~*¤ô§ô¤*~ فــوالــة ~*¤ô§ô¤*~

[صدى جوفي]

السلام عليكم ورحمة اللــه وبركــاته

أقــربوا .. أقــربن

شبــــابنا في الميــلس العود .. والبنيـــات فميلــس الحريم

أقـربوا الفــوالة.. وســـامحونا ع القـصور

والقهــوة طبعــاً

أختــــكم العــــودة

...
صدى جـوفي

[راعي الزعـامه]

تسلمين صدى جوفي
فوالتكم حلوه الصراحه

شكلي اول واحد اوصل ميلسكم ..

مشكوره
وتحياتي ،،

[صدى جوفي]

دام أنكم ضيوفــي لكــم علي حــق استضــافتكم
وحقــي عليكــم .. تدلـون بدلـــوكم بالسـوالف اللي بخبركم عنهــا

نسمـي بالرحمـــن<O:p
بسم اللــه الرحــمن الرحــيم<O:p
] إن شــــــاء اللـــه تكــون فاتحـــة خير عليــنا [
<O:p

<O:pكلـــيات التقنيــة تشكـل وحــدة متكــاملة مع أنهـــا منتشـرة في جــميع أنحـاء الدولة .. وهــذي بصمــة تمــيز لكليـــات التقــنيــة ، فنشــوف التعــاون بين الكليــات والمــؤتمـــرات ما بينهم ؛وهذا شي طيب.. ولم يطـل التعــاون بين الكليـات فيما بينهـا فقط .. لكــن بــدأت كليــات التقنــية تقــارب العلاقــات بين تقنيــات الطــلاب والطـالبــات، واستحــدثوا فعـــاليــات ومـؤتمــرات وغيرها لتســاهم في تقــارب العلاقات بين كلا الجنــسين من طـلاب وطــالبــات.. ولا يخــفى عليكــم أنا هنـاك من الكــليـات غدت كليــة مختــلطة بالرغــم من وجــود كليــتــان منفصــلتــان لكلا الجنسين في نفــس المنطقــة .. <O:p

هـــــا شـو قولكــم على هــالســالفة؟

[راعي الزعـامه]

طبعا الكليات هي مؤسسه تعليمة اثبتت نجاحها خلال الاعوام السابقة
وتخرج منها العديد من اصحاب المناصب العليا حاليا
وبالنسبة للاختلاط الذي بات قريبا جدا .. فسلبياته وايجابياته ناقشناها قبل

ويقولون الاختلاط بيطبقون اجباري على كل مؤسسات التعليم العالي بعد سنتين على الكثير ..

[كـلـكـلـووش]

الســلام عــليـــكم..

اووب اوووب . . مــا شــاء الله الجمــاعه متيــمعــين و فـوالــه فـتــحت لــها فــرع عـنـدنا في واحــات بــن دبــي . . ( لازم اخــبر باتــشي عسب تستوي منافســه و نحن نستفيد وخخخ )

بالنســبه لكليــات التقــنيه العليــا . .
بــما انــي طــالب فيــها و من ضمــن مجــلس طــلاب الكليــه . . انا بقــولج شو قــصة تقــارب الــكـليــات . . يعــني مثــلا . . كــليــات القــنيــه بالشــارقــه . . الاداره وحــده . . اللــي هــي ادارة كليــات الشــبـاب و البــنـات . . و الفــعاليــات تــكون مشـتــركه لإن تربــط الكليــتين اداره وحــده . . واللي عــلى رأســها دكــتــور فـريد . . وفي كــلام ســمعته الحيــن . . ان اللـي يدرســون هـنـدسه راح ينضمــون لــ بعض . . يعني الشــباب و البــنات بــ نفس المبــنى . . لــكن اظـن مش بنفــس الكــلاســات . .
اصــلا انا من زمــان قــايل . . ان كــل هالفــعاليــات راح تـكون تمهــيد للخــلط و الدمــج بيــن كليــتي الشــباب و البــنات . . و الحيــن بـديــنا نشــوف آثار هالفــعاليــات . .
و في الحيــن مجــلس مجــالس كليــات التقــنيه العليــا . . و كــان مخــتـلط . . كــان ويــانا بــنات و شــباب . . و ضــم مجــالس كــل الكليــات ســواء من الشــباب ام من البــنات . . لــكن الحمــدلله ما شــفنا اي حــركــات و اي شي غــير ايــجابـي . . الكــل كـان يــاي و هــمه عــلى الـشـغـل . . و عــلى انجــاح هــذا المجلــس . .
لــكن اتيــن الحيــن مثــلا لــ معــرض مثــل موزايــك . . اسألي اي حــد في الاستــاف و قولــي لــهم انتــو تعــرفون شو يستوي في هالمــعرض . . بيقــولون لج هيه نــعرف . . ســوالف مغــازل و منــاكر . . بــس ليــش تسونهــا ؟! نحن ما نعــرف ! عيــل منــو يــعـرف ؟ الله اعــلـم !
خصوصـــا مــعـرض الــسـنه . . غــير عن مـعارض الســنوات اللــي طــافــت . . كــان فيــه زيــارات لكليــة الشــبـاب من الــبـنات و زيــاره لكــلية البــنات من الشــبـاب . .

احــس ان كــل هالمــعـارض و الفعاليــات تمهــيد لخــلط كليــات التــقـنيه العــليـــا . .

عــاد خليـــلي من هالــكرات الكـــاكاويـــه . . دشـــت خـــاطري ريـــوس والله :harhar1:

[دانة حتا]

امممممم انا لحقت على الفواله
زين والله تسلمين الغلا
وعلى السالفه اللي تناقشونها الصراحه انا اقول
شي طيب انه يستوي تعاون بين الكليات
وما اعرف بس هذا رايي وبيلس اكل واتريا الباجين يسولفون

[تنينه]

السلام عليكم والرحمه بنيات اشحالكن شخباركن :mar7aba: ,, ما شاء الله اشو هالفواله الطيبه ,, هلا وووااالله صدى جوفي خششششمج :negab: أشحالج الغاليه شخبارج عساج الا بخير وسهاله ^^ تسلم أيدينج عزيزتي صدى جوفي على هالأكل اللزيييييز ,, انتي مسوتنه ولاا جاهز ,,

صدى : كلـــيات التقنيــة تشكـل وحــدة متكــاملة مع أنهـــا منتشـرة في جــميع أنحـاء الدولة ..
تنينه : هيييه صدقج منتشره في أكثر امارات البلاد والتخصصات في بعض الكليات أكثر عن الأخرى وشي كليات من قبل مفتتحينها ,, أعتقد ان تقنية دبي أول فرع افتتحوه وعقب الشارجه :kkk: ,, بس بالرغم من هذا تشكل وحده متكامله

صدى : وهــذي بصمــة تمــيز لكليـــات التقــنيــة ، فنشــوف التعــاون بين الكليــات والمــؤتمـــرات ما بينهم ؛وهذا شي طيب..
تنينه : هييه شي طيب الصراحه ,, :smartass:

صدى : ولم يطـل التعــاون بين الكليـات فيما بينهـا فقط .. لكــن بــدأت كليــات التقنــية تقــارب العلاقــات بين تقنيــات الطــلاب والطـالبــات، واستحــدثوا فعـــاليــات ومـؤتمــرات وغيرها لتســاهم في تقــارب العلاقات بين كلا الجنــسين من طـلاب وطــالبــات.. ولا يخــفى عليكــم أنا هنـاك من الكــليـات غدت كليــة مختــلطة بالرغــم من وجــود كليــتــان منفصــلتــان لكلا الجنسين في نفــس المنطقــة ..
تنينه : هيييه صدقج وهالشي جفناه في تقنية الشارجه كيف تعاونهم مع تقنية البنات ,, من عينوه المدير فريد أوهان على تقنية الشباب وهالشي زاد ,, أصبح الحين مدير لتقنية البنات والأولاد فيمكن عسب جي زاد الاختلاط بينهم سواء من بعض اجتماعات مجلس الطلاب مع الطالبات والندوات الخ ,, غير الفعاليات شرات معرض الميوزاك بس الحمد الله هالسنه ما خلوه مختلط شرات كل سنه يعني من البلاوي اللي كانت تستوي في السنوات الباجيه ,,

