أميــــه .. ابـــويه " اشترولي موبايل "

[الشوق]

<font color='#000000'><span style='color:red'>الجاسوس</span> ..
اشكر مرورك ..ومشاركتك في الموضوع اراءكم تهمنا .. وقد استفدنا منها في اشياء كثيره ... وانتظروا نتائج الموضوع ..

<span style='color:red'>عذوب</span> صدقتي في قولك ان المشكله ان الاهل هم يشجعون اليهال انهم يستخدمون الموبايل ... وبعدين يشكون منهم ... &nbsp;سلمتى عزيزتي على المشاركه ..

<span style='color:red'>القلب المحتاس</span> تسلم على مرورك يااخوي وكفايه بصمتك في موضوعنا فكان أكبر شرف لنا ... واوافقك في الرأي " فإن طريقة الاستخدام هي الاهم " لانها هي التي تحدد النتيجه في نهاية الامر ..

<span style='color:red'>مرهف الاحساس</span> تسلم يااخوي وما اتقصر على المشاركه .. &nbsp;

<span style='color:red'>منصوري الدوله</span> قووول ماشاء الله عن تحسدنا ..على هالكم عضو حليلي <img src="http://oasis.bindubai.com/emoticons/smile.gif" border="0" valign="absmiddle" alt=':)'>
وتعال تو الناس ..زين يوم فكرت اتشارك اصلا ... بس تدري بعد معذور .. لاني ما اغصب العضو ع المشاركه ... متى ما يبون حياهم ...
انت ذكر في ردكك السابق ان باستطاعتنا معالجة ما يقوم به الصغار في حالة العبث انهم يلعوزون الناس .. عن طريق زجرهم ... <span style='color:blue'>لكن شو بيكون ردة فعلك لو الامر اتكرر من قبل الياهل او الطفل نفسه ..</span>
على فكره اشكرك ع المساهمه ..

مشكورين ومااتقصرووون
اختكم / الشوق &nbsp;
<img src="http://oasis.bindubai.com/emoticons/blush.gif" border="0" valign="absmiddle" alt=':b:'> <img src="http://oasis.bindubai.com/emoticons/blush.gif" border="0" valign="absmiddle" alt=':b:'></font>

[ولد الحكومة]

<font color='#736AFF'>السلام عليكم ورحمة الله وبركاته

الشوق ، تسليمن على الموضوع وحبيت اشارك باضافه بسيطه من عندي.

اسئله جميله جداً واشكرج وااااااااااااايد وانشالله بتسمعين الجواب.

<span style='color:red'>ما هو رايكم في هذه الظاهرة ؟؟
والله ظاهرة الهاتف النقال انتشرت بشكل كبير جداً وانا ماعندي مانع بس يستعمل في حاجة الشيء

وليش انت / تستخدم الموبل ؟؟
انا استخدم الموبايل لانه ظروف عملي تسمح لي باستخدام الموبايل وهو مهم جداً في امور حياتي.

كم من الوقت تمضي وقتك عليه وانت تتكلم ؟؟؟
والله تقريبا 3 ساعات بشكل متقطع.

إن كان عندك اخو / اخت صغار تتراوح اعمارهم بين ( 10-17) فهل تشجعهم على امتلاك الموبايل " وليش" ؟
انا ضد اي واحد عمره ( 10 _ ولين ما يخلص الثانويه ) بعدم استخدامه الموبايل.

الا ترى ان هناك اضرار قد تنجم وراء هذه التقنيه الصغيره وهي يد الصغار ...وماهي تلك الاضرار ...
اكييييييييييد سوف يخلف هذا الجهاز الصغير اضرار كبيره ومنها ( المعاكسات )

شو هي الايجابيات اللي اتشوفها بوجهة نظرك ..بامتلاك الاطفال للموبايل &nbsp;</span>
متابعة احوال الأولاد عندما يكونون خارج البيت</font>

[شتشووته]

<font color='#F660AB'>ممممممممممم

حبيت اشكرج حبوبه

بس انا اجووف انه هالشي عادي يعني انا الحينه عمري15 وعندي مبايل لانه الزمن اتغيييييييير بس نحن ما بنتغير جيه نتغير ؟؟ البنت فيها حيا يعني
اذا البنت محترمه لا بيغيرها لا مبايل ولا بطييخ
ممممممممم مادري بس احس انه شي عادي اذا الاهل راضين يعني اذا البنت خذت بالسر شراات ما اتقولوون هاك الساعه انها مب محترمه وجيه
اما انها طلبت من بباتها ورضى خلاص &nbsp;شي عادي لانه كل شخص
يتأقلم ويا بيئته اللي عايشها يعني مب شرط اي بنت ميوده مبايل مب محترمه
انه نحن ما بتغير المبايل ما بيغير شي فينا &nbsp;.............مجرد راي

والسموحه<img src="http://oasis.bindubai.com/emoticons/blush.gif" border="0" valign="absmiddle" alt=':b:'></font>

[القلب الطفولي]

<font color='#000080'>الله بسمه



موضوعج يا في الصميم ..

نعم في هالوقت الكل منا عنده مبايل وصار الواحد يستغرب لو شاف شخص ما عنده مبايل لان هالجهاز صار جزء لا يتجزء من ((الآدمي))

يعني لو تستخدمه او ما تستخدمه او له اهميه او ماله لازم يكون عندك مبايل


طبعا هالظاهره في وجهة نظري على كثر ما اتفيد المجتمع فهي اتخرب واتدمر خاصه الجيل الياي يعني الاهل لما يعطون سواء بنتهم او ولدهم هالمبوبايل ما يدرون عيالهم شو يسوونه به وفشو يستخدمونه

بدءاًَ من المعاكسات ... لين ... هاليهال اللي يطفرون خلق الله ( يسبون يسكرون التلفون )



فـ المبايل في هالحاله يدمر الشباب ( سواء الاناث او الذكور ) اللي هم بيكونون باجر اباء وامهات وبيربون جيل جديد


وبالنسبه لاسألتج اختي :



<span style='color:red'>وليش انت تستخدم الموبايل</span>

استخدمه لاشياء ظروريه يوم اكون برع البيت وابا اتصل فحد
وعسب اتواصل مع ربعي فانا ما احب استخدم تيلفون البيت اصلا


<span style='color:red'>كم من الوقت تمضي وقتك عليه وانت تتكلم</span>

قبل كنت واااااااااايد ( مدمن )

الحين بالكثير ساعتين في اليوم وعلى الاقل ربع ساعه (طبعا مجموع الاتصالات كلها في اليوم الواحد )

<span style='color:red'>إن كان عندك اخو / اخت صغار تتراوح اعمارهم بين ( 10-17) فهل تشجعهم على امتلاك الموبايل " وليش" ؟</span>

انا فديتني اخر العنقود وطبعا انا ما اشجع ان البنت يكون عندها تيلفون لين ما توصل سن 23 تقريبا والولد مم 18 سنه

لان الولد احس انه يكون مسؤال عن نفسه في هالوقت وخالص يقدر يبدا حياه خاصه في ( طبعا بعد تربيه الاهل )

والبنت احس ان من بعد هالسن نقدر نعطيها الموبايل لانها اتكون فاهمه وواعيه

ولكن في نظري ان البنت مهما كبرت وكنا واثقين من تربيتها فينخاف عليها لانها بنت واتعرفين هالايام الشباب اقصد الذياب يتصيدون البنات بكلام حلو واساليب فذه ليخترق قلبها يعني باختصار

كثره الدق يفك اللحام

" وجهة نظر"

<span style='color:red'>الا ترى ان هناك اضرار قد تنجم وراء هذه التقنيه الصغيره وهي يد الصغار ...وماهي تلك الاضرار ...</span>


ذكرت لج الاضرار بشكل عام

<span style='color:red'>شو هي الايجابيات اللي اتشوفها بوجهة نظرك ..بامتلاك الاطفال للموبايل </span>

مم ان على سبيل المثال لو نزلنا الاطفال في مكان وبنمر عليهم عقب
ولكن افضل ان يكون المبايل في يد احد الكبار او على الاقل الخادمه

<span style='color:red'>حقوق الطبع محفوظه لدى الشوق .. في واحات بن دبي .. واتمنى مشاركتكم .. فآراءكم ونقاشاتكم تهنا ..</span>


اوه سوري لا ها مب سؤال <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>




وفي النهايه &nbsp;احب اشكرج على هالموضوع &nbsp;القيم



قلب الطفل</font>

[44444]

<font color='#000000'>يحليلنا ...

والله على أيامنا ..

كنا على أيام البليب ..

كان كل طموحنا نيمع 1000 درهم عشان نظهر بليب ...

الحين ..
الموبايل ب 400 و البطاقة ب 185 درهم .. وتنباع في محطات البترول ..
وصورة جواز الخدامة ولا الدريول .. ابيزة ..

يعني عيدية الفطر كفاية للياهل ,, وما يحتاي يطلب من ابوه و امه ..

على طول عل المحطة ...

شرات ما يشتري كافي من الدكان .. بسير المحطة وياخذ موبايل وكارت ...


عادي يا الشوق ...</font>

[دلوعة ماما]

<font color='#F52887'>عادي هالشي لانه على قولتهم اليهال يحسون بشخصيتهم يوم يمسكون الموبايل على انه عالمهم الخاص..
وليش انت &nbsp;تستخدم الموبايل ؟؟ استخدمه 24 ساعه مشتغلة عالخطين
كم من الوقت تمضي وقتك عليه وانت تتكلم؟؟وااااايد لدرجة انه ياني التهاب في اذني
وباجي الاسئلة بجاوب عليها بعدين الحين بسير اتغدى..:p</font>

[صدى الأيام]

<font color='#000000'><span style='color:blue'>ابصراحة الموضوع في غاية الأهمية والخطورة ......
واللي اخترع النقال ماخترعه حق اليهال سواه عسب
الحاجة ..... وأنا لاحظت في هالفترة الأخيرة الحريم
والريايل يتباهون بأن عيالهم اليهال عندهم موبايل
وسألت مرة وحدة بعد ليش هالصغيرة عندها موبايل
ردت عشان ربيعتها عندها وهي مب أقل منها <img src="http://oasis.bindubai.com/emoticons/sad.gif" border="0" valign="absmiddle" alt=':('>
فلأهل مسوين وايد سالفة لعيالهم ....???
وأنا وأعوذ &nbsp;بالله من كلمة أنا ما استخدم الموبايل إلا للضرورة .</span>

<span style='color:purple'>&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; والسموحة ،،،،،،،،،، صدى الأيام</span></font>

[الجنيه]

<font color='#000000'>السلام عليكم ورحمه الله وبركاته

مشكوره اختي الشوق على طرحج لهاالموضوع اللي بالفعل اصبح يشكل ظاهر قد تصبح خطيره اذا لو يتم التوصل لحل لها.

بالرغم من ان الغرب هم من اخترع واكتشف هالجهاز الا انهم قادرين على استخدامه والاستفاده منه بالطريقه السليمه والصحيحه , أما نحن العرب فقد اعتدنا على تقليد الغرب في اغلب الامور والمشكله لا تكمن في تقليد الظاهره انما في المبالغه والاستخدام الخاطىء.

انا لا ارى مانعا من اقتناء الهاتف النقال انما في كيفيه استخدامه والاستفاده منه ، أما بالنسبه لصغار السن المطالبين لاقتناء الهاتف النقال اقول انه قبل الآن بخمس سنوات اذا ليس اكثر لم يكن الهاتف النقال الشغل الشاغل لاطفالنا كما انه لم يكن كذلك للكبار ايضا اما اليوم فلا بد لكل شخص من امتلاك هاتف نقال او اكثر وقد اعتبره البعض ضروره من ضرورات الحياه مما ادى الى اعتقاد صغار السن بانه ايضا شي ضروروي ومهم للغايه.

اذا في النهايه تقع اللائمه على الكبار قبل الصغار لذا يجب ان بندأ بمحاسبه انفسنا قبل محاسبه الغير.

السموحه على هذه المداخله واتمنى اني ما ثقلت عليكم

اختلاف الراي لا يفسد للود قضيه</font>

[الشوق]

<font color='#000000'>ولد الحكومه <img src="http://oasis.bindubai.com/emoticons/smile.gif" border="0" valign="absmiddle" alt=':)'> اشكرك يااخوي ع المشاركه ومااتقصر ...
انا بعد أفضل عيالي في المستقبل يستعملون الموبايل وهم في الثانويه .. لكن يا ترى مادام هالجيل .
وهم في هالسن يستخدمونه باجر على ايام عيالنا .. شو بيكون الحال ..

شتشووته <img src="http://oasis.bindubai.com/emoticons/smile.gif" border="0" valign="absmiddle" alt=':)'> عزيزتي .. البنت والولد في هالسن هم في مرحله حرجه من العمر اسمها مرحله المراهقه .. واشيا ءتغيرات وايد تطرأ على تفكيرها .. وعقلها ..
ومن السهل جدا ان ينقص عليها .. مع احترامي لبعض البنات اللي موب من هالنوعيه .. لكن بنات وايديات في سن المراهقه يعرفون شباب .. من وراء اهاليهم .. والسبه الموبايل .. &nbsp; &nbsp;

القللب الطفولي <img src="http://oasis.bindubai.com/emoticons/smile.gif" border="0" valign="absmiddle" alt=':)'> طرحت نقطه مهمه .. البنت مهما كبرت &nbsp;والاهل واثقين منها .. فبعد ينخاف عليها .. لانها بنت .. وعنا ذيابه كثار في مجتمعنا ..
وممكن اتكون عاقله وفاهمه واطيح ضحيه من ضحاياهم ... &nbsp;

4444 <img src="http://oasis.bindubai.com/emoticons/smile.gif" border="0" valign="absmiddle" alt=':)'> ايام البليب .. كانت موضوع وماادري ليش اندثرت مره وحده ..
حتى الحينه في المجتمع الاماراتي ما قاموا يستخدمون البليبيا ترى شو السبب .. ؟؟؟
والمشكله اليهال الحينه &nbsp;ما عتدهم سالفه يبون الموبايل بس عسب ربعهم عندهم ... وثاني شي علشان المسجات ..
بس يوم يلعوزون خلق الله .. الصراحه في هالحاله يحتاججون لرقابه ... وعلى الاهل انها اتجيك على الارقام اللي عيالهم يتصلون فيه .. عسب يكونوا مسؤولين عن ابناءهم
ولا يتركون الحابل بالنابل ...</font>

[الشوق]

دلوعة ماما
بيكون عالمهم الخاص .. بس المفروض الاهل يكونوا على رقابه على الفولدرات والاشياء اللي تنحط في تيلفوناتهم .. وهم بعدهم توهم يهال على الاقل المفروض يعرفون تاثير التيلفون على الصحه .. واستخدامهم لهالدرجه .. بس لا تنسين ان الولد صار يصرف ع تيلفونه وعلى بطايق التيلفون بشكل كبير .. وعلى سوالف فاضيه مالها اول من تالي

صدى الايام
اذا اليدات الحينه في هالزمن يا صدى الايام يطالبون بالموبايل بالرغم من انهم ما يعرفون يستخدمونه . فكيف تبين يستكثرون هالشي على اليهال (( ترى المباهاه له دور في الموضوع هالزمن )) الله يعين

الجنيه
للاسف التقليد يوم يكون اعمى ما نبيه يالجنيه للاسف صرنا نتمادى في التقليد .. الحينه ما بتحصلين يهال الغرب وهم في السن السادس او الخامس يستخدمونه ..
.
.
سوري ع التأخير بس ناسيه اني ما رديت عليكم
والسموحه
خويتكم/ الشوق

[ولد الشحوح]

بقول رايي بصراحة الولد قبل ال15 ما يحتاج الموبايل بس في منهم يحتاجونه لفترات يعني اللي يلعب في النادي ويطلع وايد واللي مثلا مشارك في شي وجي بس عقب ال 15 يحتاجه وبشكل كبير لانه بهاي الفترة يبدا يظهر ويا ربعه وجي وطبعا الذيابة اذا تبا تخرب حد بتوصل له لو شو ما كان لو عنده موبايل ولا ما عنده الا اذا كانت التربية سليمة يعني مسؤولية الموبايل تقع على تربية الوالدين
اذا تربى صح ما بيسوي الاشياء ال مب زينة اخوي الصغير اشتروا له مبايل 3 اعدادي لانه يطلع ويا ربعه ويمكن حد يحتاجه في البيت صح انه في الشعبية بس يمكن يكون بعيد شويه عن البيت والحمدلله ما سوى اي مشكلة لانه الحمدلله مربى " جام هخهخه" اما البنت يفضل انها تاخذه بعد الثانوية لانها ما تحتاج له شو بتسوي يوم يوم بيظهرون وليش يظهرون بروحهن والبنات اللي يرمسن شباب وخربانات بيتصيدن اول شي البنات اللي عندهم مبايلات ويعرفونهم على ربعهم وهاي الظاهرة منتشرة وايد لان البنت تتحكم فيها عاطفتها " ناقصات عقل " تنجر وراها وهالشىء يساعد للانحراف عن طريق الموبايل
وجهة نظر

[العتيج]

السلام عليكم ورحمة الله وبركاته ..

نشركر اختنا الكريمة على هذا الموضوع ، لا شك بأن " الموبايل " كغيره من أجهزة التكنلوجيا وسائل الإتصال فله السلبيات والإجابيات ..

وفلو استوقفنا للحظات .. ونظرنا إلى الهاتف المتحرك ومن الجانب الصحي .. فهو مضر أيضاً على البالغين .. فمابالك عندما يستخدم من قبل فئة الـ 10 إلى 17 سنه ..

وحتى هذه الفئة استسمحك في تقسيمها إلى قسمين .. وذلك لأن مستخدم الـ 10 سنوات يختلف عن مستخدم الـ 17 ..

وللنظر للذكور ..

ربما أحد هؤلاء الشباب ذو الـ 16 والـ 17 سنه .. لا يرغب بأن يتصل به صديقه على هاتف المنزل .. غيرةً على حرمة المنزل .. هذا من الجانب الإجتماعي ..
وأيضاً عندما يبلغ الشاب ويبدأ في الخروج حتى ساعات متأخرة عن المنزل .. " :gof: العيوز اتحاتيه " ..

أما من جانب السلعة او الهاتف المتحرك ذاته .. في هي سلعة رخيصة الثمن .. ومتوفره عند الجميع قيمتها ..
ولـــــــــــــــــــــــ ـــــــــــــــــــــــــ ـــــــــــــكـــــــــــ ـــــــــــــــــــــــــ ـــــــــــــــــــــــــ ن :

ماذا إذا كان هذا الهاتف عند بنت في فترة المراهقة ..

هنا تكمن المشكلة .. فالبنت جنس لطيف .. وهذا العمر تظهر مظاهر الأنوثه .. وربما لا تجد من تشاكيه .. فيبدأ سوء الإستخدام .. " ولا ننسى رفقاء السوء " .. ..

وأترك لكم التعليق ..

والسموحه ..

[الشوق]

ولد الشحوح :-
الظاهره هذي انتشرت وبشكل كبير وملفت وسواء كانت البنت او الولد
وقامو الكل يتعذرون بالحاجه
سواء البنت او الولد ..
صرنا انشوف اشياء كثيره من قبل الاثنين ..
.
.
انا من رايي حتى لو كانت التربيه زينه .. لازم يكون هناك متابعه من قبل اولياء الامور ..
وفذيج الحزه راح يتجنبون الخطأ اللي ممكن يصير ويستوي مستقبلا
وتسلم يااخوي على التواجد

[اصايل]

انا ما اعارض ان يمتلك الاطفال موبايل بس ما له داعي يعني ما منه فايده و هم اغلبية الوقت مع اهلهم
بس انا ما اشوف ان له سلبيات لانه انا من عمري 16 سنة عندي مبايل و ما اثثر علي يعني ماله سلبيات بس من اجابياته اذا ظهرت مكان بدون اهلي يقدرون يدقولي و يعرفون وين انا

وليش انت / تستخدم الموبلاستخدم موبايل عشان اسال على صديقاتي اكثر شي بالمسجات..و للضرورة

كم من الوقت تمضي وقتك عليه وانت تتكلم اممم بين النص ساعة و ساعتين .. حسب البنت اللي ارمسها:mar7aba:
إن كان عندك اخو / اخت صغار تتراوح اعمارهم بين ( 10-17) فهل تشجعهم على امتلاك الموبايل " وليش" ؟
امممم عادي ما اعارض بس نفس ما قلت ما له داعي و الحمد الله انا اعرف خواني ما بيستخدمونه استخدام سيئ
الا ترى ان هناك اضرار قد تنجم وراء هذه التقنيه الصغيره وهي يد الصغار ...وماهي تلك الاضرار ...
شو هي الايجابيات اللي اتشوفها بوجهة نظرك ..بامتلاك الاطفال للموبايل
حسب الطفل او المراهق اللي يمتلكه يعني ممكن ان يستلم بلوتوث بصور غير شرعية او اباحيه او ممكن البنت تستخدمه استخدام سيئ
تسلمين على الموضوع اختي الشوق

[مجموعة إنسان]

موضوووع حلو أختي الشوووق ..

أنا ماكان عندي موباايل اللا يوم كنت 2 ثانوي .. ومب ل شي ..
لأن كنت أدرس بعييد عن أهلي .. أنا في رااك وهم في بوظبي ..
..
وو
أنا ضد هذي الظاهرة ان يااهل ما اتعدى ال 10 عنده موبااايل ..
لا والحيين بعد تلفوناتهم أحسن من تلفوناتنا ..
انا لو لا أخوووي ليين الحيين عندي بوليييزر ..
بس أخويي اتكرم واخذلي تلفووون هدية بعد ما خلصت ثانوية ..

تصدقوون ذااك اليوم واااقف عند باب البيييت مع وااحد من ربعي .. يه واحد من صغارية الفرييج صف ثاني اعدادي يسولف اونه ,, يقوول اونه انا اكلم وحده بالتلفوون متعرف عليها ..
طاعوا هذا !!
أنا أكثر مره اتكلمت بالتلفوون نص ساعه .. مب لشي .. كانت عندي مشكله صغيييه وابي احلها ..