رحلتي الى الفجيرة ^__^

[الملهم]

السلام عليكم ورحمة الله وبركاته

حبيت احط لكم رحلتي الجديدة الى امارة الفجيرة ..
رحت مع مجموعة من طلاب الكلية من وبينهم العضو "عاشق القلم" وطبعا بحضور الاستاذ ..
لان كان عندنا مسابقة ماث رالي .. قبل سووها في دبي عندنا والحين في الفجيرة ..
وحنا طبعا من المتاهلين في الرالي .. فرحنا الى الفجيرة لنكمل مسيرتنا في الماث رالي ..

وجبت لكم صور من رحلتي الى الفجيرة ..

هذي صورة كلية الفجيرة للطلاب ..


وهاي الصورة داخل الكلية


وهاي الصورة داخل مبني البزنس


وهاي الممر اللي في البزنس


وبعد الحواطة في الكلية .. طلبونا للمسابقة والحمد لله حلينا وايد اسئلة ..
بس كان باقي 3 اسئلة يالسين انفكر وانفكر وعقب ملينا ولعبنا xo ^__^ ..
بس بعدين انا حليت واحد من الثلاث اسئلة والباقي ربعي ..

والحين في رحلة العودة ..

هاي صورة باصنا ..


وهاي صورة الجبال " روعة " ..






وهاي صورة المسجد .. صلينا الظهر والعصر


وانتهت رحلتنا الى الفجيرة .. ورجعنا الكلية بحمد لله .. واتعرفنا على امارة جديدة ..
واستانسنا اهناك وافتكينا من الكلاسات المملة ^__^ ..

اتمنى ان تعجبكم الصور ..
ولكم كل الشكر ^__^ ..

الملهم

[قرموشة]

يــا حيــكم واللــه ..
الفجــيرة حـلوة ومــاعليــها زود ..
تسلــم عـ الصـور .. والمهــم انــكم استانستــوا ..

[الهيثــم]

يـ الله حيــه الملــهم

زيــن يا ريال يوم انكم افتكييتــوا من هالكلاسات
وشكلكم استاانستـوا فـ الرحلة

وتسلــم يـ الغالي عـ الصور ..

^__^

[منــاوي]

ما شاء الله رحلتكم واااااايد حلوه

تسلم اخويه الملهم عالموضوع

وبانتظار يديدك ان شاء الله ^___^

[طير الحب]

عقبال ما تفوزون في الماث رالي

[راعي الزعـامه]

انا ما كنت بسير
بس بعد الحن والون من الملهم يقول ابا اسير الفجيرة ولا مرة سايرنها
اقوله طول عمرك ساكن في الامارات وما سرت الفجيرة ابدا
ومسكين استانس يوم شاف الجبال .. ( نفس الشي اول مرة يشوفهم ) :kkk:

عموما الرحله كانت حلوه كل واحد خذله 4 كراسي في الباص وانسدح ورقد :nono:
وبعد المسابقة كانت ممله .. مادري شو خلاني اشترك
وكليتهم صغيرة بس حلوه .. ونصها جيش ومدرسة تطبيقيه مادري شو اسمها

واستوت حادثة مضحكه في المسيد .. مابي اذكرها .. امام المسيد طاح فينا بسبتها
طبعا الملهم كان سبب من اسباب الحادثة هاي brgll:

وطلعنا الساعه 10 ونص وردينا الساعه 5 تعبانيييييين
ومشكور عالموضوع الملهم :sad4:

[بحر الموده]

وعليكم السلام والرحمه

الملهم

ياسلام سايرين الساحل الشرقى
ههههههههههه مدامك اول مره تزور الفجيره عيل عليك ديدوااااااان وينووه عاشق القلم
جان خذيت حلاوه اصبيعااات وصبيته على راسه ياحيكم والله رحلتكم حلووه وخاصه الجبال هنااااك
عساكم استانستوااا بس اذا ماخاب ظنى مب هذا المسيد لى مصلين فيه صوب مزرعة فروج الوادى للدواجن ^_~ على العموم تسلم على الموضوع والصور الحلوه وربى يعطيك العافيه وماقصرت

[طير الغرام]

شي حلوو والله
وربي يوفقكم إن شاءالله ^_^

[الملهم]

أشكركم كلكم على الردود الجميلة ...

عاشق القلم ..
لازم تفضحنا !!!!
وبعدين انا ما الزمت عليك بس جبت لك اقتراح ^__^
وسالفة الجبال المناظر حلوة والواحد ما يقدر يمسك عمره لازم يصور ^__^

بحر المودة ..
كيف يعني ؟؟ ^__^ انا اول مره اسير الفجيرة وما اعرف اي منطقة فيها ..

المهم حنا افتكينا من الحصص المملة ^__^ .. تسلمون وما تقصرون

[قلوب دبي]

^_^

ما شاء الله شيء طيب
و رحله حلوه ..
موفقين دايمن

قلوب دبي

[حلم الطفوله]

الحمد لله على السلامه ملهمنا

وإن شاء تكون الفرحه فرحتين فرحة سيرتك الفجيره وفرحة نجاحك