بس حقي

[عذبة الروح]

السلام عليكم والرحمه

الموضوع وما فيه
في حال انه جهاز كمبيوتر يستعمله اكثر عن شخص

بغيت اسال عن طريقه اقدر احفظ فيها فايلاتي
وما حد يقدر يشوفهن
سالت واستفسرت
وقالوا لي اقدر احط user name و password
حقي وبس ...

* كيف اسوي هـ الطريقه ؟
* وكيف اقدر انقل فايلاتي .. وكل شي يخصني حق الـ Windows الخاص فيني؟

* هيه .. وبعد لو بغيت احذف كل شي يخص الكمبيوتر الاصلي
يعني يوم ادخل الـ Windows مالي
ما يكون فيه شي .. الا الاشيا اللي تخصني وبس ؟
كيف ؟؟؟؟

يعني اللي يعرف
يحط لي الخطوات .. لو ما عليه أمر :no0:

بلييييييز بغيت الـ من عندكم
لا تردوني

اختكم
عـذ الـروح بـة

[إسهر معي ليله]

ما عندي فكرة كيف الخطوات بالضبط،،،

لكن اعتقد المكان توصلين له كـ التالي:

Control Panel

User Account

بتشوفين اسم الكمبيوتر تحت وتكون معاه صوره،،، المهم انتي تقدرين تسوين Creat a new Account

وبيطلب منج تسوين له اسم وباسوورد،،، الخ

::
::

انا ما جربتها قبل،، بس اعتقد من هني تقدرين تسوين اللي تبينه،، وان شالله اللي عندهم خبره اكثر يفيدونج

[راعي الزعـامه]

شرات ما قال اخوي اسهر معايه ليله
بس المشكله ان الكل يقدر يطالع فايلاتج حتى لو حاطه باسوورد على الاكاونت مالج
ويقدرون يطالعونها من خلال الــ My computer عند كل مستخدم وبتحصلين داخله الشيرد دكيومنتس وفي فايل بيكون على اسم الاكاونت مالج يدخلونه ويشوفون كل فايلاتج

في حل انج اتنزلين برنامج قفل الملفات وتقفلين الملفاات اللي ماتبين حد يشوفهن ..
وهاللي عندي .. واتمنى اني افدتج فشي ..

[عذبة الروح]

إسهر معي ليله

الطريقه اللي انت قلت لي عنها
مسوتنها قبل وجربتنها
لكن المشكله انه ما حد يقدر يدخل الجهاز غيري
وهـ الحل ما يمشي وياي

احس انه بـ هـ الطريقه صح .. لكن في شي ثاني نسويه زياده
عسب يكون لنا Desktop خاص فينا

واشكرك اخويه ويشرفني مرورك وردك
ونتريا اهل الخبره
يسلمووونيشن سهرنا

اختك
عـذ الـروح بـة

[عذبة الروح]

عاشق القلم

مشكور اخويه عـ التوضيح بس بعدني ما وصلت للي اباه :no0:
سالت الحينه مشرفه اللاب عن الـ شيرد دوكيومنتس .. وفهمتني عليه .. وفهمته
وبغيت اسالك عن البرنامج اللي قلته
ابى برنامج يقفل الـ فولدر مالي
وما حد يقدر يشوفه غيري

بليز .. بليز .. بليز
بغيت البرنامج اللي يقفل فولدري

ومشكور اخويه مره ثانيه
وربي يعيطك العافيه
ويسلمووونيشن قلمنا

اختك
عـذ الـروح بـة

[خيال الحب]

تبين برنامج يشفر لج الي داخل الفولدر..

عندي هالبرنامج


يشفر لج كل شي داخل الفولدر .. وعليه باسوورد

يعني اي شي تبين تشوفينه تفتحينه بالباسوورد

تبين هالبرنامج ولالا@__@...

[خيال الحب]

:cop:

[راعي الزعـامه]

http://upload.bindubai.com/download/...nnnnnnnnnn.zip

هذا هو البرنامج وكما وضح اخوي خيال الحب طريقة استخدامه

[عذبة الروح]

خيال الحب

هيه ابى البرنامج
بس بـ نفس الوقت
اللي اباه انه ما يدخل عـ الفولد نفسه
يعني انت موضح بالصوره ..
انه ما يفتح الفايلات
بس اللي اباه ..
انه يمنع دخول حد غيري على الفولدر اللي يحتوي ويضم مجموعه من الفايلات
صور - اغاني - برامج ..... الخ


هل هـ البرنامج .. يقدر بعد انه يسكر الفولدرز
ولو هيه ... كيف كيفه استعماله
بـ التفصيل الممل <--- اسميك بـ الطقني


اتمنى اني وضحت مطلوبي
مشكور اخويه عـ الرد
والله استانست يوم قريته
لا عدمناك
والسموحه .. لو بنتعبك ويانا
ويسلمووونيشن خيالنا

[عذبة الروح]

عاشق القلم

مشكور اخويه
ويزاك الله كل خير

ولكن ...
مثل ما قلت حق اخويه خيال الحب
تقدر تقرى ردي عليه

يعني لو ما عليك كلافه .. وما بتعبك وياي
حد من اللي يعرف طريقته
يحطها لي ... بـ التفصيل
لاني ما اعرف بـ هـ السوالف

بس في حال كان هـ البرنامج
يسكر الفولدر نفسه .. مب الفايل
والسموحه ... ادري تعبتكم وياي :no0:

لكن ما عليه .. تحملوني
مشكور اخويه مره ثانيه
ولا تحرمنا تواصلك
يسلمووونيشن قلمنا

اختك
عـذ الـروح بـة

[راعي الزعـامه]

أنا اعتقد لمحت مرة برنامج يقفل الفولدر في موقع ماذكره
بدوره وبحاول أحطه اليوم فليل ..

[عذبة الروح]

عاشق القلم

زيادة الخير خيرين
ما اقول الا....
الله يعيطك العافيه
ونترياه من صوبكم
والسموحه
ويسلمووونيشن قلمنا

اختك
عـذ الـروح بـة

[عذبة الروح]

عاشق القلم

زيادة الخير خيرين
ما اقول الا....
الله يعيطك العافيه
ونترياه من صوبكم
والسموحه
ويسلمووونيشن قلمنا

اختك
عـذ الـروح بـة

[راعي الزعـامه]

دورت و سألت
بس ماحصلت
هالبرنامج اللي حطيته هو الوحيد لقفل الملفات
اسمحيلي اختي هاللي قدرت عليه ..

[عذبة الروح]

مشكور اخويه
والشاهد الله انك ما قصرت
ربي يعطيك العافيه
وانا لين الحينه
مبدئيا حصلت طلبي
واتريا الحينه .. اخلص امتحانات وانزل البيت
واشوف لو البرنامج اللي عندي من اخويه خيال يشتغل والا ...
ربي يعطيكم العافيه
ويسلموووونيشن قلمنا

اختك
عـذ الـروح بـة