- اعضـاء واحـات بن دبـــي -

[صريح]

السلام عليكم،،

شحــالكم كلن بحاله ؟؟ ..
ان شـاء الله بخيـر و نعمه



ماما زمانها جيه .. جيه بعد شويه، جااايبه معاها شنطه فييها وزة و بطة بتئول وق وق واااااق
هالاغنية من يوم كنا صغار لين يومنا في بالنا و نرددها .. :harhar1:

و يتنا فكرة انا و لماحكوو
:kkk:
بطرح موضوع نعرض فيه صورنا أيــام الجاهلية او أيام الاوس و الخزرج ع كيفكم انتو ختاروا ههههه ...

مب لازم صور رسمية ( صورة الجواز ) .. اي صورة كانت و يفضل لو صورة و وراها قصة و السنه اللي مصورينها فيها

الشروط:
-العمر فالصور ما يتعدى العشر سنين
-وضع اسم العضو على الصوره
-حجم الصور يكون مقبول حفاظاً على الشكل العام للموضوع


أتمنى من الجميع المشـاركة في الموضوع
و دخيلكم ابا اشوف كل رد فيه صور مب بس تعليقات !!



و السمــوحه منكم
صريـــح بالتعاون مع لمّــاح

[صريح]

و أنــا ببدأ
:ice:

هاي الصوره الله يسلمكم مصورينها لــي فـي عام 1992 ..
يوم كنا سايرين البر في ليــوا و كان عمر 6 سنيـن
انا شفت قوم خالي سايرين البر و ركبت وياهم السياره و ما خبرت امايه و لا ابويه
و يوم رديت البيت انضربت من الخاطر



فديتني كيـــوت
:harhar1:

في انتظار باقي الاعضـاء
:hist:

[تنينه]

الــــســلام علـــيكــم والرحمه ,,

فـكره حلوه الصراحه :ice: ,,,

حـــليــلك أخوي صريح بعد هالابتسامه الخطيره حـصـلت ضرب :hist: تستاهل :harhar1:

همممم حــبــيـت أشاركم الموضوع ^^ ,,

وأخترت صوره من أيــام الأوس والخزرج مب الجاهليه :ttmasha: ,,

في هالصوره عــمري سنه أعتقد أو أقل ,, الــعام جــفت هالصوره عــند أمي ,, قلت لها منو هاي أتقولي أنتي يوم كنتي صــغيره كنتي منتفخه ودومج راقده كنتي وايد مريحتني دووم راقده فــديتني شطوره مــن صــغري مريحتنج :ice: أتقولي هييه بس ألحين ,, أقولها منو مصورني أتقولي خالــج صورج يوم كنتي راقده ,, أقولها لو ألحين ناشه من فلاش الكيمرا ولا شي أستوى بي مصوريني وانا راقده ويا المـصاص جـان أتريتو ألين ما أنش وعقب أتصوروني :ttmasha: ,,




كل الود

تنينه

[طير الغرام]

أيــــــــا ليــــــت الزمـــــــــان يعـــــود يومــــــــاً >> أظني شي جيه brgll:

موضوع حلوو >> بس جد انطرح من زمااااااااااااااااااااان

.
.

بنبش في ماضيّه الجديم وإن شاءالله لي عوده ^_^

[فركوشه]

صريح .. انت تنفع حق دعاية سيجنال تو..

ضروسك ناصعة البياااض.. وابتسامه عجييييييييييبه..

....

تنينه.. جنج عرووووووس.. ويا الطرحه.. بس وايد حليوه..

اما عني يوم بحصل بحط.. هذا اذا حصلت.. حليلي ما كانوا يصورونييي..

ويسلموووووووووو عالموضوع..

[ألم ترى]

بسم الله الرحمن الرحيم ..

ماشاء الله شو هالأضروس والجمال الطيب ! ..

كلهم بصوب والضرب بروحه بصوب لوووول ..

طرحك غاوي واعتقد اني شفت شرات هالموضوع من قبل ..

بحفظ الرحمن ..

[طير الغرام]

بعد ساعه واشوي من التنقيب المتواصل والتنبيش

حصلت هاي

بس لا تضحكون عليّه brgll:


.
.





هالصوره مادري الصراحه منو خذلي إياها
بس كانت ع العيد وكنّا ف العين وكان عمريه سنه أظني ولا أصغر

شكليه شيطانه ههههه

[ألم ترى]

تبارك الرحمن

[ولد الحكومة]

موضوع حلو ومميز الصراحه ..
:kkk: بس يبالي وقت لين ما اسير عند الوالده عشان اقولهااا ظهري صوري وانا اصغير ...

تسلم صريحوووه عالموضوع .. ماشاءالله عليك

[قرموشة]

:mar7aba:
مرحبا الساااااع ..

هاااي صورتــي .. وأنــا سنــه " أتوقع " سنــه 1989

احم .. شووفووا الروان العجــيب اللي عـ الطــرف .. :puppyeyes:

هــيييه صح .. كانوا دايمــا يلبســونــي لبس أولاد ..
وكــانت عندي ميول ولاديه عـ الخفيف وههههه ..
ما ألعب مع البنات .. ودومــي ناقــزة صوب الاولاد .. :qor9anah:

صريــح .. تنفــع حق دعــايه " سجنال تووو "

كــل الود ..

قرمــوشــة

لاتعلقــون علـــي .. أدري فدييتني كيوووت :harhar1:

[عذبة الروح]

وعليكم السلام والرحمه

فكره حلوه ... بس تفشل
انا بحط صورتي .. وانا متعمده انها ما تكون واضحه

احم .. احم .. احمين
هذي عذبذب النونو
وعلى ايامي ... كانوا الكل ينادوني هايدي
لانه شعري كان اسود وشرى البوي
وغزوزي كبار ودوم حمر :kcl:
وكله فـ صوب .. وشطانتي صوب ثاني





اسمعكم تضحكون عليّ ...
بس عااااااد حرااااااااااااام عليكم

هيه ... الصوره هذي تقريبا بـ سنه 1985
فـ كورنيش بوظبي ... شوفوا اول كيف كان brgll:
والسموحه

ومشكورين عـ الافكار الفنتكيه
وربي يعطيكم العافيه
ويسلمووونيشن صريحنا
ويسلمووونيشن لماحنا

اختكم
عـذ الـروح بـة

[شوق القلوب]

السلام عليكم..

مـــاشـــاء الله عليـــكم...

كلكـــم كيـــــوووووووت... ^_^

..

صريـــح

ذكرتني بولد خــالتي.. تتشابهون شوي :bow:
هههه بس أكيد مب انته brgll:

..

[عفاريتووو]

عليكم السلام

فكرة حلوة ,, وصور احلى ,, ماشالله عليكم

[صريح]

تنينه

مشكــوره اختــي ع المشـاركه
ما شاء الله عليج
المصاصه للبيع :harhar1: ؟



فركوشه

خخخخخ دعاية سيجنال تو مره وحده :hist:
تسلميــن ع المرور و في انتظـار صـورتج



محب الشيخين

اول شي وين صـورتك :kkk: ؟ .. اتريـا الصوره !
و عن الضرب صدق كان يعور ما رحمه يا ريال هههههه



طير الغرام

مـا شاء الله كشخت العيـد غيير :ice:
الابتسـامه فيها شي من الشــر هههه .. ليـش حايسه فجج :hist:



ولد الحكومة

تسلـــم الشيـــخ
و نتريــا الصــــوره
:)



قرموشة

ام الروان خخخخ :hist:
شكلج كنتي زعيمه الفريج .. هههه
و يسلموو ع المشـاركه الحلوه



عذبة الروح

هايدي عيل .. لول brgll:
مشكـــوره ع المشــاركه




شوق القلوب

يخلق من الشبه اربعيــن :ice:
مشكوره ع المرور
و نتريـا مشـاركتج



عفاريتووو

مشكوره ع المرور
و انتي بعد نتريـا مشـاركتج
:)




و فــي انتظـار بــاقي الاعضـــاء الكرام

[شمه]

حلوو الموضوع عيبنــي..

لووول..


امم بفكر ..

احط صورتي ولا لاء..