصور : شو فيج ..؟؟؟؟..
منى : منال انتي شو تسوين ..؟؟؟..
منال و هي تقوم من على الشبريه : ماشي ..
منى و هي تصلب عمرها : منو تكلمين ..؟؟؟..
منال : منصور .. و سكتي عن لا توعين البنات ..
منال : منصور .. حد عندك ..؟؟؟
منصور : لا .. بس انا فالغرفه ..
منال : اقدر اني اييك ..؟؟؟
منصور و هو مستغرب : هيه عادي ..
منال : اوكي .. دقيقه و بكون عندك ..
منصور : لا انا بييج عند باب الغرفه ..
منال : اوكي ..
و سكرت عنه منال و راحت و تلبست .. و تحجبت بالشيله و لبست نعالها و طلعت برى .. و كان منصور فالممر يترياها ..
من شافها .. ابتسملها .. و ظحكتله .. يالله فديت روحك يالغالي .
منصور : شو بلاج ..؟؟؟..
منال و هي تبتسمله : ماشي .. بس البنات نامن و انا ماقدرت انام ..
منصور و هو يحط ايده على كتف منال و يمشون صوب غرفته : و شو الي شاغل بالج و حارمنج النوم .. بعد هالتعب ..؟؟؟..
منال و هي منزله راسها : الي حارم عينك النوم ..
سكت منصور .. و دخلو حجرته .. شغل منصور ليتات الحجره .. يلست منال على الشبريه الي منصور كان منسدح عليها .. و تم منصور واقف ..
منال : ممممم ... اخبارك ..؟؟..
منصور : بعدني عايش ..
منال : يالله عسى ربي يطولي بعمرك يالغاليه ..
منصور : ههههههههههه .. فديت رووحج ..
و تمو ساكتين حول 5 دقايق ..
منال : ممممم .. منصور ..
حرك منصور راسه بمعنى شو ..
منال : يمكن الله مب كاتبلك بنصيب مع العنود ..
نزل منصور راسه : .. ادري ..
منال : منصور .. انت حبيتها صدق ؟؟..
منصور و هو يرفع راسه لسقف و يتنهد : آااااااااااااااااااه .. ما تتخيلين هالبنت شو عنتلي و تعنيلي ..
منال : منصور .. بس العنود لها حياتها .. و .. و سكتت و نزلت راسها ..
منصور : و شوو ..؟؟؟!!..
منال بحزن : .. مادري .. بس .. احسها تحب ولد عمها .. و شكله هو بعد .. يحبها .
منصور و هو يتحرك و يمشي : .. حسيت بهالشي .. تعرفين .. قبل كنت متمسك بأمل ان ممكن ربي يجعلها من نصيبي .. بس .. بس من شفت مطر .. ما اعتقد .. وحده .. شافت مطر بوسامته و حلاته .. و اسلوبه .. ممكن انها تودره عشان واحد مثلي ..
منال : ليش انشالله ؟؟.. و انت شوفيك .. و الله انك شيخ الرياييل ..
منصور : هذا رايج انتي .. بس رايها مستحيل يكون من رايج .. كل انسان تفكيره و نظرته تختلف ..
منال : هي لو عرفتك بتحبك .. الا بتين عليك ..
منصور و هو منزل راسه : بس هي ما تعرفيني .. و مافي امل انها ممكن تتعرف عليه و تغير نظرتها ..
منال : حبيبي .. انت ليش تفكر فيها ..؟؟؟!! ..
منصور و هو يغمض اعيونه : آاااااااااه ... و الله حاولت انساها .. بس مادري .. مب قادر .. و المشكله مب عارف السبب ..
منال و هي تلعب بصبوعها بالتيلفون : تعرف شو مشكلتها .. مشكلتها انها ياهل .. صغيره فالسن .. و مرتبشه بهالدنيا .. سبحان الله .. يمكن مطر ما يكون احسن منك .. بس نظرت العنود .. طفوليه فهالدنيا .. ( منال و هي ترفع راسها لمنصور ) و على فكره هالشي في بنت عمها بعد .. بس غايه .. احسبها شوي عاقل ..
منصور : مادري و الله .. تعرفين .. من عقب صلاة المغرب .. دعيت ربي .. جن لي نصيب فيها .. يقدمه ربي لي .. بس بعدين .. مادري حسيت اني اناني .. آااااااااااه .. ربي يسعدها ..
فهاللحظه رن تيلفون منصور و كانت عالساعه 12:34 فليل ..
منصور و هو عاقد حيّاته: غريب هالرقم ..
منصور : ألو ..
حامد : الو ..
منصور و هو مستغرب : حمووود !! ..
حامد : هلا ..
منصور : اهليييين شو هالرقم الي داق منه ..؟؟؟!!..
حامد : هذا رقم واحد من الشباب تعرفت عليه فالطياره ..
منصور : أي طياره .؟؟؟!!! ..
حامد : تراني سافرت ..
منصور : اها ..
حامد : منصور .. انا كان بودي اني اسافر معاكم .. بس سمحلي الغالي .. عزمو الشباب ع سفره للمغرب و من بعدها مصر ..
منصور : و طبعا انت ما تقاوم هالسفرات ..
حامد و هو يضحك : هيه و الله ..
منصور : بصراحه .. ما كنت اتوقع حظورك عندنا ..
حامد : السموحه منصور ..
منصور : آااه .. لاتفكر ..
حامد : اوكي .. منصور سمحلي ما بطول .. بس سلم عالبنات و تعذر منهن بالنيابه عني ..
منصور : انشالله .. و ما اوصيك ..
حامد : لا افا عليك .. اخوك ذيييييب ..
منصور : الله يحفظك ..
حامد : و يحفظك ..
و سكر منصور عن حامد ..
منصور و هو يفر تيلفونه عالشبريه : حامد يتعذر .. سافر المغرب مع الشباب ..
منال و هي تهز راسها : مادري متى الله بيهدي هالانسان .. !!
منصور : الله يهدي عباده ..
و تمو يالسين مع بعض .. يسولفون .. ماقدرت منال انها تنش عن منصور .. و هي اكثر من غيرها .. تعرف ان منصور يكابر بجرحه .. يالله فديته .. و ما حسو بالوقت .. الا من سمعو اذان الفير يذن .. نشت منال عن منصور عشان توعي البنات .. و نش منصور و تمسح عشان يصلي .. راحت منال الحجره و لقت البنات نايمات .. و تمت توعيهن .. و شوي و ان ام العنود ادق عليهن .. طلعتها منال ..
منال و هي تحب ام لعنود ع راسها : هلا خالوه ..
ام العنود : مرحبا بنتي .. فديتج .. نشن خاواتج ..
منال : لا و الله .. كنت توني اوعيهن ..
و ان ميثه ناشه و ظاهره من حجرتها : السلام عليكم ..
منال و هي تبتسملها من الخاطر : و عليكم السلام .. هلا ..
ميثه : شو الحلوين قايمين قبل الناس ؟؟..
منال : هههههههههههههه .. لا انا ما نمت ..
ام العنود : حزن .. ! .. شعنه ؟؟.. شي يعورج .؟؟..
منال : لا خالوه .. كنت عند منصور خويه .. و لا حسينا بالوقت الا و الاذان يذن ..
ميثه و هي توايج فالحجره : و الباقيات نايمات ؟؟؟..
منال : هيه ..
و دخلت ميثه عليهن و وعتهن ..
و ان ام غايه ظاهره هي و امنه من الحجره .. و فهالوقت كان بو غايه و سعيد توهم ظاهرين .. و تلاقو عند باب البنات ..
ام غايه : هالبنات توهن ناشات ..
بوغايه : الصلاه بتفوتنا .. خليهن البنات اييين مع حمد .. يتمسح و بيلحقنا ..
و راحو كلهم .. و تمت غايه و العنود و منى يتلبسن من بعد ما نشن و تمسحن .. و تمن يترين حمد فالممر .. و من ظهر حمد .. راحن معاه صوب الحرم لصلاه .. من عقب الصلاه .. تمت ام غايه و ام العنود و معاهن ميثه تقرالهن القرآن فالحرم .. و البنات ردن الفندق .. و كملن رقادهن .. و منال من ظهرت من حجرة منصور ما شافته .. شكله ظهر قبلها وراح الحرم و صلى .. عالساعه 10 الصبح .. نشن البنات .. عدا منال .. و راحن صوب حجرة ام غايه .. و كانو الكل موجودين هناك .. و من شاف سعيد و حمد منى داخله مع خواتهم .. نشو و ظهرو من الحجره .. بس بو غايه ما ظهر ..
ام غايه : معضد .. ما بتنش عند عيالك ..؟؟؟..
بوغايه : وشعنه انش ..؟؟!!! ..
ام غايه و هي تغامزله : وشو ايلسك في نصنا ..؟؟.. نش عند عيالك ..
بو غايه و هو يفتر صوب منى الي كانت متغشيه و يالسه و تكلم امنه بصوت واطي : بنتي .. ( افترت منى صوبه ) .. انا شرات بوج .. و انتي من غلا غايه و العنود ..
منى و هي مستحيه منه .. و متأثره بكلامه وايد : تسلم عمي ..
بوغايه : يعني افداج يابنتي .. ان بغيتي شي رمسي .. و جن حد غثج قوليلي و انا بتولاه ..
راشد : لا لا .. قوليلي انا .. والله بضربه ..
غايه : عاشووو شبيبة سويحان .. خشمك خشمك ..
نش راشد و وايه غايه ..
غايه : فديييييييييييييت الريايييل انا ..

فهالوقت في الامارات .. و بالتحديد في بوظبي .

كان احمد يالس ع المكتب .. و جدامه اوراق .. و قلم احمر جاف بو نص ربيه .. و سرحان في عالم ثاني .. من بعد ما شاف نظرات غايه له فالمطار .. حس باحساس ثاني .. حس بعيونها تجذبه لمكان .. مكان بعيد .. ارتجف جسمه و هو يتخيلها تظحكله .. عذبتني بذيج العيون .. غمض اعيونه .. ثواني .. آاااااااااااااااااااااه ..
فهاللحظه .. دش واحد من المسؤولين عليهم فالمكتب .. و ما انتبهله احمد .. و تم يشخبط بالقلم ع الاوراق الي جدامه .. راح واحد من الشباب .. و فر غطاة قلم ع احمد .. بس احمد ما انتبهله .. تحرك المسؤول صوب احمد .. الي كان في عالم متربعه فيه صورة اعيون غايه ..
فجأه .. دق المسؤول بايده عالطاوله جدام احمد .. فز احمد واقف ..
المسؤول و هو يشوف شخابيط احمد ع الورق : انت شو تسوي ..؟؟؟!!! ..
احمد و هو مرتبك : اكتب التقارير سيدي ..
المسؤول و هو يشل الورقه : اللحين هالشخابيط تقارير ..؟؟؟!؟!!!..
سكت احمد و نزل راسه ..
المسؤول : بالسبت بتسلم التقارير .. و جنهن مثل هالتقرير .. اخيرلك تعيدهن من اول و يديد ..
احمد : انشالله سيدي ..
و طلع المسؤول عنهم ..
احمد و هو معصب من الشباب : شعنه ما اشرتولي من ريتوه دخل ..؟؟؟..
خليفه : عنبوه .. فرينا عليك القلم و لا حسيت ..
احمد : و الله !!..
نش سلطان صوب احمد ..
سلطان : بوشهاب .. رب ما شر ؟؟؟!!..
احمد و هو ييلس : ما من شر ..
وقف سلطان عدال احمد .. و شاف الشخابيط .. و طاحت اعيونه .. على اسمه " غايه " مكتوب ..
سلطان : هههههههههههههههههههههه .. عاشووووو .. شو هذا ..؟؟؟..
احمد و هو مستغرب : شو ؟؟!!!..
دق سلطان بيده عالورقه الي محطوطه عالمكتب .. و ع اسم غايه بالتحديد .. فذيج اللحظه بس انتبه احمد انه كان يكتب اسم غايه ..
احمد بصوت واطي : سلطااان .. الشيييييييه سكت ..
و من شاف سلطان احمد يتكلم بهالطريقه و بهالاسلوب .. سكت عنه .. و تم واقف شوي .. يتريى احمد يقوله أي شي .. بس احمد سكت و لا تكلم .. نش عنه سلطان و خلاه برووحه ..
تم احمد يكتب .. و هو في عالم ثاني .. يابله الفراش كوب نسكافيه و حطه عداله .. و احمد مب حاسبه .. يالس و يكتب .. و الشباب مرتبشين يسولفون فالمكتب .. من بعد ما خلص .. لقى نفسه كاتب قصيده .. حط القلم عدال كوب النسكافيه .. و قرى بعيونه هالقصيده الي كتبها ..

حبيبتي بردان واحس بـــــي رجفـــــه .. مدري بها الدنيا تلف والا بـــي دوره
شفتج .. ونبضي زاد كن بي خطفـــه .. مدري ذهلت بكوكبج والاّ بحضــــوره
كني بشاعر مبتدي خان به حرفــــــه .. ضاع.. ارتبك ما بين حرفه وجمهــوره
والا مثل طالب غفى نام في صفــه .. فـــره ربيعــه وانـتـبــه ع الطباشـــوره
مسكين ما يدري الدرس طوّفه نصفه .. وفجأة المدرس طالبه يوضّح الصـوره
اتوهق المسكين .. تقول به هفــــــه .. والدنيا في عـيـنـه غـدت كلْها صـبّـوره
بس انتي يا غــايــه بعيني مختلفــــه .. أظلمج لا ني قـلـت حلوه وقمـّـــــوره
يضيع حرفي لا بدا للشعر وصفه .. يا كيف اوصف موطن ٍ تايه بنــــــوره
تلميذ انا بوصفج من دون اي كلفه .. انتي بعرفي احلــى أبلـــــه ودكـتـوره
همسج شعر يتاغم بداخلي عزفـه .. يجـلـي هـمـوم ويـجـلـــب لقلبي سروره
أثر الحلا في جانبج يا غلا نـتـفــــه .. مزيونةٍ بالحيل حلـــوه وشطـــــوره
هذي بداية موعــدي بقصــة الرجفه .. حسنج ذهلني وارتجف قلبي بشعوره

استغرب .. من شاف اسم غايه فالقصيده .. معقوله هالبنت أثرت فيني بهالطريقه .. !!!.. من شفتها و انا اهاذيبها في ليلي و نهاري ..!!.. يا الله ... شل احمد الورقه و ربعها و حطها في مخباه .. شل كوب النسكافيه و شربه ..
احمد : الله يغربل هالهنيدي ..
خليفه : شو بلاك ..؟؟؟..
احمد : شو هالنسكافيه الي يايبنه .. عنلالاته ..
سلطان : الا مسكت .. مافيه حيله ..
احمد : يعله ورثك .. ما يتشاهد ..
خليفه : لازم ما يتشاهد .. جنه من ساعه عدالك .. اكيد برد و صخ ..
سلطان : .. لا .. ريت ذبابه اطيح فيه ..
احمد و هو ينش : الله يلوع بجبدك ..
سلطان : ههههههههههههههههههههههههه هه .. العاشق الولهان ..
احمد : لا حول ..
سلطان : ههههههههههههههههه ..
نش عنهم احمد و ظهر من المكتب ..

فالوقت في مكه ..

كانت الساعه 11:23 الضحى يوم نشت منال .. و لا لقت حد فالحجره .. نشت و تسبحت و من عقب اتصلت بمنصور خوها ..
و فهالوقت كان منصور توه ظاهر من الفندق و عنده سعيد..
منصور : هلا منال ..
منال : اهليييين .. منصور انت وين ..؟؟؟.
منصور : تحت ..
منال : انا توني قايمه .. و ما ريت حد ..
منصور : لا البنات راحن السوق ..
منال : و الله ؟؟..
منصور : هيه من الساعه 11 رايحات ..
منال : خلاص .. انا بتم فالفندق ..
منصور : لا خلاص انا برجع و بيلس عندج ..
منال : لا منصور .. دام انك طالع لحايه .. قضي حايتك .. انا مب مشكله ..
سعيد : خلها تي عندنا .. و بنوديها صوب الحرمات ..
منصور : اوكي منال .. شرايج تين معانا و بنوديج عند البنات ؟؟..
منال : اوكي .. دقيقه بس بلبس ..
منصور : اوكي .. و انا بترياج برى غرفتج ..
و راح منصور لمنال و ترياها عند الباب .. و من عقب نزلو تحت .. و كان سعيد يترياهم ..
منال و هي منزله راسها و كانت منقبه : السلام عليكم ..
سعيد : و عليكم السلام و الرحمه ..
و مشو .. و اتصل سعيد بأمه .. و كانو فالابراج .. و كانن عند العامودي يتشرن قطع .. الا غايه كانت فوق هي و راشد ولد خوها و بوها .. تتشرى عطور من اريج ..
وصلو سعيد و منصور و منال .. و كانت ام غايه و ام العنود و ميثه يتشرن قطع .. و العنود و منى يالسات يترينهن يخلصن .. و من شافت منى منصور راحتله ..
منى : منصور .. منصور .. خلنا نرووح فوق ..
منال : وين تبين تروحين ..؟؟؟..
منى : الطابق الثاني فوق ..
و سعيد واقف عدالهم و يسمعها .. و تذكر شكل منى و هي تشل النعال و تربع من الميلس .. جان يظحك .. فهاللحظه .. رفعت منى عيونها .. و شافت سعيد و هو يضحك .. تذكرت شكله و هم فالميالس .. استحت منى و نزلت راسها ..
ام غايه : سعيد فيديتك .. انا و امك و ميثه بنرد نعابل الغدا .. و انت ماوصيك ع خواتك ..
سعيد : امره فالج طيب عمتيه ..
ام غايه : فالك ما يخيب الغالي ..
و رجعو الفندق .. و تمت منال عند منصور و منى .. و العنود نشت معاهم و راحو فوق .. و كانن يبن يدشن عند حناين .. فتم منصور و سعيد برى .. بعدها بشوي .. طلعت منى ..
منى : منصور .. خلنا نروح لاريج ..
منصور : شو ما عيبج شي عندهم ..
منى و هي تهز جتفها : لا .. مب حلو شغلهم ..
سعيد و هو يأشر صوب الحلوه : اوكي في محل ثاني جنج تبين تروحيله .. الحلوه ..
منى و هي مستحيه : .. لا شكرا ..
منصور : خلاص عيل .. تعالي بنروح لاريج ..
و راحو و تم سعيد يتريا منال و العنود .. دخلو المحل .. و كان راشد يلعب بواحد من العطور .. و من شافهم ..
راشد : مرحبا بالحلوين ..
منى و هي تضحكله : هلا و الله ..
و راح راشد صوبها .. و منصور مستغرب ..
منصور : و سويتيلج معجبين ..
راشد : تعرف .. انا لو كبير شويه .. كنت باخذها ..
منى و هي تلوي ع راشد و تضحك : هههههههههههههههههههههه .. فديتك ..
منصور : هههههههههههههههههههههه .. ليش انت كم عمرك اللحين ..
راشد : انا !! .. انا ريال .. عمري 8 سنين ..
منصور : عادي منايه .. انتي اكبر عنه ب 12 سنه بس .. ما يضر ..
و ان بو غايه ياي صوبهم .. و غايه بعدها تتنقى فالعطور .. و من شافها منصور .. وقف قلبه .. فديت هالعرضه ..
بوغايه : رشوووود .. نش عند عمتك ..
راشد : لا انا ريال .. لا تقولي رشود ..
منصور : و شيخ الرياييل بوسنيده ..
فهاللحظه افترت غايه .. و شافت بوها و راشد و هم واقفين عند منى و منصور .. منصور ! .. استغربت شكله .. كان لابس كندوره بيج و سفره حمرى و طاونها .. و موخي براسه و يرمس راشد .. ماقدرت غايه اتشل عينها من عليه .. هو مب حلو .. بس ليش شكله يتغير من يظحك !!؟؟!! ..

