الاجازه الاسبوعيه .. الجمعه والسبت

**ولد الحكومة** · 17-05-06 ||, 10:23 AM

سلام عليكم
والله انا اشوووق هالقرار سليم جداً وعادي وما فيه اي تحفظ

.. يعني مصلحة الدولة فوووق كل شيء ، و الدولة تخسر ملايين الملايين بسبب الاجازة الخميس والجمعه .. في دولة قطر القرار هذا مطبق عندهم من سنتين تقريباً.

الواحد يتأمل خير دايماً ...

شكرا اختي ع هالخبر وابنتظار المزيد

تحياتي :
اخوكم/ قايد الريم
وولد الحكومة سابقاً

**نجمة دبي** · 17-05-06 ||, 11:04 AM

تسلمون عالمرور والاراء المختلفه ..
لكن صدق .. ما باليد حيله ..

ومثل ما قال محب الشيخين .. بنتعود ..

شرات كل شي تغير وتعودنا عليه ..

نجـــــــــ دبي ــــــــمة

**صدى جوفي** · 17-05-06 ||, 11:14 AM

ضــد هالـقـرار .. عسـاه يخلـون اليمعـة بس اجــازة ولا السـبت..

**شوق الصحارى** · 17-05-06 ||, 11:47 AM

ما احس انه فيه فرق.. لانا كنا نداوم الخميس والاجازة كانت بس الجمعه....

والمهم انه الاجازة يومين مب يوم...

مع الوقت بنتعود... ومصلحة البلد فوق كل شي....

تسلمين اختي على الخبر..

**طير الحب** · 17-05-06 ||, 02:16 PM

الشيء الحلو في القرار أنه اجازات القطاع الخاص والحكومي الأسبوعيه تساوت...ومن هالمنطلق نساء وايد يشتغلون في القطاع الخاص ويداومون وأزواجهم بالبيت وعيالهم هذا بالنسبة ليوم الخميس...ومع الوقت بنتعود وأنا أشوف القرار حلو بالنسبة لي لأنه يوم الجمعه كان يوم متعب لي ما يوحيلنا نتغدا الا ردينا بوظبي...الحين نقدر نستمتع بيوم الجمعه.

**بحر الموده** · 17-05-06 ||, 02:31 PM

وعليكم السلام
القرار واييييييد حلو اشوفه

مشكوره نجمه على الخبر ...

**إسهر معي ليله** · 17-05-06 ||, 02:49 PM

صحيح انه شي غريب علينا

بس مثل ما قالوا الإخوان قبلي،، وما بزيد عليهم

احنا مأجزين الخميس والجمعة والعالم السبت والأحد،، بالتالي ما نتعامل وياهم الا 3 ايام فالإسبوع

اهم شي فالموضوع انه الجمعه اجازة،، وهيه اجازة المسلمين
والمهم انه ما نسمع عقب كم سنة يخلون الجمعة دوامات!!..

عـ العموم هذي قرارات ولاة الأمور،، وبما انها ما تعارض الدين فـ ما نعترض عليها

ومع الأيام بنتعود

مشكورة عـ الموضوع

**نجمة دبي** · 17-05-06 ||, 03:49 PM

تسلمون عالمرور .. ويعطيكم العافيه ..

شكلي من الحين بديت اتقبل الفكره ..

نجـــــــــــ دبي ــــــــــمة

**المزوحي** · 17-05-06 ||, 04:19 PM

أكيد بيتأقلمون عقب فترة .. لكن هم ينظرون للمصالح الاقتصادية وأمورهم اللي مرتبطة برع البلاد
وعالميا ... شكلهم عقب بيخلون الإجازة السبت والاحد

**أكسجين** · 17-05-06 ||, 04:53 PM

اليوم لمّا كنا نمتحن ,,
دخلت علينا المديره القاعه كـ العاده بجولتها التفقديه اليوميه وخبرتنا !
الخبر صعقنا أول شي ,, ويمكن يكون عادي ما شي فرق بين السبت و الخميس ..
.
.
بس الاكيد الاكيد ان هـ القرار هو مجرد بداية لتطبيقهم قرار اجازة السبت والاحد !
لان لكل شي مقدمات ,, وهـ القرار اتوقع انه انحط عشان الحين محد بيعترض عادي ,,
فـ القرار الياي بيكون اجازة السبت والاحد ,, و ذاك الوقت محد يقدر يعترض ..
.
.
ان شاء الله مع الايام بنتعود ,, واتمنى ان هـ القرار ما يكون مقدمة لاجازة السبت والاحد ,,
اللي هي طبعاً اجازة اليهود والغرب ,,

| نجمة دبي |

تسلمين ع نقل الخبر

**ذنـيـنـي** · 17-05-06 ||, 05:01 PM

ما اشوف انه الموضوع بيسبب ازمه

بالعكس,, الموضوع جدا عادي و يوم بتدخلون المجال الوظيفي بتحسون بقيمة هذا القرار الي بيريحكم من ضغوط العمل و بيوزع شغل 3 ايام على اربع ايام

و في نفس الوقت نظرة الناس بتتغير ليوم الجمعة الي يعتبرونه اغلب الناس يوم كئيب, مع انه المفروض يكون يوم سعيد لنا كمسلمين

**كـلـكـلـووش** · 17-05-06 ||, 05:07 PM

خبرنا مستنا ان الجمعه و السبت اجازه

جان تقول دبي لازم تطور و تخلي السبت و الاحـد بعــد و تقــتدي بالــدور الاوربيــه !

من الحيــن طــلعت الاصــوات مطالبه بيــوم الاحــد . . الله المسـتــعــان