وين الرياييل ؟؟؟

**مسافرللجفا** · 22-05-06 ||, 11:34 AM

انا الي مستغرب منه انه الوحده فريق منافس وفي الصداره و فريق قوي وما عليه كلام
و يطلع منهم ها السوالف . من شو كانوا خايفين من هاي المباراه .
اظن ما كان له داعي يلعبون من تحت الطاولات عسب يفوزون
كانوا يقدرون يفوزون بدون ما يخسرون بيزاتهم .

6
و مفضوحين .؟

عيل كم لو ما انفضحوا و مشوا السالفة و ( اتفقوا ) ع المبلغ

؟

يلا
مبروك للوحداويه
وان شاء الله الدوري اهلاوي

..الله كريم..

**العجيبة** · 22-05-06 ||, 12:42 PM

و اقولك . . النادي اللي يستحق هو نادي الاهلي
لعب و وصل لـ هالمكان بعرق جبينه
مش من تحت الطاوله

لو مثـلا سـالفة الرشـوة هاي صـدق ..
تـرا السالفة انكـشفت قبل المبـاراة ، وعلى أساس ان الشارجة لعبوا بدون محد يرشيهم ..
يعنـي صـار اللعـب بجهـد اللعيبـة و عرق جبينهم مب تحت الطاولة وبرشـوة ..

والوحــدة يستحـق ،
لو فرضنـا إنكـم صدقتوا عمـاركم على إن الوحـدة ما وصل للصـدارة إلا برشـاوي ..
أظن مستحيـل العيـن قبـل رشـوة من الوحدة في الدور الأول على أساس تخسر العين ..
ومستحيـل الأهـلي الطـامح في البطـولة يـاخـذ رشـوة عشـان والله الوحدة اتم في الصدارة
ونفس الشي للجـزيـرة اللي تفوق الوحـدة عليه في الدور الأول ، مع إنه نفس الشي يبغي البطولة
وغييييـر وغيييـر النوادي ، اصلا كل النوادي اتدش وهي تبا تاخذ الدوري ، حتى لو توه طالع من الدرجة الثانية بعـد بيطمـح في درع الدوري ..

ولو الشعـب ياخـذ رشـاوي فمـب مهـم ، تراه ما بيجـدم ولا بيأخـر في النتيجـة ، لأنه مستـواه متدني بشكــل واضـح ..

عـ العمـوم ..
كـل شي بيبيــن في المبـاراة الفاصلـة .. اللي أكيــد ما بيكـون فيهـا رشـاوي ..

مسكين حــاله الوحــدة ، من شافـوه فـوق قالوا يرشـي
أظن نفس الشي صار للعـيـن ، قالـوا لعيبـته ياخـذون منشطـات
يالله خلوا الأهـلي ياخـذ الدوري والسنة الياية بيطلع لهم شي بعـد

كل التوفيـق نتمنـاه للوحــدة حـامـل اللـقـب :harhar1: