قصر كبير في فيلا صغيره

[ملاك الروووح]

::

ياهلا قلوب دبـــــــــي

ألف مبروك عالقصر والفيلا والبيت ..




:

اتخيلت شكل البيت ..

أحس حلو بيطــــلع ..

توزيع الغرف وايد حلو ..

وأنا رايي من راي ذنيني .. ف انك اتسوي الانترتيمنت روم ..

لأنه بيفكك من حشرة الصغاريه .. وأحس بيكون فيه مكان ييلسون فيه دوم ..

ويلعبون فيه وياخذون راحتهم .. بدل ما يوصخون لك الصاله

:

هيه صح الغرف الرئيسية اللي فوق بتكون مشكله مظله لمرور سياره تحتها على ارتفاع معين ..

كيف يعني ما فهمت !!



يعني الغرف اللي فوق .. تحتها بيكون شي مساحه مش مبنايه .. تسد حق السياره ..!

ولا كيف ؟!

:

بالنسبه للدري .. أحيد شمعة كانت حاطه صورة دري عجيب في الرويال سويت ف برج العرب ..

يعني هللي اييك في النص .. وعقب تصعد منه يمين ويسار .. احسه يعطي البيت فخامه ..

شغل عدل والله ..


ربيعتي مسوين حركه ف بيتهم .. وايد عيبتني ..

ف نص الصاله جيه .. شرات النخله طالعه لين فوق .. والدور الثاني .. جنه زجاج الأطراف ..

ومن فوق السقف مكشوف .. يعني الظهر .. البيت يكون نوره طبيعي من الشمس هع هع

أحس لو أييب لك الصور أحسن عشان تعرف بالضبط أنا شو يالسه أقول وشو أقصد لوووووول


بتصل بها وبقولها اتصور لي الحركه ..

::

كان عندي ايميل فيه صور اتينن حق الغرف .. وديكوراتها وجيه ..

بدور لك عليه وبييبه ان شاءالله ..!

وعندي رقم مصمم فلبيني فنان .. دوم نتعامل معاه .. إذا حاب بعطيك رقمه ..

وشوف شغله .. وان شاءالله يعيبك ..

وممكن يتعامل مع اللبنانيه ويسوون لك شي حلو لووووول

: