قصر كبير في فيلا صغيره

**قلوب دبي** · 29-04-06 ||, 11:56 PM

السلام عليكم ورحمه الله ..

اخواني الكرام ..

ان الله راد على بدايه شهر 6 أو 7 ببدأ في بناء بيتي وان شاء الله
الله يوفقني و اخلصه ..
لكن اخواني بغيت منكم صور لبيوت حلوه و زوينه
ما اريد صور مبالغ فيها و لا اريد شيء بسيط وايد
اللي اريده شيء وسط ^_^
قصر كبير في فيلا صغيره:kcl:
اشواقي انثرها و احلامي ارسمها
قصري الصغير

الارض بشكل مستطيل

اهني باب البيت
--------====--------
l l
l حديقه l
l l
l l
l ---------- l
l l الفيلا l l
l ---------- l
l l
-----------------------

ان شاء الله ما اتقصرون معايه ..

قلوب دبي

**الهيثــم** · 29-04-06 ||, 11:59 PM

الله يوفقــك يــا خـوي ..
ونتـــرك التصــاميم لـ أخواتنــا فـ هم لهم ذوق أحلى في هالمجال ..

والله يســهل عليــك ان شاء الله ...

**قلوب دبي** · 30-04-06 ||, 12:00 AM

يزاك الله خير يا خويه ..
يمكن اتشوف اهني والا اهناك فكره اتمنى اتراويني .. ^_^

**طير الحب** · 30-04-06 ||, 12:16 AM

نحن إن شاء الله بعد بنبدأ ....بس لازم تسير ترسم مخطط للبيت مع الإستشاري...ولو الأرض مب وايد عودة سوى الفيلا طابقين ولا تنسى الكراج والحديقة وحوض سباحه أحلى شيء..

**قلوب دبي** · 30-04-06 ||, 12:26 AM

ام عبدالله ان شاء الله الامور برتبها مع الاستشاري و المقاول و غيرها من الامور ..
و لكن اريد اخذ افكار و تصورات ..
صح هم بيعطونا صور و كذا بس بعد انضيف افكارنا شيء طيب ..

الارض زوينه ومساحتها تقريبا 22 الف قدم ..
اريد اسوي طابقين ، كراج ، حديقه ، بدون حوض لانه من الكماليات اقدر اسويه عقب ..
اهم شي اشكال الفلل ..
يعطيج العافيه ختيه ..

**طير الحب** · 30-04-06 ||, 12:40 AM

أنا أحب الإستايل الأوربي في المنزل والحياة...

تعرف اخوي مساحة غرفة النوم خلها كبيرة(master room( وفيها dressing room بين الغرفة والحمام وحاول تخلي النافذة فيها شرفة مطلةعلى الحديقة او حوض السباحه...ومساحه الغرفة تتسع للأثاث وجلسة رومانسية مكونة من طاولة صغيرة وكرسيين ...يعني إن شاء الله يوم بتكون لك عايلة تكون لك خصوصية في الغرفة بعيد عن دوشة اليهال.

مثلا هالصورة ممكن تاخذ منها فكرة النوافذ على هالزواية وايد حلوة

فكرة الدرج حلوة...

لي عودة

**طير الحب** · 30-04-06 ||, 12:50 AM

حبيت تصميم هالفيلا...وشكلها صغيرة..

هالباب فضيييع

**قلوب دبي** · 30-04-06 ||, 12:58 AM

ام عبدالله ..

الصوره الاولى يتني فكره حلوه من الحديقه بالشير ذكرتني
بغابات فرنسا و اليلسات الخشبيه تحت الشير ..
الصوره الثانيه يلستها هاديه وايد عيبتني ..
الدوار عجيب بس شو رايج لو ايكون ع صعده بسيطه ..
الباب والالوان المحيطه فيه وايد حلوه ..
يا في بالي اغير في حجرتي الحاليه و ارتب بعض الامور
يتني فكره من الصوره الاخيره ..
ما عليج زود ختيه ..

**طير الحب** · 30-04-06 ||, 01:10 AM

والله أني سالفة الصعده وايد حابتنها واقول حق ريلي سوها عند المدخل أحلى عن الدري صار جديم شكله وايد راقي شكل الصعده انصحك بها واحلى للسياير توصل عند المدخل

**نجمة دبي** · 30-04-06 ||, 01:26 AM

وعليكم السلام والرحمه ..

حبيت اضيف بعض هالتصاميم .. وان شاء الله تنال اعجابك .. :ttmasha:

شوف اليدار اللي عند الشبريه .

لاحظ السقف.

شو رايك في الارضيه؟

شوف القطعه الزجازيه اللي فوق الباب.

لي عوده بتصاميم اخرى

نجـــــــــ دبي ـــــــــــمة

**طير الحب** · 30-04-06 ||, 01:35 AM

حلو تصاميم السلالم...الي حطتنهم نجمة دبي أنصحك ان شكل السلالم يكون حلو مش عادي وحجم غرفة النوم وتوزيع الشغلات فيها حلو بس انا ممكن اغير نوع الكنبات ومكانهم...بس نحن بعدنا على ديكورات البيت هذا بروحه يباله ميزانية