كيف تتصرفون مع هالانسانه؟؟؟

[لبن مثلج]

السلام عليكم

بعد السلام ،، بغيت اسالكم عن موضع امضايقني ومب عارفة كيف ممكن اتصرف معاه؟؟

لما تعيشون مع انسانه ماعندها مبادئ في حياتها ،، وكل شي عندها عادي (لاحيا ولا مستحا) ،، ومايهمها شعور الي حولينها بتصرفاتها الي تجمع بين الامبالاه وخدش الحياء..

تصرفاتها الي اعتبرها (قلة ادب) تتصرفها بكل ثقة وجراة ..

شورايكم؟؟؟؟؟؟؟؟؟؟

[وحي القلم]

عليكم السلام و رحمة الله و بركاته



الله ايعينج يا لبن امثلج

فاهمه شعورج و الله :narr:

رمسيها بالزين أول شي يعني قولي لها شو الأشيا الى اتظايقج منها

و إذا ما نفع هالأسلوب وياها حاولي اترمسين حد من الى اتكون لهم كلمه عليها

بس حاولي تبتعدين قد ما تقدرين عن المشاكل

و الله ايعينج مره ثانيه :sad4:

..

و السموحه

[طير الغرام]

حاولي تكسبين عطفها لج

ف البدايه اتجاهليها

يعني تصرفاتها خلها عادي ولا جنه
لين ما هيه بتحس بهالشي

وإذا ما فاد حاولي معاها بالرمسه
خبريها باللي يضايقج
انصحيها

عطيها أمثله من الحياه

إنه هالفئه من الناس >> ينفر منهم المجتمع

واتمنى إنه ردي ما يكون ثجيل عليج
والسمووحه ^_^

[تحفه]

مرحبا ..

لا تحاولين تبدين تصلحينها بذكر العضه والموعضه .. لأن اغلب الي يوصلون لهالدرجه بعيدين عن تاثير الدين .. وذا رمستي من منطوق الدين بتبتعد وبتعاند .. فعشان تكسبينها .. تمي نكتي وياها .. حسسها انج من نفس درجة تفكيرها وهي تقدر تعتمد عليج .. وبعـــــــدين .. بينيلها من خلال مواقف وسوالف " الي لازم اتسويه" وتذكري .. لازم اتبينيلها الي تبين توصلينلها بإسلوب حلو وجذّاب ..

مثـلا ..

طلعتو ويلستو في كوفي شوب ( انا بضرب مثال ماعرف ترا لأي درجه من التحرر وصلت هالانسانه!!)
يو شباب علقو وهي علقت عليهم و استوا InteractioN انتي لا تعلقين على الموضوع جنج اتشجعينها على هالشي .. وخلي تعليقاتج في حدود الـ إستهزاء على هالشباب وهالتفكير .. بمعنى ثاني .. إغسلي مخها إن هاذيلا حثاله و انها اغلى من انها تنزل عمرها لمستواهم .. بس حطي في بالج انها ما بتشوفهم بنظره دونيه بتخليها تاخذ وتعطي وياهم جنهم سمنديقا ( الرمسه وياهم حلال لانهم مايرومون يوصلونلها ) ( الخطوه سهله وايد بس خطره وايد و يبالج تكونين ذكيه لأنها على قولتهم التحدي الصعب )

نحن يوم مثلا نحب نرابع فلانه .. بس فلانه عندها مساوء ممكن انها تاثر على سمعتنا .. نحاول وياهم بهالطريقه .. يعني نخبر الشله و نقولهم نحن نبي فلانه بس فلانه جي وجي .. فشو بيصير؟
نيلس نرمسها ونقوي علاقتنا فيها في الجامعه وناخذها ( هي روحها من شلتها ) ونحاول نبعدها عن محيطها ونحطها في قروباتنا .. وبعدين نطورها لـ عزايم برع البيت ونتغدى وياها ونحاول نغسل مخها وبعدين يوم نعرف انها تايهه بين ( شخصيتها القبليه ) و ( شخصيتها اليديده ) نحاول ندمجها اكثر في الشله وبعدييييييييييييين في الاخيييييييييررررررررر عشان نضمن لها انها جي اتم نرمس جدامها عن امور الدين ومادري شو بطريقه غير مباشره ..

