أصـحاب العـدسة المصـورة - آراءاتكم (:

[اللوتس]

السـلام عليكم ورحمة الله وبركاته ..

الأخـت .. مبـتدأة في عــالم التصــوير وتبى رايــكم فالـكيمرة اللــي نــاوية تشتــريها .. للأسـف

ما عـندي خــلفيـة عن الكــيمرات وممـيزاتهــا ، والكيــمرة اللـي أبي آخــذها ديجيتــال

فــأتمــنى تــحطولي خيــارات بأنــواع الكيــمرات وممـيزاتهــا وأسعــارهــا واللي ممكــن تفــيدني في

الوقــت الحــالي - يعني بســيطة وسهــلة مب معــقدة وايد -

وراح أكــون ممتنــة لكــم .. اللــوتس

[تحفه]

عليكم السلام والرحمه ..

شو تقصدين مبتداه ؟!

ما جد مووووووول موووووووووووول صورتي بكيمره ؟ ولا يعني كنتي اتصورين جي بس؟!

لأن في كيمرات شبه احترافيه حق المبتدئيين وهاي اتييج اقل شي بثلاث ونص و اربع ومعظمهم بين 5 و 8 ميغا بكسل

وبعدين اتييج كيمراات احترافيه بسيطه بـ 9 و 12 واكثر ويكونون معظمهم بـ 12 ميغا بكسل

والكمرات الاحترافيه .. واللي هي اصعب شي و التحكم كامل فيها .. و يكون يدوي وتوصل من 20 ليييين اربعين الف وخمسين الف اتصور !!

[قلوب دبي]

عليكم السلام و رحمه الله ..

ماشاء الله بوظبي عندها خبره بهالشغلات و عندج الاخ لماح ما بيقصر ..
دام نزلتي الموضوع انا بعد ادور على كيمرا زينه اتمنى اتعطونا مواصفات حلوه وشيء يديد ..
اباها حق الصيف ..

[خيال الحب]

:ice: انا بعد ابا اشتري كاميرا يديده



:cop: همتكم يا حلوين..

[تحفه]

defiantly بنصحكم بـ Nikon D70s و canon 350

[لمّــاح]

الســـلام عــليكم ..

اختي بوظبي .. قوم بو 20 و 50 الف وايد على المحترفين حتى .. هالكيمرات نادر ماتحصلين حد يستخدمهن .. في الجرايد + مباريات كرة القدم + التغطية الاعلانية و التصوير الاعلاني و الاحترافي معظمهم يستخدمون Nikon D100 أو Nikon D70 و Canon 20D و ماشابههم من كيمرات.. الفرق يكون في العدسة ..
اما كيمرات قوم بو 30 و 50 الف يستخدمونهم أكثر شي في شركات الاعلانات (( أكثر شي للإستخدام التجاري مب للإستخدام الشخصي )) .. اربيعي مصور و عنده شركة اعلانات يصورون مودلز و بضاعة الشركات عشان يسوولها دعايا و اعلانات معظم شغلهم يكون بالكيمرات العادية الا بعض الاشيا الي تحتاج فنتكه مثل مايقولون يستخدمون فيها هالكيمرات الغالية ..

عموماً .. بخصوص الكيمرات هناك نوعين .. نوع عادي للهواة و نوع احترافي ..

النوع العادي هناك وايد انواع و ماقدر احدد أي نوع هو احسن نوع لأنهم تقريبا نفس الشي ، لكن شخصياً أفضل انكم تختارونها على أساس شو مواصفاتها و شو اليديد فيها و تاخذونها أيضا من شركة معروفه مثل كانون او نيكون أو سوني مثل السوني سايبر شوت و هالسوالف .. و هالمحلات بعض من احسن محلات بيع الكيمرات (اذا سرتولهم بتقدرون تسئلونهم عن كيمرات جيدة للهواة):
المحلات الكبرى
المخازن الوطنية
كارفور
جمبو و جاكيس

أما البروفشنل ف هناك ايضا انواع كثيره لكني افضل الكيمرات هاذي:
Nikon D70
Nikon D100
Nikon D50
Canon 20D
Canon 350 D
Sony F828


و اذا حد حب ياخذله نضره على انواع الكيمرات يدش هالموقع و يدخل على قسم كل شركة مثل سوني و يشوف كل انواع الكيمرات و يقارن بينهم عشان يختار احسن وحده ..
www.dpreview.com

[صريح]

لمــاحكوو

كفيت و وفيت الصراحه



و انـا اشوف احسن شي الــ Nikon D70s و الــ Sony F828 ... و الافضليه لــ Nikon أكيـد


و السموحه

[بنت ناس و عرب]

اول شي على حسب اللي انتي تبينه تبين SLR او كومبلكس ..

و من بعدها يبدا المشوار

[مجموعة إنسان]

زييين .. بس شوو الأسعااار؟؟

[لمّــاح]

بخصوص الكيمرات العادية .. اسعارها تقريبا من 900 الى 2500 ..
اما البروفشنل .. مثلا النيكون D70 بدون العدسة ( يعني بس بودي الكيمره ) على 3000 .. و العدسة سعرها يعتمد على مواصفاتها .. بتحصلون عدسات ممتازة على 500 و1000 و 2000 ..

الكانون 350 تقريبا نفس السعر ..

كانون D20 على 5000 تقريبا ..

و في الموقع الي حطيتلكم اياه تقدرون تشوفوفون كم سعر الكيمره ( بالدولار ) و تقريبا الاسعار الي في الموقع ارخص بشويه عن اسعار السوق .. الفرق بسيط يعني ..

[خيال الحب]

تسلم لي اخوي لماح ع الشرح الحلوو..

انا ابغي كاميرا على 1000 درهم

ماتفرق لو زادت شوي لين ال1500

يعني هاللمت مالي

من 1000 لين 1500

[ذنـيـنـي]

خبال الحب

اذا ميزانيتك من 1000 الى 1500

فـ انصحك بـ Fujifilm اسم الموديل z2

صغيره و صورها وايد حلوة

او شوف اي كاميرا من كانون IXUS

[خيال الحب]

خبال الحب

:hist: خبّل الله بليــسك ان شاء الله

:harhar1: حتى انته علمووك بن عمي ذنيـــنيبنيبكويكوبكيوبشي:h arhar1: خهخهخه

انزين هالكيمره كم البكسل مالهاا..

:cop:

[ذنـيـنـي]

5 ميجا بكسل

و سعرها بالضبط 1250

http://www.dpreview.com/reviews/spec..._finepixz2.asp

[اللوتس]

تسلمــــون عالـــردود .. كفيــتوا ووفــيتوا مــــا شاء اللـه عليكم

بشوف يمكن باخذلي الكــانون أوالنــيكون

شــــكرا عالمســـاعدة :)