قصر كبير في فيلا صغيره

[روضه]

ملاك الروووح...ذوقج وااايد حلوووه...
روعه الثريات احب الملونه...الحين هذا الدارج في الفلل..والقصور...!!
خلينا انشوف اشكال ثانيه ختيه..
الله ع الرسومات اتخبل...
صدق راعي هالبيت ذويق ...ومبدع ...

[ملاك الروووح]

:

هلا وغلا رويــــــــض

عيونج الحلوه حبيبتي



فعلاً هالثريات الملونه هي اللي دارجه الحين ..

وايد تعيبنـــــي ..

والرسومات صج خبــــــــــال .. راسمينها بدقه ..

وأنا سمعت انها شغل ايد يعني .. ف أكيد انها بتكلف وايد

وماشاءالله عليه راعي البيت .. مب بس ذويق .. وايد طيب ومحترم بعد ..

حبــــــيت بيتهم وايد ..

:

ان شاءالله فديتج بدور شرات هالرسومات وبحطها لج ..

كم روضــــــــه عندنا نحن ..

[روضه]

هلا والله ملاك...تسلمين ياراعية الذوق الرفيع...
يطووول عمرج ملاك ماتقصرين...
كل فتره جددي الصور والديكورات...
كم ملاكككككككككككككككككككككك عندنا نحن .........
(( اقتباس))..........

[قلوب دبي]

السلام عليكم اخواني

صدق اني مطفرنكم ويايه وبتقولون مب بيت هالقلوب اللي يبا ايسويه ..
بس شو انسوي عاد لابد من ان نتعب عشان نطلع بنتيجه مقبوله ...

الله يطول بعماركم جان حد بيفازعني و بيدور معايه صور لـــ

• ديزاينات للدري الدائري في الفيلا ...
• الجبس وديكورات السقف ...
• ديكورات الجدران من جبس و خشب و لمسات ...
• الرخام و الجيرانيت ..
• الصبغ ..
• الدرايش ..

طبعا اريد اشوف ذوقكم وافكاركم و بحاول التمس افكار من الموجود والمعروض ..
من غير المجلات والبيوت اللي قيد التشطيب ..

وتسلمون ..

[عفاريتووو]

انصحك بــ مجلة florida design

الله يوفقك ..

[شمعة أمل]

مانصحك تسوي الحركه الى في الصوره الثالثه
هالمربعات الى في السقف
لانه جي صالة بيت ربيعتي ومب شي ومع الوقت يغبّر من الخاطر =)

[قلوب دبي]

عفاريتوووو ان شاء الله بشوفها المجله وانا دايما اخذ مجلة insid out

شمعه امل مشكوره عالملاحظه

------

[وعد]

مرحبا اخوي قلوب دبي
انا هالايام كنت ادور بالنت عشان بيتي بعد وحصلت موقوع وايد فادني الصراحه
http://www.seedecor.com
فيه افكار للاثاث والديكور وكل شئ يخطر ببالك

ان شاء الله تستفيد منه :)

[قلوب دبي]

تسلمين يا وعد عالموقع الحلو ..
الصراحه فيه اشياء حلوه ..

الله يسهل انا ورايه درب والله يبعد عندي الصدعه ..
ما صدقت افتكيت من الاستشاري الحينه ويا المقاول ..
ان شاء الله الاساس بينتهي هالاسبوع ..

[حلم الطفوله]

إن شاء الله تتهنى بقصرك وترتاح فيه :)

[قلوب دبي]

تسلمين يا حلم ..
اخواني الله يسلمكم اريد مساعده يالي يعرف وين بحصل هالشيء ,,
اريد احط ليتات حق دري الفيلا الداخلي ..
محتار بين امرين
يا اركب ها بس الليت اريده خفيف على كل خطوه

او هااا بحطه يمين ويسار على طول الدري الين فوق


المهم ممكن اتخبروني وين بقدر احصل الاولي ..
السوق الصيني حصلت منه بس متريين ايي وما ينفع وياييه ..
لانة طول الدري متر و عشرين.

ساعدوني بعزمكم عقب من اتخلص الفيلا وبطرش الكم من ذبيحه

[تحفه]

انا وايد احب الصقوف المرسومه

[قلوب دبي]

عالعموم شكرا تحفه ما قصرتي..

والبقيه شكلهم ما أظن يعرفون محلات تبيع هالنوع من الصور..

[شوق القلوب]

هلا قلوب..

صدقك و الله .. ما اعرف وين يبيعون مثل هالسوالف..

بس مب السبوت لايت بيكون أحلى..؟؟ خصه اذا قدرت تتحكم بدرجه الاضاءه.. يعني تقدر اتخليه وااااااااايد خافت.. و بيطلع وااااااااااااااايد حلو..

او اتحط من السبوت لايت الصغااار.. بيطلع شي رووعه

[قلوب دبي]

واخيرا خلصنا قصرنا الكبير في فلتنا الصغيره
الحمد لله بس باجي الزراعه والديكور

اخاف ناس يحولون قصري ويودونه السطوه والا يمكن المرخانيه
هههههههههه


شوق القلوب
انا سويت حركه الليتات ويعني بنيت القصر علي قوله المصاروه طوبه طوبه
بس ان شا الله ايكون اوكيه