ويمكن القصد بعد من كل هالمعارض والفعاليات التمهيد للاختلاط يمكن هالشي بيصير بعد سنوات ,, لأننا سمعنا بعد أنه يمكن يخلون جامعة زايد مختلطه بعد ,, بس شورايكم انتوا في هالشي يعني اذا خلوه الجامعات والكليات مختلطه تعتقدون أنه هالشي راح يفيد التعليم ويمهد لجو سوق العمل بعدين ويشجع البنات والاولاد ع المذاكره ولا أنه راح يؤدي لأزدياد الفسق والنتائج المترتبه على الاختلاط

اححححح حلوه قهوتج :qor9anah:


كل الود تنينه

[صدى جوفي]

حيـــاكم اللـــــه والبيــت بيــتكـــم ،، وفـوالتــنــا واللي فيهـــا تحت أمـــركم

عنــدي لفتــة .. قوانيــن تقنيــة الشارجــة الصــارمة ضــد خروج الطــالبــات قبــل انتهـــــاء الدوام ما يت من فــراغ .. وأنـــا عــايشــت الفتـــرة ما قبــل هذه القــوانين الصــارمة والســوالف اللي صــارت من طــرد للطــالبــات سبــة خــروجهم مع الشبـاب والخ .. وحــاليــاً الفعـــاليــات تقــارب العلاقــات بين الطــلاب والطــالبــات .. بصــراحــة تنــــاقــض كبـــير!!

والطــالبـــات .. وهم يدرســـن ما خــلوا شي ما سووه .. كيـــف لو صـار الاختــلاط - الله يستر من اللي يـــــاي-

الـدراسة تهيىء للعـــمل والاخــتلاط اذا ما نفرض عليهن بدراستهــن بينفــرض بــجو عملهــن ، ولــكن يظـل الســؤال هــل لمصلحتهــن الاختـــلاط؟؟ وشـو راي الأهــل بدراسـة الطــالبة بأجـواء مختلطـة؟!

بعض من واقع تجربة الاختلاط فأحد هذه الكليــات، شـــوفوا هاللنــــك وعطـوني رايكــم بالموضوع ..
http://www.dubaimoon.com/dubai/dubai...ails.php?id=62

[كـلـكـلـووش]

أول مــره اســمع عن هالفـــعاليــه اللــي سوتهـــا كليــات التقــنيه فــي دبــي !
الله المســــتـعــان . .

بالنســبه للقــانون الصــارم لــكليــات التقــنيه للــبـنات . . الحيــن نــزل قــرار ان كـل اثــنين الانجــاد يوقــفون جــدام الكليــه و يجيــكون عـ بطــاقة الريــال و البــنت . . إذا كانت الاســامي مخــتـلفه ولا متشــابــهه . .
المصــيبه مب هــني . . المصــيبه ان ادارة الكليــه تعــرف شو يسـتــوي خــلال هالفــعاليــات . . و ســاكتيــن !

بس بعــد . . اعــتـقد هي بــداية الاختـــلاط . . تهــيأة هالــجيل للإخــتـلاط فــ الفعاليــات . . و بــداية اخــتـلاط الجيــل اللي بعــده . . لإن الجيــل اللــي قــبل هالــجيل تعــود عــلى هالاجــواء . . فــ ما بيــعـارضون فــكرة الاخــتـلاط . .

هــذي وجــهة نـــظــري . .

[نور الإيمان]

بسم الله الرحمن الرحيم

السلام عليكم و رحمة الله و بركاته اما بعد ..

مشكورة يالغلا على الفوالة ... باخذ لي بس قطعة وحدة عن خاطرج :ttmasha:

من ناحية موضوع الإختلاط ... الحمدلله تخرجت قبل لا تستوي اي مصخرة ثانية!! اتذكر ايام الموزايك .. كيف الخبصة كانت تستوي .. و شو الهدف من الإختلاط اساسا!!

اوكيه .. عشت 17 سنة بعيدة عن التعامل مع الجنس الآخر إلى في حدود ضيقة جدا جدا جدا ... و الإختلاط حكم علي هالفترة بسبب طبيعة عملي !! و لكن ايضا بحدود ...

لو نقارن حالنا بحال دول الغربية اللي يدفعون فلوسهم عسب ان يفصلون بين الجنسين الذكور و الإناث .. في مدارس خاصة .. اما هني بالعكس .. يبون الولد يقعد عندال البنية .. شو الهدف ؟؟؟

يعني حتى بمعرض الجامعات و الكليات بدبي .. كنت امثل الكلية هناك .. و ما كنت اعرف انه بيكون في شباب!! كل اللي قالوا لي اياه انج بتمثلين الكلية !! و اروح هناك و اشوف امر آخر ..

اما من ناحية تخصص الهندسة .. سمعت بهالسالفة و الله المستعان ..

ان حصل اختلاط فأفضل ان يقعدون خواتي بالبيت ولا ان يروحون الكلية !! اذا البنات و من دون الإختلاط فسدوا عمارهم فكيف ان وجد الشباب في الموضوع !! سبحانك ...

[قلوب دبي]

عليكم السلام و رحمه الله

ماشاء الله عليج فواله غاويه ..
و ما عليج زود كفيتي ووفيتي بس ما عليج اماره لو اتناوليني مال الفراوله ..


يطولي بعمرج القضيه كبيره جدا جدا مما يتصوره العقل ، انا يمكن اتكلم وانتي تتكلمين و اخوانا بيتكلمون و لكن بتلقين من يدافع عن هالشيء بدواعي الحريه و الانفتاح العصري اللي لازمنا ، الاوهام و الاحلام الورديه اللي يتصنعونها و خرابيط العصر من افكار اجنبيه يتم نشرها من خلال الثقافه اللي دخلت الي مجتمعنا من هؤلاء المدرسين اللي كرهونا في مثل هالاماكن ، منابر علم و صروح اللي لابد ان يستخدمونها و يطورونها و ايحافظون فيها ع الهويه الاسلاميه العربيه ، نعم اخواني انا مع مواكبه العلم و التطور ولكن لابد المحافظه على قيمنا و عاداتنا ، هدم منازل ، و هتك أعراض ، واختلاط الحابل بالنابل ، مصيبه العصر ، و التشهير بأعراض بيوت حافظت طول عمرها على شرفها ، شيء يضايج وايد و لكن حرام اللي يصير و طبعا وايدين بنتقدون تعقيبي ، يمكن ايي شخص ويقول انه البنت المتربيه ما عليها من اللي يصير المحترمه بتبقى محترمه ، نعم اخواني المحترمه محترمه و لكن هل يرضيكم اللي يصير ، الاغلبيه بيقول لا ، و الاقليه مالي خص عليه بعمريه .. و شيء حديث بما في معني الحديث ( من رأى منكرا فليغيره بيده ان لم يستطع فبلسانه وان لم يستطع فبقلبه و هذا اضعف الايمان ) ..
التربيه اللي في البيت نعم نعرفها و كل واحد منا متربي احسن تربيه و لكن ، التربيه الاكاديميه و الافكار الداخله علينا تتحرونها ما اتأثر ، صدقوني اتأثر و أقل شيء بنقول مالنا خص ..
اتخيلوا معايه اخواني حد منكم يرضى ايشوف اخته تيلس ويا شاب ، او بنته او حرمته مع شخص غريب بدواعي الاستفاده و التعليم .... ؟؟ الجواب قطعي لااااا مهما كنا فلنا غيره و لنا حرمات ..
اتناقشنا في هالموضوع من قبل موضوع طرحته اعتقد الاخت خربوطه من زمان و كانت اهناك مشاركات كثيره و تعقيبات متغايره ...

الكلام وايد والله و ما بيخلص ..
والقضيه بدت تمشيء مثل ما يبونها ..
الله المستعان ..

و يستر علينا ..

مشكوره عالفواله ..

قلوب دبي

[طير الغرام]

<!-- / stamps hack --><!-- message -->

تسلمين ختيه ع هالفواله

.
.

