الاجازه الاسبوعيه .. الجمعه والسبت

**صدى جوفي** · 17-05-06 ||, 05:48 PM

يبغون يسلون الناس عن صلاة الجمعه ؟؟؟؟؟؟؟؟؟؟

مـنـظورهم تـجـاري وغـربي بحـت .. وأغـلـب القـرارات الـيديدة تنـبني على هـالأسـاس...!.

**وحي القلم** · 17-05-06 ||, 05:44 PM

الله ايكون فالعون ،،

مشكوره نجمة دبي

**عهد الوداع** · 17-05-06 ||, 05:44 PM

لا مب شي الصراحه ...

**نجمة دبي** · 17-05-06 ||, 05:51 PM

الله يعينّا على باجر ..

يعطيكم العافيه ..

نجـــــــــــ دبي ـــــــــمة

**لمّــاح** · 17-05-06 ||, 06:35 PM

مرحبا ..

ما اتوقع الاجازة يخلونها السبت و الاحد .. محد بيرضى ..
و أصلا حتى لو طبقو القرار غصبا عنا .. نسبة قليلة جدا من الناس بداوم دوام كامل يوم الجمعة .. اغلب الناس على الساعة 12 بيطلعون من دواماتهم عسب الصلاة .. فهذا يعني تقريبا 3 ايام اجازة لأن الجمعة مابيعتبر يوم دوام كامل .. !

**شرجاوي** · 17-05-06 ||, 07:00 PM

المشاركة الأصلية كتبت بواسطة لمّــاح

مرحبا ..

ما اتوقع الاجازة يخلونها السبت و الاحد .. محد بيرضى ..
و أصلا حتى لو طبقو القرار غصبا عنا .. نسبة قليلة جدا من الناس بداوم دوام كامل يوم الجمعة .. اغلب الناس على الساعة 12 بيطلعون من دواماتهم عسب الصلاة .. فهذا يعني تقريبا 3 ايام اجازة لأن الجمعة مابيعتبر يوم دوام كامل .. !

يا اخي ردودك تعيبني

**لمّــاح** · 17-05-06 ||, 07:08 PM

شــرجاوي .. هذا الي اتوقعه يسـتوي !! :harhar1:

و أصلا حتى لو قررو ان الاجازة تكون السبت و الاحد .. مستحيل يمنعونك من انك اتصلي صلاة الجمعة و اتوقع أول إمارة ترفض هالشي هي إمارة الشارجة .. دايما امارة الشارجه سباقة في اعمال الخير و المجالات الدينية و الثقافية :)

**بنوته صغيرونه** · 17-05-06 ||, 07:09 PM

بالنسبه لي الخميس و الا السبت ماتفرق
المهم الجمعه اتم اجازه و ماتتغير بعد عشان مصالحهم ،، بس ماعتقد انهم يسوونها

**الشوق** · 17-05-06 ||, 07:12 PM

القرار عادي وحلاته
اخيرا بيعطونا اجازات اسبوعيه مثل الخلق والناس ..
نحن في البنوك وساعات انداوم بالخميس ..
يعني ما فيها شي حتى دوامنا بالخميس يكون نص دوام ..
المساله مساله تعود وانتوا راح تتعودون اب سهوله
وهالشي حلو للكل ان الرؤووس اتساوت
يعني لا حكومه احسن عن الخاص ولا خاص احسن عن الحكومه
يلسة الاهل والاصدقاء بتكون وحده ويا بعض واللمه راح اتكون جميله بيومي الجمعه والسبت
شو تبون احلى من هالشي
وسلامتكم /
اختكم/ الشوق

**نجمة دبي** · 17-05-06 ||, 10:22 PM

تسلمون والله ويعطيكم العافيه ..

من الحين تعودنا عالفكره ..

نجـــــــــ دبي ــــــــــمة

**الجديدة** · 17-05-06 ||, 10:36 PM

الصراحه الإجازة مش في مصلحه الجميع
خاصه الموظفين و اللي يشتغلوا في ابوظبي
يرجعون الاربعاء و يوم الخميس يقدروا يقضوا أمورهم سواء تسويقية
أو زيارات أو حتى مراجعه في مستشفى خاص
بس الحين ما يقدروا
لما يرجعوا الخميس ما راح يلاقوا وقت
الجمعه الناس في بيوتها و صلاة و خير و كل شي مغلق
و السبت بس نص يوم لهم يعني ما راح يطلعوا اي مكان

بس مصلحة البلاد فوق اي مصلحة

**شمعة أمل** · 18-05-06 ||, 12:37 AM

في رايي احسن
لانه اولريدي ابويه الويك اند ماله جمعه + سبت ف لو البيت كله جي احسن نروم نسوي شي في الويك اند كعايله ومب خميس طلعه ويوم الجمعه يوم واجبات ^_^

وبعدين احسن للشركات على قل بيحصلون فلوس اكثر = بيوظفون موظفين زياده ..الخ كلحد ينفع من هالشي

**دانة حتا** · 18-05-06 ||, 12:53 AM

القرار مب شي طووووووووووووووول:narr:
شو ها احنا مب اجانب ولا يهود عشان ناخذ السبت اجازة:narr:
على اي اساس طلعوا هالقرار :narr:
ومن خلقنا واحنا نعرف الخميس والجمعه للدول العربية والمسلمة:kkk:
والحين صرنا نقلد حتى في الاجازة
هذا احتلال انا ما اباااااااااااااااااااااا