رفقاً بالقوارير

[سبيجة]

السلام عليكم


حيث إنني من خريجات 2003,ومضت أيام وأسابيع (ما بقول شهور وسنين) على افتقادي لمقاعد الدراسة...ورفيقات الفصل..ورحلات..وزيارات..(الل� � بيقول عني عيوز..بيجني على عمره,,لأني داعيه عليه سلفاً ب عيز حيله)..المهم...شاءت الأقدار أن ألتقي بفتيات مراهقات..وطالبات مدارس..ولن أتكلم عن طالبات الجامعات والكليات...بل الشريحة الأصغر...:cop:

زيارتي الأولى لأحد الأماكن الترفيهية الخاصة بالسيدات في وقت محدد ويوم معين..أنصدمت...أنصعقت...ذهلت.. .تفاجأت...كلمات لن تعبر عن درجة المفاجأة..التي عشتها في ساعتين فقط.. :nono: :puppyeyes: :no0: :kkk: :shock: :sadwalk:


فتيات لم يتجاوزن الإعدادية..في فترة انتقال من الطفوله إلى المراهقة ....بلبس يخدش الحياء...وكأنني أشاهد فيلم أجنبي..أو مسلسل مكسيكي..!! وخصوصاً المكان يحتوي على أحواض مائية...بحر...إلخ


حركات ميوعه ودلع مصطنع....لأطفال..تشبهن بما يشاهدنه في وسائل الإعلام المختلفة..:no0: ولا يخفى على الجميع ...المتشبهات بالرجال..كان تواجده(ن) بكثرة..وقد يكون سبب اهتمام الفتيات بأنفسهن وجود هذة الفئة الشاذة..

والمصيبة الأدهى والأمر..وجود بعض الفتيات مع أمهاتهن.. مما يدل على رضا الأم المصون على لبس وتصرفات طفلتها... :narr:


أين الأهل من الرقابة على صغيراتهن؟؟ وخصوصاً وقت استقبال هذة الحديقة للسيدات يكون من 8 وإلى 12 ليلاً..!! إلى هذة الدرجة أصبح خروج الفتاة في هذا الوقت المتأخر عادي جداً؟؟؟ هل من الطبيعي أن تتواجد إبنتك أو اختك في مكان مثل هذا قد لا يخلو من الكاميرات..؟؟!!

بالفعل لا حد للميوعة..!!


السموحة

[صريح]

سبيجة بنت امبيريج

تسلميــن اختــي
على هذا الطرح المهم و الحساس في نفس الوقت !


كم بنرمس و كم بنقول عن هالاشياء ؟ :no0:
والله لو اليدار له اذن جان فهم الرمسه و مشاا عليها ..

اذا بنقول ضعف الوازع الديني هو السبب الرئيسي ...
فالمصيبه الكبرى هي مثل ما تفضلتي "وجود بعض الفتيات مع أمهاتهن" ...

الواحد بينصح الام ولا البنت في هاي الحاله ... خليها على الله بس

الدنيا ختربت لـلاسف و ختلط الحابل بالنابل ..

الواحد في زمانا هذا يوم يشوف الشي الصح و السليم يحس به غريب .. بس يوم يشوف الاشياء الغلط يعتبرها شي عادي من كثرتها !

الخير يخص و الشر يعم

و السموحه منج
من القهر ما اعرف شو اقول

[تنينه]

السلام عليكم والرحمه ,,

أشكرج عزيزتي سبووج ع الموضوع ,, الصراحه أنا بعد شراتج يوم سرت لهلأماكن أول البادي أتعجبت :puppyeyes: وأستغربت صدق لأني جفت بنات دووم أجوفهم في الجامعه عاديات ولا هب ذييج الكشخه يعني وأهنه حدث ولا حرج :negab: ,,, ربيعتي أتقولي يوم ودوهم رحله لنادي دبي للسيدات شي بنات ساروه وسبحوه طبعا بلبس السباحه :nono: على أساس أنهن كلهن بنات ومكان مغلق ما شي رياييل وتناست عورتها وفصخت الحياء طبعا بحجة أنه مكان مغلق :negab: ,, في الــسابق يوم كنا أيام المدرسه دووم كنت أسمع البنات يرمسون عن نادي فتيات الشارجه وأنه مكان تجمع البويات وفي مره سرته وصدق جفت البويات بالكاب وكل وحده تستعرض عضلاتها وتحاول اتقردن على قولتهم :hist: ,, وبعد ما دخلنا الجامعه قمنا نسمع عن الممزر والعلووم اللي تستوي في الممزر يوم الاربعا واللي هو طبعا يوم الحريم أقصد يوم البويات brgll: ,, وسمعت أنه بسبب المشاكل والبلاوي اللي استوت بيلغون هاليوم أعتقد يعني بيخلونه عام :kkk: ,, شرات ما قلتي أختي أنهن يكونون في سن المراهقه وهالسن هو السن الخطر ع البنت ولازم أتكون مراقبه أكثر فيه ,, حلوه الثقه بس بعد هالزمن كل شي ينخاف منه ,, الأم والأهل يخلون البنت تظهر لساعه متأخره من الوقت بحجة أنها سايره لمكان حريم وما فيه رياييل :nono: ,, وعادي لو ما تلبس العباه وتلبس اللي تباه ترى ما شي رياييل وفي بعض الاحيان يكون الحارس موجود وبعض الهنود ,, شو يعني عاادي :nono: ,, شو أنقول بس أختي ,, الله يهدي الجمـــيع ويحفظ بنات البلاد :ttmasha: ,,

[قرموشة]

:mar7aba:

مرحــبا الســـاع ..

اممممم .. تعــرفيـــن .. هـ الشي أحــسه استــوى عادي .. ويــن ما تسيــرين تشـوووفين هـ الاشكــال ..
كم بنــرمــس ؟ ! وكم بنــقول ..؟؟ اذا العــوق بالاســاس من التــربيــه فمــا باليــد حيلــه ..
غير انــها الام بنفــسهــا هيي اللي تنصــح بنــاتـها . .
يامـا مرت عــلي من هـ الأشكـال و رمــست عليــها .. لكــن في النــهايــه ما احــصل غــير جمــله وحده ..
" هــاي حريــه شخــصيه " أو " انتي شلج ؟! " كــيف بعــد أنا شلي .. بنــات بلادي والكــل يرمــس عليهن
ومــاتبونــي اتحــرطم وأقــول شي!!

و في حاله ثانيه .. اني ما أقــدر ألوم البنت على تــصرفــاتهــا .. ولا أقــدر ألوم الامهــات .. الغلط ممكن يكــون من المحــيط نفســه .. "برع البيت "
يعني في ناس أعــرفهم .. ماشاء الله عليهن .. امـــهــات على خــلق ودين .. لكــن تعالي شوفي بناتهــن .. !!! من جدام الاهــل شي .. ووراهم شي ثاني .. :no0:

وعــلى طاري طعــات الليــل .. اللوم على الاهــل .. !! وين الأبو عنها ؟ووين الأخــو ؟ :sadwalk:

ما أقــول غيــر الله المستعــان ..

سبيجــه .. شكــرا على الطــرح .. :)


كــل الود ..
بنت قريميـــش

[وحي القلم]

عليكم السلام و رحمة الله و بركاته

سبيجه بنت امبيريج

شو بنقول يا اختيه.. إذا كانن الأمهات راضيات ابهالشي

و اتقولج ابرايها البنيه تستوي جيه لفتره أبرك لها عن اترابعلها واحد !!!

جنه ما شي حل ثاني !!

و وجودهن استوا شي عادي في المدارس و الجامعات

بس بعد أتوقع أنه شي مجال لحل هالمشكله إذا اهتمينا بتوعية الأمهات أكثر بهالمشكله

و حتى البنيه دامنها صغيره إذا حصلت حد يهتم بها ما ظني أنها بتستوي جيه

(( الله ايعين ))

..

[وعد]

والله يا اختي سبيجه الظاهر البنات الصغار كلهم صارو جذي
انا راحت ذاك اليوم مع اختي وبنتها المجمع نشتري اغراض
المهم بنت اختي عمرها 13 سنه يعني ياهل ياحليلها اشوف بالمجمع تدور عن الالعاب وباربي وهالسوالف ,المهم شوي شان اشوفها يالسه تسلم علي وحده من بعيد قمت اقرب منها ما اشوف الا ذيج البنت الي لابسه عباية اخر موضه وريحة دهن العود تنشم علي بعد كيلو وذاك الشدو لاخضر
المهم البنت راحت انا مسكت بنت اختي الا اقول لها حبيبتي صادقي بنات من سنج مو من سني انا
الا تقول لي لا خالو هذي منيره معاي بالصف واصغر مني بشهر:shock:

كيف بنت بهالسن واهلها سامحين لها بالمكياج والعطور و روحة المجمعات مع صديقاتها كيف:no0:


الله يستر من الي جاي وما خفي كان اعظم

[طير الحب]

مرحبا بعودتج سبجبج....نورتي الواحات...يالله خاطري أسير هالحديقة...بس عن الأجواء الذي ذكرتيها ما اتشجعت...وهالظاهرة للأسف من زمان اذا من كم سنه بدأت بلبس القصير فالأمر يتطور بعد اهمال الجميع بداية هذه الظواهر...


والله المستعان

[الرحيل]

لا تعليق&لا تعليق

[سبيجة]

السلام عليكم

أخويه..صريح

أكيد في حل..إنه نمتنع عن زيارة مثل هالأماكن..ونمنع الناس الجربيين منا...

مثال إذا كان عندك اختك أكيد بتكون واثق ومرتاح إذا كانت متواجده في بيئه كلها بنات...وهالشيء ينطبق على الكل في مجتمعنا...لكن الحقيقة هو توجد الفتاه في مكان مختلط بنظري أفضل مليون مرة من تواجدها في أماكن مغلقة مع بنات من بيئات مختلفة .. ممكن إنها تزور هالأماكن بوجود خوات كبار..أو حريم كبار في السن في العايله حتى تكون تحت نظرهم ... لأنه في مصايب وبلاوي كبيرة في هالأماكن ...والأهل واثقين في بناتهم وفي تواجدهم في مثل هالبيئة...مع إنه أكبر غلط.... وهالشيء لازم ينتشر بين الأهالي..حتى ما يتمون على عماهم ...

شاكرة لك مرورك وردك أخويه ...


اختي الغاليه....تنينه

أكيد في بنات وايد معارضين كلامي...:nono: ويمكن الوحده تقول انا ما عليه من غيري بسير وبستانس ...وبظهر..صح كلامج ...بس في الوقت نفسه ممكن تتعرضين لمناظر أو حركات صدقيني إنتي في غنى عنها...شخصياً كانت أول زيارة لي ...وآخر زيارة..ومستحيل أفكر اروح ...مع إنه الألعاب وايد حلوه..وفيها متعه كبيره... :ice:

على فكره في هالمكان بالذات ما لمحت أي ريال ..يعني البيئه كانت 100% نسائية

تسلمين على الرد..


عزيزتي...قرموشة..

الله يحييج ويبقيج.. :kcl: ..صدقيني الأهل آخر من يعلم للأسف...وإلا جان:waa: ولهذا السبب أنا طرحت هالموضوع..ابغي الكل ينتبه لهالشيء..ويرمس فيه جدام الأهل ....:gof: :terms: :daleel:

بالنسبه للتأخير برع البيت ..انا اشوف إنها موضه يديده الصراحه ... يعني الحين البنيه اتم برع البيت لين الساعه 12 وها شيء وايد عادي ..وابشرج أعرف بنات ويايه في الدوام ..يحضرن العرض الأخير في السينما..اونه بعيد عن الزحمه..!!

شاكره لج مرورج وردج..


اخويه وحي القلم..

وجهة نظرك صحيحة 100% لكن لازم الأهل ينتبهون لهالنقطه..إنه بداية الإنحراف يكون مع بنت ..وبعدين يتطور ..لأنه شيء مخالف للطبيعة ... فأكيد بتكون نهايته جايده.... الله يستر على الجميع..

شاكره لك تسطيرك للكلمات وردك في الموضوع


اختي الغاليه..وعد...

خلي المكياج...واللبس...والمياعه على صوب.. لأنه هالشيء استوى وايد عادي..على أيامنا ما حطينا هالسوالف ولا عرفناه إلا بعد التخرج والحين في المدارس تشوفين الجحال..واللمعه..والمشكله إنه أغلب الأهل ينظرون إنه بنتهم بعدها صغيره ولازم تعيش حياتها....خلوها على راحتها..لين ما تيب لكم مصيبه..:cop: الله يعين اختي..

تسلمين على الرد..


غناتي..طير الحب...

المكان وايد حلو...والألعاب وايد روعه..يعني جد يوم يقولون لا حد للإكتفاء..وحلوه فكرة يوم مخصص للنساء..بس بعد في ناس خربوا المكان بتصرفاتهم للأسف...

شاكرة مرورج ...


الرحيل..... لا تعليق & لا تعليق :harhar1:


السموحه

[انامل]

سبيجة
سلام عليكم يا الغلا
حمدا لله على تواجدك معنا من جديد
قريت موضوعج ومثل ما تفضلتي

يا سبيجة الزمن ما بقول تغير ولكن بقول تدهور
التحضر اصبح في المظهر اما الجوهر فبدا يختبئ خجلا في وحل الأسى
مصيبة وكارثه
والكل متهم
ولا نقول الا على الدنيا السلام
ونسالك يارب الهداية والعافية والستر
وما بقول الا لا حول ولا قوة الا بالله
وها مره ثانية
كل الحب عزيزتي
وحياج الله من جديد وشكرا على موضوعج المهم
والله اسعدني تواجدج معانا من جديد

[ديج الفريج]

يمكن عشان جي لغوا يوم الحريم يوم الأربعا....
سمعت انه وااايد بلاوي تستوي ...
ومغازل البنات للبنات :ttmasha:

[أمواج]

:mar7aba:
.
.
ياهـي بلاوي في الممزر يوم الاربعــاء . . .
إتشــوفين العجب هنــاك . . .
والله يســتاهلون يوم كنــسلوا يوم الحريم . . عشان يأدبوونهم والله . . .
الله يستــر من اللي بيي . .
.
.

[أمواج]

...
ومغازل البنات للبنات :ttmasha:

يــاليت لو بس مغــازل . . .
:nono: منــاكر والله :nono:

[ريم العين]

انتي قلتي البنات فالابتدائيه يعني صغار بعدهن مب بالغات يلبس اللي يلبسونه ويوم يبلغون يحتشمون

صغار بعدهن بس يغلد الكبار يمكن يكونو فالمدرسه بنات اكبر عنهن يعني مثلا مدرستنا عندنا بنات سوادس ونحن اكبر البنات فالمدرسه يعني كله الاداره تلومنا وتقولنا انتي خربتو المدرسه وبنات سوادس يغلدونا نحن لازم بعد المدرسه تقوم بدورها وتصلب البنات يعني بنات المدرسه قامو يغلدو الكبار فالمدرسه اللي هم نحن بلبسنا ومضهرنا واسلوبنا وتعاملنا يعني المدرسه لازم تمسك البنات اول باول عسب يصطلبون


تسلمين اختيا عالموضوع الحلو^_^

[دموع قلم]

وعليـكم السـلام ورحمة الله وبركـاته

مظـاهـر غريبـة..
مـوضـة تـافهــة..
عـادة سيئــة ظهـرت في زمننـا.. !!

بخصـوص الفتيـات المسترجـلات.. للأسـف انتشـرت بنسبـة كبيــرة جـدا في مجتمعنـا, وبـرأيي عـدة
أسبـاب لهـذه الظاهـرة, أوله بأن طبيعـة بيئتنـا بيئـة مغلقـة, فـالفتاة لا تخرج أمام الرجـال, وعيـــب,
ومـنقـود,ووو.. لـذا تلجـأ الفتـاة بالإرتبـاط بـفتـاة أخـرى لإشباع عواطفهـا, ثانيـا.. وهذه أهـم نـقطـة,
الأهـل دائمـا يـقدمـون كامـل الحريـة للفتـاة بــالتحـدث فـي الهاتــف لسـاعات طـويلـة مـع صديــقتهـا,
أو الخــروج معــا دون أي قلـق أو خـوف, بـحجــة أن صـديـقتهـا فتـاة لا شــاب, وللأســف تجاهلـــت
الأم بالأمور السيئة التي تحـدث بينهمـا..

أخبرتنـا معلمتنـا بأنها عنـدما كانـت في الجامعـة, رأت العـديد من الصـور السيئـة والبشعـة التي تحـدث
في السكـن بين الفتيـات, أي أن زمـانهـا كـانت تحـدث هذه الأمور, فـمابـال الآن.. ؟!!
اللهـم احفظنـا من فتـن هـذه الدنيـا سالميـــن..




أسعـدتنـا بمشاركتـك أختي سبيجـة.. في صفحـاتنـا
ونتلـهف لقـراءة المـزيد من تلك الأقـلام المبـدعـة..

:)