ليــش نلوم شبابنـــا ونشدد عليهم العقوبـــات؟

[بهجة الروح]

الســـلام عليــــكم ورحمـــة الله وبركــــاته،،

أعضاء وعضوات الواحــــات الكرام ييتكم بموضوع مهم،، يمكن يكون مهم عند البعض ويمكن يكون لا

بس في نظري شي مهم ولازم نوجد له حل،،

سمعتـــوا طبعاً عن عقوبة المعاكسين واللي هي السجن سنه :cop: والابعاد لغير المواطنين،،

بصراحه بدل ما يوجدون حل لهالمشكله اشوفهم زادوا الطين بله وصفوا هالعقوبات على شبابنا،
الا هم كمن شاب في مجتمعنا ما يزيدون عن البنات اللي عنـــدنا وبعد مبهدلينهم من كل صوب
وين بيروم هالشاب يبني مستقبله ولايكون نفسه :nono: ...

السبب الاول والاخير بدل مايحطون اللوم على الشباب ويعاقبونهم هو البنت:ttmasha: ،،

هن اللي يخلن الشاب يعاكسهن بهاللبس العاري والفاحش والمكياج الصارخ
والدلع والعباه المفتوحه والجينز اللاصق والموبايل اللي بالايد

كيف الشاب ما بيقول شي وهو يشوف هالمناظر اللي جدامه،، واخر شي يطلع الشاب هو الغلطان
لانه شاف هالبنت ولا عق عليها كلمه...
ليش ما نلوم البنت اللي تلفت النظر؟؟:leia:
ليش ما نعاقب البنت والشاب؟؟:kkk:

ليش ما نزقر البنت والشاب للمركز ونعرف ليش قاللها كلمه ولا غازلها؟؟
اكيد بيكون السبب من البنت؟؟

لانه لو كانت البنت ستير ومحتشمه ولا عارت انتباه لاي شخص ما بيمسها سوء...
حتى لو كانت في طريقها وشافها حد وحس انها محترمه حتى لو فكر يعترض لها يستحي ويرجع عن قراره

سؤالي هو ...:: ليش ما نخالف البنات اللي يتعرضن للشباب...::

لانه كذا مره صارت البنت ترقم الولد مب العكس وفي هالحاله محد يقدر يقول شي :mar7aba:

في النهايه ،
بغيت اوضح ان الشباب هم عماد الوطن ، ولو مالقوا من البنات غير الستر والحشيمه تراهم يصطلبون..
وكل انسان يخطي والانسان مب معصوم عن الخطأ
اذا انا البنت يوم اشوف وحده حلوه بشعرها ومكياجها ..اقول اللــــه ،، عيل شوه يكون الشاب...

انتظر تعلقياتكم ..
واذا حد ما عجبه كلامي يخبرني لانه هذا رايي الشخصي واللي اشوفه...

[تحفه]

بل بل .. هاذا ونتي بنيه جي موقفج .. الله ستر ما سواج ولد هيهيهي

[قرموشة]

صــح بعــد شوه .. يعــني الصراحــه الواحــد لمــا يســر المراكــز يشـوف العــجب ..
يعـــني أنا البــنت لمــا أشوف وحــده كاشخــه والوقايــه الين النص واللبس المرصص.. الصراحــه تلفت نــظــري ..وأشوفهـا غصبــا عني .. صح انــي انا بشــوف بنظــره اشمئزاز .. ولــكن أكــيد نظــرة الريــال بتكــون غــير وبالتــالي غصبا عنه بيعق عليهــا كلام .. وهذا الشي يعتــمد عليــها جان بتستانس
وبتتشقق .. أو تسوي حركــات ثانــيه ..
الصراحــه شبابنــا مظلومــين .. وين ما تبونـهم يرقمــون والبنت هــي اللي فاتــحه المجــال لهــم ..
كــأنها هي اللي تقــول يالله رقمـوني .. وان ما نفعت وياها هـ الطريــقه .. قــامت هي وعقــت الرقم ..
والعقــوبه الــصراحــه زياده عـن اللزوم .. يعني لو يدفعــونهم غرامــه في حدود 500 الى 1000 بيكون وايد أحــسن.. بدل السجــن ..
ومن رايي يعاقبــون البنت بعــد لانــها تستاهــل زود ...

والسمــوحــة ^__^

[تحفه]

أوكي الحين بناقشج بجديه ..

هالنظره المتساويه بين البنت و الولد .. قليلين الي يفكرون بها صح ولا لأ؟؟

مجتمعنا حلو وحمدلله إنه مجتمع نظيف .. لكن للاسف قاعد يتعرض لاشياء مب حلوه بسبة العولمه الي قاعدين نسيئها

انتي ترمسين وتسالين ولا جنج عايشه بين الناس ..

شوفي كيف افراد المجتمع يعاملون البنت و يعاملون الولد .. شوفي الحقوق الي يتمتع بها الولد والحقوق الي تتمتع بها البنت .. كيف تبين اتطبقين العقاب على البنات و من هناك الاولاد قاعدين يتعاملون غير عن البنات!!


