نـــور دبــي . . !

[ولد الشحوح]

ودي بس أعقب على ردود البعض ... انهم اهتموا بالموسيقى ونسوا هدف الإذاعة ....هاي بداية وإن شاء الله مع الوقت ما بيستعملونها وللأسف أكثر اللي يتشكون من الموسيقى يسمعون أغاني .... ؟!؟

[لمّــاح]

صــريــح ..

العفو عزيزي ..

ليــش ما ييت تلعب كووره فالخوانيج اليـوم ؟؟

محد زقرني و كنت اذاكر حق الامتحان .. المد تيرم الحينه ..

خــيــال الحــب ..

انا حتى اول ماسمعتها قلت يمكن جيه السالفه لكن عقب اكتشفت انهم غيروها .. :puppyeyes:

طيـر الحـب ..

صح، خصوصا الضهر يحطون ميحد :ma9dom:

صـدي جوفي، مناوي .. شكرا على مروركم ^_^

شـوق القــلوب ..

ان شاءالله اختيه الله يسمع منج .. شكرا عالمرور ..

حبوبه دبي .. شكرا :)

هواجيس مشتاق، ولد الحكومة ..

على ما اضن يكون الهم تردد ثاني خاص بأبوظبي .. !

عموما شكرا على ردودكم :)

الاسطوري ..

انا حتى سمعت البرنامج ( شويه مب وايد ) و الله ايوفقهم ..

ولد الشحوح ..

إن شاء الله يارب لأن معظم قنوات الأغاني مقرها دبي .... مشكور لماح

صحيح اتمنى هالشي والله، بس الحمدلله ان الشيخ محمد بن راشد امر بتوطين جميع الوضايف و حتى الاخ علي الرميثي كانو مستظيفينه في البث المباشر و تكلم و أعلن عن وضايف شاغره لكل مواطن و مواطنة الهم ميول للعمل في المجال الاعلامي .. و الحمدلله اذا الموظفين مواطنين ف هذي بشارة خير :)

ودي بس أعقب على ردود البعض ... انهم اهتموا بالموسيقى ونسوا هدف الإذاعة ....هاي بداية وإن شاء الله مع الوقت ما بيستعملونها وللأسف أكثر اللي يتشكون من الموسيقى يسمعون أغاني .... ؟!؟

الإذاعة إجتماعية بمنضور إسـلامي ..

أسعدني تواجدك :)

[ديج الفريج]

أخوي لماح ..
اكيد ما أبا أخوض في مجال الغناء والحرام لأنه هذا مب هدف موضوعك
وأكيد الاذاعة الحين واااااايد احسن عن قبل
والاذاعه هاي استوت بهذا الشكل نتيجة طلب الجمهور ونحن منهم

أخوي ولد الشحوح ...
صدقني أنا ما حرمت الأغاني ...
ربك ورسوله اللي حرموا ولو تبا الدليل نت القرآن والسنه أنا حاضر
ولا ثم لا ثم لا ... لا اتحط افذمتك
ترانا ما نسمع أغاني
والسموحه

[قلوب دبي]

السلام عليكم ..

دايمن الصبح وانا اسير الدوام اشغل الاذاعه و احوط و اكثر شي اسمع برنامج راشد الخرجي
( البث المباشر ) و ذاك اليوم كندى كورس لدوره ICDL و اسمع نشيد ع هالاذاعه طلع البدر
علينا و جان استانس و اقول بلاهم مال الاذاعه اليوم ..
دخلت الكورس و يالس اتصفح جريده البيان عالنت قبل لا يبدأ الكلاس و جان يوصلني مسج
مبروك تم تحويل اذاعه دبي اف ام الى قناه اسلاميه (نور دبي) بصراحه الخبر افرحني وااااااااايد ..
الله يهدينا جميعا ..
مشكور لماح والله يبشرنا بالامور الطيبه نفس هاي ..

موفقين جميعا

[انامل]

السلام عليكم جميعا
اتمنى يكون الجميع باسعد حال
نور دبي
حتى الاسم غير
فعلا اذاعة راقية
لماح انا طريقة تعرفي على هاذي الاذاعة غير شوي
مرات اذا ما قدرت ارقد في الليل اتصفح اثير بعض الاذاعات احط قران او اي برنامج اسمعه
قبل اسبوع اقتنصت برنامج بصوت الخليج اتوقع اذاعة قطريه
برنامج اسمه عذب الاحساس كانوا يتكلمون عن موضوع الوفا
روعه
وقلت بسمعه ها الخميس لكن للاسف ما لقيتها القناه فاثناء البحث سمعت نشيدة عجبتني وبين سطورها اسم الاذاعة نور دبي
تابعت وسمعتها وكانوا يتكلمون عن موضوع جدا طريف عجبني اسلوبهم وعرضهم لبرامجهم وكانوا بيستضيفون المنشد الرصاصي


وخاصة انها قناه راقيه تلبي حاجة الاسره الاسلاميه العصرية
الاذاعة من وسائل الاعلام الجدا هادفه رغم قدمها
بامكانك تسمع الاذاعه وانته مغمض عكس التلفاز وقراية مجله

جزاهم الله خير

شكرا لماح
لمحت موضوعك الطيب وقلت اسلم عليك واكتب ردي المتواضع
يسعد مساكم بالموده
انامل

[الـيـاه]

سلااام

توني اعرف وانا اقول شو سالفة القرآن والأناشيد كل ماحط 93,9 < ماحيدهم XD
بس بشوف شو من البرامج اللي يحطونها ..


مشكووور ع الموضووع
وسلمت

.
.
.

[لمّــاح]

قــلوب دبــي ..

العفو عزيزي ^_^ و حياك الله ..

أنـــامل ..

ردج و مرورج شرف لي اختي العزيزه .. سلامج وصل :)

شكرا ..

اليــاه ..

العفو اختيه و شكرا عالمرور :)