فهالوقت كانت منال و غايه توهن ظاهرات من المحل .. و لقن سعيد يترياهن .. و من شافهن سعيد .. شل كيسة العنود ..
سعيد و هو يرمس منال : الشيخه .. و مد ايده كأنه يقولها هاتيها ..
منال : لا عادي ..
سعيد : لا و الله تيبينها ..
منال : لا و الله .. عادي مب ثقيله ..
سعيد و هو يمد ايده : لا و الله ما تشلينها ..
و عن حلفته عطته منال الكيسه ..
سعيد : قوم منصور .. راحو صوب اريج .. شو بتروحن اريج و الا بتروحن مكان ثاني ..؟؟..
العنود : لا مافيني ..
منال : لو نرجع الفندق احسن .. شوي و بيذن الظهر ..
سكت سعيد من سمع كلامها .. ماشالله عليها ..
و رجعو الفندق ..
و في اريج .. افترت غايه عن منصور .. هالريال فيه شي غريب .. حليله .. الله يساعده .. و تمت تشتري .. يتها منى و تمت تشتري عندها .. و بوغايه رد الفندق هو و راشد .. و لا قالو لغايه ..
راح منصور و وقف عدال منى ..
غايه و هي تأشر بواحد من العطور صوب منى : منايه شوفي هالعطر حلو ..؟؟؟..
منصور : لا مب حلو .. ريحته شوي قويه ..
انصدمت غايه من تعليقه .. افترت منى صوب منصور .. مستغربه كلامه .. مب من عادت منصور انه يعلق على شي بيشترنه و هن خاواته .. فكيف يعلق ع غايه !!!!!!!!!! ..
انتبه منصور لصدمت غايه و منى ..
منصور و هو يضحك : هههههههه و الله صدق .. مب حلوه ريحته هالعطر ..
ما علقت عليه غايه و تمت ساكته .. و تمت تشوف باجي العطور .. و منصور ما شل عيونه من على ايدين غايه .. كانت اديها بيضى و شوي مليانه .. مع انه ما يشوف الا صبوعها و ظهر كفها .. بس ما قدر انه يرفع عينه من على اديها ..
غايه و هي تفتر فالمحل ادور بوها ..
غايه : منايه .. ماريتي بويه و راشد ..؟؟؟..
من قالت غايه بويه .. استغرب منصور .. بوها !! ..
منى : مادري .. منصور وين عمي معضد ..؟؟؟!!! ..
منصور و هو بعده مب مستوعب : راح ..
غايه و هي ترفع عينها ع منصور : وين راح ؟؟!! ..
و من شاف منصور عيونها سكت ..
منصور بصوت مبحوح : .. راح .. احم احم .. ( و نزل راسه مب مستحمل شوفتها زود ) ..راح الفندق ..
غايه : لا و الله ؟؟.. و منو اذن له .؟؟؟..
منى : غايوه خافي ربج فعمي كنج من ساعه و انتي تتشرين ..
و من سمع منصور منى و هي تزقرها غايه .. صخ الريال ..
منصور و هو مب حاس بعمره و يأشر ع غايه : انتي مب العنود ؟؟!!!!!!!!؟؟..
غايه و هي مستغربه سؤاله : .. شوو ..؟؟..
منصور : السموحه .. بس انتي مب خت سعيد .. ؟؟؟؟
غايه و هي تفتر عنه : لا مب خته ..
سكت منصور و لا تكلم .. مع ان حركتها و هي اترد عليه و تفتر بويها الطرف الثاني جرحته .. لعدم اهتمامها .. بس مب مهم .. الاهم انها مب العنود .. يعني مب خطيبة مطر .. يعني مب مرتبطه ..
تمو عشر دقايق .. و يوم قدهم بيدفعون الحساب ..
منصور و هو يرمس الحساب : حط هذيل في كيسه و هذيل في كيسه .. بس الحساب واحد ..
غايه : لا مشكور الشيخ .. انا بدفع عن قشاري ..
منصور : لا و الله ما تدفعين ..
غايه و هي تفتر صوب الحساب : احسب هذيل بروحهم ..
منصور : الشيخه .. انا حلفت ..
غايه : السموحه منك الشيخ .. الا حلفتك مب عليـّه ..
صخ منصور من ردها .. و عصب .. هي شو تتحسب عمرها ..؟؟.. و تم ساكت و دفع عن عطورت منى .. و منى اول مره تشوف منصور معصب بهالطريقه .. و غايه .. جنها ما قالت شي .. و من عقب .. ظهرو من المحل و راحو صوب الفندق .. و كانت غرفة منصور قبل غرفهن .. من وصل منصور عند غرفته .. عطى منى كيستها .. و دخل حجرته .. و غايه مب مهتمه .. و منصور ذبحه بروود غايه .. يعني فاللحظه الي الله عطاني فيها الامل .. و عايش ذيج الفرحه .. تخربها هالياهل .. عنلاتها .. و دخل حجرته .. و رقع بالباب .. افترت منى و مستغربه من حركات منصور .. و غايه افترت صوب الباب الي انرقع ..
غايه : يالزمه ..
منى : غريبه .. اول مره منصور يعصب بهالطريقه .. !!!..
غايه و هي بعدها تمشي : مستبطر ..
منى : شوووو ..؟؟؟؟.. غايوه ما اسمحلج كله و لا منصور ..
غايه : و انا ثرني شو قلت ؟؟...
منى : مادري .. بس قلتي كلمه ما اعرفها .. و احسها سبه ..
غايه : ههههههههههههههههههههههههه ههه ..
فهاللحظه كان حمد خو غايه ظاهر من غرفة امهاتهم .. و شاف غايه و منى يايات صوب حجرتهن بروحن ..
حمد : غايه ..
غايه : لبيه ..
حمد و هو معصب : وين كنتي ..؟؟..
و منى مستغربه من لهجته و اسلوبه .. و خايفه ..
غايه : كنا فالسوق ..
حمد : لا و الله ..؟؟؟.. و برووسكن رايحات السوق ..
غايه : لا .. كنا عند قوم امايه و بويه ..
حمد : امج و بوج من ساعه فالفندق .. وين كنتي ..؟؟؟..
غايه : تراهم رجعو .. و تمينا انا و منى فالسوق ..
حمد : لا و الله .. قاطع قلبج السوق ؟؟!! ..
غايه : حمد شو فيك ..؟؟؟..
حمد و هو معصب : شو شوفيك ؟؟.. عايبنج شكلكن و انتن يايات بروسكن من السوق ؟؟..
منى : لا .. منصور كان عندنا ..
حمد و هو مستغرب : منصور ..!!!..
منى : هيه و الله ..( و جان تفتر صوب باب حجرة منصور ) .. حتى توه داخل الغرفه ..
سكت حمد و طالع غايه ..
حمد : منصور .. ما عليه يا بنت معضد .. نتفاهم عقب ..
و راح حمد صوب حجرتهم .. و غايه و منى دخلن حجرتهن و حطن الاكياس و لقن العنود منسدحه ع الشبريه و تلعب بشعرها ..
غايه : تفاقدو .. سبلالالان ..
منى : غايه خلاص ..
غايه : لا مب خلاص .. واحد مادري بلاه .. تغيض و رقع بالباب .. و الثاني يتهزبنا فالممر .. عنلاتهم ..
منى : انا اول مره اشوف هالتصرف من منصور .. اكيد فيه شي ..
غايه : تعرفين شو فيهم ..؟؟.. سبلان و انعطو ويه ..
سكتت منى .. و ماقدرت انها تكلمها .. شكله الجو متكهرب اليوم ..
العنود : غايوه .. مطر ما اتصلبج ..؟؟..
غايه بنقمه : شوووو ؟؟..
العنود : مطور ما اتصل ..؟؟..
غايه : و الله انج متفيجه و ما عندج سالفه ..
جان يأذن الظهر .. و نشن البنات و تمسحن و راحن صوب حجرة امهاتهن عشان يروحن الحرم و يصلن .. و من عقب الصلاه ردو الفندق .. و كانت ميثه و ام غايه طابخات الغدا فالفندق في جدورة كهربه .. و من عقب ما خلص الغدى غرفن صحن لرياييل و صحن الهم .. و صحن ثالث ..
ام غايه و هي تعطي يمعه و معضد الصحن الثالث : فديتك يمعه .. مسكه زين .. و وده صوب الغرفه الي عدال غرفة يدك ..
يمعه : انشالله يدوه ..
غايه : امايه ع منو شاله غدا ..؟؟..
ام غايه : صوب حرمات من زاخر .. حافظ عليهن ..
العنود : عموه .. كيف عرفتيهن ..؟؟؟..
ام غايه : ريتهن فاللفت ( المصعد ) ..

و من عقب الغدا .. كان عالبنات غسيل الوعايين .. و تمن يغسلن و من عقب ما خلصن راحن حجرهن و نامن اللين صلاة العصر ..

في نفس اليوم فليل .. اتصل مطر ب بوه ..
مطر : هاه الشيبه هباتك ..؟؟؟..
بو غايه : من فارجتكم و انا بخير ..
مطر : هههههههههههههه .. افاا ..
بوغايه : علومك انت ..؟؟؟..
مطر : ماعندي اعلوم ..
بوغايه : وصلت سويحان ..؟؟؟..
مطر : لاه ..
بوغايه : ما عندك علم بيدك ربه الا بخير ..؟؟..
مطر : مادريبه .. امس ارمس احمد يقولي بخير ..
بوغايه : ثره احمد وصل عمته ..؟؟؟..
مطر : مادريبه .. وين عيوزي عنك ..؟؟؟..
بوغايه : أي وحده منهن ..؟؟؟..
مطر : شيخة العيايز .. يعني افدى برقعها ..
بوغايه : لا من طريت البراقع .. واقع تبى عيوزك العوده ..
ام غايه : انا عيوز يالشيبه الهايم ..؟؟؟!!!! ..
مطر : فديت هالصوت .. عطني اياها ..
و شلت ام غايه التيلفون من ريلها و رمست مطر ..
مطر : افا .. افا ..
ام غايه : مرحبا السااع .. مرحبا السااع ..
مطر : اللحين مرحبا الساع .. امره ما تتنشدين عني .. و لا جني ولدج .. افا يالعيوز ..
ام غايه : و الله انك غالي .. و تسوى عيوني .. الا من تقول العيوز ..خربت ..
مطر : ههههههههههههههههههههههههه ههههههه .. فديتج .. انتي شيخة العيايز ..
ام غايه : يعني فدى رووحك ..
مطر : شوقة معضد ..
ام غايه : يالبيه ..
مطر : ترى باجر عشايه عندكم ..
ام غايه : صدق .؟؟..
مطر : هيه و الله صدق ..
ام غايه : يعله في ذمتك ..؟؟؟؟..
مطر : حشى .. مية يمين .. فذمت بن عروه ..
ام غايه : دريتبك ما بتي ..
مطر : لا و الله .. باجر انشالله جن ربي قدرني عشايه عندكم ..
ام غايه : مرحبا السااااع ..
و من سكرت عنه .. انتشر عند الكل ان مطر بيكون باجر عندهم .. و اخر من درى .. العنود ..
و من قالتلها غايه ..
العنود : حلفي ..؟؟؟..
غايه : و الله ..
العنود : آااااه .. فديت رووحه .. يالله من كثر ما افكر فيه ربي ساقه لي ..
منى : عشان ربي يرحمنا من حنتج علينا بهالمطر هذا ..
العنود و هي تيلس متربعه ع الشبريه : آااااااااااااااااااه ... فديت بوغيث ..
فهاللحظه .. خطر احمد عبال غايه .. يالله معقوله احمد ايي مع مطر .. هم دوم مع بعض و ما قد تفارقو .. يالله يارب اتسوقلي احمد .. يالله يارب .. يالله يارب ..

===================
الجزء التاسع ..


*** ساكن بعيني خيالك وانت ما تدري .. اني بحـبك اســابق فـيك امالك .. ليت اقدر اوضّح لك بعض امـري .. وارسل حروفي باسـم الحب تهجالك .. يا ليت عينك بصدفه تنظر بشعري .. والا خـيالي يمر في يوم ٍعلى بالك***


فهالليله .. لا غايه و لا العنود قدرن ينامن ..
غايه : عنوده .. نمتي ..؟؟؟..
العنود و هي تفتر صوب غايه : لا .. و انتي ..؟؟؟..
غايه و هي تنسدح على ظهرها : ماياني رقاد ..
العنود : و لا انا ..
افترت غايه صوب منى و منال و لقتهن نايمات : يا حظهن .. نايمات ..
العنود : آاااااه .. ماقالكم مطر متى بيي ..؟؟..
غايه و هي تفتر صوبها : ظنج احمد بي فياه ؟؟..
العنود : غلامين دوم مع بعض .. فأتوقع هيه ..
غايه : يالله يالعنود .. احس عمري بموت .. آاااه .. فديته ..
العنود : غايوه .. عيب عليج .. لا تتفدينه و هو غريب عليج ..
غايه : حرام عليج .. حتى التفدي تبين تحرميني منه ..
العنود : يالله يا غايوووه .. تصدقين اشتقت لمطر ..
فهاللحظه خطر منصور عبال غايه : فقدته ..
العنود : شوووو ؟؟.. يعني بلاج .. شعندج ع مطر ..؟؟!!!..
غايه : لا فديت روحه .. انا اقصد ( و جان تفتر صوب قوم منى .. و قالت بصوت واطي ) .. اقصد منصور ..
نشت العنود و يلست ع الشبريه : .. شو بلاه ..؟؟؟
غايه : عنوده .. نشي لبسي شيلتج بنظهر ..
العنود : شوووو ..؟؟؟.. وين نظهر ..؟؟؟؟!!!!!!..
غايه : ظايجه من الحجره .. نشي بنيلس برى ..
العنود : غايوه .. الساعه 1 اللحين ..
غايه : شوي .. بنيلس عند باب الحجره و بنخلي الباب مفتووح .. دخيييلج ..
العنود : حطي الرحمن في صدرج و استريحي .. يسد هزاب حمد اليوم ..
غايه و هي تنش : اووووه .. برايج انا بنش بروحي .. و نشت غايه .. و كانت فاتحه شعرها .. لبست شيلتها و تحجبت ..
العنود : غايوه .. صاحيه انتي .. عيني خير ..
غايه : نشي ..
العنود : بيهزبونا ..
غايه : محد بيعرف .. بنيلس شوي و بنرد ندخل .. و بنخلي باب الحجره مفتوح ..
العنود و هي تنش من ع الشبريه : عنلالالاتج .. ادريبج ناويه ع قصابنا ..
نشت العنود و لبست شيلتها .. و دخلت شعرها تحت الكندوره .. و فتحن الباب .. و طلعت غايه .. و العنود تمت توايج من ورى الباب اتشوف اذا حد فالممر ..
غايه : يالزيغه ! .. ظهري ما يرزى عليج ..
العنود : و لو ظهر حمد و شافنا ..
غايه : الله يحشرج .. و راحت غايه و يلست ع طرف عدال الباب ..
العنود : حشى .. اتقولين شحاته ..
غايه : تحيدين عمرج يالسباله ..
العنود و هي واقفه فوق راس غايه : اقولج .. لا تحبين ريلي .. يا بنت الحلال لا تحبين ريلي .. خلاص بيلس ..
غايه بنقمه : انا احب ريلج انتي ؟؟!!! .. بتبطين .
العنود و هي تيلس عدال غايه: هههههههههههههههه ..
غايه و هي اتشوف باب حجرة منصور : سبال .. و الله منقهره من تصرفاته ..
العنود : منو ؟؟.. حمد ؟؟؟..
غايه : لا هذا منصور .. امره مصدق عمره .. اوين حلفت .. انزين و العافيه ..
العنود : حرام عليج .. و الله انه ريال محترم و لا قد رفع عينه حتى ..
غايه و هي تفتر صوب العنود : عنيدى .. تعرفين انه تخبرني .. قالي انتي مب العنود ؟؟.. ( و هي تقلد طريقة كلامه )..
العنود و هي مستغربه : حلفي ؟؟؟!!! ..
غايه : و الله .. ايه سودا الويه شو من بينكم .. ؟؟؟؟..
العنود : بن عروه .. مابيني و بينه شي .. حي .. شو من بيننا بعد ..
غايه : عنلاتج .. عيل شعنه تخبرني عنج ؟؟؟..
العنود : شدراني به ..
غايه : ما عليه بخبر مطر باجر ..
العنود : لا حرام عليج .. ايه غايوووه حرام عليج ..
غايه و هي تنزل راسها : حبيني ع راسي ..
العنود : بتبطين ..
غايه : هههههههههههههههههههههه .. عنلاتج ..
فهاللحظه .. خطفن حرمات ..
الحرمه : السلام عليكم ..
العنود و غايه : و عليكم السلام ..
و خطفن الحرمات عنهن ..
العنود : حشى .. وين رايحات اللحين ..؟؟؟..
غايه : اكيد بينزلن الحرم يصلن ..
العنود : اووه شريتلج شيله من حناين ..
غايه : و الله ؟؟.. ما شفتها ..
العنود : ذكريني باجر ارويها لج ..
فهاللحظه .. كان واحد يمشي و في ايده شنطه .. و يطالع ع ارقام الغرف .. بس لفت نظره هالبنتين الي يالسات فالممر عدال باب حجره مفتوح .. و العنود و غايه يالسات يسولفن و لا انتبهن له .. وقف الريال و نزل الشنطه من ايده و تم يطالعهن .. مع ان ملامحهن مب واضحه .. بس كان يشوف شكلهن .. فهاللحظه ظحكت وحده منهن بصوت شوي عالي .. ف ضربتها الثانيه و سمعها تقول : بس فضحينا .. عنلاتج بينشون بسبتج .. جان تحط البنت ايدها ع ثمها و تمت تظحك .. و الريال فاج ثمه و يشوفهن .. ما عرف منو منهن احلا من الثانيه .. بس وحده شوي ضعيفه و الثانيه جسمها شوي مليان .. فهاللحظه افترت غايه صوب الريال .. و شافها و شافته .. جان يبتسم .. صخت غايه من شافته .. و ارتبشت ادور طرف الشيله عشان تتغشى .. و كانت العنود يالسه ع طرف شيلة غايه ..
غايه و هي تمط الشيله من تحت العنود : ايه ظكي ..
العنود و هي تسحب شيلة غايه من تحتها : شعندج ..؟؟؟..
غايه و هي تتغشى : ريال جدامج من اصبح يشوفنا ...
جان تفتر العنود لريال الي واقف و يطالعهن و مبتسم ..
العنود و هي تتغشى : فقته و يظحك بعد السبال ..
ظحك الريال و نزل راسه و شل الشنطه و تم يطالع على ارقام الغرف .. و غايه و العنود متغشيات و يطالعنه ..
العنود : حلو نعاله .. اظني من انطونيو ..
غايه و هي ترفع طرف غشوتها عشان اتشوف النعال : لا .. اظني من باشيوتي ..
فهاللحظه وقف الريال جدام حجره .. و هالحجره كانت حجرة منصور .. ثواني و جان يفتر صوب قوم غايه .. و جان يمشي صوبهن ..
العنود و هي تمسك صبع ريل غايه اليمين .. و هن يالسات و متربعات : غايووه لحقي .. يسير صوبنا ..
غايه : ايييه فجي ريلي بشرد ..
العنود و هي تفتر صوب غايه بزيغه : شوووو ..؟؟.. عنلاتج ..
و جان تنش العنود و تربع صوب الباب .. بس غايه .. ما قدرت انها تنش و تربع لانها فاتحه شعرها .. و الشيله مب ساترتنه .. و طالع من تحتها .. نشت غايه و صلبت عمرها .. فهاللحظه كان الريال قريب من غايه ..
الريال و هو يبتسم : السلام عليكم ..
غايه و هي تحاول بايدها اليمين تلم شعرها و تمسكه كله بحيث ما يشوفه و هي تفتر : و عليكم السلام ..
انتبه الريال لايد غايه .. و كان يشوفها و هي تلم اطراف شعرها .. ماشالله مب طول عليه ..
الريال : هذي غرفه 205 ؟؟..
غايه : هيه نعم ..
الريال : و انتي شو تسوين فيها ..؟؟..
غايه بنقمه : شوووووو ..؟؟؟!!! ..
الريال و هو بعده يبتسم : شو تسوين انتي و ربيعتج فالحجره ..؟؟؟..
غايه و هي اتفج شعرها و اتحط ايديها في خاصرتها : و انت شو يخصك ..؟؟؟..
فاللحظه الي فتحت فيها غايه شعرها من بعد ما كانت لاميتنه .. انفتح شعرها .. و طلعت خصله منه .. و كانت فوق ركبتها بشوي .. كأنها حاظنه طرف غايه .. ما قدر الريال يرفع عينه عن هالخصله الي يشوفها ..
غايه : انت شو مشكلتك ..؟؟؟..
الريال و هو بعده مبتسم : هاي الغرفه باسم منصور سيف..
غايه : حي .. منو منصور سيف هذا بعد ..؟؟؟!!!..
و العنود راده الباب و مندسه وراه و تسمعهم ..
العنود بصوت واطي : يالفضايح ..
الريال : هالغرفه باسم منو ..؟؟؟..
غايه : .. مادري .. بس اظني باسم بويه ..
الريال و هو يهز راسه : لا الشيخه هالغرفه باسم منصور ..
العنود من ورى الباب : غايوووه اظني عاني منصور ربيع سعيد ..
جان يفتر الريال صوب العنود الي ما كانت ظاهره .. بس سمعو صوتها و هي ترمس من ورى الباب ..
غايه و هي معصبه : انتي جب ..( و جان تفتر صوب الريال ).. و انت شولك خص هي غرفة منو ؟؟.. وش حايتك فالغرفه .. قلن الغرف ..؟؟!!..
الريال و هو يظحك : ههههههههههههههههههههههههه هه .. لا ما قلن ..
غايه و هي تفتر عنه بتدخل الحجره : عيل فارج ..
افترت غايه و لا انتبهت لشعرها من غيضها ع هالريال الي واقف جدامها .. و من شافها و هي تفتر صوب الباب و شعرها من وراها .. ثواني بس .. صخ الريال و هو يشوف مقفاها و هي تمشي .. و من دخلت غايه رقعت بالباب .. جان تفز منال ..
منال : شووو ..؟؟.. شو بلاكن ..؟؟؟..
غايه و هي تهزب العنود : عنلاتج .. خليتيني بروحي عند الريال و ربعتي ..
العنود : زغت منه ..
منال : شوفيكن ..؟؟..
غايه : ماشي .. وانتي دواج عندي .. خليه مطر يظوي ..
العنود : اييييه انا شولي خص ..؟؟..
غايه و هي تعق شيلتها و تنسدح ع الشبريه : .. ماشي ..
و سكتت و تلحفت .. و نامن .. ع الساعه 4:10 دقت عليهن ميثه عشان ينشن لصلاه .. و نشن البنات و تمسحن .. و ظهرن و كانت ام غايه الي تترياهن .. و من عقب نزلن الحرم و صلن .. و من عقب صلاة الصبح .. ردن البنات الفندق و نامن .. و عالساعه 10:30 نشت منى .. و كانن البنات بعدهن نايمات ... راحت و تسبحت و من ظهرت من الحمام لقت العنود واعيه ..
منى : صباح الخير ..
العنود : صباح النور .. متى نشيتي ..؟؟؟..
منى : من شوي ..
نشت العنود و راحت الحمام .. و من عقب ظهرت .. و يلسن شوي اللين ما سحت منى شعرها ..
العنود و هي اتشوف منى و هي اتسحي شعرها : يا حظج ..
منى : ع الشو ..؟؟؟..
العنود : شعرج ..
منى : شعريه ؟؟ !!! ..
العنود : هيه .. قصير .. ما تتلعوزين به ..
منى : هههههههههههههههههه .. من هالناحيه صح .. بس خواني مب عايبنهم كونه قصير .. يعني منال شعرها اطول عن شعري .. يوصل اللين نهاية ظهرها .. و خواني ميتين عليه .. عيل لو شافو شعرج و الا شعر غايه ماشالله .. بيموتون .. هههههههههههههههههههه ..
العنود : افففففففففففففف .. انا اكره الشعر الطويل .. صح شعورتنا طويله بس مب برغبتنا .. بويه الله يرحمه .. كان حالف علينا انا و خواتي ما نقص شعورتنا .. و الا انا ابغض الشعر الطويل .. لعوزه ..
منى : صدقج .. انا ما احب الشعر الطويل .. التعامل مع الشعر القصير اسهل .. و اريح ..
و من بعد ما خلصن البنات نشن و تلبسن شيلهن و تغشن و ظهرن صوب حجرة اماتهن .. و لقنهن حاطات حرارات الريووق ..
و تمن يالسات عندهن .. بس بعدين نشت ام غايه و ام العنود و راحن الجمعيه مع سعيد و يمعه و راشد .. و بو غايه و حمد راحو و لا حد يدريبهم وين راحو .. و تمن امنه و ميثه و العنود و منى و معضد يالسين في حجرة الحرمات و يسولفن ..
فهالوقت نشت منال على رنة تيلفونها .. بس اللين ما نشت كان وقف .. نشت و شافت الرقم .. و كان منصور خوها .. نشت منال و دخلت الحمام بتتسبح .. و كانت غايه بعدها نايمه .. شوي و سمعت حد يدق عالباب .. بس غايه ما نشت .. بس الدق استمر ..
غايه و هي تفر المخده : عنيييييييييييدى و الله بضربج .. و نشت غايه و هي مب لابسه شيله و المخده في ايدها .. و فتحت الباب .. و بدون ما تشوف منو جدامها فرت المخده ..
غايه : فااارجي اريد انام ..
و افترت عنها و ردت صوب الحجره .. بس العنود ما دخلت ..
غايه : عنيدى دخلي و سكري الباب ..
... : بس انا مب عنيدى ..
فزت غايه من يلستها .. ريااااااااااااااااااااال ؟؟!!!!!!...
شوي و ان منال ظاهره من الحمام الي كان بابه يفتح ع الممر الي يودي صوب الحجره .. و من انتبهت غايه ان منال ظاهره من الحمام .. و باب الحجره مفتوح و في ريال برى ..
غايه بزيغه : منال لا تطلعيييين ريال ..
و منال توها فاتحه الباب و ما سمعت الا كلمة ريال : افترت بعينها على باب الحجره المفتوح ..
منال : ليش الباب مفتوح ..؟؟؟..
وما كان في حد عند الباب .. فجأه حد فر المخده على منال ..
منال : ايييييه ... شو هذا ..؟؟؟..
فجأه طاحت عينها ع واحد واقف عند باب الحجره ..
منال بفرحه : حمووووووووود فديت روووحك ..
حامد و هو يظحك : ههههههههههههههههههههه ... لا تطلعين برى ..
منال : فديييييييييييييتك .. دخل .. اوووه لا لا تدخل في بنات فالغرفه ..
و غايه تسمع كلامهم و لا هب فاهمه شي ..
حامد : انزين بدخل هني فهالممر .. ما بدخل الغرفه ..
و دخل حامد ف ممر الغرفه .. اول الممر و كان ظهره للباب من بعد ما سكره.. و من مكانه ما يقدر انه يشوف الي فالحجره .. لانه ممره يفتح فيه باب الحمام و بعدها مسافه و من بعدها يوصلون للحجره ..
منال : متى ييت ..؟؟؟..
حامد : اليوم الصبح ..
منال : اها ..
حامد : وين منى ..؟؟؟.
منال : مادري توني قايمه .. اعتقد فالغرفه الثانيه ..
حامد : اها ... اوكي انا بطلع اللحين و من تخلصين تعاليني في حجرة منصور ..
منال : انشالله ..
و ظهر حامد عنها .. رجعت منال الحجره .. و لقت غايه يالسه ع الشبريه ..
غايه : منو هذا ..؟؟؟..
منال و هي فرحانه : فديته .. هذا حامد خويه ..
غايه : منال فريته ..
منال و هي مستغربه : شوووو ..؟؟؟..
غايه : مادري كنت اتحسبها عنوده .. فتحت الباب و فريتها بالمخده و رجعت و انسدحت ..
منال : ههههههههههههههههههههههههه هه .. وانا اقول من وين ياب المخده و فرني بها ..
غايه بخوف : ياويلي لا يكون شافني و انا ظاهرتله بكشتيه .. ( و ربعت و شافت شكلها فالمنظره ).. الساع فلخ الريال جنه شاف شكلي جذيه ..
منال : ههههههههههههههههههههههههه هههههههههه .. لا ما ظن شافج .. لانه ماكان واقف عند الباب .. انا لما ظهرت من الحمام ما شفته عند الباب .. شكله كان واقف ع طرف ..
غايه : انا شوفيه حظي عاثر مع خوانج .. لازم اول مره يشوفيني فيها يكون بموقف يفشل ..
منال : ليش شو استوى من بينج و بين منصور ..؟؟..
غايه : بخبرج بس لا تقوليله ..
منال و هي تيلس ع الشبريه و غايه واقفه : لا افا عليج .. سر من بيننا ..
و قالت غايه لمنال عن الموقف الي استوى بينها و بين منصور في ميالس بيت عمها .. و موقفها معاه عند السياره ..
و منال ميته من الفرحه .. لانها تعرف بهالسالفه من قبل .. بس هي فرحانه .. لان هالموقف مع غايه مب مع العنود .. يالله ..
غايه : و اللحين خوج هذا .. فريته بالمخده .. الا اله الا الله .. واحد يشوفنيه و انا مخيسه عمري بالماي من راسي لريولي .. و الثاني يشوفنيه و انا ناشه من الرقاد و كشتيه ناطره و افلخ الي ما يفلخ ..
منال : ههههههههههههههههههههههههه هههههههههه ... لا وضع حامد اهون .. مب اكيد انه شافج .. هههههههههههه .. بس منصور .. ههههههههههههههههههههههههه ههههههههههههههه .. جزاج .. عشان تتعلمين ان ناس غيرج يعيشون فهالدنيا و تسترين عمرج جدام ربج قبل الناس ..
غايه : حرام عليج .. و الله ما كان قصدي ..
منال : ادري ما كان قصدج .. بس انتي تستاثمين ع هالشي الي تسوينه ..
غايه و هي تنش بتروح الحمام : لج مني وعد .. اني احاول اتحاشى هالمواقف .. مع ان و الله العظيم و انا في بيت ربي .. عمري ما سوي موقف بيني و بين واحد و انا متعمده و الله ..
منال و هي تنش بتسحي شعرها : و انا متأكده من هالشي بدون ما تحلفين حبيبتي ..

