.. ~ هــوايــة ~ .. !!

[راعي الزعـامه]

السلام عليكم ورحمة الله وبركاته
.
.
:mar7aba:

اليوم ييتكم بهواية
ويمكن تكون شوية غريبة :kkk: .. ومادري اذا حد غيري يمارسها

وبديت فيها من سنة 2000
وهي
تجميع بطايق السينما
ووصلت في تجميعهم حتى هذا اليوم
الى ((181 )) بطاقة :bow:

وما بطول عليكم وبنبدأ في الصور
..

من اليمين لليسار كالتالي

بطايق سينما مختلفة .. بطايق سينمات جراند .. بطايق سينمات سيني ستار
.
.

البطاقات مسوية فوضى في المكان قبل تصنيفهم
.
.

صفينا البطاقات عسب نعدهم بس للاسف المكان اللي صفيناهم فيه صغير وماكفى لكل البطاقات :no0:
.
.

وبعد التصنيف والترتيب .. هاي هي البطاقات
.
.

نموذج لبطاقة من سينما سيني ستار قبل التغيير الى الشكل الحالي
.
.

أقدم بطاقة وهي لفلم هندي في سينما يقع فبوظبي
.
.

هذا اخر فلم رحته .. الاسبوع اللي فات
.
.
واتمنى موضوعي نال اعجابكم
وكل حد اقوله عن الهوايه يقولي انت فاضي الصراحه
انتوا شو تقولوون هوايتي حلوه والا لا ؟؟
.
.
:bye0:

[قرموشة]

هــــــــوااايــه غريبــه ..
بس حــلوة ..
كــفايــه انهــا مميــزة عـن غيرهــــا ..
^__^

[شوق القلوب]

السلام عليكم..

ماشاء الله .. شي حلووو..

كل فيلم له ذكرى و موقف حلو.. خصوصاً لو الطلعه فيها ربع ^_^

شو رايك.. ورا كل بطاقه سجل موقف حلو صادفك في هاليوم.. عشان اتكون مب بس هوايه.. بعد لجمع الذكريات..

[دمعة شوق]

ليـش وايـد كـبــار .؟؟!!
:kkk:
مره في حياتي أزخ بطاقة سينما وكانت مصغرونـهـا
ولا هذيلا عمالقـه
:harhar1:
’’’
هوايـة مميزة وحلوة
وتكفي انها ذكريات مرت عليك في كل فـلم
’’’

تسـلم ياخوي على هالموضوع
وماتقـصـر

ويـامـرحبـانـي

[كـلـكـلـووش]

الســلام عــليــكم

مــا شـاء الله عــليك

الصــراحــه حــبـبــتــني في هالــهــوايــه . . بــحاول انــافســك :harhar1:
مــا شاء الله عــليــك . .

و صــح كــلام شــوق الــقـلوب . . لو تــكتب وراهــن بيــكون شــي وايــد حــلو . .

و الله يــزيــد عــددهم

ســلام
كـلـكـلـووش

[طير الغرام]

شي حلو والله
وغريب في نفس الوقت

وصدق بتلاحظ الفرق بين بطايق قبل والحينه

.
.

حلو إنه الواحد يكون مميز في شي ^_^

[منــاوي]

.
.
ما شاء الله عليك هوايتك وااااايد حلوه
يالله استمر فيها وعقبال ما يوصلن ال 1000 بطاقة

وتســـــــلم عالصور الغاويه

[حبوبه دبي]

لــــــــوول

طلــعت مــب انــا بــس ايمــع

مــاشالله عليــك بــس انــا اكثـــرر ع مــاظــن

بحسبهــن وبحطهــن وبخبــرك :harhar1:

تســلم يـاخــويه ع الصـــوور

[خيال الحب]

هواية حلووه وعجيبه

ولد عمي بعد احيده ايمع تذاكر.. مادريبه لين الحين ايمع ولا خلاص..

انا احب ايمع العطور الصغيره..

واحب ايمع بطايق التيلفون.. واحب ايمع الطوابع والعملات..


واحب اربي الحيوانات المتوحشه..

عندي 3 غيلان في البيت.. من بعد ما ماتو عقاربي الحلوين خخخخ..>>وناوي على تمساح او اسد>>ياخطير انته يا خيال خخخخ

ان شاء الله الصيف ياي ولو تفيجت بروح المزرعه بدوّر لي عن عقارب يداد..


قبل كان عندي بومه صغيره لونها عجيب.. ثلجي بس ابووي قالي مب زينه تييب الامراض فوديتها المزرعه.. ولين اليوم اشوفها هناك استوت كبيره .. >>كبر الجحش لوووول>>


وبس

وايد رمست

[تنينه]

السلام عليكم ,,



ما شاء الله عليك اخوي عاشق قلم هوايتك الصراحه غرييبه بس حلوه ,,, وشرات ما قالت الاخت شوق القلوب كل فيلم له ذكرى و موقف حلو.. خصوصاً لو الطلعه فيها ربع


تسلم ع الصور

[عذبة الروح]

عليكم السلام والرحمه

جي حالي يوم شفت الصور <--- :nono: :puppyeyes:
اول مره اسمع عن هـ الهوايه
بيني .. وبينك اول مره اشوف بطاقات سينما
لكن .. حالياً
يطري على بالي سؤال
في الصوره الـ 3
كم خذيت من الوقت وانت تصفهم طابور عسكري
شكلهم .. تحفه brgll:

تسلم يمناك يا خوي
وربي يعطيك العافيه
والعدد اللي عندك . يصير عداله عشر اصفار
قول آمين
ويسلمووونيشن عاشقنا

اختك
عـذ الـروح بـة

[راعي الزعـامه]

.: قرموشة :.

زين الهواية عيبتج :ice:
مشكوره اختي على مرورج
.

.: شوق القلوب :.

اقتراحج وايد حلو
وما طرا على بالي أبدا اني اسوي جيه
ان شاء الله ببدأ من هالاسبوع
شكرا اختي على مرورج
.

.: دمعة شوق :.

بطايق السينما متوسطه
شويه اعرض من بطاقة المستشفى :kkk:
مشكوره اختي على مرورج
.

.: كلكلوش :.

نتريا منافستك
بس مابتقدر تغلبني brgll:
تسلم على المرور
.
.
تحياتي
:bow:
.
.

[شمه]

وااو..
هوايه عجيبــه وحلووه..

لا وتذاكر السينما ولا اروع <<من يرمس..ناس في حياتهم ما داشين سينما>>..

يبالك اترتبهم في البوم..