مصخره عمري ما شفت مثلها ولا سمعت عنها

**شرجاوي** · 24-05-06 ||, 02:33 PM

اختي دموع قلم .. قبل الاجنبي اللي ياخذ المواطنه يحصل الجنسيه ( مب الكل .. يمكن 5 % او اقل اللي حصلوا ) و الحين بنشوف اليديد اللي بيطلع من الجمعيه الاسريه و ان شاء الله قراراتهم تكون في صالح المواطنات و ابنائهن

**دموع قلم** · 24-05-06 ||, 05:23 PM

يــــــاااالله يــــا الرحمـن الرحيـــم..
عسـى القـرارات والإجـراءات تكـون فـي صـالح المـواطنـة وريلهـا وعيـالهــا

**لمّــاح** · 24-05-06 ||, 06:45 PM

عفواً عفواً ..

يعني انا مثلا .. اذا خذت امريكية بيعطوني الجواز الامريكي ؟؟

من سابع المستحيلات ..

و هالكلام هو نفسه الي ماشي عندنا ..

ختيه دموع قلم .. بالله عليج .. صح اتحسين اذا يانا واحد من برع و خذ مواطنه و عطوه الجواز .. ؟؟

المفروض العكس .. اذا المواطن خذ وافده يعطونها الجواز .. لأن الحرمة تتبع الريال .. هذا شي لاخلاف فيه من الناحية الدينية و من ناحية القوانين ..

لكن العكس ؟؟ بصراحة غلط .. !

عيل جان هالاجانب قصو على بنات البلاد بس عشان يحصلون الجواز ...

و اذا كنتو تتكلمون عن فئة البدون .. ترا بيعطونهم جوازات الحين .. خصوصا ان هناك عوايل مثلا البنت عندها جواز و ولد خالتها ماعنده .. و اذا خذته بينسحب جوازها المسكينه .. هالقضية قضية ثانيه و الحل موجود ..

لكن مايستوي انعمم و انقول المواطنه اذا خذت أجنبي يعطونه الجواز .. بتضيع البلاد بهالطرية .. !

محد ضربها على ايديها و قالها خذيلج أجنبي .. و بما انج خذتي هالأجنبي اتحملي نتايج قراراتج ولاتعقين اللوم على الحكومة .. !