مصخره عمري ما شفت مثلها ولا سمعت عنها

[دموع قلم]

فهمــت عليـك أخـوي لمّــاح, والعقـل يقـول أن كـلامك صـح,
لكــن المشكلــة يـوم تشـوف حــد مـن أهــلك مـاخذة أجنبـي,
يتـم قلبـك يعـورك على حالهـا, وهـو اللي يخلـي العقـل ما يقتنـع.. !!




اللهـم احفـظ بنـاتنـا وأولادنـا..

[لمّــاح]

عفــواً اختي دموع قلم ..

لكن هالشي بإرادتها و هي تدري و اتعرف شو نتايج هالنوع من الرتباط .. لكن بالمقابل مافي شي في هالدنيا غلط و مستحيل، بالعكس هي تقدر تكيف عمرها .. مثل ما نحن عندنا مميزات و دراسه ببلاش و مستشفيات حكومية ... الخ .. بلاد الزوج ينطبق عليها نفس الكلام .. كل دوله توفر هالخدمات لعيال بلادها ..

عمــوماً .. مابغي اتعمق اكثر في تفاصيل هالشي .. المهم اني بينت وجهة نضري و هذا هو هدفي من المشاركة في الموضوع ..

السموحه من الجميع و اشكر الاخت حلم الطفولة و الاخت خيال الروح على تعقيباتهم ..

دمتم بود :)

[دموع قلم]

أختـي حلـم الطفـولـة..
إذا سالفـة القبايل أكيـد البنت فكـرت فيهـا, فـأنا أتكلـم عن حالـة البنـت إذا هـي مثـلا من قـوم الهـاشمـي
( بنفتـرض ), وعقـب خـذت واحـد من السعـودية مثـلا من نفـس القـوم, سواء كـانوا أهـل أو لا, فـ البنت
لازم تتبـع ريلهـا.. مجـرد تـوضيـح أن البنـت أكيـد فكـرت في هالنقطـة :)


أخـوي لمّــاح..
أشكـرك على التـوضيـح, بـس أكيـد مميـزات بـلادنـا أفضـل بـوايـد من مميـزات بـلادهـم,
لأن هـي ولـدت وتربـت وعـاشت واشتغلـت هنـا, فـ كيـف من يـوم وليـلة تغيـر مكـانهـا.. !!


أشكـركم على التـوضيـح, واقتنعـت بكـلامكم..