وبالاخير يردون عاديات .. شراتنا ولا احسن منّا بعد ..

نحن لين الحين عنا ثلاثه في الشله جي استوابهم .. وكانو صدق صدق إمصخينها بس الحين يوم يظهرون ولا شعره من روسهم تظهر والميكب عندهم يعني جحال .. ( اعترف واقول صارو احسن عنّا نحن العاديات )

حتا وحده منهم كانت ترمس وايد اولاد .. ويوم انقطعت عنهم طرشو وايد بنات وصدق نحن الي مالنا خص اتبهدلنا وياهم .. وهالسنه خطبها اول واحد صاعت وياه بس هي ما وافقت لأنها ما صارت تحترمهم !!

ارد واقول .. لا تعاملونهم على مبدا الدين .. لأن اغلبهم بيعاندون ولا بيسمعون الرمسه .. خلّوهم اجذبوهم بطريقه غير مباشره واخر شي بينولهم اهميه الدين علشان يكون شرات grantee انهم ما بيرودون لعاداتهم القبليه brgll:

[المزوحي]

كيف تبين راينا دام إنج تقولين ( قلة أدب )
يبغى شي واحد إنه نحن هل نكون ويااج ونقول فعلا قلة أدب أم شي آخر ...
هل فهمتي سبب تصرفها بهالشي ؟؟؟
إن كانت ماتهمج اتركيها وإن كانت تهمج فلاتتهجمين عليها ولاتنقهرين
إن كان أسلوبج وياها بالأمر ومن أول مره بتبتعد وبتزيد ..
بس اللي تبينه كيف نتصرف معاها ..
يمكن تتصرف جيه لأنها تبغي الحرية بنظرها لكن هي تصرفت بتصرفات ماتليق ..
يلسي وياها كلميها عند المبادئ شوفي وجهة نظرها .. شو اللي يخليها تكون جيه
عطيها فرصة تتكلم .. إن ردت عليج ... فأعرفي منها سبب التصرف وممكن تتغير
على إيدج ..

[صدى جوفي]

وعـليكم الـسـلام..
سؤال .. شو العلاقة اللي تربطج بها الانسانة .. صداقة؟ زمالة؟ قـرابة؟ .. لأن تعـاملج بيكـون عـقد الـصلة اللي بينـكم .. ودامـج مستنـكرة تـصرفـاتها لهـا الدرجة أتــصور أنهـا تعـرف تنــاقض الأفكــار بينكم .. وهي تــعرض تــحررها متفــاخــرة بهــا الشي ..
دام البنيــة هــذي تــصرفاتهــا أكــيد متعــودة ع هالشي فصعــبة تتغــير بيوم وليلــة .. حــاولي تتــقربين منهــا أكــثر واذا ظــهر منهــا الغــلط تــبينين لــها تضــايقج من تــصرفــاتها - بس تلميــح - يمكن تحــس ع دمهــا شوي .. لو شفتي منهــا تــقبل يمكــن تــقدرين تــغيرين من شخــصيتهــا..
كـ الود ــل .. صدى جوفي

[ناصر الخالدي]

عزيزتي لبن مثلج وفرش اعتقد ان المواجهه هي الحل والابتعاد غنيمة والله يكون بالعون

[طير الحب]

حاولي تكسبينها وتعرفين طريقة تفكيرها ومن هالمنطلق حاولي تغيرين فيها

[كشكوشه]

هلا اختي لبن مثلج ..

لا تبتعدين عنها وحاولي انج اتفهميها شو الصح وشو الغلط .. بس بطريقه حلوه مب تحسسيها ان الغلط من ساسها لراسها وهي فيها هالشي(فهمتي قصدي) .. لان سبحان الله في بنات مايعرفون شو الصح والغلط وع حسب تربيتهم بعد يمكن اللي حواليها جي عشان جذه هيه تتصرف على حسب المجتمع او الاشخاص اللي حواليها .. والسموووووحه

والله يهديها ويكون ف عوووونج ان شاء الله

[لبن مثلج]

وحي القلم :: احلى مافي الوضوع انج فاهمة شعوري ال :no0:
امرمسينها من قبل ،، اترد على طبايعها الي اتمارسها بكل فخر :narr:

طير الغرام:: والله اني متجاهلتنها لي اااااااااااااااابعد حد ،، لكن في ناس (ماشي احساس) ،، مادري هل هي سالفة عناد ولا لامبالاة

بوظبي:: هي مب سالفة مكياج وتبرج ،، مب مهم عندي كل وحدة تتحمل اثمها ،، هي سالفة تصرفات بين المحيطين ، الي حولينها والي مب امسويتلهم اي اعتبار واحترام :negab:

المزوحي:: ممكن كلامك يكون صحيح لانها تعتبر تصرفاتها نوع من الحريه الشخصية ، وكل شي عندها عادي ،، يعني ماتفكر بالي اتسويه صح - غلط- يضايق- مب مهم ، المهم انها تثبت وجودها وبس

الخالدي:: لبن مثلج وفهمناها ،، شويعني فرش؟؟؟ :kkk: ،، المواجهة تمت من قبل وقامت اتحافظ على تصرفاتها ،، لكنها نست الكلام وعادت ريما لعادتها الاديمة ،، والله يالخالدي ان الابتعاد غنيمة ،، لكن المشكله لما اتكون انت صاحب مبادئ في الحياة وماتتنازل عنها واتييك وحدة عكس ذلك تمااااااااااااااااااااااا اما ،،،

الفارس:: انا متجاااااهلة لاني ماحب اتعامل مع فئة التفاهة ،،، لكن كل شي له حد ،، الغلط غلط والصح صح ،،، واحترام شعور الاخرين وااااجب ،، عشان في المقابل الي حوليني يحترموني ... او على الاقل احب ان الشخص الي جدامي يحترم وجودي ويحافظ على تصرفاتها وكلامه... وفي غيابي هو حر :sadwalk:

طير الحب :: هاي يبالها سنين لي تتغير

كشكوشة:: :sad4:


اشكركم على تفاعلكم ويا مشكلتي

[خنفروش]

لبون عليج باسلوب فروس ولد الالفين خاصه انه مجرب و اسأل مجرب

[لبن مثلج]

سقط سهوا :nono: صدى جوفي:: هي فعلا متعودة على حركاتها وتفتخر بها ... بس كلامج صح

خنفروشوووووه:: شو ؟؟؟ ماقل ودل :kkk:

[العجيبة]

يمكن تكون تصرفاتها هاي اللي مب عايبتنكم وسيلة اتخذتها لجذب انتباهكم ، عشان حد يعطيها الاهتمام ويعبـرهـا ، ويمكن هالوسيلة ما يتها الا من بعد احساسها بالنقص ..

تقـربي منهـا بحيث تكوني أقوى منهـا - تأثرين عليها مب تتأثرين بها - ، لا تنفريهـا منـج ، إذا حبتـج وحبت تيلس وياج أكثـر ، بتحـاول تقـلدج في تصرفاتج وسلوكـج ..

طبعـا إذا كنـت تشوفين ان في رفقتهـا تشويه لسمعتـج ما بتنفعين لاصلاحهـا ، خليها في حالها ، يمكن تتقرب منها وحـدة تفتكر فيهـا وتحـاول تصلحهـااا ..

ويا مرحبا بي ..

[لبن مثلج]

العجيبة:: ردج عجيب مثلج :puppyeyes:

عيبني كلامج :: لازم هي تتاثر فيني ومب العكس ...

[لبن مثلج]

السلام عليكم ..

هالموضوع من وين طلع ؟؟؟؟

الله يسامحكم ... ليش اذكروني فيها ؟؟؟؟؟؟؟؟؟؟؟؟؟؟؟

على العموم .. قريبا بتعلم فن التعامل معاها وبخبركم شو بيستوي