الدعوة إلى التصافح والتسامح

[الملهم]

السلام عليكم ورحمة الله وبركاته

قال الله تعالى : " إنما المؤمنون اخوة "

إننا في الواحات نعامل بعضنا بعضا كالاخوة ..
بل اننا كأسرة واحدة .. نحب الخير للجميع .. نساعد بعضنا بعضا ..
وإذا رأينا في عضو شيئا سيئا نصحناه .. وإذا رأينا عضوا سعيدا سعدنا معه ..
نواسي بعضنا بعضا .. وبنارك بعضنا بعضا ..

فأردت من موضوعي هذا أن ربما هناك عضوا منزعجا من عضوا اخر ..
او ربما وضع فكرة سيئة في نفسه على عضو .. فهنا للمصارحه .. وكل عضو يصارح
الاخر .. فربما نستطيع ان نعدل من طباعنا وناخذ اجرا على ذلك .. لاننا اصلحنا انسانا مسلما ..

ارجو ان يعجبكم فكرتي المتواضعة ..
واشكركم على حسن التعاون ..

اخوكم .. الملهم

[أمواج]

:mar7aba:
.
.
الــملهم . .
سـبق وإن تناقشـنا انا ومحب الشيخين في طرح موضووع نفس فــكرة موضووعك . .
بس ماشالله عليــك سبقــتنا في طرحه . .
.
.
مبـادرة طيبــه منـك . .
.
*يــاجماعة الخيــر*
جان فيــه حد شــال في خــاطره عليــه يقــول لي . .
وحليــلي انا دايما ما اقصد شي P=
.
.

.أمــرين.

أتمنــى إنج تنســين الزعــل . . وترديـن للواحات .

وقبــل كل شي ترانــا خوات . . .

.

.
الــملهم
موفــق في الطرح

.

.

تحيــاتي

أمــواج

[دانة حتا]

فكره رائعه الصراحه

وانا اذا حد زعلان مني يقوول
عادي وبحبه ع الراس عشان يرضااا

تسلم اخوي الملهم

[لمّــاح]

مرحبا ..

فكرة حلوة والله .. هممم خلني اتذكر وايد ماشاءالله اصبر بحسبهم :kkk:

غــرشـوووب .. السموحه منك صح اختربت سفرتنا لكن ماعليه اليايات اكثر و الصيف قرّب .. بنسير وين ماتبا مب لازم لندن :harhar1:

أمـــواج .. ما احيد اني اتفقت وياج على راي واحد دوم مختلفين .. و احيد مره سالفة اسمج يوم غلطت فيه .. السموحه بعد :nono:

و وايد اعضاء بعد .. شرجاوي، نبراس الليل و غيرهم الكثير من الي اختلفت وياهم في الآراء .. الاختلاف في الرأي لايفسد للود قضية و أتمنى انكم ماتتحسسون من الي نكتبه في المواضيع ..

و طبعا ما ننسى الاخت ام خدود .. آسفين عالمشاكل الي صارت قبل ادري وايد بس يالله

و الاخوان المراقبين .. الشوق، اتمنى، قلوب دبي ، احلى منصوري و غيرهم الكثيرين من الي صارت بيني وبينهم خلافات و مشاكل أيام الادارة .. آســـفين ( بغض النضر منو الغلطان .. سوالف صارت و انتهت ) ..

و باجي الاعضاء الي اساميهم ماتحضرني الحين .. الي غلطت عليهم أقولهم آســـف و الي غــلطوا عليـــه أقولهم المسامح كريم و انا مسامح .. طبعا انا مسامح الجميع ماعدا عضــو عــــارف عمــره عــدل أهانني جدام كل الاعضاء و انا اصلا ماغلطت عليه وفسر كلامي غلط و هددني بأنه بيخليني اضحوكة جدام الكل ... الخ .. المسامح الله و الله يسامح الجميع ..


يالله السموحه منكم ^_^

[أمواج]

:mar7aba:
.
.
شــوق الصــحارى
بنت خالوتي الســموحه منج
دايم مسـويه لــج طــاف . . ولا أســأل عنج
أدري إني قاطعــة ولاتخبر عنج .
اسمحيــلي
:kcl: .. :kcl:
.
.
شـــوق البدو
ادري تضـايقين لمــا أتقـصد أنقــع في أسمــج وخاصــه جدام البناات . .
سوالف ترااها حبووبه ولاتزعلين . .
اطلب منج السمــوحه والمعذره إذا كان بقولي زلات
.

لمــّـــاح
للعــلم في موضووع واحد إتفقــنا فيــه . .
وخلاص غيــرت إسمي الصعب وخليناه سهل عشان ماتنقعــون فيــه

.
.

[نور الإيمان]

الله يسامح الجميع ...

و اللي غلط علي ادرى بعمره!

[خيال الروح]

تسـلم أخـوي على هالموضـوع

الى يصـفي القـلوب ,,

بس الموضوع مشـابه لموضوع قلوب دبي .. :special2:

http://oasis.bindubai.com/bin/showthread.php?t=28908

:

[ألم ترى]

بسم الله الرحمن الرحيم ..

اشكرك فنك يالزعيم ..

طرح بسيط ولكن محتواه عظيم جدآ ..

كانت الفكره مداوله والحمدلله انك سبقتنا فيها عشان ما تكون المواضيع محصوره ع المشرفين ! ..

اي حد زعلان عليه يقولي وياريت لو تقولي بعد سلبيات وايجابيات شخص محب الشيخين ..

