ليــش نلوم شبابنـــا ونشدد عليهم العقوبـــات؟

[شرجاوي]

60 الف لانه رقم وحده ,, والله ما تسوى ,,, و الجرايد و الشرطه بس رمسه ... يعني بالله عليكم بيي يوم و بتشوفون التحريات ماسكين بنات لانهن مغازلجيات و عليهن حركات ... طبعاَ مستحيييييل .... الواحد يسير ييلس في البر و يبعد عن الشر و يغنيله ابرك له

[قرموشة]

بل .. 60 ألف .. حرااااام والله ..
الرياييل يقعــدون في بيوتهــم أحسن بدل مجابل هـ السناتــر اللي ضرهــا أكبر عن نفعــها

[تحفه]

من اي ناحيه يعني يتعاملون نفس الشي لازم
اوكي انا بقولج شي ليش الشباب يروحون حق هالبنيه الي مثلا بايعه عمرها
الانسان يحب يجرب كل شي وهذا غريزه في الانسان
وهالريال يمكن يتبع هالبنيه مب عشان غرض جنسي يمكن بس تسليه
او يبا يكون علاقات حب او او ....الخ
اوكي
شوفي نحن يوم ني نعالج المشكله ننظر للمسبب لهذي المشكله
المسبب الرئيسي للمشكله( البنيه الي بايعه عمرها )
يعني لازم نعاقب المسبب صح ولا لا
الشباب ما ينلامون يشوفون الي يصير جدامهم وما يسوون شي
حليلهم الشباب والله مظلومين
يعني خط تقراه البقره ( هذا مثل )
البنت متعدله ومتكشخه والميكب والدنيا لمنوه يعني للمركز

النتايج للعقاب هذا

الشباب حرام نصهم ما بيشتغول والي يشتغل بيتفنش
سمعتهم في الارض

والسموحه

هي عاد ما يحتاي نرمس في هالبنيه الي تشل الدنيا على راسها وتفتر في المراكز جنها ليلام .. وتقول ويها بلتة ( خاصه الحين يايه موضة بلتة الالوان على الويه الآي لاينر وصلوه إلين ذنينهم جنهم ينانوه ) .. هن من رواحهن ايبن البلا لعمارهن .. انا كنت ارمس عن الشباب الي يراكضون ورا حي ألله أي عباه سوده :negab:

وزين يوم نزل على الكل بدون استثناء .. يالله اضني لشباب إرتاحو

[تحفه]

اقولكم .. هالستين الف الي بيمعونها من الشباب .. ليش ما إيمعونها حق صندوق الزواج عشان ما يقولون ماشي ميزانيه وماشي ميزانيه

[قرموشة]

اقولكم .. هالستين الف الي بيمعونها من الشباب .. ليش ما إيمعونها حق صندوق الزواج عشان ما يقولون ماشي ميزانيه وماشي ميزانيه

أفكـــارج عجييبه .. وينج من زمــان ؟؟؟!!:puppyeyes:

[صريح]

قرار فـاشل بكل معنـى
الكلمه
:no0:

اللي يسكر ما أظن يغرمونه هالكثر ...


يعني اذا تعرضت للمعاكسه يستوي ابلغ ع البنت ... :kkk:
بس من وين بطلعهــا ؟؟ ... بتتغشى و بتختفي .. هههه
مب دااخله مخي هالمسأله "بلغ ع البنت"

توني راد من المرينــا ما شـفت شي تغير من عقب الحمله ... كل شي نفس ما كـان


الشــي اللي يقهــر:

يزخون الفقـارى و النـاس القـوو ما يسوولهم شي ..
و انا اعرف ناس زخوهم بس اول ما الشرطي قرا الاسم .. قاله توكل

الامــور طيبه في بلادنــا
هكونـا متـاتــا
:ice:

و انــا ويــا شرجاوي ...
نسيــر البـر و نّوري الضوو و نسمع لنا خـالد عبدالرحمن و لا ابوبكر و ننطرب خخخخخ ..
بس الجو الحيــن ما يسـاعد :harhar1:

[قلوب دبي]

:)

مشكوره ختيه عالموضوع ..
ليتني اقدر اكتب او اعقب احس مخي مب قار يطلع شيء ..
بس افكر غير الله يفكنا من هالمشاكل و يحفظنا ..

فكره ام خدود لمسأله الفلوس
ايحولونها لصندوق الزواج فكره حلوه ..

[دانة حتا]

كلامتج صح اختي
البنات في معضم الوقت يكونن السبب
والمفروض بعد يتعاقبن
وفي بنات يرقمن الشباب صحيح ومحد يقولهن شي
ليش كله انحط على الفقارا الشباب

بس هذا مب معناته انه الشباب ما يتعاقبون في شباب خيس وياذون الخلق بنت محتشمه والا
لا كله واحد عندهم وما يستحون
الموضوع وايد حلو وفيه وجهة نظر
تســـــــــلمين الغلا

[خيال الروح]

الســلام عليــكم

انــلوم الشــباب والبــنات

البـنات على البسـهن وحركــاتهن مثــل ما قـلتي ,,

والشــباب الى يـعاكســون هالفـئه من البـنات

من راي احسـه ان الشـباب هم الغـلطانين , لانهم من يشـوفون بنت متـعدله على طـول وراهـا

لو أنهم بـس شافوها بنـظر او ما سـولها ســالفه , صــدقيني انه بتستحي على عمرها

بـس لانه الشـباب مسويلهم سالفه , يتحسبن عمارهن شيء

ويتــمادن في هالشــي ,,

بس شو نقول الله يــهدي الجميع ,,


لو يـطبـقون قرار المعاكسين على البنات

[لبن مثلج]

احس ان المغازل مال اول

ليش كل هالصدعة ،، الطرفين مسئولين عن تصرفاتهم ..

