غفلة ...غلطة...احتقار للنفس

**ولد الشحوح** · 29-04-06 ||, 11:21 PM

غفلة ...غلطة...احتقار للنفس
هاي المراحل اللي مريت فيها ... ما ادري ليش انا اكتب لكم هالشي ... ليش وانا مقتنع اني غلطاااااااااااان ... هيه غفلت ..... فغلط بحق هالصديق الغالي ... غلطت غلطة كبيرة بحقه وحقي ... ليش ؟ ما ادري ....
ما اعرف شو سبب هالغلطة .... مافي دوافع ولا اصلا فكرت فيها ..؟!؟....
وبعدين حسيت بشي فـ داخلي يقولي انت حقير ونذل .... ليش ...
بدأت مرحلة احتقار النفس ... وما أصعبها ... احس ان الدنيا خلاص سكرت فويهي
وخاصة اذا قال مساحنك وانا اعرف انه حتى لو سامحني في بقايا لآثار غلطتي ...
احط عيني فعينه صعبة ... ما اعرف شأسوي ...
أكلمه يقولي صك الموضوع خلاص كل شي انتهى ....
وأبقى انا ويا دموعي اشكي لها وتسمعني ......
ومرة ثانية بقول انا ما ادري ليش كتبت الموضوع واذا بينحذف فهذا شي عاااااااادي

**طير الحب** · 29-04-06 ||, 11:29 PM

الأيام كفيلة بمسح كل آثار أخطائنا...صدقني بتمر عليك لحظات بتسنى فيها هالغلطة...بس الأهم انك تكون صادق في اعترافك بالخطأ وليست لديك اي نية في تكراره...فلا تحمل نفسك طاقات اكبر منها.

**قلوب دبي** · 29-04-06 ||, 11:29 PM

مساك الله بالخير ..

عزيزي ولد الشحوح
الانسنان مهما غلط فيوم بيحس انه غلطان بيحس بالندم و لكن لابد انه يكون ع قناعه
انه ما يهين نفسه ولو اخطأ بحق غيره ، سير و اعتذر منه و ان قبل اعتذارك انتهت
المواضيع ، نعم انا معاك تبقى بعد شرارات الزعل موجودهو لكن مع الايام و المواقف
الطيبه بتمسح هاي الشراره الموجوده ..
الله يوفقك و يسعدك عزيزي ..

**المزوحي** · 29-04-06 ||, 11:37 PM

لك الحق إنك تفضفض ... وتراني بقول لك على حسب معدنه وإن شاء الله يفهم موقفك وتصرفك ..
حتى لو قال مسامحنك بعدك تحس إنه مب من خاطره .. لأنه يقول سكر الموضوع .. كل واحد الحين بيقول لك رايه في هالشي ..
ولد الشحوح نحن يوم نغلط بحق ربنا ونطلب منه العفو الغفران وإن شاء الله بيغفر لنا ..
لكن مانقدر نساوي بني آدم برب السموات ..
بالرغم إني ماعرف نوع الغلطة ... وعلى حسب تقبل الطرف الآخر للتصرف اللي بدر منك ..

تصدق أنا بسبب مقلب سويته في ربيعي تغير عليه مده .. حاولت افهمه ... وتم بعيد .. لين ماردت علاقتنا .. لكن ردود بعض الأعضاء كان إنه ممكن يكون شرخ .. بس أنا سويت اللي عليه والباجي عليه ..

http://oasis.bindubai.com/bin/showth...t=%E3%DE%E1%C8

وشوف رابط موضوعي لو حبيت .. واللي هو من 4 سنوات

**بلوة حلوة** · 30-04-06 ||, 12:46 AM

ولد الشـ حـووح ..

مهما كان الانسـان مثاليـا ..
مهمـا كان حريصـا على إبقـاء صداقاته أنقـى ..
يظل للـخطـأ مكان بيننـا ..
لربما كان السبب أن نتعلـم منه درسـا .. أو قـد كان لـ نعرف كيف هو حبهم لنا ؟!
نعم .. فـ إن كان يحبك سيسـامحك ..
هو سامحك الان .. وانت على يقين أن هنالك مازالت آثار ..
بالتأكيد تعبت انت وتعب هو لتـبنى هذه الصداقه ..
لـ ربما هدم جانبـا منها هـنا ..
هو بـدأ الخطوه الاولى لإعادة البنـاء .. فقد سامحك ..
وبقيت الخطـوات الأخرى لك ..
حاول أن تعيـد الثقه ..
فمهما كانت الآثار كبيره أو صغيره .. قليلة كانت أو كثيره ..
كن على يقين أن صداقتكمـا أكبر ..
غلط اقترفتـه انت .. وها أنت تنال جزاءك منه فـ تحمله ..
لربمـا كانت هذه الاثار لتطـهر شعورك بالذنب هذا !!
كن على يقين .. قريبـا سيُنسى كل شيء ..
الغد أجمل ..

اختك
بلوه حلوه ..
أعتذر ..

**ولد الشحوح** · 30-04-06 ||, 01:53 PM

طير الحب :
صح الزمن كفيل بإنه ينسي الجروح او الشعور بالندم .... بس ما ينسي غلطة خالفت فيها مبدأ من مبادئ حياتي .... وشكرا على ردج

قلوب دبي :

الله يسمع منك وتنتهي الشرارة ....

الزوحي :
دامك مريت بتجربة فأظن انك عارف شعوري .... بس أنا أكثر عنك .... ومشكور على مرورك وافادتك لنا بتجربتك

الفارس 2000 :
مشكلتي الكبيرة هي اني احس باني حقير وثاني شي اني احس انه بعده زعلان لو قال انه سامحني... أشكرك على حروفك اللي شرفت فضفضتي

بلوة حلوة :
"كن على يقين .. قريبـا سيُنسى كل شيء .."
أتمنى ..... ومشكورة

بوزايد :
لوم ولوم يا اخوك ... لوم عسى انه بكل لومة ينسى زلتي ...

أعزائي المشكلة اني ما ادري ليش غلطت ... ليش وانا رافض هالغلط اصلا بس جي .... يعني شو السبب ما ادري ....

**خيال الروح** · 30-04-06 ||, 03:42 PM

فضفضه لانـك حـاس بالغـلط الى سـويتـه

مـا في انـسان مب معـصوم من الغـلط

والحــل انـك تعتـذر منـه , وتحسـسـه انـك نـدمـان على الى صـار
وانـك ما تبـى تخسـره

وان شـاء الله بـترد الامـور مثـل ما كـانت وأحسـن :)

:

**المزوحي** · 30-04-06 ||, 04:49 PM

ولد الشحوح .. صحيح إنته حاس أكثر عني بما إني مريت بتجربة .. لكن وقتها انا بعد كنت أحس إني أنا روحي اتألم أو نادم .. مافي حد مايغلط .. وانته بدورك إن كنت تبغي تكون صديق له .. استسمح منه مره وبس لاتكرر عسب مايملك .. اعزمه على مطعم .. اشتر له هدية بسيطة حتى لو غرشة عطر ..
وبيفهم بنفسه .. ومثل ماقلت لك لا تتكلم في الموضوع واااااااااااايد .... عسب مايطفر .. عطه فرصه عن يطفر منك .. وإن شاء الله بيرد أحسن عن أول ...