وبخصوص موضوعج
الصراحه هالقضيه حساسه

وبطبيعة الحال واقعنــا بيفرض علينا هالشي عاجلاً أو آجلاً
بس بعد فوق هذا كله >> عاداتنا وتقاليدنا
وهم يوم بيطبقون هالشي >> التقارب بين الجنسين

هل خذوا راي الاهل >> شو بيكون موقفهم
هل خذوا راي الطلبه نفسهم >> هم اللي يدرسون واللي يريحهم لازم يصير

اللي ابا اعرفه
منو العقل المدبر
منو اللي وافق او بيوافق ع هالشي

احنا جزء من هالمجتمع
وراينــا لازم يمشي فيــــــــه !

دامهم يبونا انقدم الافضل لازم يسعون لتقديم الافضل لنا بعد !!

والسمووحه منج ختيه ^_^

<!-- / message --><!-- stamps hack -->
<!-- / stamps hack --><!-- sig -->

[حلم الطفوله]

السلام عليكم

مشكوررررررررررره الغاليه .... ناوليني الكره الككاويه ويا فنيان لقهوه ...ما عليج أماره

نفعتي الغاليه:ttmasha:

أحس هالموضوع مكانه الفعلي الواحه المفتوحه ....لانه يناقش قضيه حساسه بمجتمعنا العربي الاسلامي .... يمكن وجود العولمه والانفتاح والتعليم الخاص فرض علينا الاختلاط ...
لكن بعده العرج الشرقي والدم العربي يسري بعروقنا ...
اكييييييييد نتمنى لشبابنا الوصول لأعلى مراتب التطور والتعليم لكن بالشيء إلي يخدم الوطن ويحقق رغبات وطموح الشاب نفسه ...بمجالات يديده تساهم بتغيير النظره الغربيه للبلاد العربيه

وأكيييد نتمنى لبناتنا التوفيق ونقدر طموحهن ورغبتهن الصادقه بخدمة وطنهن وتطوره ...ولكن ؟؟
لأي حد يمكن للبنت توصل؟؟ ولأي درجه بتستطيع التوفيق بين دينها والاختلاط الكبير بمجال التخصص إلي اختارته وإلي يتطلب بالإضافه للشغل التواجد مع الرجال بمكان واحد وبشكل دائم!

باعتقادي الشخصي ...البنت أولا وأخيرا بنت ... دورها الرئيسي تربية عيالها أصولنا وعاداتنا العربية

ارضاعهم حب الوطن وتنفيذ وصايا الرسول - صلى الله عليه وسلم - في الأمور الدينيه والتعليميه

هالاختلاط مب من ثوبنا ... والواقع المأساوي إلي نشوفه جدامنا تحت شعار الاختلاط ما يليق فينا

زعلنا يوم الدانمراك تعرضت لرسولنا الحبيب ...ولكن ما زعلنا ونحن نشوف سنته بتقدير المراه كأم وإخت وبنت تنهان تحت شعار الاختلاط !

ومثل ما يقول خنفرووووووووووش دوم ...كلام بخااااااااااطري وقلت له تفضل ...

مشكوره عزيزتي على الموضوع وشاكره ردود الأعضاء الفاهمين والواعين

[صدى جوفي]

فوالــــة عـــــامرة وثــمينـــة دوم ان شــــــاء اللــــه

بــــــالــرغم من الانفتـــــاح والتحــــرر وغـــيره .. لا تـــــزال تــهطــل علينـا القــرارت والتحــورات بــدون ســـــابق انـــذار أو حتـــى مــجــرد استطـــلاع .. فقــط نرى بــوادر هالتغــيرات لجــس النبــض الــعام وبــعدهــا ننــصــدم بالــحقيــقة!! فــأين صــوت الــشــعـب ورأيــه في هــذه القــرارات .. ألــيس من عــوامل الانفتــاح الديمقــراطــية؟!

يــــا حيـــكم اللـــــه مرة ثـــانيــة

[صدى جوفي]

حلم الطــفولة .. ترى أنا بعد أقول من زود الجديــة ينقــل الى الواحــة المفــتوحة brgll: