اكبر من الهم والضيج فيني..

[أليمه]

مرحبا ...

اكبر من الهم والضيج انا فيني ...

ضايجه ملانه كارهه حياتي وشو بعد كل شي تدرون ليش لنه احس

كل شي في حياتي مره وحده انجلب ضدي... خلوني اوضح لكم..

انش الصبح اجهز للمدرسه اروح المدرسه وفجأه اكتشف اني لازم انظم

حفلت تخرجنا :puppyeyes: ارجع البيت ارقد انش اصلي واقول بسير

اذاكر افتح الكتاب اشوف ورقه تطيح واتذكر انه هالورقه نفسها كتبت فيها

رساله لاغلى الربع كلوزتي ونصفي الثاني "رورو"..

تبدى مناحة الدموع واصيح وانا الي محد يشوفني في البيت اصيح

اتضايج اروح عند اخوي العود ادخل حجرته يرمس في الفون بدون مقدمات اصيح

ف حضنه يبند الفون ع طول ويسأل حبيبي شوفيج واخبره ويتم ايواسيني:sad4:

ويخفف عني..ف الليل يرجع اخوي العود يشوفني يالسه يحضني و يقول فديتج والله

دموعج ختيه غاليه ..اصيح ..

ابي اصيح برجع اكمل..................:sadwalk:

[قرموشة]

لا تجــلبي المواجــع يا ألـــيمــه ..
ذكــرتــيني باليوم اللي كــان قبل حــفل التــخــرج ..
أيلس في الحجــرة بروحــي .. أصيــح .. ومحد يدري فينــي ..
ربــعي اللي كــنت وياهــم 3 سنين بودرهــم ..
كــل شوي كــنت أفتـح كــتابي وأقرى الخــرابيط اللي كنت أكتــبهــا .. التعليــقات .. السوالف ..
الرسايل اللي في الحــصــه .. كــل شي ..
وتمـــيت على هـ المنوال أيام ..
بس لازم تعــرفين شي واحــد انج مهما ابتعــدتي عنـهم الايام بتجــمعــكم ..
وربــع دايمــا بيذكــرونج بالخـــير .. وخــلي عنــج الصــياح وابتــسمــي :)
لانــها دمــوعــج غاليــه عليــنا نحن بعـــد . . :)

[لمّــاح]

مرحبا ..

اتذكرت يوم اتخرجنا، كانت ايام حلوة ..

احس انتو البنات صعب تلتقون ويا بعض في الاماكن العامة، نحن الشباب عادي يعني و لين الحين اتلاقا ويا الربع ..
و انتي تتكلمين عن آخر 3 سنين .. انا عندي 2 من ربعي ويايه من أيام الروضة لين الحين حتى ويايه في نفس الكلاس في الجامعة و بنتخرج ضربه السنه :puppyeyes: .. و وايد من ربعي يدرسون في نفس الجامعة و بعضهم في جامعات ثانيه لكن دايما نتشاوف .. و في منهم برع البلاد نفس الشي بعد انشوفهم يوم ايردون البلاد ..

الله ايعينكم و بتكون ذكريات حلوة، خصوصا ذكريات المدرسة ..

[أليمه]

اليوم الثاني ركبت الموتر عسب اروح المدرسه

وف الطريج سمعت اغنية فيروز ..


[rams]http://song4.6rb.com/Leb/fairouz/fairouz-saalooni.ram[/rams]
ومارمت اقبظ عمري فصحت .. ووصلت المدرسه وشفت اغلى الربع

وركضت عندي وحظنتني ودمعت عيوني وقلت لها مب تصيحين هديتها

جان اصيح..

البارحه اختي تمت تستنحس عليه وماطاعت تعطيني النت وماكان لي خلق

فرحت اشوف ويه ماما مسلسل " الشارد " الحلقه الاخيره آخر شي اونه خلاص مرته ندمت

وهو فقد الذاكره كانت النهايه حزينه بدون مقدمات صحت..وصدت ماما صوبي وقالت :بسم الله شوفيج ماما..
مارديت عليها بس حضنتها...

واليوم من الهم قالتلي ماما دهني شعرج ومع اني مااحب الدهن حطيته ف شعري..

بس ما بقول اكثر من اني..

"[COLOR="Plum"] اقعد واشب النار واتذكر وليفي بحجة الدخان ابكي على كيفي [/
COLOR]"[/B][/CENTER]

:sadwalk:

[أليمه]

قرموشه::

هي والله شو نسوي بعد هاالدنيا جي منحوسه

بس الي يحز ف خاطري انه هم اكثر شله في حياتي

رابعتها وسويت وياهم كل هالبلاوي والسوالف الحلوه

اتذكر يوم طريت مريول ربيعتي لين فوق الركب ورحنا

دبسنا مريولها واحيد يوم ربيعتنا يايبه من المخزن بروش مخترب

وفيه رمل وخيست راس وحده من الشله فيه

وايام وايام آآآآآآآآآآآآآآآآآه فديتهم والله

عموما مشكوره حبيبتي ع ردج الي ضايجبي وونسني

[أليمه]

لماح::

هيه وااايد صعب انه نتلاقا برع الي اهلها مايخلونها والي ماتطلع ويه الربع والي الي..

""احسدكم يالشباب بصراحه""

واايد ايام حلوه مريناها ويه بعض..

الله يخليكم لبعض

[تحفه]

غمضتيني والله .. شكلج وايد عاطفيه صعب عليج تفترقين عن ربعج ..
حطي في بالج ان الدنيا صغيره وبترومون تتشاوفون .. حاولو تزاورون كل خميس في بيت وحده وتغدو عندها .. ان شاء الله ما تفترقون عن بعض ..

[أليمه]

أم خدود::

فديتج والله.. صعب عليه أنسى الذكريات اللي عشناها مع بعض..

والله ايسر علينه جميعن..

ومشكورة غناتي على مرورج..

[المزوحي]

مب الدنيا منحوسة .. انت الحين في مرحلة لازم تعرفين من تختارين من ربعج عدل ... لأن وايدين عقب التخرج ماعيرفونج الجامعة / الكلية أو مجال العمل ...
تصدقون في واحد كان ويايه في الصف .. 2 و 3 ثانوي .. ماعرفه عدل .. هو سار يدرس في التقنية
وأنا اشتغلت .. سنتين وهو ي توظف عندنا والحين استوينا ربع .. ماكنت اتوقع إنه بشوفه ...
مجرد مثال ...
أليمه لاتتضايجين .. يمكن باجر تتضايجين ليش صحتي عليهم إن وحده غثتج مثلا .. هممم مب وقته صح ؟؟ أفاول بعد ...

[شمعة أمل]

هممممممم
الاسبوع الياي اخر اسبوع لي في المدرسه واحس بشي غريب لكن بصراحه اكثره فرحه

عشت وياهم 6 سنييييييييييييييييييييين ومستانسه اني بفارقهم؟؟ < شي عبيط صح؟

احس خلاص مليـــــــــــــــت من معظم البنات بصراحه ماعندهم شي غير يرمسون عن fashion ولا حفل التخرج ولا يحشون في بنت ولا في ابله ولا عن الأسهم:nono: ملللللللللللللللللللللل


ماحس بحزن مثلج لانه اعرف الى احبهم ويحبوني بنتم ربع ... صح مابشوفهم كل يوم ولا بتصلهم كل يوم .. لكن الى تستاهل تسمينها "صديقه" مابتخافين يوم تبتعدون لانه المسافه مستحيل تفرقكم من بعض..

ماقول اني مولياَ ماحس بحزن .. اكيد بحس لانه بتوله عليهم .. بتهوله على عباطة **** وبتوله على هالبنت الى كل ماتجوفني تقولي ابتسمي .. وبتوله على هاي وهاي وهاي .. بس اعرف انه يوم اظهر من المدرسه مابيكون بينا اتصال اسبوعي او شي يمكن في المناسبات .. لكن بس للسوالف ماتوقع بصراحه .. يمكن اول كمن شهر .. بس اكيد يوم ابدا جامعه خلاص مابعرف شي عنهم,, ومتقبله الامر حلاته يوم تتعرفين على ناس يداد وتسوين ربع يدادbrgll:



^
تخلف صح:harhar1: < كلحد جي يقولي:hist:
بس هالصدق وعادي انا متقبلتنه ومستانسه اني بطلع من مدرستنا:smartass: واخيرا بسير شي اسمه جاااااااااااااااااااااامع ه الله كشششششششششششششششششششخه




استانسييييييي
خلاص كبرتي
والله وناسه
الحين نحن كبار بنسير جامعه *مب عيال مدارس >_<*

[الدمعة الحزينه]

هذي الدنيا اختيه

الفـ.ـ.ـ.ـ.ـ.ـراق

وصدق في حفلة تخرجنا الكل يصيح وقلت ما بصيح بس ما تقدرين بس عاد مب مناحه لا يعني الدموع اللا اراديه

والسمووحه

الدمعة الحزينه

[أليمه]

المزوحي::

تسلم اخوي على المرور ..

انته فاهم السالفه غلط انا لاول مره ف حياتي اختار الربع صح ويوم كل حد

وافقني وما عارضني ع ربعي الي وااااااااااااااايد احبهم والضروف الحين ضدنا

الي بتسافر والي بتروح مادري وين ... بس يالله مردها الحياة تجمعنا...

وتسلم اخوي ع المرور ودخيلك لاتفاول الي فيني مكفني

[أليمه]

شمعة امل::

والله ياليييييييييييييييييييييت هالبال الي عندج عندي ..

من ست سنين وعادي عندج .. وانا الي من 3 سنتن

وبموت عسب خاطرهم..

هيه شو نسوي بس والله ايام المدرسه ماتتعوض

لو شوه..

مشكوره حبيبتي ع المرور..

[أليمه]

بوزايد::

تسلم اخوي ع المرور الطيب

[أليمه]

الدمعه الحزينه ::

زين ذكرتيني عسب ما اصيح ف حفلة التخرج اخاف كل الي حاطتنه يسييييل...

صدقتي هاي الحياة ..

تسلمين ع المرور الطيب حبيبتي..