الــسلام عليكم . .

1. اتوافقون على مثل هذه النظرية؟

نعم اوافق، بشــرط ان يختار الاهل الزوج الصالح بالمواصفات الي تباها البنت ..
كيف بيعرفون مواصفات الريال ..؟ طبعا كل بنت لها علاقتها الخاصه مع امها و بطريقة أو بأخرى اكيد الام بتعرف طبيعة بنتها و بتسألها بطريقة مباشرة أو غير مباشرة عن مواصفات رجل احلام بنتها ( يعني قير اوتماتيك، بفتحه أو بدون فتحة، كراسي مخمل ولا يلد ... الخ :puppyeyes: ) ..
بعد الاختيار، عليهم انهم يسألون البنت عن رايها و يعطونها كــــامل الحرية في الموافقة أو عدم الموافقة .. و من وجهة نضري الشخصية ما اتوقع انها بترفضه لأن الاختيار كان مبني على المواصفات الي هي تباها + الام و الابو مستحيل انهم يختارون هالريال من بيئة غلط أو من عايله مايتوالفون وياها أو شخص مب أهل انهم يناسبونه ..

2. ما هي سلبيات ان تختار الأم او يختار الأب الزوج الأنسب لابنتهم ؟

إذا طبقوا الشرط الي ذكرته فوق في اختيارهم للزوج، مابتكون هناك سلبيات..
بالعكس، يمكن الولد يزيد انتمائه و ولاءه للبنت و اهلها لأنهم فضلوه على باجي الشباب و هم الي اختاروه من بد كل الشباب ..

3. هل هو امر ملح في زماننا ان ناخذ بهذا المثال : اخطب لبنتك ولا تخطب لولدك؟

مب ملح، هالشي يعتمد على الاهل و تفكيرهم و هم الي يقررون اذا هالشي أنسب لهم أو لأ ..

4. كلمة اخيرة تود ان تقولها ..

الله يرزقنا و يرزقكم الزوج / الزوجة الصالحة و الذرية الصالحة ..

-----

أنا ما اوافق الاخت صدى جوفي في الي قالته:
بتقولون هم أبخـص بمصلحتـنـا وأنقول جيلهم غير عن جيلنا
نعم أبخص بمصلحتنا ولولاهم جان ماوعينا لهالدنيا .. وثانيا صح انهم من جيل مختلف عن جيلنا لكن هذا مايعني انهم متخلفين و من العصر الحجري !!
أنا الين اليوم اتعلم من ابويه و نصايحه الي ماتنتهي .. و اذا على كلامج هم من جيل غير جيلنا و مب أبخص بمصلحتنا عيل ليش انشاورهم في سالفة الزواج و اذا بيوافقون على الريال أو الحرمة ولا لأ ؟؟
ليش الله قال ان من شروط الزواج موافقة ولي أمر البنت ؟؟
هذا الفرق بيننا و بين الاجانب، الاجنبي عقب عمر ال 18 تنتهي حضانه اهله له و يعيش بروحه .. خلونا نعيش جيه احسن تراهم من جيل غير جيلنا .. ! :nono:

لا طـبـعـاً - أحـينـة الخـطابات تـارسات الـديرة
يعني من قلة المعارف، انسير وانرمس الخطابة، ياخطابه اخطبي لبنتنا ؟؟
بدّور على بيوت خلق الله بشنطتها السودا ( سامسونايت ) اميمعه فيها اوراق البنات ( ال CV مالها ) مع صورتين وحده ملونه و الثانية بالابيض و الاسود :daleel:

وجمع راسين بالحلال بالمـجلات والانتـرنت تلاقـين عليهـا اقبــال وايد يعني
ما اتخيل اني فيوم انزل صورتي في مجلة كل الاسرة و اطلب الزواج !!


ســبحان الله .. !!