[تحفه]

اقولكم عندي وايد افكار غير .. ليش ما يفتحون وزارة القرارات ويعينوني رئيسه عليهم :ice:

[تنينه]

وانا أول وحده انتخبج الصراحه P: ,, تستاهلين هالمنصب وانتي جديره فيه ,, وكل الامور ان شاء الله بتتصلح مع قيادتج لهالوزاره P: ,,,

[بحر الموده]

سلام عليكم

لاحول ولاقوه الله يهدى الشباب والبنات فى هذا الزمن

الله يعين الزمن الياى شوه بيكووون مانقول غير الله يكون فى العون

ونفتك من بعض هالاشكال لى يلاحقووون البنات فى المراكز ومطفرينهم ... ولا تيك وحده يوم تتعطر

الريحه تشمها من مسيرة كيلووووو .. هذا الزمن وكل يوم اصبحلى على نوووع ...

ومشكوورين على الموضوع

[سبيجة]

السلام عليكم


اسمع حشرة وزعيج في أول ما انفتحت الصفحة,,, واللي معارض واللي مأيد,,,واللي يعرض أفكار,,

ما شاء الله ,,,عيني باردة عليكم,,,,


أولاً,,,المغازل في مراكز التسوق,,,وايد مال أول,,, :harhar1: الحين البنات في كل مكان,, في كل شارع وكل سكة,,,في الدوام,,,في كل الدوائر,,في المعارض,,,في المستشفيات,,في كل مكان تحط ريلك فيه ,,تشوف بنت,,,:ttmasha: وفي كل مكان يستوي المغازل,,,حتى في محطات البترول يستوي الترقيم:bow: فإذا اتطبق هالقرار على المراكز التجارية فقط,,,ما بيكون مجدي لأنه نسبة المعاكسين في المراكز التجارية بتكون أقل من كل الأماكن اللي ذكرتها,,,

القرار اتوقع لو كان مجرد غرامات مالية كبداية ,,,ومع تعهد,,,وبعدين سجن بيكون احسن,,,ويطبق على الكل بدون استثناءات,,:cop: ولا واسطات وتطبيقة على الجنسين مستحيل,, يعني البنيه في أغلب الشوارع ما تتوقف إذا ارتكبت أي خطأ مروري ,,وفي حالة توقفت,,,فإن مجرد دقايق,,, فما بالكم في قضية مثل هاي,,:sad4:

وبعدين فئة البنات اللي ترمسون عنهم,,فئة كبيرة,,في المجتمع,,وحالياً أغلب البنات إذا مب كلهم يلبسون جنزات ,,وعبي مفتوحه وغيرها,,, بس المسأله مسألة مبدأ,,وأخلاق,,,إذا البنت ماشيه صح ,,مستحيل تعطي الشاب اي فرصه انه يغلط في حقها,,,, دور الأهل كبير في هالمسأله,,,لأنه الأهل يشوفون بنتهم يوم تظهر ,,كيف منظرها,,وين سايره ,,ومع منو...وفي أي مكان ولأي وقت بتكون متواجدة خارج البيت,,, كل هالأشياء وايد مهمه إنه الأهل يكونون على إطلاع تام بها,,,,, يمكن ظهرت عن صلب الموضوع,,بس اللي ذكرته شيء اساسي,,, وأغلب الأهل غافلين عنه,, للأسف:ice:


مجرد رأي,,


السموحه

[حلم الطفوله]

ماااااشااااااااااااء الله عليكم .....

صدقها سبجبج زعيكم واااااصل حتى للواحه الإسلاميه إلي سكروها

اللوم بهالمسأله أولا وأخيرااا على الأهل .... هيه لا تطاعوني جيه على الأهل:puppyeyes:

يعني لو بيعاقبون يعاقبونهم هم ويسجنونهم هم وينازعونهم هم :shock: ....

البنت والولد إلي اتجه لهالسلوكيات الغلط ....أكيد ما كان حد يراقبه أو ينصحه ...؟؟

ما أقول رصوااا عليهم أو احبسوهم بالبيت ...وسكروا عنهم التلفزيون ...واقطعوا النت ...

تابعوهم

الحياه مشاغل والأهل معذورين ....لكن هالعيال إلي يراكضون عليهم مسؤولين منهم وعليهم...

مستحيل البنت تطلع ويا ربيعاتها بأي وقت ...مستحيل تطلع بدون أهلها ما يشوفونها شو لابسه ؟!

يعني هالبنات إلي انشوفهن بالسنترات وإلي تارسات البقعه ؟ ما لهن أهل:narr: منيه والدرب

والولد بعد لازم نحاسبه ...ما نقول هذا ولد ومراهق وبنات إبليس قاصات عليه ؟؟ الله يغربل عدوهن

بعدين هو ولد ما يعيبه شيء؟:kkk: تعبنا ونحن نسمع هالكلام صدقوني مب منطق هذا

الحين هالولد إلي بصف رابع وعنده موبايل ويهيت بالمركز؟ من بيكلم ؟؟ وليش مشتريله إياه أصلا؟

وهالمفعوصه إلي بصف خامس وعدها عشر إيميلات ؟ كيف نقنعها إنها بعدها صغيره !

هالقانون والعقوبه اليديده يمكن تساهم وتحد هالشيء ويمكن تكون لها نتيجه عكسيه على الشباب

بس بعد الأهل لهم دور كبير