و من عقب ما خلصن طلعن و راحن صوب امهاتهن .. بس منال طلعت و راحت صوب حجرة خوانها .. و غايه قالت لمنى الي لحقت منال صوب خوانها ..
منال : بس غريبه .. انت ما قلت انك مسافر المغرب ..؟؟؟..
حامد : كنا بنسافر .. بس عقب كنسلو الشباب .. وصلو البحرين و عيبهم الوضع فقالو بيتمون في البحرين اسبوع و من عقب بيسافرون المغرب ..
منى : و ليش رديت عنهم ..؟؟..
حامد : مادري .. بس قلت .. اييكم احسن .. و سافرت من البحرين صوبكم ..
منصور : انا اشك ان هذا هو الوضع ..
حامد : ههههههههههههههههههههه .. و الله انكم ظالميني ..
منصور : كل شي بيبان في وقته ..
حامد : انتو قولولي شو اخباركم هني ..؟؟..

و تمو يسولفون اللين ما اذن الظهر .. من اذن الاذان ردن حجرتهن و تمسحن و تلبسن عبيهن و نقاباتهن و ظهرن كلهن .. و الكل كان فالممر .. فاللحظه الي طلع فيها منصور من الحجره .. و شاف غايه و هي تتخطاه .. و الباقيات وراها .. من شافها وقف قلبه .. جان ينزل راسه و يوقف ع طرف يتريا حامد يظهر .. و من ظهر حامد .. راحو .. و ع الغدى الرياييل يلسو في حجره و كلو و الحرمات في حجره .. و من عقب ما خلصو .. ك العاده غسلن البنات الوعايين .. و راحن حجرتهن و نامن .. و حامد بما انه ما نام من وصل مكه .. فمن بعد الغدى نام .. ع الساعه 5 العصر .. وصل مطر الفندق .. و العنود مب في حاله .. مرتبشه .. منال و منى .. راحن مع منصور و حامد السوق .. و غايه و العنود راحن عند امهاتهن يترين مطر اييهن .. بس مطر ما ركب فوق .. تلقاله حمد خوه و خذ عنه الشنطه .. و ادى مطر مناسك العمره ..
و تمو يتريونه .. بس مطر ما ياهم الا من بعد الساعه 12 فليل .. و الكل مستهم عليه و اولهم حمد ..
فجأه سمعو دق عالباب .. نش يمعه و فتح الباب .. و سمعو صوت مطر ..
و نشت ام غايه تربع صوبه .. و من شافته ..
ام غايه بخوف : بسم الله عليك .. شو بلالالاك ..؟؟؟.. شو حل فيك ..؟؟..!!!! ..
و من سمعو صوت ام غايه و الخوف فيه .. خافو لا يكون مطر شي فيه .. فالكل نشو صوبه عند الباب ..
و من شافته العنود بغت تموت .. فديته شو فيه .. ؟؟!!..
مطر من شاف العنود ظحك : يا جماعة الخير مافيني الا كل عافيه ..
ام العنود : وين مافيك الا كل عافيه و انت مجبس ع ايدك ..!!!!!!!!..
مطر و هو يطالع العنود من ورى امه : شو اسوي .. مارمت عبعاد العنود .. كنت بنتحر ..
غايه : ما ترزى عليك الا عنيدى ..
مطر : جب انتي ..( و جان يفتر صوب امه ).. كنت بعق بعمري من على برج بينونه .. الا الشباب حلفو عليه .. و انا حالف لا افر بعمري .. و عن حلفتيه ..
و حمد و هو يكمل كلامه : فريت بعمرك من ع راس العرقوب للهور .. هههههههههه ..
مطر : لا .. المسافه عوده من بين راس العرقوب و الهور .. لا .. عن حلفتيه فريت بعمري من على الشبريه .. ههههههههههههههههههههه ..
و العنود اطالعه و ميته عليه .. و هو فرحااااااااااااان بشوفتها .. عنلاتها احلوت هاليومين ..
ام غايه و هي اتيلسه عدالها : فديييتك يا ولديه .. شو الي حل عليك اتفر بعمرك ..؟؟؟..

مطر و هو يشوف العنود و يأشر على ايده :

غرامه بعد قلبي كسر ايديّه .. عقوبة حب و انا بالحب مجنونه
الا وين الذي بيقضي الحيّه .. قبل مافر عمري من فوق بينونه

حمد : الله لا شلك يابوغيث ..
سعيد : لالا .. يوم هذا حالك .. الليله تملج ..
و العنود يالسه و ميته من المستحى ..
غايه : مطوور محد يى معاك ؟؟..
مطر : بن عروه ..
غايه : لا صدق ..
مطر : لا و الله محد .. احمد بغى ايي معايه الا ما رخصوه فالكليه ..
بوغايه : و انت شو حل بيدك ..؟؟..
مطر : الله يسلمك .. اقتحمنا حجره فيها بتان يايين تهريب ..
ام العنود : حزن ..!!... بتااان !!!.. يا ولديه وين ترووملهم البتان.. تخاشعهم .. ؟؟؟؟!!!..
مطر : حليلي ما خاشعت .. طحت عليهم من قبل لا ادخل الحجره حتى ..
سعيد : ههههههههههههههههههههههههه ههه افا ..
مطر : و الله .. ياخي مندسين في بقعه خامه .. و ظلمي .. و انا متحمس ..
حمد : ههههههههههههههههههههههه .. انزين ..
مطر : حافظ عليّه شال السلاح و متقدمنهم .. و المقدم يقول .. دفعة التدريب فالخلف .. و انا اقوله .. افا عليك مخاوين شما .. انا بقضي الحيـّه عنكم كلكم ..
سعيد : ههههههههههههههههههههههههه ههه ..
ام غايه : يعني فدى خشمك ..
مطر : ماشي .. من سكت .. ما سمعو الا بغمتيه ..
العنود بخوف : ليييييييش ؟؟!!!..
مطر و هو يفتر صوبها : ذكرت شكلج ..
غايه : ههههههههههههههههههههههههه ههههه .. ليش لهالدرجه شكلها يخوف ..؟؟؟!!..
و العنود اطالع غايه و الود ودها تضربها ..
مطر : لا و الله .. ما تخرب الساع بنت حمد .. آاااه .. الا ذكرت العنود .. و شلني بها الشوق .. و لا ريت الحفره جدامي .. و جان اطييح فيها ..
حمد : ههههههههههههههههههههههههه ههههههههههههههههههههههههه ههه ...
سعيد : افا ثرك رخوو ....ههههههههههههههههههههههه ههههه ..
ام غايه : سلمت يالغالي ..
مطر : حشى مب حفره .. ما تقول الا طوي ..
بوغايه : يوم سلم راسك غنيمه ..
مطر و هو يهز راسه : هيه و الله .. العيوز كنت بموووت ..
ام غايه و هي تلوي عليه : بسم الله من فالك ..
مطر : كنت بموت و انا بعدني ما عرست ..
حمد : ههههههههههههههههههههههههه ههه .. حشى ياللغثه .. انا اكبر منك ما انلغثت ع العرس شرواك .. !!..
مطر : مشكلتك .. ( و جان يفتر صوب العنود ) .. انا شالني هوى شرجي ..
ام غايه : معضد .. من انرد تيوزهم .. ماروم .. ولديه بينفد ..
بو غايه و هو ينظف المدواخ : جدامه ثنينه من خوانه ما عرسو .. لاحج ع العرس و عوار الراس .. و بنت عمه بتترياه ..
غايه : اصلا العنود قالت اللين ما تخلص دراسه ماتبى عرس ..
و كل ايدها الا مطر و ام غايه ..
مطر : لا ماشي .. انا باقلي كورس و بخلص .. لا ما بتريا .. خييييييييييييبه جنكم بتعلقوني 4 سنين بعدني ..
ام غايه : ما عليك منهم .. ان بغيت الليله بنيوزك ..
مطر: فدييييت هالمنطوق انا .. خشمج خشمج ..
و وايه امه ..
مطر : اللحين وين برقد ..؟؟..
سعيد : فحجرة منصور شبريه فاضيه ..
مطر : منو منصور ؟؟.. ماعرفه ..
سعيد : نش بنسير صوبهم ..
و نش حمد و سعيد و مطر صوب قوم منصور .. و ظهرن العنود و غايه معاهم عشان يرووحن حجرتهن و ينامن .. و من وصلن حجرتهن ..
مطر و هو يسويلهن حركات بعيونه : هذي حجرتكن ..؟؟؟..
غايه : عندنا بنات .. عن اللقافه .. ( و جان تفتح الباب ..و تمط العنود من كتفها ) و انتي دخلي ..
العنود : يالعوافه ..
و دخلن و لقن منال و منى يالسات و يسولفن .. و يلسن شوي و من عقب نامن ..

و في الامارات ..

احمد ميت من هالغايه الي صابه هواها .. في كل لحظه يتذكر .. اعيونها .. اللين اللحين و هو يشوفها و هي عند المطبخ و تفتر .. انا شالله بلاني بها ..

و عبيد .. من خلص دوامه .. رد سويحان .. و مالقى حد فالبيت .. هزاع يالس في بيت عمه .. و يدهم في بيت عمتهم في المرموم .. ما يلس .. رد بوظبي .. و اتصل بمطر .. بس تيلفونه مغلق .. جان يتصل بأحمد ...
أحمد : لا مطر من امس مسافر العمره ..
عبيد : في ذمتك ..؟؟؟!!!!!!!..
احمد : هيه و الله ..
عبيد : افااا .. و لا قالي ..
احمد : انت وين اللحين ..؟؟؟..
عبيد : اسير صوبكم ..
احمد : غايته عيل .. تعال عندنا .. و بتيلس عندي ف نادي الضباط .. دام خوووك خلابنا و سافر دونا ..
عبيد : ما عليك .. بنسافر انا و انت البحرين ..
احمد و هو يفكر بغايه : آااه .. يبالنا و الله نسافر .. نغير جو ..

بعدها بيومين في مكه ..

مطر اندمج مع حامد و منصور وااايد .. و خص حامد لانه من سناه .. و كانت روحاتهم و يياتهم مع بعض ..
العنود : منايه .. تعرفين اني كرهت خوج ..
منى باستغراب : ليش ؟؟!!!...
العنود : من يى مطر و هو عنده .. لاصق فيه .. امره ما ريت مطر الا يوم رد ذيج الليله و من عقبها ماريت ثره ..
منى و هي اتغايضها : استحملي بعده شوي ..
العنود : شووفن .. ترى ان حديتوني .. عادي ارووح ادق عليهم الباب و اقولهم اريد مطر ..
منال : انتي !!.. مستحيل .. اذا غايه ممكن بس انتي لا .. ادريبج خوافه ..
غايه : لا دخيلكن .. انا كل يوم يستويلي موقف يفشل مع خوانكن .. ظهرني بعيد عن ذيج الحجره ..
و تمت غايه اتفكر في احمد .. يالله كان يريد ايي .. معقوله احمد يحس بلي احسبه .. معقوله يميل لي .. غمضت اعيونها تتذكر شكل احمد و هو منسدح ع الكرسي في ميالسهم .. آاااه .. (اتمنى قربك ولكن كيف يا عـمري .. ما تـدري عني ولا ادري باحـوالك .. اتعبني قلبي وصبري يشتكي صبري .. يا ليت عيني تشوفك واتّشكّى لك.. ساكن بقلبي وعيني وانت ما تدري .. انك حبيبي وساكن قلبي إلحالك ) ..

فنفس اليوم .. كان مطر عازمنهن ع العشى برى .. بس الحرمات ما طاعن ..
مطر : خلاص عيل .. لا تطبخن بيبلكم العشى من المطعم ..
ام غايه : عيشتهم سقم ..
ام العنود : لا لا .. انتي فالسعوديه .. عيشتهم غير ..
ام غايه : ظنج ؟؟..
ام العنود : هيه ..
مطر : الشيبه .. بشور عليكم بشور ..
بو غايه و هو منسدح و يعابل المدواخ : عطنا ..
مطر : دام انكم اعتمرتو ... و قضيتو وقتكم في مكه .. شرايكم نروح أبها .؟؟.
بوغايه : وين أبها ..؟؟؟..
مطر : بويه هذي دار .. فالسعوديه .. ماتقول الا جنه من حلاتها .. و مطرها صبيب ليلهم و نهارهم ..
ام غايه : اسميك .. بو الظاوايا .. وين بتفرنا ؟؟!..
مطر : و الله يا انج ان طحتيها مره .. لتتعذرين منها ...
بوغايه و هو يصلب عمره : يعله في ذمتك .. ؟؟..
مطر : و الله ..
ام غايه : لالالا سلامتكم .. ورانا الحلال و البيت يصفر محد فيه .. و شيبتنا فارينه عند اليازيه ..
مطر : برايكم عيل .. احنا الشباب عندنا اجازه الاسبوع الياي .. و انتو ع حجزكم ورى باجر بتردون البلاد .. خلاص ردو دونا .. و احنا بنرووح ابها ..
بوغايه : لا انا بخاويكم ..
ام غايه : ويدي بالستر .. وين بتخاويهم .. و بتخلونا حرمات بروسنا نرد ..!! ..
بو غايه : شو تبيني اسويبج ... بحووط و بفجج راسي انا ..
ام غايه : ما جنعت عينك من الحواطه .. جنك ما خليت دار ما شفتها و بعدك تبى تحوط ..
بوغايه : ما عليك من هالعيوز .. بنخاويكم ..
مطر : انتو شوفو وضعكم و قولولنا .. عشان نرتب وضعنا احنا بعد ..
و اللين فليل و هم يناقشون رووحت أبها .. الكل موافق الا ام العنود و ام غايه و ميثه ..
غايه : حرام عليكن .. لا تخربن علينا ..
ميثه : لا .. ماظن احمد بيرخصني ..
غايه : قولي تبين تردين لريلج ..
ميثه : هيه و الله اريد اردله .. غايوه البيت محد فيه ..
العنود : حرااام عليكم .. عمي .. رمس قولهن شي ..
بو غايه : مالي خص بكن .. انا بخاوي الشباب .. و هالعيايز في حلجكن ..
غايه : امايه مب عيوز .. فدييييييييييييتها .. شيخة البنات ..
ام غايه : لا و الله مب عيايز .. بعدنا بنات ما تخطينا الثلاثين ..
بوغايه : لو انتن بنات ما تخطيتن الثلاثين .. جان اول من عزمبنا انتن .. الا انتن عيايز داقات الستين ..
ام العنود : لا و الله .. بعدنا متناصفات فالعمر .. و جنه ع الروحه .. امره ما يخالف علينا ..
ام غايه : هيه نعم .. و بنشوف منو باجر بيتشكى من ظهره ..
بوغايه و هو يغمز لغايه : ما عليه بنشووف ..
غايه : يعني بنرووووح ..؟؟؟..
ام غايه و هي تأشر بيدها : هيه نعم بنرووح و بنفجج روسنا ..

فنفس اليوم .. كانو الشباب متيمعين في حجرة منصور بيتعشون فيها .. و البنات في حجرة امهاتهن ك العاده ..
و الكل يالس و فرحان و يرتبون لروحتهم لأبها ورى باجر ..
ام غايه : غايه .. كم رقم عمتج اليازيه ..؟؟؟..
ميثه : عمتيه تبين رقم امايه ..؟؟؟..
ام غايه : هيه بنتصلبها انشوف الحال عليهم ..
و عطتها ميثه رقم امها و الي هي فالاصل عمة غايه ..
ام غايه : الغوي .. عمتج تقولج .. باجر بيظهرن اسماء القبول فالجامعه ..
غايه : و الله ..؟؟؟..
ام غايه : و الله .. اتقولي الكليه ظهرن .. باقي الجامعه ..
غايه : عيل بتصل بشموس ..
و خذت تيلفون امها و اتصلت على بيت قوم شمسه الا محد شله ..
غايه : بتصلبها ع تيلفون امها ..
و يلست ادور تيلفونها عشان اتظهر منه الرقم .. بس ما لقته ..
غايه : اوووه تيلفوني فالحجره ..
ام العنود : من عقب ما تتعشين هاتيه .. و اتصليبها ..
غايه : لا اللحين باييبه و بتصلبها ..
و نشت غايه و ظهرت من الحجره .. و راحت صوب حجرهن و توها عند الباب .. و سمعت واحد ..
.. : الشيخه ..
جان تتغشى غايه و تفتر صوبه .. هي عرفته من قبل ما تشوفه ..
و كانت اول مره منصور ما ينزل عينه من على غايه ..
منصور : السموحه منج ..
غايه و هي تتنافض بطريقه مب طبيعيه : بالحل الشيخ ..
منصور و هو يمسك طربوشته بايده : كنت اريد منال .. من الصبح اتصلبها الا ما تشل التيلفون ..
و غايه عينها على ايده و هي تلعب بالطربوشه .. عيبنها صبوعه ..
غايه و هي مرتبكه : مادري ..
منصور : ماعليج اماره الشيخه .. الا ممكن تزقرينها شوي ..؟؟؟..
غايه : لا هي مب فالحجره .. (و جان تأشر بيدها صوب حجرة امهاتها ).. هي فالحجره الثانيه ..
منصور و هو يبتسم لغايه : خلاص .. من تشوفينها خليها تتصلبي ..
غايه و قلبها يدق بالقو : انشالله ..
خطف منصور عنها .. بس غايه تمت شوي .. مب قادره تمشي .. جان تفتر و تفتح الباب ..
و سمعت منصور يقوله : السموحه منج الشيخه .. الا .. ما تامرينا بشي .. ؟؟..
غايه و هي بعدها عاطيه ظهرها لمنصور : سلامت راسك الشيخ ..
منصور : ربي يسلم روحج ..
و راح عنها .. و دخلت غايه الحجره بسرعه .. و سندت ظهرها ع الباب من بعد ما سكرته .. آاااه .. شو فيه قلبي يدق بهالطريقه !!! .. و تمت تتنفس بصوت مسموع .. تريد اتشتت افكارها .. و تخفف من دقات قلبها .. تمت غايه فالحجره يالسه ع الشبريه حول 10 دقايق تريد تستوعب الوضع الي هي فيه .. يالله .. و من بعد ما حست ان دقات قلبها خفت شوي .. شلت تيلفونها من على الجرج .. و تغشت و طلعت من حجرتها .. فهاللحظه شافت مطر خوها و هو واقف عند واحد عند باب حجرة منصور .. و الي صدمها ان هالواحد هو نفسه راعي الشنطه الي تواجعت معاه ذيج الليله .. منو هذا ؟؟؟..
فهاللحظه افتر مطر و الريال صوب غايه .. و شكله الريال عرفها .. هي نفسها بعظمتها بوقفتها هذي ..
مطر : برايك عيل حامد .. برووح صوب ختيه بعطيها العشى ..
حامد : خلاص بنترياك ..
مطر : اوجيه ..
و راح مطر صوب غايه ..
و وايها ..
مطر : مرحبا السااع بغرشوبتنا ..
غايه و هي مرتبكه : اهليييييييين .. شو يبت العشى ؟؟..
مطر : هيه .. اندوج شليه صوب الحرمات ..
غايه و هي تتناول الاكياس من عند مطر : انشالله .. الا مطر ..
مطر : لبيه ..
غايه : لبيت في منى .. منو هذا الي امبونه واقف عندك ..؟؟؟..
مطر : هذا حامد خو منصور ..
غايه : اها ..
و سكتت عنه .. و راحت و شلت العشى صوب امهاتها .. فذيج الليله فليل خبرت غايه العنود .. عن حامد ..
العنود : مستحيييل .. !!!
غايه : و الله انه هو .. مب غتيره عن شكله ..
العنود : و شو قلتي لمطر ..؟؟؟!!!..
غايه : شو بقوله بعد ..!.. ما قلتله شي ..
العنود : الله يستر علينا ..
غايه : يالله امييييييييييييين ..
و نامن ..بالباجر من عقب الغدى فالسعوديه .. يلسو الشباب في حجرة منصور يرتبون وضع رحلتهم باجر لأبها .. و اتصل مطر بغايه و طلب منها تسويلهم دلة جاهي .. نشت غايه و راحت صوب حجرة امهاتها بحكم انها الحجره الوحيده الي فيها مطبخ .. و سوتلهم الشاهي ..
ام غايه و هي منسدحه : حطيلهم نعناع .. خوانج يحبونه بالنعناع ..
غايه : جاد الباقين مابغوه النعناع ..
ام العنود : حطيه فطرف الصنيه .. و الي يبى بيحط لعمره .. لا تعبلين ع عمرج و خلاف يذمونه ..
ظهرت غايه من حجرة امهاتها بالصنيه .. و تيلفونها بطاقه مدفوعه فالخارج تستقبل بس ما ترسل .. فما تقدر تتصل بتيلفونها لمطر .. و هي قد وصلت باب حجرة منصور .. و في نفس الوقت متعايزه ترد حجرة امهاتها تطلب تيلفوناتهن .. و مستحيه تطلب تيلفون منال .. خلاص بحطه عند الباب و بدق الباب و بربع .. و توها موخيه بالصنيه تحت الباب و الا الباب انفتح .. و غايه موخيه .. و لاشافت الا نعال الريال و ريوله .. ياويلي ..

.................................................. .......

الجزء العاشر ..

الفصل الاول ..


*** ايه احبك هذا حظي الي انكتب .. دربي الي امشيه و ادريبه تعب .. ايه احبك و انت في عيوني سهر .. و انت وسط القلب حرات و خبر ***



حمد : شو تسوين ...؟؟؟؟..
غايه و هي تصلب عمرها و مرتاحه : ماشي .. كنت يايبه الجاهي لكم ..
حمد : انزين هاتي الصنيه و روحي ..
وخت غايه عالصنيه و عطتها لحمد و من عقب رجعت الحجره عند البنات .. و كانن يالسات و يخططن لروحة ابها و يشوفن شو الي ناقصنهن عشان يرووحن السوق و يشترنه بحكم اليوم اخر يوم لهم في مكه .. دخلت غايه و يلست ع طرف عنهن ..
منى : غايووه ..
بس غايه ما كانت تسمعها ..
منى بصوت واطي : عنود.. ( جان تفتر العنود صوبها ).. شوفي الحلوين ..( و جان تأشر صوب غايه ) ..
العنود : عاشوووو .. غايووووه ..
جان تفز غايه من صريخ العنود ..
غايه : بسم الله .. شعندج ..؟؟؟..
العنود : انا شعندي! و الا انتي .. ؟؟؟..
غايه و هي تنش عنهن و تعق شيلتها و تسير صوب الحمام : اوووه ما عندج سالفه ..
منال : غايه .. تعالي بنشوف شو ناقص عشان نشتريه من السوق بعد شوي ..
ما ردت عليها غايه و دخلت الحمام .. من دخلت غايه الحمام تمت تشوف عمرها في المنظره .. انا شوفيني ؟!!؟.. يالله يا أحمد وينك ؟؟.. و الله اشتقت لشوفتك .. يالله معقوله يفكر فيني مثل ما افكر فيه ؟؟!!!!؟؟.. و تمت غايه تمشي فالحمام .. و البنات فالحجره و مستغربات من غايه ..
منى : لا هي اكيد فيها شي ..
العنود : الين الغدى ما كان فيها شي ..
منال : لا يكون استوالها شي و هي تودي الجاهي لشباب ..
العنود : اووووه .. لا لا .. اكيد استوالها موقف مع حد .. امبونها .. تموت ان ما استوالها موقف مع حد في يومها .. و خص خوانج ..
منال : ههههههههههههههههههههههههه ه .. حرام عليج .. هي و الله ما تتعمد ..
فهاللحظه سمعن غايه تصارخ .. افترن كلهن صوب الحمام .. ثواني و انهن ناشات يترابعن صوبه ..
العنود و هي ادق الباب : غااايووووه شوفيج ..؟؟؟؟..
منى و هي شوي و بتصيح : غااااايوووه ..؟؟؟؟..
و يدقن ع الباب .. و ما يسمعن الا غايه و هي تصارخ ..
العنود و هي تصيح : لا شي استوابها .. غايييييييوووووه ...
فجأه فتحت منال باب الغرفه و ربعت صوب حجرة منصور .. و دقت عليهم .. و طلع منصور ..
منال و هي مب حاسه بعمرها .. مسكت منصور بيده و سحبته صوب حجرتهن .. و منصور من شاف شكل منال ..
منصور : منال شو فيج ..؟؟؟؟..
منال : ماشي وقت اركض ..
و توهم عند باب الحجره و سمع صياح البنات .. سحب ايده من ايد منال و ربع صوب الحجره .. و لقاهن يدقن الباب و يتصايحن ..
منى و هي تصيح : منصوووووور .. غايوووه شي استوالها ..
و منصور من سمع طاري غايه وقف قلبه .. و من خوفه .. ان ممكن يصيبها مكرووه .. تم يدق الباب بالقو ..
منصور : غااااااايه .. غااااااااييه ..
و غايه ما ترد عليهم ..
منصور : لا .. ماقدر .. بكسر الباب .. (و جان يفتر صوب البنات الي واقفات ع طرف و يصيحن ..) .. وحده منكن ترووح و تزقر واحد من الشباب .. و ظهرن كلهن يترابعن ..
منصور و هو ميت من الخوف ع غايه .. مب عارف شو يسوي و الا يقول و الا يعيد ..
منصور بخوف : غايوووه .. غايييوووه .. فديت رووحج ردي .. دخييييييييييلج ..
فهاللحظه .. فتحت غايه الباب .. رجع منصور شوي ورى .. و تم يشوف غايه .. و هي واقفه قدامه .. فهاللحظه كان في خاطره يلوي عليها .. و هو يشوفها واقفه جدامه .. فدييييييييييييييييييييييي ييت هالويه ..
و غايه ميته من المستحى .. و مب عارفه شو تسوي ..
من انتبه منصور ان غايه حاطه الفوطه ع راسها و خرسانه بالماي و مب متغشيه .. نزل راسه و هو مب قادر انه يشل عينه من عليها .. بس استحى منها ..
منصور و هو منزل راسه : رب ماشر الشيخه ..؟؟؟!!!..
غايه و هي مستحيه و حاطه طرف الفوطه ع ويها : ماشي ..
منصور و هو يرفع عينه عليها : كيف ماشي ؟؟!!!.. لا اكيد شي .. شو استوالج و انتي فالحمام ..؟؟؟؟؟..
غايه و هي تفتر بويها : مااشي .. وين البنات ..؟؟؟..
منصور : غايوووه شو ماشي ..!!!.. دخيييلج رمسي .. شو استوى عليج .. ؟؟.. شي يعورج ..؟؟؟؟.. دخيييييلج ( و قال هالكلمه بصوت واطي و مبحوح و هو يترجاها ) ..
من سمعت غايه اسلوبه فالكلام .. و الخوف البادي في كلامه و شكله .. ما عرفت شو تسوي و الا تقول .. توها بتتكلم .. و الا ان حمد و مطر يايين يترابعوون و سعيد و حامد وراهم ..
حمد : غايووووه شوفيج ...؟؟؟..
مطر : شو مستوي عليج ..؟؟؟؟؟...
من شاف منصور حمد و مطر دخلو الحجره .. ماقدر انه يتم اكثر .. نزل راسه و طلع عنهم .. و فالممر .. كان سعيد و حامد واقفين .. و من شافو منصور و هو طالع من الحجره مسكوه ..
سعيد : شو السالفه ..؟؟؟؟..
منصور : مادري ..
و راح عنهم منصور صوب حجرته .. دخل الحجره و يلس ع الشبريه .. شو فيها ؟؟.. رجع و نش و تم يمشي فالحجره .. يالله قلبي عورني شوفيها ...؟؟؟... راح صوب الباب بيرجع صوبهم .. بس بعدين رد و تم يمشي .. يالله شو فيها ؟؟.... اففففففففففف .. و في هالوقت .. كانن الحرمات عند غايه فالحجره و البنات و حمد و مطر .. سعيد و حامد واقفين برى فالممر ..
حامد : ظنك شو فيها ..؟؟؟..
سعيد و هو خايف : شدراني ..
ثواني و طلع حمد ..
حمد و هو يتحرطم ع غايه و يظهر من الحجره : الله ينطب البنات ..
سعيد : رب ماشر ..؟؟؟..
حمد : سلامت راسك .. شافت صرصور .. ( و هو يقلد غايه ) صرصور ...
حامد : ههههههههههههههههههههههههه ههههههههه .. مشكله اليهال ..
حمد : لا تخبر .. عنلاتها جنها ما خلت فينا عقل .. و فالتالي شافت صرصور ..
حامد و هو يظحك و يمشي صوب حجره منصور : هههههههههههههههههههه .. صرصور و سوابها جذيه ! .. عيل لو شافت فعى و الا عقرب شو بتسوي ..؟؟؟..
دخل حامد ع منصور الي كان ميت من الخوف ع غايه .. من شاف منصور حامد و هو حادر عليه و يظحك ..
منصور : ليش تظحك ..؟؟؟..
حامد : اظحك ع خبال البنات ..
سكت منصور .. مب عارف حامد عن شو يرمس ..
حامد : هالخبله خت حمد .. سوت هالحشره كلها .. عشانها شافت .. صرصور ..
صخ منصور ..
منصور : شو ..؟؟؟.. !!!..
حامد و هو يمشي صوب الثلاجه بياخذه ماي : ماشي .. هالحفله كلها عسبات صرصور ..
سكت منصور و نزل راسه .. صرصور !!!..

و فالحجره ..
ام غايه : حسبي الله عليج .. فلختينا ..
غايه : امايه و الله يخوف ريت صرصورين ..
العنود : يالبطره .. عنلالالاتج كلنا قلنا البنت ماتت و الا شي استوى عليها ..
منى : بس اريد اعرف انتي شو خيسج بالماي جذيه ؟؟!!.؟؟..
العنود : هههههههههههههههههههههه .. شكلها كانت تتسبح مع صراصيرها ...
غايه : اييييييييييييييه ... ليتج شفتيهن و الله يخوفن ..
امنه : لا بس صدق انتي شو خيسج جذي ..؟؟؟..
غايه : ماشي .. تراني من ريتهن ما عرفت شو اسوي .. جان اربع صوب الحوض .. وما حسيت الا بالرشاش يشتغل .. و الماي يخيسني ..
منال : ههههههههههههههههههههههههه ههههه ..
العنود : حشى .. حتى الرشاش من صريخج خاف و خيسج بالماي يبى الفكه من هالصوت ..
غايه : حرام عليكن .. انتن ليش ما تحسن ؟؟..
ام غايه : بسكن من هالسوالف يله نشن نشن جنكن تبن السوق ماشي وقت ..
و الكل نش و تلبس و ظهرو كلهم من رياييل و حرمات و بنات يبون السوق ... و اشترو كل الي قاصرنهم .. و الشباب اشترولهم لبوسه غليضه و البنات نفس الشي .. من بعد ما قالولهم ان ابها وااايد بارده .. و رجعو الفندق و الكل ارتبش يلمون ثيابهم و قشارهم .. و حامد و مطر .. استأجرو لهالرحله باص عوووود .. و من خلصو .. الكل راح و نام .. و بالباجر من بعد صلاة الصبح .. طافو كلهم طواف الوداع .. و ودعو بيت الله .. و تحركو صوب الطايف .. و من الطايف في طريقين الابها .. واحد منهم يمر بالعقبه و الثاني حذى البحر الاحمر .. بس هم خذو طريق العقبه .. و الكل كان فالباص .. و راشد و معضد و يمعه .. ما يلسو .. شوي ييلسون جدام عند الرياييل و شوي ورى عند الحرمات .. ربشوهم .. و منى كانت عندها كيمرة فيديو اشتراها لها منصور امس و هم فالسوق .. و طبعا غلامتين غايه و العنود ما ردن الفندق الا و هن شاريات كيمرة فيديو هن بعد .. و كان هالطريق مثل فلم الرعب بالنسبه للبنات .. واايد يخوف .. كله انفااق و ممرات ضيقه و ملتويه .. يطلعون من نفق يدشون في نفق و الطريق ظلمي .. و كانو يشوفون سيايير طايحه من الطريق .. و احلا شي شافوه .. كانت القرده .. كانو يشوفون القرده و هي فوق اليبل ..
راشد : يدي يدي .. طاع هاكوه سبال ..!..
بو غايه : هذا مب سبال .. هذا قرد ..
راشد : انزين شو يعني .. ترى السبال بن عم القرد ..
مطر : و الله محد سبال الا انت ..
و هم في طريقهم .. انقطعت فجأه هالمناظر .. و مرو ع منطقه صحرى .. رملتها بيضى .. فجأه .. شافو .. مجموعات منفصله من الزمول ( البوش ) رابطين على عيونهن .. و كل مجموعه من هالزمول رابطينهن في عامود و يدورون حوله ..
بو غايه : حي هالشوف حياه .. (و جان يأشر على السواق ) وقف وقف ..
وقفو على طرف الشارع و تمو يشوفونهن ..
ام غايه : الغوي .. صوري صوري ..
و غايه تصور و العنود فوق راسها ..
مطر و هو يسأل السواق : ليش رابطينهن جذيه ..؟؟؟..!!!..
السواق : عشان يصنعون زيت السمسم ..
حامد : ما يرزى عليهم في شي اسمه مصانع ..
السواق : لا بس هالزيت يكون نوع ثاني .. ما تلقى مثله الا هنا ..
و من بعد ما صورو و خلصو كملو طريقهم .. و في نص الدرب كانو تقريبا في الباحه .. و كان المطر يصب عليهم .. وقفو عند دكاكين فالدرب عشان يتشروون ..
غايه : امايه فديييتج .. خلوني ألعب شوي فالمطر .. دخيييييييييييلج ..
العنود : هيه دخيييييييييييلكم .. من متى نعدي بالمطر ..
ام غايه : حزن .. هب صاحيات .. وين تبن ترابعن فالشوارع ..؟؟!!؟؟..
و ان بو غايه توه بيركب الباص و حامد وراه .. ربعتله غايه ..
غايه بدلع : باباتي .. اريد انزل ..
بو غايه : الي تبينه خبريبه خوانج و بييبونه لج ..
غايه : لاااا .. اريد ألعب فالمطر ..
حامد : ماشي نزله ..
انصدمت غايه ..
بو غايه : صدقه .. ماشي نزله .. صاحيه انتي !؟! .. بتربعين فالشارع تلعبين !!..
غايه : فدييييييييييييييييييييييي يييييييتك باباتي .. ارييييييييييييد ..
حامد و هو جد معصب من دلعها : قلنا ماشي نزله .. و بسج من حركات اليهال ..
و غايه مستغربه اسلوبه .. جان تفتر و هي معصبه صوب البنات و يلست عدال العنود ..
غايه بصوت عالي : هو منو يتحسب عمره يالس يهازب .. !؟؟!..
العنود بصوت واطي : منو ؟؟؟!!!..
غايه بصوت عالي : واحد سبااااااااااااااااال ..
فهاللحظه افتر حامد صوبهن .. و منى و منال و العنود عرفن ان غايه عانيتنه هو .. و حامد ميت غيض من غايه .. شو هالياهل السباله .. لو هي ختيه و هذي سواتها ذبحتها ..
و حمد و سعيد كانو توهم ظاهرين من الدكان .. لاقو شباب سعوديين ثنينه .. سلمو عليهم و تمو يسولفون معاهم شوي .. و من عقب تم سعيد عندهم و حمد رد الباص و تم يرمس بوه .. و من عقب الكل ركب الباص .. و هالشباب ساقو سيارتهم جدامهم ...
غايه : امايه تخبري بويه .. شو بلاهم ..؟؟..
ام غايه و هي تصارخ عشان ريلها يسمعها من حشرة اليهال و المسجل : معضد ... معضد ..
جان اييها معضد ولد احمد ولدها ( خو غايه ) ..
معضد : شو يدوه ..؟؟؟..
ام غايه : مب انته .. ابى يدك ..
و جان يرووح صوب يده و قاله .. جان ينش بو غايه صوبهن ورى ..
و يلس ع الكرسي الي قدام ام غايه : لبيه ..
ام غايه : لبيت حاي .. فديتك شعندكم تركتون هالشباب ..؟؟؟..
بو غايه : سلامتج .. الا الشباب عندهم فله .. و بيجرونها لنا هالليله .. بنبات فيها .. و بنعين من الله خير .. و انشالله باجر من عقب الفير بنسرح ..
دقايق و الا انهم واصلين الفله .. ماشالله .. قصر من حلاتها .. الا رهيبه .. كانت من طابقين .. و في سكن خاص بالسايق برى .. و الحديقه خضرى .. دخلو و ما نزلو كل قشارهم من الباص .. نزلو الاشياء الضروريه بس .. و البنات من نزلن و هن يترابعن في الفله عايبتنهن .. و غايه اول شي سوته انها جرجت الكيمره من بعد ما فضت بطاريتها عليهم فالدرب .. و كان الجو باااارد بطريقه رهيبه .. دخلن البنات في حجره .. و من البرد ما قدرن انهن يعقن عبيهن .. بس عقن نقاباتهن ..
منى : برد برد ..
العنود : هالبرد يذكرني بالشتى ..
و كانت منال تحوط فالحجره .. و من شافت الدريشه راحت صوبها بتفتحها ..
منى : منااال لا تفتحينها برد ..
منال و هي تفتر صوبها : خلونا نشوف المطر ..
غايه : صبري صبري اللين ما اشغل الكيمره ..
و شغلت غايه الكيمره و منال يالسه و تشوفها ..
العنود : ويت ويت .. ترييني .. غايوه لا تصورين منال دوني ..
و راحت العنود صوب منال عند الدريشه .. و فتحت منال الدريشه ..
العنود : الله ..
من فتحن الدريشه .. شافن عدالها شجرة كمثرى ..
العنود : غايووووووووووه شوفي ..
غايه : كمثرى !!! ..
منى : رهييييييييييييييييييييبه ..
العنود : صوري صوري ..
غايه : تخيلن كمثرى !!.. الله رهييييييييييييييييب ..
العنود : ماشالله .. عرب عندهم شير كمثرى .. و عرب ما يشوفون الكمثرى الا فالكراتين ..
منى : هيه و الله ..
تيمعن البنات عند الدريشه و يشوفن .. و غايه فوق راسهن بالكيمره .. و المطر ما وقف ماشالله .. فجأه شافن راشد و يمعه و هم يترابعون تحت المطر فالحديقه .. شوي و الا ان مطر يربع وراهم ..
غايه : طاعو هاليعري ..
العنود و هي تضربها على كتفها : يعري في عينج ..
غايه : و الله انه يعري .. ما تشوفين ؟؟!!.. شيبه بلحيته و يرابع في طرف اليهال ..
العنود و هي تسند عمرها ع الدريشه و توايج على مطر و هو يلعب : فديييييييييييييته ..
فهاللحظه ظهر حامد .. و تم واقف و يرمس مطر .. و يتظاحكون .. و غايه ميته غيض من شافته .. تمن يالسات و يشوفونهم من الدريشه .. فجأه سمعن صريخ ..
راشد : منى ... تعاااااااااالي لعبي عندي ..
وقف مطر و رفع راسه صوب الدريشه .. و حامد افتر صوبهن .. و البنات يستوعبن الوضع .. و من شاف مطر العنود .. ظحكلها .. منى و منال ردن ع ورى بسرعه .. و دعمت منى في غايه الي كانت واقفه شوي وراهن .. و العنود ما شافت حامد .. مندمجه الحبيبه مع قيس .. جان تسحبها غايه ..
غايه : ايه يالسباله .. الريال واقف و انتي فاجه ثمج ..
العنود و هي تأشر ع الدريشه : فديييييييييته مطوووور ..
منى : ههههههههههههههههههههههههه هههههههه .. لا هي من تشوف حبيب القلب تنسى الدنيا ..
من عقب نزلن البنات تحت .. بس غايه ما نزلت .. تمت تعابل الكيمره ..
من نزلن البنات لقن حمد و سعيد و منصور يالسين عند بو غايه و ام غايه و ام العنود .. فما قدرن انهن ييلسن .. فراحن بييلسن فالصاله الثانيه .. و منال و هي تمشي .. عيبتها لوحه محطوطه ع الييدار لمناظر طبيعيه .. فكانت تمشي و هي مفتره براسها صوب هاللوحه ..من شاف سعيد و حمد شكل منال و هي تمشي بشوي شوي و مفتره ع شي في الييدار افترو صوب المكان الي هي اتشوفه .. و ما كانو يقدرون من مكانهم انهم يشوفون اللوحه .. بس عرفو ان في لوحه في الييدار و هي اتشوفها .. جان يفتر سعيد عنها يرمس عمه .. بس حمد تم يشوفها ..منال و هي تمشي .. ما انتبهت لطاوله الي قدامها فلطمت ريلها فالطاوله ..
حمد اراديا : سلمتي ..
فهاللحظه وخت منال و مسكت ريلها اليمين الي ارتطمت بالطاوله .. و من قال حمد سلمتي الكل افتر صوب منال .. الي من سمعت حمد .. صلبت عمرها .. جان تفتر صوبهم .. و شافت الكل يشوفها ..
حمد و هو يوقف : سلمتي الشيخه .. رب ما شي يعورج ..؟؟..
منال و هي مستحيه و منزله راسها : ربي يسلمك .. لا ماشي يعورني ..
جان ينش منصور صوبها : منال شي يعورج ..؟؟؟..
ثواني و انه واقف عدالها ..
منال بصوت واطي : لا مافيني شي .. بس قلبي يعورني .. الكل مفتر صوبي ..
منصور : ههههههههههههههههههههههههه ههههههه .. اهم شي ان ما يكون فيج شي تضرر ..
منال : لا اعجبك .. قويه ..
منصور : ههههههههههههههههه ..
و رجع صوبهم و منال لحقت البنات ..
ام غايه : لا لا .. انتو الشباب خذو الحجر الي فوق .. انا ماروم ع الدري ..
بو غايه و هو يعابل المدواخ : الشيب شلج ..
ام غايه : معضد .. كن في خاطرك ادوخ ظهر برى ..
بو غايه : وين اظهر و المطر صبيب .. !!؟؟.!!..
حمد : اليهال وين ..؟؟؟..
سعيد : فيا حامد و مطر برى ..
حمد : شو برى ؟؟!!.. فهالمطر !.. و الله بيصبحون ميهد ..
و نش حمد صوبهم برى .. بس ما طلع تم عند الباب .. و حامد يالس ع الدري ..
حمد : انتو شو ميلسنكم في هالبرد و المطر برى ..؟؟؟!!!..
حامد و هو يظحك : شوف خوك الياهل ... ههههههههههههههههههههههههه ه .. اظني ما قد شاف مطر من قبل ..
مطر : تعرف اننا من سنين نعدي بمطر شرات هذا ..
حمد : راشد .. حدر انت و يمعه داخل يله ..
راشد : مابا .. اريد ألعب شوي ..
حمد : يله داخل ..
راشد و هو يفتر صوب مطر يريد منه العون : عمي ..
حمد : جب و دخل .. محد بيحاظيك و انت ميهود ..
مشى راشد صوب باب الفله و هو يتحرطم ..
حمد : اسمعك .. عن هالتحرطيمات ..
راشد : وين امايه ..؟؟؟..
حامد : ههههههههههههههههههههههههه هههه ...
و دخلو البيت .. و حمد واقف عند الباب و يطالع مطر ..
حمد : مطر .. يوم انت برووحك متكسر .. وين ترابع في هالمطر .. لو طحت و انزلجت .. بتتكسر ..
حامد : هيه و الله .. بدون شي هو رخو .. هههههههههههههههههههه..
مطر و هو يقترب منهم و يوقف جدام حامد : و الله المطر غير .. رحمه من ربك ..
حامد : انت لو شفت الثلج شو بتسوي ..؟؟؟..
مطر : بترسلي كريل الكروزر و بصدره لسويحان و بسويلي عرقوب ..

نش سعيد و منصور من عند الشواب و ركبو الدري و راحو الطابق الثاني بيشوفون شو الغرف الي فيه عشان يوزعونهن .. و عند نهاية الدري ..
منصور : انت روح هالصوب و انا بروح هالصوب ..
سعيد : انشالله ..

فهالوقت كانت غايه بعدها في الحجره .. فجأه انفتح الباب .. و في الطابق الاول .. الكل كانو يالسين و حمد و حامد دخلو قبل مطر الي تم واقف عند الباب شوي ..
ام العنود : عنوووووود .. عنوووود ..
العنود و هي تنش صوب امها : لبيه ..
ام العنود : لبيتي حايه .. فديتج روحي المطبخ و سويلنا قهوه روسنا دايره ..
العنود : انشالله ..
فهالوقت كان مطر توه بيدخل .. و من سمع ان العنود بتروح المطبخ .. رجع و طلع .. و لف من الحديقه للباب الوراني مال الفله الي يودي صوب المطبخ .. و كان هالباب زجاجي .. و شاف العنود و هي تدخل و تعق نقابها ع الطاوله .. جان يدق ع الباب ..
افترت العنود بخوف صوب الباب .. و شافت مطر يطالعها و يظحك .. جان تروحله .. و فتحتله الباب ..
العنود : يالسبال طيحت قلبي ..
تم مطر يطالع تحت : وين وين ..؟؟!!!..؟؟..
العنود و هي مستغربه : شو وين وين ..؟؟!!..
مطر و هو يرفع عيونه للعنود و بصوت واطي : قلبج ..
و من قال هالكلمه وقف قلبها .. فدييييييييييييته ..
العنود : ..احم احم .. انت .. انت شو تسوي هنيه ..؟؟؟..
مطر : ممكن دقيقه ..
العنود : لبيه ..
مطر : دقيقه وحده بس ..
العنود : لك مني عشر مب الا دقيقه ..
مطر بصوت واطي : ارجوك ..
العنود : مطور شو فيك ..؟؟؟..
مطر : عندي ســــؤالٍ .. واذا تسمـح تجـاوبني ..
العنود : عونك ..
مطر : أنت القـمر ؟ ولاّّ عــمه والا هــو اخـوك..
سكتت العنود و هي تسمع مطر ..
مطر : قول بصراحه .. دخييييييييييييييلك بس ريحني ..
جان تبتسم العنود و تنزل راسها ..
مطر : ممكن ..

ممكــن دقيقه .. دقيقه وحده بس ارجوك ..عندي ســــؤالٍ .. واذا تسمـح تجـاوبني

أنت القـمر ؟ ولاّّ عــمه والا هــو اخـوك ..قـول بصـراحه .. دخــيلك بس ريحني

أدريـبك احلى وزين الزين لك مملوك ..لكن تــواضع .. ولــو حتى تســايرني

تواضع شويه وقول انه شبيه ابوك .. والشمس امك وجاملهم على شاني

جاملهم انته اخاف يغاروا ويحسدوك ..لاني بصراحه أنا من قربك أحسدني

طبعا يغاروا .. تحمل بس لا يضرّوك ..الله يحفظك خــصوصا منــهم ومـــني

اعذر فضولي وكل الناس إذا سئلوك .. ما شفنا مثلك ولا حسنك خطر ظني

مطر : عنلاتج .. و الله احبج ..
العنود و هي ترفع راسها صوبه و ويها احمر من المستحى : شوووووووووووو ..؟؟؟؟..
مطر : انا .. أ ح ب ج ( و كان ينطق كل حرف بروحه ) .. و الله احبج .. حرام عليج تخليني اترياج اربع سنين ..
العنود : مطر ..
مطر : روح و قلب و حياة مطر ..
العنود و هي منزله راسها : انا ..
..............................


الجزء العاشر ..
الفصل الثاااني ..


*** يا هنا بالي يا حبي الكبر .. معك كل الحب يا دنياي غير.. يا جمال الكون في لحظة لقاك .. تبتسم الايام لي شفتك بخير***

العنود : انا ...
مطر و هو يبتسم : تحبيني .. ادري ادري ..
العنود و هي ترفع راسها صوبه : لااااااا .. انا ..
مطر و هو يقطع رمستها : شو لا ..؟؟!!!..
العنود : لا مب جذيه ..
مطر : عيل شالسالفه ..؟؟؟..
العنود و هي تنزل راسها : .. اريد اكمل دراستيه ..
مطر : شو يعني ..؟؟؟..
العنود و هي ترفع عينها صوبه : مطووور .. انت تعرف لو انت عزمت ع العرس الكل بيوافق .. ( جان تنزل راسها ) .. و انا خاطريه اني ادش الجامعه و اكمل دراستيه ..
مطر : العنود .. لا تتوقعين اني بحرمج من شي انتي تبينه .. انتي ما تعرفين انتي شو ف حياتي .. و الله انج نصخ روحي في هالدنيا ..
جان تنزل العنود راسها و تمت اتشوف صبوعها ..
مطر : بس انتي يسعدج انج اتشوفيني متكدر ..؟؟؟..
العنود و هي ترفع راسها صوب : لالالا .. اكييييد لا ..
مطر و هو يبتسملها : خلاص عيل .. انا من اخلص من الكليه بنعرس .. و صدقيني ما بمنعج عن شي انتي تبينه ..
العنود و هي فرحانه : و الله ..؟؟..
مطر : عنلاتج .. طاري عرسنا ما فرحج كثر طاري هالخامه ..
العنود : لااااااا ..
مطر : هيييييييييه ..
العنود و هي تفتر عنه : جب جب ..
مطر : ايييه منو جب ؟؟.. انتي قد هالكلمه ..؟؟؟..
العنود و هي تفتر صوبه و تهز كتفها : ما يهمني ..
مطر : ما عليه خليني اخذج .. حرام لا اذكرج بلبن امج فالاربعين ..
العنود و هي تتذكر القهوه : اووووووه .. نسيت اسوي القهوه ..
و تمت ادور القهوه فالمطبخ ..
راح مطر و يلس ع الكرسي ..
العنود : انت شو ميلسنك هنيه .. نش عق ثيابك ..
مطر و هو يظحكلها : ماعندي مانع بس ع شرط ..
العنود : شوو ..؟؟..
مطر و هو يلعب بحيـّاته : تعالي فتحيلي العقم ..
العنود و ويها احمر من رمسته : شوووووووووووووووو ...؟؟؟.... طلع برى طلع ..
مطر : ههههههههههههههههههههههههه هههههههه .. اموت عليج و انتي معصبه ..
و ظهر مطر عنها من الباب الي يفتح ع الحوش .. و العنود اتشوفه و ميته عليه .. يالله فديت رووحه ..
في هالوقت فالطابق الثاني .. كانت غايه عاطيه ظهرها للباب الي انفتح .. جان تفتر صوبه .. و الي صدمها انها تشوف ... منصور قدامها .. الي في هالوقت كان منصور يفكر في غايه .. و صدمه انه يشوفها قدامه .. لا يمكن اتخيل .. فغمض اعيونه .. و فتحهن .. و شاف غايه واقفه قدامه .. لا ما احلم .. ما اتخيل .. غايه .. آااااااه .. ما حس بعمره .. و لا درى انه هالتنهيده طلعت من بين شفاته و مست قلب غايه .. الي من شافته كن الله شلها من الحركه و الا من القول .. و قلبها يدق بطريقه مب طبيعيه .. اول شي خطر في بالها .. انها تفتر و تعطي ظهرها له .. و هذا الي سوته ..
منصور : احم .. السموحه .. ماكنت ادري ان حد فالحجره ..
غايه : لا .. ع عادي ..
و جان تمشي و توقف عند الدريشه .. تتريا منصور يظهر من الحجره .. بس منصور ما قدر انه يتحرك ..
منصور بصوت واطي : .. غايه ..
و من نطق باسمها وقف قلبها ..
غايه بصوت مبحوح : .. لبيه ..
و هي بعدها عاطيتنه ظهرها ..
منصور و هو منزل راسه : انا .. ( و جان يسكت ) .. اريد ..
و سكت .. و غايه قلبها يعورها من كثر ما يدق بالقو .. شو يريد ..؟؟؟..
منصور : ماشي ماشي .. انسي ..
سكتت غايه .. مب عارفه شو تقول و الا تزيد .. ع أمل ان منصور يتكلم .. و صبرها طال .. و لا سمعت منصور يقول شي .. افترت صوبه .. بس صدمها انه مب موجود ! .. و غايه ما قدرت انها اتم واقفه زوود عن جذيه .. يلست على اقرب طرف وصلتله لشبريه .. و هي تحس جسمها ينتفض و قلبها يدق بطريقه مب طبيعيه .. شو كان يريد ...؟؟؟.. شو فيه ..؟؟.. غمضت عيونها و انسدحت ع الشبريه .. و اول شي شافته .. عيونه .. عيونه و هو يشوفها .. كان فيهن شي .. شي غير .. شي ما ينوصف .. غايه .. غايه .. تم يتردد في مسامعها صوت منصور و هو ينطق اسمها .. فنبرته شي حلو .. من كثر ما تفكر فيه عورها بطنها .. ياويلي انا شو فيني ..؟؟؟.. هذا شو يريد ..؟؟؟... بغت تنش و تنزل تحت عند هلها .. بس ما قدرت .. خافت انها تتشاوف مع منصور .. و هي من تشوفه .. يستوي فيها شي مب طبيعي .. و منصور من ظهر عن غايه .. و هو مب في حاله .. في عالم غير هالعالم .. انا شو كنت بقولها ..؟؟؟.. كيف تميت معاها بروحنا ...؟؟؟؟... هالبنت بتيننبي .. خلاص ما تم فيني عقل ..

و العنود من بعد ما خلصت القهوه حطتها في صنيه و حطت فنايل .. و سارت صوب هلها .. و مطر كان يالس عندهم .. و من شاف العنود هاله عليهم بالصنيه .. نش صوبها بيشل الصنيه .. فهاللحظه ارتفعت عين حامد صوب العنود .. و شاف نظراتها و هي اتشوف مطر و هو يسير صوبها .. وقف قلبها و هي تشوف شكله ..
سعيد : انت وين تبى ...؟؟؟؟..
مطر : شو وين تبى !!؟؟.. ما تستحون مخلين الشيوخ ايشلون هالصنيه .. ؟؟!!..
سعيد و هو ينش : يوم ايدك مجبسه ما تقولي كيف بتشل الصنيه ..؟؟؟!!..؟؟..
مطر و هو يغمزله : ادري بعمري اني ما بشلها .. بس حركة مريله اوين ناش للخطيبه ..
سعيد : هههههههههههههههههههههه ..
و منصور يالس و منزل راسه و في عالم ثاني .. و حمد يالس عداله .. فحط ايده على ريل منصور ..
حمد بصوت واطي : رب ما شر ..؟؟..
منصور و هو متوتر : شو ؟. لا ماشي ..
حمد : تعبان ..؟؟..
منصور و هو يبتسمله : ما نمت عدل امس و هالدرب .. شوي تعبان ..
حمد : نش نام عيل ..
منصور : لا مب مشكله ..
حمد : لا لا .. بخلي البنات يرتبن الحجر و انت نش و ارتاح .. لاحق ع السوالف ..
و فهاللحظه خذ سعيد الصنيه من العنود ..
مطر : يله .. روحي عند البنات و ان ظهرتي بزوالج ..
العنود : لا و الله ..؟؟؟..
مطر : ههههههههههههههههههههههه .. خليني اخذج قسم بالله بذبحج ..
العنود و هي تفتر عنه : جب ..
و مشت بسرعه صوب البنات .. و نشن كلهن و راحن الطابق الثاني .. و فتحن الباب و غايه بعدها منسدحه ع الشبريه .. الي من حست ان الباب انفتح وقف قلبها .. رجع ..منصور رجع .. بس شافت منال و من عقبها العنود و منى حادره و تشوف عباتها من تحت ..
منى : تصدقن انطرت ..
منال : انتي ما عندج غيرها ..؟؟؟..
منى : عندي بس عباه مفتوحه ..
العنود : عادي ..
منى : حلاتني و انا منقبه و عباتي مفتوحه ..
راحت منال صوب غايه : غايووه شو فيج ..؟؟؟..
غايه و ويها احمر .. كل ما تتذكر منصور و انه خو منال : ماشي .. بس بطني يعورني .. و نزلت راسها ..
العنود : المهم يله نشن لمن قشاركن ..
غايه : ليش ؟؟؟؟؟...
منى : الرياييل بييلسون في هالطابق و احنا بنيلس فالطابق الي تحت ..
سكتت غايه و نشت و شلت شنطتها .. و نست الكيمره .. و نزلن البنات .. و هن نازلات .. كان حمد و مطر و منصور يركبون الدري بيروحون الطابق الثاني .. فوقفن البنات ع طرف عشان يطوفون .. و منصور من حس ان غايه من بين هالبنات وقف قلبه .. يالله شو سوتبي هالبنت ..؟؟؟.. و ركبو الشباب .. و وزعو الحجر من بينهم .. و منصور اختار الحجره الي كانت فيها غايه .. من دخلها و قلبه يدق .. من بعد ما رتبو الريااييل قشارهم في الحجر .. و البنات تحت .. نشت ميثه و ام غايه و عابلن العشى .. و البنات يالسات عند بو غايه و يسولفن معاه .. و الشباب يلسو يلعبون ورقه عند منصور فوق .. الي ما طاع يلعب و تم منسدح و يطالعهم اللين ما نام و لا حس بعمره .. و من عقب العشى الكل نش و نام لانهم بيسرحون من بعد الصلاه صوب أبها .. و الكل نام .. عدا غايه .. الي حاولت تنام بس ما قدرت .. و ظهرت من الحجره و تمت تحوط فالبيت ... و هي اتفكر في منصور .. آاااااه .. هالانسان شو مشكلته ..؟؟؟.. لا هذا مب انسان طبيعي .. مستحيل يكون طبيعي .. فهاللحظه خطر عبالها أحمد .. فدييييييييييييييت هالطاري .. و جان تيلس ع الكرسي و تمت اتشوف المطر من الدريشه .. احمد .. آاااه .. وقف قلبها و هي تذكر شكله .. سندت ويها على ايدها اليمين .. آاااه .. و تمت تتذكر شكله و هو في ميالسهم .. و هو ايوول .. تتذكر شكله و هم فالسوق .. فالمطار .. فهاللحظه .. غمضت عيونها تتذكر ذيج العيون .. يالله شو كان يقصد بذيج النظرات ..؟؟؟.. فتحت عيونها و تمت تشوف المطر من الدريشه .. اللحين شو يسوي ..؟؟؟.. اكيييد نايم .. يالله .. انا شالله بلاني بحبه ..

