من لعب صغيراً تعب كبيراً

[ذنـيـنـي]

السلام عليكم و رحمة الله و بركاته

وصلني اليوم مسج من الوالده الله يطول عمرها مكتوب فيه

حكمة اليوم
" من تعب صغيرا استرح كبيراً, و من لعب صغيرا تعب كبيرا"

قريته و تذكرت الحال الي عايشين فيه

تذكرت الايام الي طافت علي و انا في غفلة

تذكرت الايام الي مرت علي بدون اي فائده تذكر

تذكرت ربعي الي يشردون من الكلاسات

تذكرت ربعي الي يشتغلون مع اباءهم في الفترة المسائية
و قمت اقارن بينهم و بينا نحن الي كنا نلعب و نرقد

شفتهم كيف الحين هم قابضين شركات و أعمال آباءهم
و قارنتهم باللي يلعبون و ما لهم هم الا انهم يقردنون فلانه و يطلعون ويا علانه

و يشترون السيارة الفلانية
و ياخذون آخر التيلفونات و تيلفوناتهم اصلا ما فيها شي
و يفرون فلوسهم يمين و يسار بدون حساب ولا قياس

كل هذه الافكار يت على بالي خلال ثواني معدوده

اسئلة تطرح نفسها

هل الغلط من اباءنا لأنهم رفهونا بزياده ؟
هل الغلط منا نحن لأننا وايد مستهترين ؟
هل الغلط من مجتمعنا لأنه مجتع يهتم بالشكليات بشكل كبير ؟

هل و هل و هل ..

في انتظار اراءكم و تعليقاتكم

:cop: اخوكم ناصر :cop:

[حبوبه دبي]

الله يحفظهــااا لكـ ان شالله



مــن رايـــي الشخصــــي ،،

الغلط مــن الكــل

واخــص المجتمــع اللــي عـايشيــن فيـه حـاليــًا .. احــس ايــام قبــل غيييير عن الحيــنه بــواايد ،، يعنــي الـواحد مـايفكــر بالمظــاهر شــرات الحيــنه ،، التفكيــر اتغيــٌر والدنيـا اتغيــرت ..

مـانروم نتحــكم فـ عمــارنــا :no0:

دام هــاي حيــاتنـــاا ..

...

وانتــه مـاخبــرتنــا عــن رايــك !! :ice:

[راعي الزعـامه]

الغلط مب من شي واحد من اللي ذكرته
الغلط يا من الكل
المجتمع اللي نعيش فيه اعوذ بالله منه .. اذا بتعيش بدون شكليات مابتعيش
والاباء بعضهم مرفهين ابناءهم لابعد الحدود .. ومب عاملين اي حساب حق الرفاهية الزايده .. وشو النتائج اللي بتنتج عنها ..
تلقى الولد يسير يصيح عند ابوه ... ابا السيارة هاذي والا هالتلفون .. والاب ما يقصر ويا ولده واييبله اللي يباه .. هالشي مب غلط .. لكن الشي اللي يزيد عن حده ينقلب ضده ..

وبعد من الواجب ان الابناء روحهم يحاولون بنتبهون على عمارهم شوي ويفكرون في المستقبل وكيف بتكون حياتهم بعد اباءهم ..
الولد مابيتم فحضن ابوه طول عمره .. لازم في يوم بيي وبيصير اب وبيكون مسؤول عن عمره وعن ابناءه ..

تحياتي ،،

[لمّــاح]

الســلام عــليكم ..

ذنيني ..

ذكرتني بالوالد .. دايماً يقص عليه هالنوع من القصص عن ناس تعبو و الحين شوف كيف ماشاءالله .. !

الغلط من المجتمع .. و منا نحن شخصيــاً .. المجتمع سهل علينا هالشي ( المضاهر و اللعب ) و زيّــن الغلط .. و الغلط منا نحن لأننا ماقسنا و فرقنا بين الغلط و الصح .. كل انسان عنده مخ و يقدر يفرق بين الصالح و الطالح و يمشي في الدرب السليم ..

تسلم عزيزي ذنيني :)

[كـلـكـلـووش]

انا بــرايي ان المســأله مســـألة جــو عــايشــينه . .
ســواء هالــجو من الــبيت او الاصــدقاء . . او حــتــى الجــو اللي الشــخص نــفسه عــايشــنـه . .
و مثــل ما يقــولون " النــفس أماره بالســـوء " و الانســان يحــله اللــعـب جــدامه . . و يتزين بألف زيــنه . . امــا الجــد و التعــب فـ يرتســم بصــوره قبــيحه و ما يشــجع على ان الانســان يقــوم فيــه . .

انا اعتــقد ان الانســان اذا تــربى تربــيه و انغــرس فــيه " تــحــمـل المســؤوليــه " فــما راح يــلعب . . لإنه من الــصغر عــارف شو اللــي له و شو اللــي عــليه ..

اعــطــيــك مــثــال . . يــوم كــنت صــغـير . . كــنت اقــول ليــش فــلان ما يصــلي و انا جــان ما صــليت ابوي يهــزبني ! . . ليــش يوم فــلان يقــول بصــوم يقــلون له بعــدك صــغـير . . و يوم ايي رمضــان امي توعيني للســحور !

يومــها مــا كــنت اعــرف ليــش هـــذا كــله ! بس اعتــقد اني الحــين حصــلت الاجــابــه . .
هــذي مســؤوليــات و اشــيـا لازم اتحــملها لإنــها اولا و اختـير فــيها مصــلحه لــي انا . . مش لغــيري . .

هالــشي ينــطبق تــماما عــلى الــدراسه و الشــغــل . . إذا انا يــاني كــل شي بسهــوله بــدون ما احــرك ســاكن بــتـعلم عــلى الكــسـل . . بتعــلم عــلى الخــمول . . ليــن ما اكــبر بــكون ابــي كــل شي اييـني . . ( إلا من رحــم ربــي )
الانســان لازم يتــعلم من هــو صــغــير علشــان لما يــكبر ما يتــلوم !

و في بعــض الاحيــان ما تـكون من العــايــله . . انلاقــي العــايله تكــافح و تجــاهد لتربــية هاليــاهل . . و ايي اربــيعه ( علوم بوصــفعه ) و يخــرب و يهــدم كــل اللي العــايله بنــتــه !

بالــنسبه لــي انا . . اعتــقد ان الولــد لازم يــتـربى من هـو صــغـير على انه ريـــال . . ما ينقــال له بعــده صــغــير . . لإنه هالكــلمه بــحد ذاتــها تــنزل من شخصــية هاليــاهل . . و هالــكلمــه تخــليه يتــكاسل و كــل ما ينــقال له شــي يقــول ( بعــدني صــغــير )

اشــيــا وايـــد تــدخل في هالموضــوع . . و لو نــتـكلم و نتأمل في الاســبـاب من اليــوم ليــن بــاجر ما بنــخـلص . .

ســلام
كـلـكـلـووش

[قرموشة]

:mar7aba:

مرحبا الســــــــــاع ..

احــم .. الدنــيا تغــيرت .. والنــاس ما قامت تهــتم الا بالمــظاهــر ..
والمكــان اللي عايشن فيه .. كــل وسايل الراحــه موجوده .. عشان جذه الناس تقول " ليش أتعب عمري وكل شي موجود !"
مب بس الشباب .. حــتى البنــات .. ما قامن يهتــمن الا بالمــظــهــر الخــارجي ..
ونســوا كيف زمــان أول الحرمــه هي اللي تقوم بالبيت وتشتغــل ..

بس بعــد .. كــل شي يعــتمد على التربيــه الصحيحه من الاســـاس .. اذا الاهــل ربوا عــيالهم على المسؤليــه ..
وتحمل الغلط .. والقيام بالواجــب .. فاعتقــد انه ما في خوف .. لكـن اذا الغلـــط كان من التربيه ..
في هـ الحاله ما باليد حــيله الا انك تربي من يديد ..

الموضوع هــذا له مجالات كثيره .. ولكن ما بتطــرق لهــا .. :unlock:

شكرا على الطــرح يا ذنيني :)

كــل الود ..
قرمــوشـة ..

[ذنـيـنـي]

الله يحفظهــااا لكـ ان شالله

مــن رايـــي الشخصــــي ،،

الغلط مــن الكــل

واخــص المجتمــع اللــي عـايشيــن فيـه حـاليــًا .. احــس ايــام قبــل غيييير عن الحيــنه بــواايد ،، يعنــي الـواحد مـايفكــر بالمظــاهر شــرات الحيــنه ،، التفكيــر اتغيــٌر والدنيـا اتغيــرت ..

مـانروم نتحــكم فـ عمــارنــا :no0:

دام هــاي حيــاتنـــاا ..

...

وانتــه مـاخبــرتنــا عــن رايــك !! :ice:

آمين
الله يسمع منج اختيه و يحفظلج كل غالي

الزمن تغير, و ابناء هالزمان اغلبهم مرفهين,,

و همهم الرنج و الكروم اليديد و نعال الباشوتي

الواحد لازم يشقى و يتعب و يشتغل بضمير عشان يترقى في وظيفته و يقدر يبني نفسه بنفسه
و في النهاية اكبر مستفيد من هذا الشي هم عياله في المستقبل,,

على سبيل المثال,,
الواحد يقدر يسير السينما مره وحده في الاسبوع بدال ما يسير 3-4 مرات
نقدر نلبس نعال عادي بدال ما نلبس نعال بـ 1000 او 2000
و الواحد يقدر يركب هوندا سيفيك او كورولا بدال ما ياخذ قرض و يشتري رنج سبورت

نقدر نسوي وايد اشياء بتساعدنا للتوفير للمستقبل بدال ما نلعب بفلوسنا و نفرها على اشياء "في الحقيقة" ما تسوى
يوجد الف طريقة و طريقة عند الانسان عشان يرتاح للمستقبل
لكن للأسف الي يتبع هذه الطرق يقولون عنه بخيل و زطي و متعب عمره على الفاضي

[مجموعة إنسان]

بصراحة ياخوك الدنيا ماشية جذي ... ادين وازين ..
الحمدلله .. انا راضي بكل شي
بس والله انه في شباب يدرسون معانا في الجامعة بس منتدبين من دوئر ثانية ..
يعني يستلمون معاش 4 الاف دره شهريا ..
بس تشوفه مطلع له بي ام او لكزس ويقصون منه 3 الاف .. تشوفه شهر كامل عايش على الف يحاتي اخر الشهركله يفكر ..
لييش مسوي بنفسك كذي ؟؟ ياخي اذا ماتقدر لييش تقلد .. شووف الحين هذا عمره 20 وعند ديون .. لو استوى عمره 40 شكثر عليه ..

والله محد سوى كذي بالشباب غير الحسد والغيره .
مشكوور اخووي على الموضووع

[ولد الشحوح]

بقولها واللي يزعل يزعل مجتمعنا في قمة التفاهة ماله هدف ما له طموح .... خلاصة كل الكلام اللي ودي اظهره واطلعه من قلبي وهو كلام كثير ..." نحن في حالة ضيااااااااااااااااااع " دنيتنا مقلوبة

[تنينه]

بقولها واللي يزعل يزعل مجتمعنا في قمة التفاهة ماله هدف ما له طموح .... خلاصة كل الكلام اللي ودي اظهره واطلعه من قلبي وهو كلام كثير ..." نحن في حالة ضيااااااااااااااااااع " دنيتنا مقلوبة

السلام عليكم والرحمه ,,

لــــــــــيــش هالنظره التشاؤميـــه ,, :nono: ,, مجــتمعنا بعده في خــير ,, وما زالت كلمــة الاسلام واشهد ان لا ألــه الا الله ومحمد رسول الله أتوحــدنا حتى لــو جــفنا العديد من النــاس بس ينطقون ابها بدون تطبيــق ,, لكــن الخيريين موجـودين ,, وكــل شــخص عايش لهدف وطموح حـتى لو سألت البعض وقالك أنه ماله هدف تراه في النهايه أكــيد بيسو شي لـنفسه لأنه الضعفاء مالهم مكان في المــجتمـع ولو ما كان لمجتمعنا طمـوح أو هدف جان ما وصـلنا للي وصلنا له ألحين من أتحاد وانجازات وتطور وتوفر كل شي لأهل البلاد ,, والدنـيا بعد ما أنجلـبت نحن نتحكم فـيها ونقدر أنصلح فيها ,,

ووالسمووحه

تنينه

[ذنـيـنـي]

الغلط مب من شي واحد من اللي ذكرته
الغلط يا من الكل
المجتمع اللي نعيش فيه اعوذ بالله منه .. اذا بتعيش بدون شكليات مابتعيش
والاباء بعضهم مرفهين ابناءهم لابعد الحدود .. ومب عاملين اي حساب حق الرفاهية الزايده .. وشو النتائج اللي بتنتج عنها ..
تلقى الولد يسير يصيح عند ابوه ... ابا السيارة هاذي والا هالتلفون .. والاب ما يقصر ويا ولده واييبله اللي يباه .. هالشي مب غلط .. لكن الشي اللي يزيد عن حده ينقلب ضده ..

وبعد من الواجب ان الابناء روحهم يحاولون بنتبهون على عمارهم شوي ويفكرون في المستقبل وكيف بتكون حياتهم بعد اباءهم ..
الولد مابيتم فحضن ابوه طول عمره .. لازم في يوم بيي وبيصير اب وبيكون مسؤول عن عمره وعن ابناءه ..

تحياتي ،،

عاشق القلم

تسلم عزيزي على مرورك الكريم

كل الكلام الي قلته صحيح
مشكلة الأبناء انهم يظنون بأنه الحياة سهلة و يظنون انه مال اباءهم بيتم عندهم و ما بيخلص
ما يدرون المساكين انه اباءهم "تعبوا و هم صغار,, و ارتاحوا و ريحوا عيالهم و هم كبار"

[وحي القلم]

عليكم السلام و رحمة الله و بركاته

ذنيني

مثل ما قالوا باقي الأعضاء المشكله الكل مشترك فيها

ما نقدر انقول أنها غلطة الأهل بس

لانه الأهل دايما يبون الأحسن لعيالهم

و شي منهم اتكون نظرتهم لهالموضوع

أنه دامنه عندي خير فالمفروض أنه ايكون لعيالي

هو صح هالكلام بس بعد المفروض أنه ايكون بحدود طبعا هذا لمصلحة عيالهم

و أكيد أنه هالغلط يكون عن جهل منهم

و أوقات تلقى الأهل من أحسن الناس و اسلوبهم زين ويا عيالهم

بس ولدهم ولا بنتهم من النوع المستهتر !!

و يمكن اتكون نظرة المجتمع هي الى خلتهم يستوون جذيه

(( المشكله امخربطه فصعب أنك اتحدد السبب الأول لها ))

..

مشكور اخويه على الموضوع

و السموحه

[ذنـيـنـي]

الســلام عــليكم ..

ذنيني ..

ذكرتني بالوالد .. دايماً يقص عليه هالنوع من القصص عن ناس تعبو و الحين شوف كيف ماشاءالله .. !

الغلط من المجتمع .. و منا نحن شخصيــاً .. المجتمع سهل علينا هالشي ( المضاهر و اللعب ) و زيّــن الغلط .. و الغلط منا نحن لأننا ماقسنا و فرقنا بين الغلط و الصح .. كل انسان عنده مخ و يقدر يفرق بين الصالح و الطالح و يمشي في الدرب السليم ..

تسلم عزيزي ذنيني :)

و عليكم السلام بو جاسم

اذا في انسان استفدت من كلامه و افتخر بصداقته خلال هالفترة فـ بيكون هالشخص هو لمّاح

كنت ناوي اخلص الدبلوم و اداوم في اي مكان و خلاص,,
و من كلامك عرفت بانه الانسان لازم يكون له طموح ولازم ما يوقف مسألة تطوير النفس مهما كان عمره و سنه, و انه الحياة الحياة مستمرة و المجالات مفتوحة للأنسان و ما بتوقف بسبب غلطه غلطها في مرحلة من مراحل حياته :smartass:

لك كل الشكر و التقدير يا بو جاسم
و الله يوفقك في دنياك و آخرتك

[ديج الفريج]

السلام عليكم ...
رايي
الغلط من الأهل ثم انت ....
المجتمع امكون منا نحن
ولو بونا أهالينا وربينا عيالنلا على اننا انخلقنا فقط لنعبد الله
جان ما طلعو عيالنا فارغين
ما يملي قلوبهم الا حب الدنيا

وهذي معاناة انشوفها ابكل بيوتنا
الله يهدينا جميعا

شكرا لك

[حبوبه دبي]

ربــي يــوفجك ان شالله فـ حيــاتك ودرااستكـ