:
:
:
:
:
:
التعديل الأخير تم بواسطة الحساس ; 10-09-06 || الساعة 03:28 PM
السلام عليكم..
أسهل طريقه اعرفها ، اذا كان عندك حساب في بنك دبي الاسلامي ، اتسير لهم و اتقولهم ابا اكفل يتيم ، بيعطونك فورمات لصور اليتامى و معلومات عنهم.. فتختار اي واحد فيهم.
كل شهر بيخصمون منك 100 درهم أو 150 - على حسب المؤسسه اللي ترعى اليتيم -.. واتوقع عليه و بس..!
.
.
بصراحه كفاله اليتيم من أروع الاشياء اللي يقدر يسويه الانســـان.. سبحان الله امور الواحد تتيسر بطريقه عجيبه..! في وحده اعرفها في نفس اليوم اللي اكفلت فيه يتيم وفي ذيج الليله اتحقق لها أروع و أكبر أحلامها.. انا ما اقول هالشي انه لازم يصير شي.. بس سبحان الله .. يمكن انت بهالـ 100 و الـ200 - اللي ما تسوى شي عدنا - اتكون فرج كبيــــــــــــــــــــــ ــــــــر لهاليتيم... وفرج لك بعد ..
يكفي انه كافل اليتيم مع الرسول في الجنه ..
..
بارك الله فيك يا دكتور..
أتمنى من الكل يكفل يتيم.. ترى والله هالفلوس احنا نصرفها في أشياء تافهه و غيرنا محتاجين لها..
ولا تنسى النيه يا دكتور و انت تكتب البيانات.. انوي انه هالصدقه اتكون لامواتك ولوالدينك.. ولكل شخص عزيز عليك.. وهذا ما بينقص من اجرك .. :)
بـارك الله فيــك دكتــورنــاا
هممم
الطــريقـه اللــي قــالتهـا اختيـه شـوٌااقــي اللـي اعـرفهــا بــس وشــرات مـاقـالت اسهـل طـريقـه
واهــم شــي النيــه ،،
والله الـواحد يـوم يعطـي فقيــر اي شــي ويشـوف الابتسـامه فـ ويهــه كيـف اتكــون الفـرحـه فـ قلبــه ،،
كيـف يـوم انـه يكــفل يتيــم .. !!
وكفـايه حديـث الرســول عليـه الصلاة والسلام ،،
الله يجعلــه من ميــزان حسنــاتك يـارب ،،
والسمــوحه
بارك الله فيك
فضل كافل اليتيم
قال النبي صلى الله عليه وسلم ( أنا وكافل اليتيم في الجنة هكذا وأشار بالسبابة والوسطى وفرج بينهما ) رواه البخاري
(فأما اليتيم فلا تقهر ) سورة الضحى الآية 9
( كلا بل لاتكرمون اليتيم ) سورة الفجر الآيه 7
(ويطعمون الطعام على حبه مسكينا ويتيما وأسيرا ) سورة الإنسان الآية 8
روى الإمام أحمد عن النبي صلى الله عليه وسلم أنه قال ( من وضع يده على رأس يتيم رحمة ، كتب الله له بكل شعرة مدت على يده حسنة )
السلام عليكم ..
نفس ماقالت الاخت شوق القلوب، بنك دبي الاسلامي يسهل العملية اذا حسابك عندهم ..
و تقدر حتى تسير عند اي كشك تابع لأي جمعية خيرية ( لكني افضل الجمعيات الكبيرة مثل الهلال الاحمر و هيئة الاعمال الخيرية ) و تكلم الريال و تطلب منه يراويك الفورمات اذا عنده، او هو بيخبرك شو الي لازم اتسويه ..
الله ايوفقك ياخويه :)
ما ادري ليش مالي ثقة بالهيئات الخيرية...بس لو اكون متتبعه أخبار هاليتم وايد بيرتاح قلبي...يعني حبيت أسلوب بنك دبي الإسلامي
الحمدلله ربي
اختي طير الحب ، مش سالفة ماشي ثقه بالهيئات الخيرية بالعكس والله عدنا في الدولة هيئات متابعه من قبل الحكومة ومعروفه على الصعيد العربي والعالمي ، انتي عليج جذه بريتي نفسج وهم بيتحاسبون عند رب العالمين.المشاركة الأصلية كتبت بواسطة طير الحب
والسمووحه عالمشاركه.
(\__/)
(='.'=)
(")_(")
إذا كنت تبحث عن الافضل . . . . فبحث عن ولد الحكومة
مرااااحب
ورجعناااا لموضوع الحساس :ice:
اخوي مثل ما قالولك الشباب عندك هيئة الاعمال الخيرية ، وفيهاااا موظفين مواطنين وتقدر اتروح هناك وانته مطمن.
والسموووحه
(\__/)
(='.'=)
(")_(")
إذا كنت تبحث عن الافضل . . . . فبحث عن ولد الحكومة
طير الحب ..
بنك دبي الاسلامي تقريبا بشكل دوري يطرش رسايل فيها صور يديده للولد المكفول و رسالة مكتوبه بخط ايده ..
و الهلال الاحمر ايضا هيئة ممتازة مدعومة و مراقبة من قبل الحكومة ..
اما باجي الجمعيات فانا ما اتعامل وياهم، ماعدا هيئة الاعمال الخيرية كون اني اعرفهم ..
واللي ماعنده حساب في بنك دبي الاسلامي .. شو يسوي؟
واللي ماعنده حساب في بنك بشكل عام .. شو يسوي ؟
اتريا الرد ..
شكرا اخويه الحساس عالموضوع القيم .. وشكرا لك لانك سمحت لي المجال ..
نجــــــ دبي ـــــــمة
اللهم ارحم والدي وجدي وعافهم واعف عنهم وأكرم نزلهم ووسع مدخلهم..
ونقهم من الذنوب والخطايا كما ينقى الثوب الأبيض من الدنس..
اللهم أبدلهم داراً خيراً من دارهم .. وأهلاً خيراً من أهلهم ..وارزقهم الفردوس الأعلى ..
وأعذهم من عذاب القبر ..وعذاب النار..اللهم اجمعني بهم في جنات النعيم
الله يخليهم لنا يارب
أتوقع بعد عادي لأن الفكرة هي انهم يخصمون 150 درهم بشكل اوتماتيكي من حسابج كل شهر و الفورم الي بيعطونج اياه هو عشان اتوافقين على خصم المبلغ من حسابج ..
و اذا ماعندج حساب، مب لازم تسيرين عند دبي الاسلامي، تقدرين تكلمين الهلال الاحمر او اي جمعية خيرية ثانية .. بتحصلين اكشاكهم في الجمعيات و المراكز ..
نجمة دبي
عندج هيئة الاعمال الخيرية و انا اظمنلج اياهم
اعرف واحد كان كافل يتيم من يوم كان عمره 8 سنوات
و يرسلون له صوره و رسايل منه و الحين ما شاء الله خلص دراسته الثانوية و بيدخل الجامعه
طبعا الولد انتهت النفقة اللازمه عليه لأنه بلغ سن العمل لكنه ما نسى هذا الجميل
شهريا يطرش رساله حق الشخص و يقوله عن دراسته و عن الاشياء الي تستويله
على قولة الريال,, هذا ولدي الي ما شفته ولا شافني
تقدرين تتصلين بهيئة الاعمال الخيرية و ان شاء الله ما بيقصرون معاج ولا انتي بتقصرين وياهم
السلام عليكم..
ماشاء الله .. التواصل شي حلو.. على الاقل ما اتكون علاقه تبرع.. اتكون علاقه محبه.. و رد جميل..
يعني حتى اليتيم نفسه بترتفع معنوياته يوم يشوف انه في شخص مهتم فيه.. و يراعيه..
ماشاء الله .. :)
اخوي الحساس .. عندك جمعية دار البر .. ممتازين
والله يوفقك
[grade="8B0000 FF0000 FF7F50"]كشششششششششششره ........... اقصد ........ كشششششششششششخه[/grade]
اخواني .. لماح وذنيني ..
مشكوووورين الصراحه عالمساعده الطيبه ..
وانا افكر في هالموضوع من كم يوم ..
وان شاء الله خير .. :)
نجــــــــ دبي ــــــــمة
اللهم ارحم والدي وجدي وعافهم واعف عنهم وأكرم نزلهم ووسع مدخلهم..
ونقهم من الذنوب والخطايا كما ينقى الثوب الأبيض من الدنس..
اللهم أبدلهم داراً خيراً من دارهم .. وأهلاً خيراً من أهلهم ..وارزقهم الفردوس الأعلى ..
وأعذهم من عذاب القبر ..وعذاب النار..اللهم اجمعني بهم في جنات النعيم
الله يخليهم لنا يارب
الذين يشاهدون الموضوع الآن: 1 (0 من الأعضاء و 1 زائر)
مواقع النشر (المفضلة)