و في هالوقت في بوظبي ..

كان احمد يحوط بسيارته فالشوارع و هو يسمع المسجل .. ( بالعيون السود و الرمش اريشى .. ارسلك ربي خفاقي عذاب .. لا حشى مالي بهوى غيرك حشى .. الغدير العذب ما انت بسراب .. )

و هو يسمعها و يدق بصبوعه على السكان .. لو هو في وضع ثاني .. جان ارتبش بهالغنيه .. بس فهاللحظه ماله خاطر لشي .. و تذكر غايه و نظراتها له فالمطار .. هي شو تعني بذيج النظرات ..؟؟؟.. معقوله .. صابها مثل ما صابني ..؟؟!!!..

( يلعب بفكر المولع ما يشى .. و الخيال يداعب احروف الجواب .. غاشيني في بحورك ما غشى .. العامري مجنون ليلى به ذاب .. )..

آااااااه يا غايه .. فهاللحظه انتبه ان الاشاره تغيرت من الاحمر للخضر و السيايير الي وراه يصيحوله .. تحرك احمد .. و راح صوب نادي الضباط .. و هو يمشي و ماله خاطر لشي .. و الود وده مارد .. و كانو الشباب يالسين في الهول ..
سلطان : حموووود ..
جان يفتر احمد صوبهم ..
خليفه : شو هالهياته ..؟؟؟..
سكت عنهم احمد و راح صوب حجرته ..
خليفه : لالالا احمد شي فيه ..
سلطان : ههههههههههههههههههههههههه هههه .. العاشق الولهان ..
خليفه : شووو ...؟؟؟؟..
سلطان : ماشي ..

فهالوقت دخل احمد حجرته و عق سفرته و شغل التلفزيون .. جان يرن تيلفونه .. من شاف الرقم .. ما رد عليه .. بس رجع و رن مره ثانيه ..
احمد : اففففففففففف .. هذي ما بترحمني الا اذا رديت عليها ..
احمد و هو يرد ع التيلفون : ألو ..
.. : ألوو .. هلا حبيبي ..
احمد : هلا ..
.. : احمد .. شو فيك ..؟؟..
احمد و هو يتنفس بصوت عالي : مافيني شي ..
.. : لا احمد .. انت من اسبوع و انت متغير .. شو فيك ..؟؟؟..
احمد : اقولج مافيني شي ..
.. : انا سويتلك شي يزعلك ..؟؟؟..
احمد : لا ..
.. : اوكي شو فيك ..؟؟؟..
احمد و هو معصب : يا بنت الحلال .. اقولج مافيني شي .. لا تاكليلي فوادي ..
البنت و هي تصيح : انت عمرك ما كلمتني بهالطريقه ..
احمد : لا حول .. اوكي اسفيين ..
.. : لا لا انت شي فيك ..
احمد : اقولج .. باي ..
.. : شووو ..؟؟؟؟..!!!..
احمد : و الله اني تعبان و لا لي خاطر لشي و عايف حياتي ..
.. : اوكي حبيبي شو فيك ..؟؟؟.. قولي يمكن ترتاح ..
احمد : موزه .. دخيلج ماريد اتكلم باي ..
.. : بترجع تتصلبي ..
احمد : انشالله باي
و سكر .. و اغلق تيلفونه .. و حط ايديه الثنتين ع ويهه ... لا اله الا الله

و فالسعوديه .. تمت غايه واعيه .. و من عقب راحت المطبخ و سوتلها سندويج جبن و من عقب راحت بتنام .. و لقت البنات ماخذات اللحافات كلهن .. و ما تم لها لحاف تتلحفبه .. و هي ميته برد .. ما عرفت شو تسوي .. راحت و يابتلها عباة منال و عباة العنود و حطتهن فوق عباتها و تلحفتبهن .. و مع هذا ما قدرت تنام من كثر البرد ... فرت العبي عنها و نشت .. و ظهرت برى الحجره .. و تمت تحوط فالبيت .. ماعرفت شو تسوي تعبانه و تريد تنام و في نفس الوقت بردانه و لا هب لاقيتلها لحاف تتلحفبه .. راحت و يلست ع الكرسي فالصاله .. و لقت كوووت ( جاكيت ) واحد من الشباب مفرور عالكرسي .. شلته و ردت الحجره و تغطت به فوق العبي .. و من التعب نامت ..

نشت منال اول وحده منهن .. و شافت غايه و هي منطويه تحت هالكوت .. جان تنش و تلحفها باللحاف الي هي كانت متلحفه به .. و ظهرت صوب الحمام و هي تتسحب .. خايفه لا حد من الشباب يكون واعي .. و هي ظاهره بالشيله البيضى و لا هب متنقبه .. دخلت الحمام .. و في هالوقت كان سعيد توه ناش .. و نزل تحت بيسير صوب المطبح بيشربله ماي .. و منال ظهرت من الحمام عادي .. سمعت قرقعه فالمطبخ .. اكيييد وحده من الحرمات نشت .. حطت الفوطه ع الكرسي .. و راحت صوب المطبخ بتعاونهم .. و من قبل لا تشوف منو فالمطبخ ..
منال و هي تبتسم : صباااح الخيييير..
صخ سعيد و افتر صوبها ..
و هي من شافت سعيد .. افترت و ربعت .. و سعيد ما لمحها حتى .. مجرد انه سمع صوتها و لمحها و هي تفتر و تربع .. و منال طاااح قلبها .. يالفضااايح .. و رجعت تربع صوب الحجره و سكرت الباب و استندت عليه .. و قلبها يدق بالقو من ربعانها .. تمت ثواني تستوعب الوضع .. بعدين ظحكت .. تذكرت شكل سعيد .. ههههههههههههههه ... كان بالفالينه و الوزار و لابس فوقه كوت .. و شعره متبهدل .. شكله توه ناش من الرقاااد ..
وسعيد عرفها .. اكيييد وحده من خاوات منصور .. بس مب هذي الي ريتها ذاك اليوم في الميالس .. اها .. يعني هذي العوده .. اكيييد منال .. منال ! .. و فجأه تم يطالع عمره و يلمس بايده شعره ..
سعيد : عزااات انها فلخت مني ..
و ظهر سعيد و سار صوب الشباب يقرقع عليهم عشان ينشون .. منصور كان واعي بس منسدح ع الشبريه .. حلم بغايه .. و من نش و هو مستانس من هالحلم الي شافه آآآآآآآآآه .. ليته يتحقق هالحلم .. و مطر نايم عنده و حامد .. دخل سعيد ..
جان يصلب منصور عمره من شاف سعيد ..
سعيد : نشيتو ..؟؟؟..
منصور : الا انا نشيت .. و الا الباجين رقووود ..
سعيد : مطر .. مطر .. نش نش ..
منصور : الساعه كم اللحين ؟؟..
سعيد : 4 ..
منصور : بعده وقت ..
سعيد : لا .. المفروض من عقب الصلاه نسرح ..
سعيد : ايييييييييييه مطر نش يله نش ..
مطر : اوووووه .. و لحف راسه ..
منصور : ههههههههههههههههههههههههه هههههههه .. ما بينش ..
سعيد : بتشوف .. مطر نش .. العنود مسويتلك ريوووق ..
مطر و هو يفر اللحاف : شوووووووووو ...؟؟؟... العنود ..
سعيد : هههههههههههههههههههههههه .. ما قلتلك بينش ..
منصور : انا بروح اتسبح و انت وعهم ..
و نش منصور عنهم صوب الحمام ..
رد مطر و تلحف ..
سعيد : ياخي لا اطفربنا نش ورانا مسراح ..
مطر : يوم هاليعري ( و اشر على حامد ) بينش انا بنش ..
سعيد : لا انتو ما بييبكم الا عمي .. و الا .. عمتيه ..
مطر : العيوووز ؟؟!!!.. لا لا الشيمه بنش .. ( و جان يسحب اللحاف عن حامد ) .. ( و هو يصارخ ) .. نش نش البيت يحترق ..
من سمع حامد هالرمسه فز واقف مسكين ..
حامد : شو شو ..؟؟؟...
مطر : ههههههههههههههههههههههههه هههههههههه ..
و ظهر سعيد عنهم و وعى حمد و عمه .. و نزلو تحت .. و كانت منال وعت البنات عدا غايه خلتها تنام شوي ..
و مطر من نزل و هو يعاطس ..
ام غايه : بسم الله عليك ..
ام العنود : بايت تنعش فهالمطر و هالبرد .. لازم بتمرض ..
و ميثه و منال و العنود و منى يسون الريوق .. و من عقب اذن الصبح و نشو الرياييل و صلو فالميالس و البنات نشن و صلن في الحجره و وعن غايه .. و تمن يلمن الثياب و القشار و رتبو البيت عشانهم شوي و بيروحون .. و غايه من نشت و هي تعاطس .. زجمت من البرد .. و كان شكلها وااايد تعبان .. و ظهرو كلهم برى فالهول يلمون قشارهم و الرياييل يسوقونه صوب الباص .. ظهرت غايه من عقب البنات .. و كانت تعبانه و تعاطس بطريقه مب طبيعيه .. و الكل انتبه لها .. و اولهم منصور .. الي في كل مره يسمعها تعطس قلبه يعوره عليها ..
ام غايه : خوووج بايت يلعب فالمطر و مرض .. و اانتي شو مرضج ...؟؟؟؟..
غايه : امايه .. (و جان تعطس ) .. النذلات .. نامن .. و لا خللي لحاف اتلحفبه ..
ام غايه : حزن ..
غايه : و الله .. ( و جان تعطس ) .. تلحفت بالعبي .. و من عقب ريت هالكوت و تلحفتبه ..
و كانت ماسكه الكوت في ايدها .. و من شافه حامد بغى يموووت .. كوووووووتي .. و هو يتحرطم عليها في خاطره .. عنلاتها تلحفتبه .. فرت الجراثيم كلها فيه .. اذبحها اذبحها هالسباله .. جان تروح غايه و تحط الكوت عند القشار .. جان يشله منصور ..
حامد و هو يرمس منصور بصوت واطي : قسم بالله لو ما المستحى و الا و الله اذبحها هالياهل ..
افتر منصور باستغراب صوب حامد : شووو ؟؟!!.. تذبح منو ..؟؟؟..
حامد و هو معصب : هالياهل عنلاتها متلحفه بكووووتي .. و خيسته جراثيم .. عقه عقه فالكشره ..
منصور و هو يلوي ع الكوت : اعقه فالكشره !!! .. اعقه و ريحة غايه فيه !!!.. الا محد بيلمسه غيري ..
صخ حامد من رمست منصور .. و تم يشوفه هو يلبس الكوت .. و منصور ميت .. آآآآه ..
تيمعو كلهم و من بعد ما حملو قشارهم راحو كلهم صوب الباص .. و فهاللحظه تذكرت غايه كيمرتها ..
غايه : حد ياب كيمرتيه ..؟؟؟..
منال : لا .. هي مب عندج ...؟؟؟؟..
غايه : لا .. فالحجره .. برد اييبها ..
و رجعت تربع من الباص صوب الفله .. و كان حمد و منصور و سعيد يتأكدون ان كل البيبان مسكره و الدرايش .. و ان غايه حادره عليهم ..
سعيد : الغوي .. شعندج رديتي ..؟؟؟..
غايه : نسيت كيمرتيه فالكهربه فوق .. ( و جان تعطس ) ..
منصور : الشيخه .. انتي مريضه ردي و انا بييبها ..
جان تفتر غايه صوب منصور .. و شافته .. و شافت الخوف عليها في عيونه .. و شافته لابس الكوت الي كانت متلحفتبه .. و منصور لو هو ما يبى بس ما قدر انه ينزل عينه عنها .. و شاف عيونها من النقاب و التعب بادي عليهن .. تمنى موته و لا شوفت ذيج العيون بهالحاله .. ليته فيني و لا هب فيج ..

رجعت غايه و حمد الباص .. و منصور من بعد ما ياب الكيمره رد هو وسعيد من بعد ماسكرو البيبان و عطو البواب المفاتيح ..و ركبو الباص .. و توكلو على الله و سرحو يكملون دربهم صوب أبها ..

اذا كان الطريق بين الطايف و الباحه في نظرهم فلم رعب .. فالطريق بين الباحه و أبها كان مثل الكابووس .. كله منحدرات قويه وصعبه ..
مطر و هو يتكلم بجد : الله يوصلنا سالميين ..
حمد : هذي مشورتك ..
مطر : ما كنت ادريبه ان الطريق جذيه ..
و منى ميته من الخوووف .. و ماسكه في طرف عباة منال .. و منال نفسها خايفه .. و ميثه ميلسه عيالها عندها .. و من ينش واحد منهم مسكته من ذنه و يلسته ..
ميثه : وين تبى ..؟؟؟..
راشد : أي أي .. ذنيه .. بطلي ..
ميثه و هي تسحبه : ماشي بطلي .. يلس .. ما فينا تتسبب علينا و تربش الرياييل و يستويبنا شي ..
ام غايه : بسم الله من فالج ..
و طول الطريج و سياره قدامهم .. فجأه و بدون مقدمات .. ما حسو بالسياره الا و هي اتطيح من على المنحدر .. و سواق الباص من الخوف ضرب بريييك قوي .. و البنات تمن يصااارخن .. و ميثه لاويه على عيالها .. و ام العنود ماسكه امنه و يمعه .. و تقرى ادعيه .. و فجأه وقف الباص ..
ام غايه و هي تصارخ : الله يعني بلا شور مطر .. مطووووووووور مسود الويه تبى تنفدنا ..
بو غايه : يا بنت الحلال عيني خير ..
ام غايه : وين عيني خير .. جان نفدتونا انت و عيالك .. اللحين تردوني سويحان ..
بو غايه : سويحان ! .. مب حولج سويحان ..
ام العنود : سعيد يا بعدي .. نشو طالعو هالسياره الي طاحت .. تلاحقو هلها ..
السواق : لا اختي .. هذا شي طبيعي هنا ..
فجأه سمعو صياااح ..
و كانت العنود ..
العنود : مااااباااااا .. .. بمووووووووووووووت ..
غايه : عنوده شو ( و جان تعطس بالقوو ) شو فيج ..؟؟؟..
و مطر من سمعها تصيح بغى يموووت .. مب عارف شو يسوي ..
مطر و هو يرمس راعي الباص : تحرك تحرك ..
و البنات بعدهن من الخوف مب رايمات يتكلمن .. و غايه حاطه الكيمره عدالها .. تصور شوي .. و تيلس تهدي العنود شوي .. و كانو مشغلين المسجل ..
ام غايه : حمد .. بند هالمسجل .. و حطولنا قرآن ..
فحطو على الاذاعه السعوديه .. و قبل لا يوصلون أبها بكمن كيلو .. فجأه شاحبهم الباص بطريقه قويه .. و المطر يصب عليهم .. و السواق يحاااول انه يتحكم بالسياره .. و البنات و الحرمات يصاااارخن بطريقه مب طبيعيه .. حتى الرياييل نفسهم وقفت قلووبهم .. و منى ميته من الخوف .. و راشد طاح فوق معضد خوه .. بس السواق ماشالله عليه قدر يتحكم بالباص و وقفه .. ثواني و الناس مب عارفين شو الي صابهم .. و الكل يتنفس بصعوبه .. و قلوبهم ادق بالقوو ..
معضد : رشووود نش عني ..
بو غايه و هو يوقف و مب قارد انه يصلب عمره .. و يتاكي على واحد من الكراسي : يا جماعه حد منكم تعوق ...؟؟؟..
بس محد رد عليه يريدون يستوعبون الي استوى ..
منال و هي تهز منى الي طاحت عليها : منى .. منى ..
بس منى ما ردت عليها ..
منال بخوووف : مناااااايه ..
فهاللحظه راح راشد صوبهن ..
راشد و هو يصييح و يصاااارخ : امااااااايه منى بغمووو عليها .. و تم يصييح ..
و منصور و حامد ما فهمو كلام راشد .. بس عرفو ان منى فيها شي .. و منصور بدون ما يحس بعمره نشر يربع صوبهن ورى ..
و منال تحرك منى : مناااايه مناااااايه .. و تمت تصيييح .. و غايه و العنود يتصايحن .. ثواني و ان منصور عندهن و حامد وراه ..
منصور و هو موخي على منى : منى .. منى ..
بس منى ما تحركت ..
منصور و هو يصارخ : محد عنده عطر و الا شي .. ؟؟..
ميثه : انا انا ..
و يلست ادور في شنطتها .. و في هالوقت كانت غايه قد طلعت عطر من عندها و عطته لمنصور .. و هي ماده ايدها و جان تعطس .. اول مره منصور ما ينتبه لغايه .. خوفه على خته سلبه كل تفكيره .. و تمو حول 5 دقايق و هم يحاولون يوعون منى .. الي نشت .. و فتحت عيونها .. و من شافت منصور جدامها ..
منى و هي تصيح و تلوي عليه : منصووووووووووووووووور ...
منصور : اشش .. لا تصيحين .. لا تصيحين .. لا حبيبي .. ما استوى شي ..
و غايه واقفه و تشوفه .. و تشوف حنانه و اسلوبه مع منى ..
ارتبشو الكل بسالفة منى .. و نسو يعرفون شو الي صابهم .. و هم مرتبشين بمنى نزل السواق و حمد و شافو الباص .. و كان واحد من التواير امبنجر عليهم .. و من بعد ما اطمنو على منى نزلو الرياييل كلهم يشوفون الباص .. و يلسو يعاونون السواق و هو يركب السبير ..
راح راشد و هو حزين صوب منى ..
راشد و هو يشوف منى و هي حاطه راسها على كتف منال : منايه .. بغمو عليج ..؟؟.. يعورج ..؟؟؟؟..
فهاللحظه كلهن ظحكن ع راشد ..
منى و هي تصلب عمرها و تقدم جسمها لجدام شوي عشان ترمس راشد : لا حبيبي .. انا بخير ..
راشد و هو شوي و بيصيح : منايه .. انا احبج ..
غايه : حبيبي لا تصيح .. منى مافيها شي ..
جان تفتر غايه صوبها : حشى خبلتي بولدنا .. ( غايه و هي ترمس امها ) .. امايه .. راشد متصوب من منايه ..
ام غايه و هي تفتر صوبهن : رشووووود .. علومك ..؟؟؟.
راشد : خلاص .. انتي تعالي و يلسي عدالي ... ما بخليهم يبغمون عليج .. ( و سوى بيده كأنه يعطي حد بوكس ) .. بضربهم ..
ميثه : هههههههههههههههه .. فديييت الريايييل انا ..
العنود : رشود .. ما يقولون بغمو عليها .. يقولون اغمى عليها ..
فهاللحظه كانو الرياييل قد خلصو الباص .. فردو وركبو الباص و توكلو على ربهم ..
ام غايه : اييه .. قولوله لا يسرع في هالمطر ..
سعيد : ما يهمج عمتيه ..
ام غايه : حشى .. الحامل ما ادوس هالدرب ..
ام العنود : ثرها بتم حامل من الزيغه ..
ام غايه : صدقج ..

و اخيرا وصلو أبها .. و من دشوها و غايه تصور المناظر .. اول شي .. راحو منطقه اسمها خميس مشيط .. و دورو فيها فنادق .. و لقو واحد اسمه من اسم المنطقه .. و نزلو الرياييل و شافوووه .. بس ما عيبهم ..
ام غايه : عيالي خلونا نيلس فيه و من عقب دورو غيره ..
حمد : لالا .. ندور من اللحين و نستقر في واحد احسن من اننا نتنقل من فندق لفندق ..
السواق : ليش ما تاخذو شقق .. احسن من الفنادق ..
مطر : انت ادل ..؟؟؟..
السواق : في مجمع مره حلو و نظيف بيعجبكم ..مجمع الزامل .. و هالمجمع قريب من قصر الامير خالد الفصيل .. امير أبها ..
و من سمعن البنات خالد الفصيل ..
غايه : هييييه هيييه ودونا ( و جان تعطس ) .. خشمي عورني ..
فهاللحظه الكل ظحك عليها ..
منصور و هو يضحك : خلالاص .. بنرووح المجمع ..
و في طريقهم للمجمع .. مرو على منطقه شبه سوق .. بارزين فيها الرياييل بالفااكهه ..
ام غايه : وقفو وقفو ..
بو غايه : شعندج ..؟؟؟!!!..
ام غايه : وقفو بنتشرى من هالخضره ..
بو غايه : لاحقه عليهم بنرد باجر صوبهم ..
ام غايه : معضد .. وقفو اقولكم ..
بو غايه هو يرمس السواق : وقف وقف .. مافينا لحشرتها ..
و وقفو .. و غايه فتحت دريشه الباص و تمت تصور بالكيمره السوق .. و كانت اشكال الرياييل الي يبيعون غريبه .. كانوو لابسين وزره و قمصان .. و الي حاط ورد و الي حاط اوراق فوق راسه .. كانت اشكالهم تختلف عن السعوديين .. نزلت ام غايه و حمد و منصور و مطر و حامد .. و غايه يالسه و تصور ..
غايه : امايه امايه شوفي صوبنا ..
ام غايه : هنه هنه .. لا تصوريني ..
غايه : ههههههههههههههههههههههههه ههههههههه ..
مطر : لا لا العيوز .. تصوري .. عشان يحطونج فالتلفزيون ... مغامرات بدويه في أبها ..
ام غايه : مسود الويه .. عن الطنازه ..
مطر : ههههههههههههههههههههههههه ههه .. لو ما المستحى من هاللحى كلها ( و تم يأشر على الرياييل الي فالسوق ) .. و الا جان حبيتج ..
ام غايه : غربلاتك .. ما تنغلب ..

تمت غايه تصورهم .. و تفرقعو .. حامد و مطر راحو صووب واحد و ام غايه و حمد راحو صوب واحد .. و منصور .. راح و تم واقف ع طرف و يشوف غايه و هي تصور و مندمجه و تسولف مع البنات شوي و تصور شوي .. و غايه ما خلت شي ما صورته .. و تحرك الكيمره من طرف لطرف .. فهاللحظه .. حطت الكيمره على منصور .. و كان موخي تحت يشوف شي طايح .. تمت اتقرب منه الكيمره و هي مب حاسه بعمرها ... و منصور مب حاسبها .. فجأه رفع منصور عينه صوبها .. شافها و هي تصوره .. و غايه مب قادره اتشل الكيمره من عليه .. تحس عينها في عينه .. فهاللحظه تذكرته و هو فالحجره .. آاااه .. و منصور قلبه يدق بالقو .. معقوله تحس بي ..؟؟؟.. مجرد شوفتها و هي جدامه .. ردت لقلبه الحياه في هالدنيا .. فجأه عطست غايه .. و منصور يشوفها .. جان يتذكر تعليقها .. ههههههههههههههههههههه .. حليلها اكيد خشمها يعورها .. و غايه من بعد ما عطست رجعت بتحرك الكيمره صوب مطر .. بس الي ذبحها .. انها تشوف منصور و هو يطالعها و يظحك .. فهاللحظه .. نزلت غايه الكيمره .. و شافت منصور .. و قلبها يدق بالقو .. شوفيني ..؟؟؟..

.............................................

الجزء العاشر ..
الفصل الثالث ...


***أتحرى من زماني ساعتين .. ساعة شوفته وساعة جيته.. وأحترق في كل ساعه مرتين .. خوفي ينسى او تطول غيبته.. وبس يقبل تعتريني رجفتين .. رجفة الفرحه ورجفة هيبته.. مات قلبي ياخلايق موتتين .. يوم شفته ويوم روحي حبته ***



العنود و هي ادق غايه : غايوووه غايوووه شوفي شوفي .. ( و جان تأشر على مطر ) ..
فهاللحظه افترت غايه صوب مطر .. اللي كان يسولف مع واحد من الي يبيعون ..
العنود : فدييييته .. صوريه ..
غايه : حشى .. صورناه ..
نزل منصور ويهه و مشى .. و راح و ركب الباص .. و غايه في خاطرها مب عارفه هي شو استوابها من شافت نظراته .. هالانسان فيه شي ..
و منصور مب عارف هالانسانه شو سوتبه .. مب عارف هو ليش مشدود لها بهالطريقه .. هي بالشوه زايده عن باجي البنات ؟؟!!..

و من عقب ما خلصو .. ركبو كلهم الباص .. و راحو صوب مجمع الزامل .. و من دشوو .. و هو وااايد عايبنهم .. و ارتاحوله .. نزل منصور و حمد و سعيد .. و استاجرولهم شقتين .. مساحة كل شقه 3 حجر و صاله و حمامين و مطبخ .. و كانت شقه للحريم و شقه للرياييل .. و كانن مجابلات بعض .. من بعد ما استاجروهن .. نزلن الحرمات ..
ام غايه : رشوووووووود .. رد رد .. ميثه .. قبضي ولدج ..
راشد : اريد عمي مطر ..
و رد يربع صوب الباص ..
ميثه : ياويلي من هالياهل ..
ميثه و هي تزقر راشد بصوت عالي : راااااااااااااااشد .. تعال ..
فهاللحظه كان راشد يربع بيروح صوب الباص عند عمومته .. و كانو لمت شباب توهم داخلين المجمع .. و سمعو ميثه و هي تزقر راشد .. جان يمسك واحد منهم راشد ..
سالم و هو يمسك راشد من ايده : تعال تعال ..
راشد و هو يفتر صوبه : اييييه بطل ..
سالم و هو يشل راشد فوق : وين تبى ..؟؟..
راشد : و انت شولك خص ..؟؟؟..
سالم : ههههههههههههههههه .. شو اسمك ..؟؟؟..
راشد : ليش بتخطبني ..؟؟..
سالم : ههههههههههههههههههههه ..
راشد : اييييييييييييه نزلني ..
سالم : قولي اسمك و من عقب بنزلك ...
راشد : ايه ايه انا ريال مب بنت عشان اتقولي شو اسمك ..
سالم : ههههههههههههههههههههههههه هههههههههههه .. و الرياييل ما يقولون اسمهم ..؟؟!!!..
راشد : شيوووخ سويحان شراتي .. مايقولون اسمهم ..
سالم : عاااشوو هل سويحان ..
راشد : اييييييييييييييييييييييه .. نزلني برووووح ..
فهاللحظه افترت ام غايه .. و شافت راشد و هو عند الشباب عند الباب ..
ام غايه : ميثه غربلج الله .. طاعي ولدج عند منو ..
جان يفترن كلهن .. و شافن راشد و هو يحاول يتضارب مع الريال عشان ينزل ..
ميثه : ياويلي من هالصبي ..
و راحت ميثه و العنود و منى صوبهم عشان اييبن راشد ..
ميثه : رشوووووود .. عيب عليك ..
من شافها سالم يايه هي و البنات صوبهم .. ردو باجي الشباب ورى .. و سالم نزل راشد ..
راشد : هذا الدب شلني ..
سالم : ههههههههههههههههههههههههه هههه ..
ميثه و هي ترمس سالم : السموحه منك الشيخ .. (و مسكت راشد من ايده و تسحبه بيردون صوب الحرمات )
راشد و هو يسحب ايده من امه : امااااااااااايه لا تسحبيني جدام الرياييل شو بيقولون ..؟؟..
و سالم واقف و يطالعهن ..
راشد و هو يفتر صوب منى : انتي ليش ييتي عند الشباب ..؟؟؟..
منى و هي مستغربه : شووووووو ...؟؟؟..
راشد : عنلالالالاتج .. بيرقموونج ..
فهاللحظه كان سالم توه بيفتر بيرد عند الشباب .. و من سمع رمست راشد مااات من الظحك ..
العنود : يخسووون يرقمونها و انت عندنا ..
راشد و هو يمسك منى من ايده و يقودها : يله روحي عند ختج الكبيره ..
و ياهن حمد و وداهن صوب شقتهن .. و من بعد ما استقرو فالشقق .. دخلن ام غايه و ام العنود الحجره و نامن .. و ميثه و منال راحن يسون عيشه لشباب .. و غايه من التعب و المرض مب قادره تنش من على الكرسي و منسدحه و ع كل دقيقه تعطس ..
العنود : غايوووه اسويلج زعتر ...؟؟؟؟..
غايه : لا ..( و جان تعطس ).. بمووووووووووووووت ..
منى : شهالكلام !!.. لا انشالله هذا زكام بسيط ..
و فهاللحظه يتهن امنه ..
امنه : غايوووه مطر يريدج برى ..
غايه : هذا ما يحس ؟؟!!.. يشوفني مريضه ( و جان تعطس ) ..
العنود : ودج انتي بشوفت بو غيث ..
منى : بو غيييث !!!!!.. وع عنود بتسمون ولدكم غيث ؟؟!!!..
و جان تعطس غايه ..
غايه و هي تنش : اكرهه ..
العنود : لا ما بنسميه غيث ..
منى : اوكي ليش اتقوليله بوغيث عيل ..؟؟؟!!..
العنود : أي واحد اسمه مطر يقولوله بوغيث ..
منى : اهاااا ..
نشت غايه و هي لافه لحاف حولها و تتسحب صوب مطر .. و مطر واقف عند الممر يترياها ..
غايه : انت شو تبى .. ؟؟؟؟..
و من شافها مطر ظحك ع شكلها ...
غايه : حرام عليك .. ( و جان تعطس ) ..
مطر : هاه اندوج .. و مدلها كيس صيدليه ..
غايه : شو هذا ..؟؟؟..
مطر : هذا دوا ..
غايه و هي تاخذه : فديييييييييييييتك ..
مطر : وين الخطيبه ..؟؟؟..
غايه : فاجه ثمها عند البنات ..
مطر : و العياااييز ويين ...؟؟؟؟..
غايه : راقدات ..
مطر : و الله ..؟؟؟.. (و جان يفتر صوب باب شقتهم يتاكد اذا حد طلع و الا لا ) .. زقريها ..
غايه و هي تعطس : بن عروووه ..
مطر : دخييييييييييييييييييلج ..
غايه و هي تفتر عنه : بس عشانك يبتلي دوى ..
مطر : لا انا ما يبتلج شي .. هذا منصور .. راح الصيدليه و يابه لج .. ما عنده سالفه ..
و من سمعت غايه اسم منصور وقف قلبها .. هو يابلي الدوى ..؟؟!!!!!!... دخلت غايه .. و هي ماسكه الكيس بيدها .. لهالدرجه يحاتيني .. !! .. و جان تعطس ..
غايه : عنووود .. يبونج ..
العنود : مافيني بردانه ..
غايه و هي ترمس امنه : امووون روحي لمطر و قوليله ..
العنود و هي تقطع رمستها : مطووووووووور .. فديييته .. و نشت تربع صوبه ..
كانت عند الباب و تعدل شيلتها .. و مطر عاطنها ظهره .. و يشل شلة الشريف ( يا ذا النسيم الرايح .. ياذا النسيم الرايح .. سلم على المحبوب .. سلم على المحبوب .. سلم سلام ٍ فايح .. فيه العطر مسكوب .. قله تراني رايح .. مالي عليه ادرووب ) ..
العنود : وين بتروووح ..؟؟؟..!!!!...
مطر و هو يبتسم : مرحبا السااع بهالشووف ..
العنود و هي تفتر بويها ع طرف : اهليييييييييين .. شو تبى ..؟؟؟..
مطر : آآآآآآآآآآآآآه شو ابى ؟؟!!!..( بصوت واطي ) .. شوفتج ..
و العنود قلبها يدق طبووول .. عنلاته هو يريد يذبحني بكلامه ..؟؟؟!!!!...
فهاللحظه ظهر حامد .. و شاف العنود الي ما شافته .. و كانت مستنده ع طرف الباب و اتشوووف مطر ..
مطر و هو يلعب بطربوشته .. و يبتسم : شوفيج ..؟؟؟..
العنود و هي امبهته : شوووو ..؟؟؟!!!...
مطر : ههههههههههههههههههههههههه ه .. امووووت عليج ..
فهاللحظه افترت العنود بويها عنه .. و طاحت عينها في عين حامد .. الي كان واقف و يشوفهم .. و من شافته العنود افترت و دخلت داخل الشقه .. جان يفتر مطر صوب باب شقتهم .. و شاف حامد .. الي من شاف مطر جان يبتسمله ..
مطر و هو معصب من حركة حامد : انت شو موقفنك هنيه ..؟؟؟!!!..
حامد و هو يرفع واحد من حيـّاته : انا شو موقفني و الا انت ..؟؟؟؟!!!..
مطر : لا و الله ..
حامد : انت ما تستحي واقف فياها فالممر ..؟؟؟.. لو طافو عليكم ناس و شافوكم ..
مطر : و يطوفون .. وش عليه منهم .. واقف انا و خطيبتيه و بنت عمي بعد ..
حامد : و هم شدراهم انها بنت عمك ..و الا حتى خطيبتك ..؟؟؟..
مطر و هو يمشي و يحرك ايده : اووووه انت ما عندك سالفه ..
حامد : بسكم من حركات اليهال ..
مطر و هو يتخطى حامد : شعرفك انت بالحب ..
حامد : انا يوم بحب بحبلي وحده عاقل .. مب ياهل من قوم تعش ..
مطر : اسميها مقروووده الي بتظويك ..
فهالليوم .. ما طلعن الحرمات و البنات من الشقه .. الشباب بس الي طلعو و تمو يحوطون .. و ما ظوو الا الساعه 1 الصبح ..

الصبح .. نشت غايه من قبل الصلاه .. و كان المطر يصب عليهم .. راحت غايه صوب المطبخ و سوتلها كابتشينو .. و شلت الكوب و راحت صوب الدريشه فالصاله و تمت تشوف المطر و هو يصب .. شوي و ان العنود ناشه اتشوفها ..
العنود و هي تسحب اللحاف معاها : بسم الله .. انتي شو موعنج من الفير ..؟؟!!..
غايه : مادري ..
العنود و هي توايج ع غايه الي كانت عاطيتنها ظهرها و اتوايج من الدريشه : شو تشربين ..؟؟!!
غايه : كابتشينو ..
العنود : الله .. و ليش ما سويتيلي يالزطيه ..؟؟؟..
غايه : تعرفين هالانسان غريب ..
العنود : أي انسان ..؟؟؟!!!...
غايه : منصور .. ( و جان تفتر صوب العنود ) تعرفين .. هو الي يابلي الدوا ..
العنود و هي مستغربه : حلفي ..
غايه : و الله .. ( و جان تنزل راسها و اتشوف كوبها ) .. تعرفين اول امس يوم كنا فالفله ..
العنود و هي تيلس على الكنبه الي عدال غايه : هيه .. ( و جان تلف اللحاف حولها ) بررررررررد ..
غايه و هي اتطالع المطر : يوم كنت بروحي فالحجره فالطابق الثاني .. دخل عليه الحجره ..
العنود : شووووووووووو ..؟؟؟؟!!!!..
غايه : و الله .. تعرفين .. انا قلت بيظهر من شافني بروحي .. الا تصدقين .. تم فالحجره ..
العنود : و بعدييييييييييين ..؟؟؟..
غايه : مادري .. كان في خاطره رمسه .. حسيتبه .. كان يبى يقولي شي .. الا بعدين قالي انسي و سكت و ظهر من الحجره ..
العنود : شو كان يبى ..؟؟؟!!!؟؟
غايه : مادري .. بس قلبي عورني .. يالله .. حسيت بشي مب طبيعي ..
العنود : غايووووه ..
جان تفتر غايه صوبها ..
العنود : تحبينه ..؟؟؟؟..
غايه : احبه !!.. مستحيييييل .. و لا خطر هالشي عبالي .. لا يالله .. تبيني ابدي منصور ع احمد .. لا و الله ما كان ..
العنود : عيل شو فيج ..؟؟؟..
غايه : مادري .. ( و تمت تحرك صبعها على اطراف الكوب ) .. احس اني اغضن عليه .. يالله كيف يعور قلبي .. تخيلي نش بخاواته .. ريتيه و هو فالباص و يسكت منى و هي تصيح .. يالله ماقال عرب غرب و رياييل و عيب .. امره ما استهم منا و لوى عليها و سكتها .. غييييير هالانسان في حنيه مب في حد ..
العنود : لا فديت بوغيث .. مطر احن عنه ..
غايه : امحق .. زطوط سويحان شعرفهم بالحنيه و الرومنسيه ؟؟!!!..
العنود : وااايه فقتج ياليعريه .. و الله يا هل سويحان محد يسواهم .. يالله فديييييييييييييت بوغيث .. آآآآآآآآآه .. هالانسان ذابحني ..
غايه : عنوووود .. احمد ليش ما يحبنيه ..؟؟؟..
العنود : و ليش يحبج ..؟؟؟؟..
غايه : لاني احبه ..
العنود : و العافيه ثرج منو تكونين ..؟؟؟؟..
غايه و هي اتفر غرشة الماي عليها : فقتج .. بتبطييين ما خليت مطر ياخذج ..
و من عقبها ردن و نامن .. و عالساعه 10 الصبح نشن و كانن كل الحرمات ناشات عداهن .. و ظهرن وراحن الصاله ..
ميثه : نشيتن غلامتييين ..
غايه و هي تسحب اللحاف فياها : فديييييييييييييييييييتني انا .. نشيت يعني افدى روحي ..
ام غايه : ظنكن الشباب متى ظوو امس ؟؟؟..
غايه : امااااايه .. ليش هم يحوطون و احنا ميلسات هنيه ..
العنود : هيه و الله .. ماتقولين الا دياي المقطع ..
ام غايه : ههههههههههههههههههههههههه ه .. غربلج الله وين دياي ..؟؟؟!!!..
منى : لا صدقها عموه .. الكل في ابها يحوطون .. و احنا يالسات و انشوف من الدريشه ..
غايه : آآآآآآه ... شوف و حرقت يوووف ..
ام غايه : عندكن بمعضد .. قرقعن عليه يرمس الشباب يودونكن ..
غايه و هي تنش : انا بروووحله ..
منى : و انا بروح معاج ..
و ظهرن غلامتين صوب شقة الشباب و دقن الباب .. و ابطن محد فتحلهن ..
منى : اكيييد بعدهم نايمين ..
غايه : رشوود نومه خفيف .. بينش ان سمع الدق و الا الجرس ..
و فهاللحظه انفتح الباب .. و كان حمد خو غايه .. من شافته منى .. افترت ع طرف و تغشت ..
غايه : صباح الخير ..
حمد و هو منزل راسه : صباح النور ..
غايه : امايه مطرشتني صوب بويه .. تباني اقوله شي ..
حمد و هو يفتحلهن الباب ع وسعه و يفتر عنهن بيحدر : دخلي ..
و دخلن و تمن يتلفتن حولهن ..
غايه : وين حجرته ..؟؟؟..
حمد : لا شيبتج راقد فالصاله ..
غايه : عنلالالاتكم .. انتو راقدين فالحجر ع الشباري و بويه مرقدينه فالصاله ..
حمد و هو يخليها و يحدر حجره : الله يحشرج ..
و دخلت غايه و لقت بوها واعي و منسدح و ينظف المدواخ ..
غايه : فدييييييييييييييييييييت هاللحيه .. بويه اريد احبك .. الا اخاف اعاديك ..
بوغايه : مرحبا الساع بالشابات .. الحلوااات ..
منى و هي تبتسمله : صباح الخير عمي ..
منصور : صباااااح النووور و السروووور ..
فهاللحظه افترت منى صوب منصور الي كان توه حادر من باب الصاله .. و هو من دخل و عينه ع غايه .. الي كانت عاطيتنه ظهرها .. و شاف حركتها و هي تتغشى .. جان يبتسم ..
فهاللحظه وقفت غايه و افترت صوبه ..
منصور و هو لاوي ع منى و يشوف غايه : شحالج الشيخه ..؟؟..
و غايه قلبها يدق بالقو : بخير .. احم .. بخير ربي يسلم روحك ..
جان يبتسم زووود .. يالله فديت هالمنطوق ..
منصور : رب الدوى فادج ..؟؟؟..
غايه و هي تنزل راسها و تلعب بايدها بطرف الشيله من التوتر : هيه الحمدلله .. مشكور يطولي بعمرك ..
و فهاللحظه نزل منصور عيونه لصبوعها .. و هو يشوفها و هي تلعب بطرف الشيله .. بطريقه وضحتله انها متوتره .. و هذا الي زاااده فرحه .. متوتره .. مممممممم ..
منصور و هو يرفع عيونه من صبوعها لها و هو بعده مبتسم : افا عليج واجبنا الشيخه ..
غايه و هي تخر صوب بوها : باباتي .. طلبتك .. قل تم ..
بو غايه : طحتي واجفه يا بنت معضد .. تـــــــــــم ..
غايه : فدييييييييييييييييييييت روووحك ..
و منصور من سمعها .. و هو ميت عليها ..
غايه : انريد انحوووط ..
فهاللحظه كانت منى و منصور يالسين على وحده من الكنبات .. و منى اتطرش مسج من تيلفون منصور ..
بو غايه : وين تبين اتحوطين ..؟؟؟؟..
غايه : أي مكااان ( و جان تعطس .. و تحط ايدها على خشمها من فوق الشيله و هي متغشيه ) ..
ماقدر منصور يمنع نفسه .. و جان يظحك : هههههههههههههههههههههه .. خشمج يعورنج ..؟؟..
جان تفتر صوبه غايه .. و من افترت .. و منصور مب في حاله .. حس ان عينه في عينها .. حس بدقات قلبها .. و غايه .. مب قادره تتجاهل وجوده .. و من شافت شكله و هو يظحك .. و هاللمعه الي في عيونه .. ماقدرت .. حست بقلبها طاح ..
غايه و هي تبتسم : الله يسامحك .. تتطنزبي .؟؟؟!!!..
بهت الريال .. و ماتت الكلمه في شفاته .. و لا قدر ينطق .. تكلمني ؟؟!!!.. اناااا..!!!!..
جان تفتر غايه صوب بوها : باباتي .. اتشوفه يطنزبي ... حليلي ما يحسوبي .. انا مريضه ..
و منصور ميت .. انا شفت دلع .. الا مثل هالدلع ما ريت .. آآآآآآآآآآآآآآآآآه يا قلبي ..
بو غايه : افااا عليج يالغوي .. محشووومه ..
منصور : القدر و الحشيمه لج الشيخه ..
غايه : خلاص عيل .. اللحين تحوطونا ..
بو غايه و هو يدوخ المدواخ : خوانج بيظووون الليله ..
غايه : منوووو ...؟؟؟؟..
بو غايه : احمد و هزااع ..
غايه : و الله ؟؟؟... فدييييييييييتهم ..
جان تفتر صوب منى : منايه انا بروووح اقول لميثه ان ريلها بيظوي الليله ..
و ظهرت تربع عنهم صوب الشقه الثانيه .. و كانن الحرمات يالسات ..
غايه : ميثووووووووه .. شوقج بيظوي الليله ..
ميثه : ادري ..
العنود : و انا اقول الميث محلوه اليوم ..
فهاللحظه سمعو صريح من الشارع .. جان ينشن يترابعن صوب الدريشه يشوفن شو مستوي .. و لقن واحد سعودي و محتشر ..
الريال : اطلع يا راعي كابرس ..
و كانو مجموعه من اليهال يلعبون بالكوره .. و تمن يشوفونهن ..
واحد من الاولاد : شوف شوف .. مره حلوه ..
الثاني : وش هو ..؟؟..
الولد : ذيك البنت .. مره حلوه ..
الثاني و هو يفتر صوب قوم غايه الي يالسات يطالعونهم و هم يلعبون و يظحكن : ورى ما تيجي تلعبي معنا ..؟؟؟..
غايه و هي تسويلهم باي باي بايدها ..
العنود : ليت حمد شافج ..
فهاللحظه يت منى : منصور يقولكن تبن ترووحن تحوطن ..؟؟؟..
ام غايه : وينهم هم ؟؟..
و نشت ام غايه صوب شقة الرياييل .. و من عقب ردت ..
غايه : امااايه شو بيحوطونا ..؟؟؟..
ام غايه : لا بيسرح بوج و منصور صوب الجبره بييبولنا ذبيحله ..
غايه : لييييييييييييييييييييييش ...؟؟؟؟..
ام غايه : ودي بالستر .. خوانج بيظوون تبيني اعشيهم دياي ؟؟؟!!..
و فهاليوم .. ماقدرو يطلعون .. و يلسن الحرمات يعابلن الذبيحه من عقب ما يابها بو غايه و منصور .. و غايه يالسه و تتحرطم عليهم تبى تظهر من الشقه .. تريد اتحوووط ...
بو غايه و هي يالس عندهن في شقتهن و يرمس ام العنود : ليتج الا ريتيهن .. تيوستهم بيضى .. حافظ عليها ..
غايه : بويه حرام عليكم .. و الله ظلم .. شعنه يبتونا و انتو ما بتحوطونا ..؟؟؟؟..
بو غايه : يابنتي هيديلنا الا امس ظاوين .. بنحوطج ..
غايه : متى ..؟؟؟..
ميثه : غايه .. لا تاكلين قلب عمي .. بعدنا بنيلس حول الاسبووع و زوود .. بتحوطين اللين ما اطيب نفسج ..
و ع الساعه 6 المغرب .. ظهر مطر و سعيد و حامد صوب المطار عشان اييبون احمد و هزاع خوان غايه .. و الحرمات سون الفواله .. و الكل يالس في شقة الحرمات .. و البنات يالسات داخل فالحجره .. و ام غايه و ام العنود و منصور و حمد و بو غايه يالسين فالصاله .. و ميثه اتسبح عيالها و تلبسهم .. و بعدين سمعو حشره .. اكييييييد وصلو .. ظهرت غايه و العنود صوب الصاله و هن متغشيات ..
و غايه من شافت احمد خوها : هلا و غلا ملايييييييييييييين و لا يسدن بالشيوووخ ..
فهاللحظه الكل افتر صوب غايه .. و الي فجأه وقف قلبها .. و هي اتشوف احمد !!!.. لالا .. احمد يى معاهم ؟؟!!!.. وقفت غايه مكانها .. و لا قدرت انها تتحرك ..
احمد خوها : مرحبا الساع بغرشوبتنا ..
فهاللحظه افتر احمد صوب غايه و هو ميت من الفرحه .. يالله فديت هالشوف .. يالله كيف اشتقتلج .. و العنود منصدمه من شافت احمد موجود ..
دزت العنود غايه من ظهرها عشان تتحرك صوب خوانها .. لان الكل انتبه انها وقفت .. مشت غايه و وايهت احمد خوها و هزاع .. و من عقب افترت صوب احمد الي كان واقف و ماسك طربوشته ع طرف .. ومن عقب فرى على كتفه .. آااااااااه .. بيذبحني هالانسان ..
مطر : اللحين بتحلو السفره ..
احمد : الله ينطبك .. ما رمنا ع فراقك .. (و جان يفتر صوب غايه و هو يبتسم ) ..
اشر حمد لغايه عشان ترد و تدخل الحجره .. و هي بتموت ما تريد تدخل اتريد اتشوف احمد .. يالله فديت ويهه ..
و راحن فالممر الي يوديهن صوب الحجر .. بس غايه وقفت ... تريد تتسمع رمستهم ..
احمد : ربي يسلمك .. رحت مستشفى السلام .. قلتلهم تعباان .. و ما خليت شي ما تشكيت منه .. حشاك قطعوني الا بهالابر و المغذي .. رحتلهم سليم .. و ظهروني بمية عله .. و شليت التقارير صوب الملازم .. و قلتلهم تعبان .. و عطوني يومين اجازه ..
حامد : اسميك متفيج .. ع سب يومين اجازه ياي ابها ..
احمد و هو مب مرتاح لحامد : لا يطولي بعمرك .. اليوم الاثنين .. و انا اجازتيه الثلاثا و الاربعا .. و بالخميس و اليمعه ما عندنا دوامات .. يعني حول 4 ايام ..
سعيد : ما يرزى عليك .. الا مطور ..
احمد : آااه .. لا .. سمحلي .. مطر ماله مثيل عندي .. و الله لا اتعناله بلاد و ابحور ..
مطر : عليك انت .. خشمك خشمك ..
غايه : آااااااااااه ... فدييييييييييييييييييييييي ته .. يالله يعل المرض فيني و لا هب فيك عسى ..
فهالليله .. ظهرو الشباب كلهم .. و تمن الحرمات فالبيت .. و غايه قلبها يدق بطريقه مب طبيعيه .. و ظاربنها حفوووز مب طبيعي .. ياويلي احمد عندنا .. يالله فديت رووحه .. و احمد من فرحته بشوفت غايه .. تم مرتبش طول الليل .. و هم يحوطون في ابها .. و ردتله الحياه مثل قبل و زووود ..
بالباجر .. كانت الساعه 8 الصبح و كان حمد يدق عليهن في شقتهن .. و كانت ام غايه واعيه .. و قالها انهم بيسرحون منطقه اسمها السوده .. اذا يبون يخاونهن .. نشت ام غايه و وعت البنات .. و البنات ما صدقن انهن بيظهرن من الشقه .. و في نص ساعه كانن البنات متلبسات و مخلصات .. و يتريون الشباب يخلصون .. و غايه قلبها يدق بالقو .. و بشوفه .. و لا كانت حاسه بعمرها و هي تتعدل .. و من عقب تنقبن .. و من خلصو الشباب نزلو كلهم صوب الباص .. و ركبو .. و غايه من نزلت و هي اتدور احمد بعيونها .. وينه وينه .. بس ما شافته ..
حامد و هو يرمسها : وين تبين ..؟؟؟.. الباص من هالصوب ..
فهاللحظه انتبهت غايه انها كانت تمشي فالطرف الثاني ..
غايه و هي ناقمه حامد : شوووو ..؟؟..
حامد : اففففففف .. ( و هو يأشر صوب الباص ) الباص هالصوب .. ( و جان يفتر عنها بيروح الباص ) .. مشكله اليهال ..
و غايه الود ودها تعق نعالها و تفلعه بين عيونه .. فقته السبال .. و يلست تتحرطم عليه في خاطرها ..
ركبت غايه الباص .. و طاحت عينها على منصور الي كان يكلم حمد خوها .. الي من شافها وقف قلبها .. هي بدون شي تذبحني بعيونها .. كيف اللحين و انا اشوفها و هي متكحله ..
بو غايه : هاه الغوي .. رضيتي اللحين ؟؟.. بيحوطونج ..
غايه و هي تخر على بوها و تحبه على خده : فديييييييييييييييييت رووحك انا ..
و حامد ميت غيض من بزاها .. اففففففف .. كريهه هالبنت .. و منصور ميت عليها .. هي ما تعرف انها بكل كلمه تنطقها يزيد شوقي لها ..؟؟؟.!!!..
راحت غايه و يلست ورى .. و هي عيونها ادور احمد .. الي كان توه يركب الباص هو و مطر و هزاع خوها .. و غايه الكيمره بيدها .. و الود ودها اتصوره .. اففففففف .. متى بنوصل ..؟؟.. و تحركو .. و راحو صوب الجبره قبل .. و اشترولهم ذبيحه .. و من عقب راحو صوب منطقة السودا .. و كانت منطقه و لا احلا .. رهيييييييييييييييييبه من الخاطر .. كلها شير .. و غايه من وصلوها و هي اتصور بالكيمره .. و منى نفس الشي ..
و من عقب لقولهم منطقه شوي فاضيه .. و نزلو الرياييل قبل و من عقب الحرمااات .. و فرشو الفراشات .. و يلسوو كلهم .. و البنات ما خذات لهن طرف شوي عن الشباب .. الي كل شوي ينش حد منهم .. عايبنهم المكان .. و يروحون و يحوطون فيها .. و غايه مستغله الوضع .. و مشغله كيمرتها .. و يالسه اتصور .. هالمناظر الطبيعيه سلبت قلبها .. تمت اتصور و نجذبت لهالجمال الي تشوفه .. و نست احمد و منصور .. الي من نزلت غايه و هو ما شل عينه من عليها ..
و شافن البنات التلفريك ( العربات المعلقه ) ..
غايه : امااااااااايه .. اريييد اركبها ..
منى : عموووه قوليلهم يودونا ..
منال : يا قلوبكن .. كيف بتركبن فيها ..؟؟؟..
العنود : لو الموت ما ركبت ..
غايه : انتي امبونج خوافه ..
ام غايه و هي متغشيه : هنه .. الله ينطب هالكيمره .. الي ما افرها ع طول يديه ..
غايه : ههههههههههههههههههههههههه هههه .. و الله ما صورتج ..
راشد و هو واقف عند الرياييل الي نشو عن البنات ..
راشد : منـــــــــــــــــى .. و تم يأشر لمنى .. فأفترت منى و غايه صوبه و صورنه .. فهاللحظه .. شافت غايه احمد و هو يالس و يسولف و مندمج فالسالفه .. يالله فديت حركاته .. حركت كيمرتها لجهة اليمين شوي .. و شافت منصور .. و كان يتكلم فالتيلفون .. و جان يظحك .. حست بنغزه في قلبها .. منو يكلم ..؟؟؟؟..
مطر : غاااايووووووووه ..
جان تفتر غايه صوبه : لبــــيــــه ..
مطر و هو ياشر بايده : صوريني ..
احمد : لو حد غيرك .. يندس عن الكيمره .. و انت متكسر و مجبسين اريلك ..
مطر : حلف انهم مجبسين ريلي ..
احمد : ريلك !!.. لا ااا اقصد ايدك ..
مطر : افا يا بو شهاب .. قدك ما تعرف الايد من الريل ..افاااا ..
احمد : ياخي غلطنا ..
مطر و هو يرمس راشد و يأشر صوب ايده المجبسه : رشووود هذي شو ...؟؟؟..
راشد : طابوقه ..
احمد : ههههههههههههههههههههههههه ههههههه .. ظاهر ع عمه الريال ..
و غايه ميته عليه .. يالله فديت رووحه ..
سعيد : اقووول الشبيبه .. مب الفروض تبدون فالغدا ..
مطر : انا انسان ايدي مكسوره و ما بفيدكم بشي ..
حامد : و انا ريال مالي فالطبخ و لا عمري دخلت مطبخ ..
احمد خو غايه : ما عليه بنعلمك ..
و نشو الشباب صوب الباص ينزلون القشار عشان يعابلوون الغدا ..
ام غايه : ما بغيتونا نفازعكم ..؟؟؟..
سعيد : لا استريحن انتن ..
ام العنود : و شو بتغدونا ..؟؟؟؟..
حمد : بنغديج ذاك المشواي ..
و يى مطر و شل الكيمره عن غايه .. و تم يصورهن قبل ..
مطر : عنوود سويلي باي باي ..
العنود : ماريد ..
مطر : اقولج سوي ..
العنود و هي تفتر بويها الطرف الثاني : مابا ..
مطر : ماعليه ما عليه .. خليني اخذج .. ماشي جامعه ..
العنود بنقمه : شووووو ..؟؟؟؟..
مطر و هو اونه يفتر صوب الشباب و من عقب افتر صوبها و بصوت شوي واطي : كلمه من اربع حرووف .. ( و جان يغمزلها و يرووح عنها ) ..
العنود و هي تمسك منال : ياويلي .. شو اسويبه هذا ..؟؟؟؟..
منال : هههههههههههههههههه .. الله يهنيكم انشالله ..
و تم مطر فوق راسهم و هو يصورهم و هم مرتبشين .. الي يقطع البصل و الي ينظف العيش ..
مطر و هو فوق راس احمد الي يالس و يقطع البصل : علووومك بو شهاب ..؟؟؟..
احمد و هو يغني : لا تجرح احساسي .. انا انسان حساسي .. ليتك تداريني .. و اتحس ياقاسي ..
مطر : هيه عاشوو ..
حامد : شو رايكم نشغل مسجل الباص ..؟؟..
و ربع حامد و مطر و شغلو مسجل الباص و طولو عليه .. و عطو غنية محمد عبدو الساحل الشرقي .. و طولو عليه ..
مطر و هو يمشي صوبهم بالكيمره : هيه عاشوو ..
(لا رحت لساحل الشرقي .. مرو عليّ نجد و فياضه .. يا محلا لايح البرقي .. و الزين لي حارب احياضه .. )
احمد : هيه هيه .. عاشو عاشو ..
و اتبشو الشباب .. و يى مطر يربع بالكيمره صوب غايه ..
مطر : نشي صورينا ..
( قلبي على شوفكم حرقي .. يا حلو صيفه و مقياضه .. لا رحت لساحل الشرقي .. مرو علي ّ نجد و فياضه .)
احمد و هو يسوي حركات مع مطر الي مسك طربوشته و تم ايولبها : يااابس يااابس .. داااون ..دااون ..
و ارتبشو الشباب باليووله .. و لا حسو الا بواحد من السعوديين ايهم ..
الريال : قصرووو الله يهديييييكم ..
منصور : انشااالله .. فالك طيب ..
احمد : الشييييخ .. (و جان يفتر صوبه الريال ) شوي بس .. و الله مرتبشين ..
الريال : لا اله الا الله ..
و البنات ميتات عيولتهم .. و منال و منى اول مره يشوفن ربشه جذيه .. و كانن مجموعه من الحريم .. يالسات ع طرف .. جان يفترن كلهن صوبهم و تمو يشوفونهم و هم ايووولون .. و جان تخلص الغنيه .. و ردو الشباب يكملون شغلهم .. و البنات يسولفن .. و غايه من التعب .. بندت الكيمره .. و تمت اتطالع احمد و حركاته .. و هو يحط البصل في ويه راشد .. يالله فديته ..

غايه : امايه .. ملينا من اليلسه ..
بو غايه : نشن تحوطن ..
و نشن البنات .. و قالت ام غايه لشباب انهن بيروحن يحوطن شوي حولهم .. نشن البنات كلهن .. و غايه و هي ناشه طاحت عينها ع احمد الي كان يظهر تيلفونه من مخباه .. شكله حد متصل به .. و جان ينش عن الشباب و يمشي و يرد ع تيلفونه .. و البنات نشن و تمن يتمشن .. و الشباب مساكين مرتبشين بالطبيخ .. تفرقعن البنات .. و تمت غايه و العنود برووحهن يمشي .. و الباقيات يمشن برووحهن .. و جذبتهن مجموعه من الشير .. كان شكلهن شوي غير .. فراحن صووب هالشير ايشوفنه .. و تمن يحوطن .. فهاللحظه .. طافن غايه و العنود بين شيرتين .. و يلسن ع طرف .. و غايه في عالم ثاني .. يالله .. فديييييييييييييت شوفته ..
العنود : برد ..
غايه و هي اتحط ويها على ركبتها : آآآآآآآآه .. انا من حرارة الشوق الي في قلبي ما احس بالبرد ..
العنود : هب منج ..
غايه و هي تفتر صوب العنود : بذمتج .. مب يهبل .. ياويلي ياويلي .. اسميه ذابحني هالريال ..
العنود : لا ريتيه اليوم كيف كان يطالعج ..؟؟؟..
غايه : آآآه .. هيه ..
العنود : لا ظنج منو الي اتصلبه و نش عن الرياييل عشان يرد عليه ..؟؟؟؟..
غايه : يمكن حد من هله ..
العنود : نشي خلينا بنرد صوب الحرمات .. بيستهمن علينا ..
غايه : دخييييييلج .. خلينا نيلس شوي ..
فهاللحظه سمعو واحد يتحنحن .. و جان يفترن صوب الصوووت .. وقف قلب غايه .. و هو اتشوف احمد و هو واقف وراها .. طاوي السفره .. و لابس كوت فووق الكندوره من البرد .. و عيونه عليها .. فزت غايه و من عقبها العنود ..
احمد : السموحه .. مادريتبكن انكن هنيه ..
و غايه مب قادره ترمس .. و عيونها بتاكل احمد اكل ..
العنود : لا مسموحه .. و جان تمسك غايه من ايدها كأنها اتقولها تحركي .. و غايه عينها في عين احمد .. الي من شاف عيونها و هي في عالم ثاني .. آآآآآه ..
و لا حس ان هالتنهيده طلعت منه بصوت عالي ..
احمد و هو يطالع غايه : مب برد عليكن ..؟؟؟... و جان يبتسم .. فهاللحظه .. حست غايه انه ينغزها بالرمسه كأنه يقولها انه سمع كلامها .. سمع كلامي !!!!.... لالالا ... يالفضايح ..
احمد و هو يرمس العنود : ختيه .. انا اريد ارمس .. ( و جان يفتر صوب غايه ) .. غويه برمسه في خاطريه ..
و غايه و قلبها وقف من سمعته يقولها غويه .. اول مره حد ينعتها بهالاسم ..
العنود و هي مستغربه : شو .؟؟؟!!!!..
احمد و هو متوتر : لا لا .. لا تفهميني غلط .. انا اريدج .. تشهدين ع كل كلمه بقولها لها ..
و غايه في هاللحظه نزلت راسها .. و مب حاسه بعمرها .. تحس الدنيا ادوربها .. مب قادره اتشل عمرها .. و قلبها وقف .. ما تمت تحس بشي ..
احمد و بصوت واطي : غويه ..
جان تفتر غايه صوبه ..
العنود : شوفو .. انا ماقدر اتم معاكم .. مطر لو شافني بيذبحني ..
غايه و هي تفتر صوب العنود : عنوووود ..
العنود و هي اتطالع عيون غايه .. و شافتها تطلب العون منها ..
العنود : مممم .. انا بروح عنكم شوي بعيد .. عشان اذا حد يى اقولكم ..
غايه بخوف : لا لا .. لا تروحين ..
احمد و هو يبتسم : لا تخافين الشيخه .. ما باكلج ..
غايه و هي تفتر صوب احمد : لا مب جذيه ..
احمد : عيل شو ..؟؟؟.. ما تثقين فيني ..؟؟؟..
غايه : لاااااااااا ..
العنود : بس لا تتأخرون .. مافينا للمشاكل ..
و جان تروح عنهم العنود ..
غايه : الشيخ .. قول الي تباه بسرعه ..
احمد : تسمح اقول كلمه بس بيني و بينك .. ( و جان يأشر بايده من بينه و بين غايه .. و غايه تسمعه و هي ساكته .. و تتنفس بسرعه ) .. عندي حاجه مهمه تهمك انت بعينك ( و جان ياشر على غايه ) .. حط ايدك ع قلبك ( و جان يحط ايده ع قلبه ) .. بكل صراحه .. احبك ( و نطقها بصوت مبحوح ) .. مقدر احيى بدونك دونك الكون ظلمه .. تسمح اقول كلمه ؟ ... من عرفتك و قلبي حس باحساس ثاني .. كنت مادري بحبي لين فاجأ كياني.. قمت باسمك انادي بين روحي و فوادي( و اشر بصبع ايده اليمين على صدره من جهة اليمين و من عقب جهة اليسار ) و صار هالكون كله ( و اشر بايده من حوله ) دون شوفتك( و وقف صبعه عليها ) عتمه ( و جان ينزل ايده ) .. تسمح اقول كلمه ؟..كنت افكر باني قبلك الحب عرفته.. و ان غيرك عشقني و ان غيرك عشقته.. لين همتك هيااااامي و فاض فيني غرااامي.. آآآآآه .. ادرك القلب انك في وريده و دمه .. تسمح اقول كلمه ؟.. اعترفلك .. احبك ... و الله احبك .. و ينتظر قلبي كلمه .. من عيونك ( و جان يطالع عيونها الي متعلقه بشوفة شفاته و هو ينطق ) و قلبك... كلمه لو بس كلمه ( و جان ياشر بصبعه السباب ) بس كلمه .. انتظرها يا غالي لو تطول الليالي.. انتظرها و خيالي سابق ٍ فيك حلمه .. ( و بصوت واطي ) تسمح .. تسمح اتقول كلمه .. ؟؟؟..

و غايه عايشه في عالم ثاني .. مب قادره توقف .. مب عارفه شو تسوي و الا شو تقول .. تريد تتكلم .. تريد تنطق .. بس مب قادره .. يحبني ؟؟!!!..

-------------------
تابعونا :mar7aba: