الــــسلام علــيكم والرحمه ,,

الــتوفل وما أدراك مــا التـوفل ,, أنــا الصراحه أختي كنت شراتج عــانيت من الــتوفل ,, لا تــصدقين يوم يقولون لج التوفل حظ وما يباله مذاكره أو براكتس انتي وقدراتج :nono: ,, أنــا أول ما دخــلت الجامعه دووم كنـت أسمه هالرمسه وكــنت أدخل الامتحان وأنــا مب مسويه براكتس أو شي ,, وفي الليفلات ما كانوا يركزون واايد على الــتوفل أول ما بديت كنت ليفل 6 وفي ليفل 8 قاموا يعلمون السكيلز والاشيا المهمه وأللي دووم أتي في الــتوفل ,, عــلى آخر سنه عــاد قمت أتلوم وأني ما يبته والبنات يابوه وبيرحون جنـرال ,, عقب عــاد قمت اسأل وأهــتم ,, أنــا مــا سرت معــهد ولا شياات ,, بس ســرت مكتبة الجــامعه شي وااايد كتب لمهارات الــتوفل قمـت أتدري عليهم حــتي شي نمــاذج امتحانات التوفل في المكتبه ,, قــمت أسو براكتس من خــاطري وأكــون مركزه ألين ما فـهمت قواعد الجرامر والليسننك والريدينك عــدل ,, وفي امتحانات التوفل ترى يعيدون بعض الأسئله ,,

مـــثلاً : في الليسننك وأللي هو أول قسم من الأمتحان ,, كــان هالسكشن أسهل سكشن عــندي ,, ويبت فيــه 53 ,, عزيزتي عاشقة دبــي الليسننك له قواعده بعد وفي اشيا مهمه لازم تعرفينها لأنها دووم تتكرر في التوفل لـكن بصيغه ثــانيه مثل الـ Synonyms ,, كــل هالسكيلز ذاكرينها في كتاب ديلتا أللي يعطونه أيــاه ,, وأحســن كــتاب هو الأسود وايد اوكي وشــرحه واايد مفـصل ومفهوم ,, أنــا كنـت أسو براكتس بروحي ع الكـتاب ويوم ما كــنت أفهم شي كـنت أسأل ديفيد اذا تعرفينه هــذا أحسن سير يشرح التوفل في الجامـعه أنصحج أتسيرين لــه ,, حتى لو هو ما يــدرسج يسـاعد أي حد حليله ,, يعني الليسننق له قواعد لو عرفتيها عدل وركزتي في الامتحان بتييبينه وأكثر البنات أعلى درجه لهم أتكون في الليسننق أنا ربيعتيه يابت في الليسننق 58

الجــرامر أنــا كان منزل درجتي بس بعد المذاكره والبراكتس أتأقلمت معــاه ووايد أسئله ع فـكره في الجرامر تتكرر في كـل أمتـحان يــعني لازم تضمنين درجتج في الجرامر ,, شي كــتاب في المكتبه بس يتكلم عن الجرامر أللي في التوفل والتريكز :daleel:

الــريدينق أهــم شي يباله التركيز ,, لازم أتكونين مبطله عيونج :puppyeyes: عالورقه ومركزه ,, مــا أقولج على حرف حرف وكلمه كلمه ,, عــلى التوبيك يعني أول سطر وآخر سطر وبقية السطور اتمرين علــيهم أحيد سيرنا دووم كــان يعطينا مجلات وجرايد وArticles عــسب نتعود على الريدينق ,,

أنـــتي لا تــقولين التوفل صــعب وصــعب وأنه مستحيل أتيبينه بالعكس تيك أت أيزي أحيد دووم السير كان يقول لــنا اعتبروا ورقة التوفل معركتكم وأنكم أنتوا بتفوزون عــليه تــموا لآخر لحظه اتحاولون وأتراجعون عــسب ما تـظهرون خـسرانين أنتوا قـدها ,, لازم تتدخــلين الامتحان ونـفسيتج أوكي ومب متضايجه أو متنرفزه من شي وارقــدي من وقت قبل يوم الامتحان عــسب تدخلين الامتحان واعصابج هــاديه للتركيز , خـلي أعصابج كووول ,, أدري أنها محاتاه بس تمالكي نفسـج كثر ما تـقدرين وقولي هــاي آخر مره بتجوفين فيها هالورقه ,, أحــيد يوم آخــر مره أمتحنت التوفل ويبته جـي كنت أقول ,, مره ثانيه ما بمتحنه خلاااص آخــر مــره أحاول أشجع نفسي ,, أرفع من معنوياتي يعني لأنه هــذا مستقبلي ولصالحي أنا أييبه محد بيكون مستفيد ,, غــير أني بفرح أمي وأوبي وبكــون مع ربيعاتي وبتخرج بــسرعه أذا يبته وبدخل جـنرال :smartass: ,,

دووم أدعــي وان شاء الله الله بيوفقج ومــا بيضيع جـهدج صدقيني

ربي يوفقج


تنينه