يثبت مع التحيه والشكر الخالص لـ شخصك الكريم اخي الملهم ..

[مسافرللجفا]

السلام عليكم والرحمة

يزاك الله خير ع المبادره الطيبه يا الملهم ، فيك الخير يا اخوي وتأجر بأذن الله .

وانا عن نفسي الي شايل علي شي يسامحني
ترانا اخوان قبل لا نكون اعضاء .

عايش وهم
السموحة منك اخوي ، عزيز و غالي يا الغالي .
ادري بعصبيتك الزايده وللحين كلامك يدور في بالي بس احاول انساها واذكر الايام الي قضينها في ها
المكان و المسامح كريم وبنتم اخوان .

بس ما ادري ليش الكل يخاف منك brgll: احيد قبل فتره حد من الاعضاء طرشلي رسالة قالي اباك ترمس عايش واتخبره عن مشكله صايره وياه ، قلت له اوكي طرش له رسالة وهو بيرد عليك ، جان يرد علي ويقولي انا اخاف منه واخاف اطرش له شي .. --> امسوي رعب في الواحات

- - - - - - - - - - - - - -

وما احيد اني زعلت حد ،

ولبعض الناس تراني اسف على الي صار :kcl: بيعرفون عمارهم عقب



السـموحة من الجميع



اخوكم الصغير

[طير الحب]

السلام عليكم....


ما أعتقد اني ضايقت حد او متضايقه من حد...بالعكس انا ما احب اجرح حد بكلامي لاني اتضايق اذا جرحت حد...واذا حد شال علي يقول...تراني ما ازعل


بالتوفيق للجميع

[دموع قلم]

وعليـكم السـلام ورحمـة الله وبركـاته

فكــــرة رائعــــــة
ومبـــادرة طيبــــة
ودعــوة صالحـــة

الحمـدلله مـاظـن صـار أي خـلاف بينـي وبيـن أي عضـو في الـواحـات,
وأتمنـى من اللـي شـال بخـاطره على عضـوة إسمهـا دمـوع قلــم,
أو بـدر منهـا أي إسـاءة أو سـوء تفـاهم.. يسـامحهــــا..

..
..


أشكـرك الغالـي الملهـم على الموضـوع
وربـي يصفـي قلبــك, ويحفظـك وين ماكـنت

[نجمة دبي]

وعليكم السلام والرحمه ..

في هالصفحه حبيت اعتذر من الكل اذا زعلت حد او ضايقت حد بكلمة او شي .. انا اسفه

واتمنى من اللي زعلان مني انه يسامحني والمسامح كريم ..


وحبيت اقول شي لاختي نور الايمان واخويه لماح

انتوا اخوان وفي بيت واحد ( الواحات ) ومب حلوه ما ترمسون بعض ..

قال رسول الله صلى الله عليه وسلم " لا يحل لمؤمن أن يهجر أخاه فوق ثلاث ليال ، يعرض هذا ويعرض هذا ، وخيرهما الذي يبدأ بالسلام " .

اتمنى ان خلافكم هذا ينتهي .. الانسان ما يعرف متى نهايته .. فحرام اللي اتسونه عسب سوء في التفاهم ..

وسامحيني اختي نور الايمان ..



نجــــــــــ دبي ــــــــمة

[راعي الزعـامه]

صح في بعض الاعضاء اسلوبهم في الرد ما عايبني
بس ما بشل فخاطري عليهم
يمكن لان طبعهم جيه ..
واللي زعلان مني والا حاط فخاطره اقوله اسمحلي تراني مب قاصد

اخوي الملهم

مبادرة طيبة منك في هالموضوع المميز
تحياتي لك ،،

[نور الإيمان]

well,

i wanted to clean it up rather than keep it deep inside me .. but when i read his own words, it seems nothing is going to change .. may be in the near future..

pardon me of writing in english, sometimes i cannot express my feelings so easily, i just need to say words in english.. and if it is against the LAW.. delete it

:)

[لمّــاح]

هممم ...

بــادرة طيبه من اختنا العزيزة نجــمة دبــي ..

نــور الإيــمان .. تذكرت جمــلة جد كتبتها في موضوعج "هــجين" ..

خلكم على ما انتو عليه ولاتردون الإسائة بإسائة اخرى فإنكم كـــالـشـجرة الخضراء المثمرة الـتــي يحـــاول النــاس هـزها لإســقاطها، لكنها تسقط عليهم ثمرا طازجــاً طيـب المذاق، فــهل جــزاء الإحــسان الإحــسانُ ؟؟

فــإكراماً للــرسول الكريم إستناداً على الحديث الشريف في رد الاخت المحترمة نجمة دبــي و بعد قرائتي لتعقيبك أود ان اقدم إعتــذاري عن كل شئ بدر مني شخصـياً بغض النضر عن سبب المشكلة أو من السبب .. شي صــار و استوى و اتمنى انه مايتكرر و رجـــــاء خـــاص مني، أتمنى انج ماتتسرعين في تفسير كلام الغير قبل التأكد منه .. مثل ماتفظلتي و قلتي في موضوع الاخ ناصر الخالدي في ردج على كلام الاخت تنينه:

اتعجب ممن يفسر كلامي مثلما يريد .. من دون حتى التفكير فيه مالذي قصدته و لماذا و كيف؟؟

أنــا حتى اوجه هالجملة لج ..

عــمومــاً حــصل خــير ..