أفلام شاهدتها...

[عافك الخاطر]

SNAKES ON PLANE
كشخة الفلم .. صدق زياغ .. !! احلى شي الخوال > نكهة الأفلام الامريكية الصراحة .. ضحكني هاك الدب يوم تم يرمس عن البلي ستيشن > الفلم آخره دعاية حق البلي ستيشن 2
وعيبتني جملة الخبير > time is a tissue

بس عااد اتحملوا على اعماركم ما انصحكم تاكلون شي وانتوا تشوفونه ... ^__^

بالعكس ..
أنا كنت شارية ناجوز و بوب كورن > medium و بيبسي > med .. وخلصتهم كلهم
اصلاً من الاندماج ما حسيت بعمري .. حتى اني صارخت صرخة .. اتصفعت بعدها > الحمدلله ما كانوا وايدين ف السينما والا جان ضميري انبني ..

يا خوفي باجر يسوونها و يحطون ثعابين ف الطياير صج > ترى دوم خيالهم ينجلب عليهم ..
المهم ..
اعطيه 7.5 من 10 > لانه شي لقطات غبية!.. وشي شوية اخطاء فنية ع قولتهم .. بس هو ممتع بشكل عاام ..
و الممثلين اللي عيبتني ادوارهم > samuel jackson الخال ..
وبس
..

[تحفه]

منو شاف Deja Vu؟ ..حلو؟

[تحفه]

بلاها الواحه هاي ميته ..

انزين Babel حلو؟

[شمعة أمل]

بلاها الواحه هاي ميته ..

انزين Babel حلو؟

نزل في السينمائي .. وقالو انه ماصخ درجه أولى ..
لكن الى نزل في السينمات غيـر .. مخلين كمن مقطع ماصخ .. بس قطعو باقي الأشياء

هاللي سمعته..

[بوسلطان]

Deja Vu هالـ الفلم خيـــــالي وما انصح احد يطالعه..

ولـكـن فيلـم ( Blood Diamond ) >> فــيلم الصراحه فنــان إبداع..

[تحفه]

Deja Vu هالـ الفلم خيـــــالي وما انصح احد يطالعه..

ولـكـن فيلـم ( Blood Diamond ) >> فــيلم الصراحه فنــان إبداع..

شفته بس ما ركزت كنت مصدعه .. بس الشي الي ما انساه انا طلعنا من الفلم نتضارب .. حد حب الفلك وحد كرهاه ..

[بوسلطان]

شفته بس ما ركزت كنت مصدعه .. بس الشي الي ما انساه انا طلعنا من الفلم نتضارب .. حد حب الفلك وحد كرهاه ..

هههههههههههه.. يمكن مـتأثرين بالفيلم .. لانه كله قتل و ضرب..

[شمعة أمل]

Glamour Girls
حلوو

Just my luck
حلوو


The illusionist
روعه


Scoop
حلووو


The persuit of happYness
روعه

[تحفه]

شفت the persuit of happyness وعيبني .. ماما عيبها بعد

كان خاطري اسير Babel لاني شفت مشروع تخرج واحد يجربلنا يدرس هندسه مستوحي فكرة المستشفى الي مخططنه من هالفلك وفكره الدزاين اتجنن .. بس شكلي مابسيره .. بس أبيييي ..

[شمعة أمل]

اختي وامي شافو the presteige البارحه .. يقولون غريب بس حلوو

[قرموشة]

Night at the museum
ههههه ماعرف كيف أوصفه ! بس حـلوو وعيبنـي

Materiat girls
حلوو فاشن وسواااالف عيبنــييي

Step up
واايـد عيبنـي رقص وهيب هوب ووواايـد حـلوو الممثل هو نفسه اللي يمـثل في She is the man بس ماعرف شو اسمه

[بوسلطان]

Night at the museum
ههههه ماعرف كيف أوصفه ! بس حـلوو وعيبنـي

Materiat girls
حلوو فاشن وسواااالف عيبنــييي

Step up
واايـد عيبنـي رقص وهيب هوب ووواايـد حـلوو الممثل هو نفسه اللي يمـثل في She is the man بس ماعرف شو اسمه

Night at the museum .

شفته وحلو كان .. يعني لا بأس ..

Step up .

فيلم فنان .. حلو .. شفتـه 6 مــرات .. وما طفشت منه ..

[عافك الخاطر]

فلم The Prestige
وايد وايد روعة .. فيه تشويق والقصة اللي يعرف نهايتها .. ف خاطره يصفع عمره
وايد احب االافلام اللي قصصها مـن الـ القرن التاسع عشر .. الثامن عشر ..
واعطيه 8 من 10

[تحفه]

يباااااااااااااااااااااااااالكم اتشوفووووون last king of scotland

[تحفه]

مادري ليش مول ماحبيت She is the man .. من وجهة نظري انه أكرهه فلم شفته هالسنه