اذا تبين اتطبقين نظريتج على الجنسين .. لازم اتخلين المجتمع يعامل الجنسين نفس المعاااامله بالضبط .. which is impassable يعني لا اتعبين عمرج وترهقين مخج .. لأن حتا لو ظهرتيلج يناحات ما بيتساوون في العقاب

هالواقع .. للاسف الشديد

[تحفه]

تقهرووووووووووووووووووووو وني .. ليش جي تفكرون؟؟ كل موضوع ينفتح بهالخصوص تقولون الاولاد ما ينلامون !!

انا لو اتخيل عمري ولد .. ويتني وحده من هالنوعيه الي بايعه عمرها من سابع تالاف المستحيلات اتجاوب معاها .. و الولد الي يتجاوب معاها مع احترامي لخلقة ألله .. بس حيوان صح ولا لأ !! ويستاهل يتعاقب ( على فكره ما بيدودون الولد وبيفضحونه من اول مره واذا من اول مره ألله ما دخلاه في ستين الف داهيه إلا لحكمه معينه ) والصراحه هذا ولا هاذي الي بيراكض ولا بتراكض ورا شهواته ولا شهواتها حيوان/نـه ومب خساره فيهم العقوبه صح ولا لا؟!
فمادام فتحوا المجال لعقوبة الرياييل بيفتحون ان شاء الله مجال ثاني لعقوبة البنات

شو هم مب إنس .. ألله فرق بينا وبين الحيوانات بأنّه البشر عندهم عقل .. عقلهم يحكمهم .. مب غرائزهم .. so يستاهلون العقوبه

[نور الإيمان]

معاها مع احترامي لخلقة ألله .. بس حيوان صح ولا لأ !! ويستاهل يتعاقب ( على فكره ما بيدودون الولد وبيفضحونه من اول مره واذا من اول مره ألله ما دخلاه في ستين الف داهيه إلا لحكمه معينه ) والصراحه هذا ولا هاذي الي بيراكض ولا بتراكض ورا شهواته ولا شهواتها حيوان/نـه ومب خساره فيهم العقوبه صح ولا لا؟!
فمادام فتحوا المجال لعقوبة الرياييل بيفتحون ان شاء الله مجال ثاني لعقوبة البنات

شو هم مب إنس .. ألله فرق بينا وبين الحيوانات بأنّه البشر عندهم عقل .. عقلهم يحكمهم .. مب غرائزهم .. so يستاهلون العقوبه

يالغلا .. اهدي .. :sad4:

[تحفه]

انا already هاديه لول :ice:

[نور الإيمان]

انا already هاديه لول :ice:

زين .. تحسبتج معصبة ...

[تحفه]

لووول .. انتي وايد طيبه
لا نادرا ما اعصب او ازعل .. انا يوم اعصب اصيح و ماتفيج ارمس حد brgll: .. فيعني ما عتقد في حد بيعصب ويخرب مزاجه في ويكند عشان موضوع في منتدى :ice: .. شوفي كيف الحياه حلوه

[نور الإيمان]

لووول .. انتي وايد طيبه
لا نادرا ما اعصب او ازعل .. انا يوم اعصب اصيح و ماتفيج ارمس حد brgll: .. فيعني ما عتقد في حد بيعصب ويخرب مزاجه في ويكند عشان موضوع في منتدى :ice: .. شوفي كيف الحياه حلوه

:kcl: ... على قولتج الحياة حلوة ...:ttmasha:

راح تكون لي رجعة مع الموضوع ..

[الحساس]

قبل لا ينزل هذا الموضوع نزل القرار من السلطات العليا بان المعاكسات لا تستثني احد..

وكل شي محسوب وتعرفه السلطات العليا فتطمنوا..

[نور الإيمان]

زين سووا ... خل الكل على الصراط المستقيم ...

مشكور عالخبر :)

[الحساس]

قانون العقاب اليديد اشوفه وايد مناسب ومااتمنى انهم يخفضونه..

شي مثل يقول من امن العقاب اساء الادب .. والي مابيحصل عقوبه مناسبه للذنب المقترف اكيد راح يعيده!!!

اذا البنت هب محتشمه هب معناه تعال يا ولد وغازل.. والريال بطبيعته يحكمه عقله على عكس البنت الي تحكمها العاطفه.. وعلى هذا الاساس المجتمع اول ماطبق العقوبه طبقها على الولد لانه يروم يتحكم بعمره قبل البنت وهاي احد الاسباب .

ومانستثني البنت فهي لها ضلع بكل الي يصير.. ومهما صابها البنت (الي ماشيه على حل شعرها مثل مايقولون) فتستاهل الي اييها .. وكل انسان عنده عقل يروم يستخدمه ويحكم نفسه وعقله قبل اي خطوه يخطيها..

[حبوبه دبي]

الحمدلله ،،

تسلــم ع الخبـــر دكتــورنــاا :daleel:

والله يهديــهم ان شالله ،،

[نور الإيمان]

ومانستثني البنت فهي لها ضلع بكل الي يصير.. ومهما صابها البنت (الي ماشيه على حل شعرها مثل مايقولون) فتستاهل الي اييها .. وكل انسان عنده عقل يروم يستخدمه ويحكم نفسه وعقله قبل اي خطوه يخطيها..

صح .. اوافقكم الرأي تماما ...

:cop: