:: بحيـــرة خـالـــد ::

[الحاضر الغايب]

السلام عليكم ...

الله يعطيك العافية على الصور ...



جمال هذه الصورة في النقاوة ...




هذه الصورة فيها مشاكل
1- اللون الاسود الزياده اللي على اليسار ...
2- كمية الالوان اللي طالعة من المادة او من الجسم كبيرة وايد
3- الرتوش اللي طالعة على الصورة

مشكلة اللون الاسود تقدر تحلها بالفوتوشوب وكان الافضل في نظري انك تمسح الصورة من المسجد وبعد ...ومن تحت ترفعها شوي ...

مشكلة كمية الالوان اللي طالعه من الليتات ومن الاجسام هي من سرعة الغالق ... كان الاحسن تخفضها بأقل من 15 ثانية عشان تطلع شوي مقبولة اكثر

كنت بترتاح اكثر لو زودت الايزو الى 300 او حتى الى 200 ... بس انت مخلنها 80 ...؟؟؟؟
لانك فليل فبيساعدك الايزو عشان ما توصل للـ 15 ثانية وبتكون اقل



هذه الصورة تقريبا نفس اللي قبل واللي يعيبها اكثر ميلانها ... واليدار اللي طالع تحت على اليمين
وبعد نفس الشي وايد عليه الـ 15 ثانية ...



هذه شوي احسن من ناحية الاضاءة ... بس بعده الميلان موجود ... والخلفية (البنايات ) مخربة على صورة المسجد اللي حاب انك تظهرها ...



حلوة هذه .. بس احس خلفية البنايات هذه مشوشة على المنظر وتشتت الانتباه



هذه الصورة الميل فيها واضح ... ومن والخط الافقي فيها واضح ... شوف حتى الليتات ما تبين لانك مطول وااايد مدة سرعة الغالق

...

على العموم ... تصويرك جميل ولازم تركز على كم من شي ...

1 - انت في الصور هذه كلها كنت مثبت سرعة الغالق على 15 وفتحة العدسة على 6.3 بس يالس تلعب في Focal length الطول البؤري ... هالشي عطاك محدودية التصوير وعدم القدرة على الابداع.

2 - الايزو

3 - لازم تشوف خصائص الكيمره اكثر مثل Step Exposure

والسموحه ... :)