السلام عليكم والرحمه
اشحالك اليوم اخويه ..؟
عساك مب منرفز <--- عن تيي الحينه وتنرفز علينا :kkk:
ان شا الله تكون بـ صحه وعافيه .. & ريلاكس
اممممم ... ما ادري
لو يصير .. بـ اقول انا من النوع اللي ينرفز
واكون صريحه وياك اكثر ... انرفز لـ أتفه الاسباب
لو مع اهلي وربيعاتي .. او حتى مع نفسي
والاكثر اني انرفز يوم اكون بـ روحي
ما احس على عمري الا وبديت اتافف .. من كل شي حولي
يعني مثلاً ..
لو ييت ابى ادور على قلم حطيته بين كتبي
وكنت مستعيله وابى الحق عـ الجامعه
وما لقيته .. انرفز بـ شكل مب طبيعي
شفت كيف ؟! منو احسن انا والا انت؟
أكيد انت .. والحمد الله
طبعا ما حد سلم مني .. لا انا .. ولا اهلي
يمكن ربيعاتي شويه وما لاحظوا فيني هـ الشي لاني ما احتك بهم وايد
لكن هـ العاده لين الحين من يوم انا صغيره وهي وياي
لكن من فتره .. اقل عن شهر
التقيت فـ مؤتمر بـ دبي .. بـ معالجه نفسيه
تمينا نسولف وياها ..
وقلت لها اني وايد عصبيه وانرفز بـ سرعه
قالت لي اهم شي .. نقوله حق مراجعينا
انهم يوم يحسون انه الحاله النفسيه بدت على مشارف النرفزه
ياخذون نفس عميق ... كثر ما يقدرون يتمالكون نفسهم
ويعدون من 1-10 ... وهـ الوقت بتهدى اعصابهم شويه لو حتى 10%
وهـ الشي يساعد انه يعطيهم عده اختيارات لـ رده الفعل غير النرفزه والتعصيب
ما بقص عليك ..
واقول اني جربتها ونفعت معايه دوم
لا .. لانه احيانا .. اقصد في الاغلب
تكون نرفزتي اسرع من تفكيري من اني آخذ نفس او حتى اني اعد من 1-10
لكن في كم من موقف مر علي من فتره تذكرت اللي قالته لي
وسويته .. واخذت موقف حلو او اقدر اقول عنه انه معقول
فـ هـ الحاله اللي انت ذكرتها
احس انك ... اسهل عني وما تنرفز كثر نرفزتي
تقدر انك تفكر بـ الرمسه اللي قالتها لي الاخت
وتحاول قد ما تقدر انك تحطها فـ بالك
وان شا الله تتحسن الاحوال ..
وتيوز عن نرفزتك اللي ما لها داعي <--- سمعوا منو ترمس brgll:
الله يوفقك اخويه .. وعساها تتسهل امورك
والسموحه لو طولناها وهي قصيره
اختك
عـذ الـروح بـة
رد مع اقتباس
مواقع النشر (المفضلة)